عيادة دكتور إسلام عبد الحميد اخصائي الباطنة وأمراض القلب

  • Home
  • Egypt
  • Dishna
  • عيادة دكتور إسلام عبد الحميد اخصائي الباطنة وأمراض القلب

عيادة دكتور إسلام عبد الحميد اخصائي الباطنة وأمراض القلب عيادة دكتور إسلام عبد الحميد
متابعه وعلاج مرضي السكر ومضاعفاتهوعلاج أمراض القلب

23/11/2025

شاب ثلاثيني صحته كويسة جاله ألم بالمعدة و قيء دموي.

اتعمل له منظار معدة و طلعت قرحة معدة بسبب جرثومة المعدة.

أخد علاج ثلاثي للجرثومة من ( كلاريثرومايسن اموكسيسيلين و اوميبرازول ).

٣ـ٤ أيام أيام معدته خفت لا يوجد ألم و لا يوجد قيء، بس هنكمل علاج جرثومة المعدة.

٣ أيام أخري وفاة مفاجئة.

( و الله قصة حقيقية)

الأدوية زي الكلاريثرومايسين و الأزيثرومايسين ( زيثرون و و زيثروماكس )
بتطوّل موجة كهربائية في القلب prolonged QT
و اللي بتعمل نوبات تسارع خطرة في نبضات القلب قد تؤدي للوفاة.

الناس بتشتكي من وصف مضادات حيوية قوية زي الأفيروزوليد لأدوار البرد.
طبعاً لازال دا كلام خطأ

لازال الأفيروزوليد أأمن من الزيثرون اللي بيطوّل الموجة prolonged QT

مع ارتفاع الحرارة اللي بيطول نفس الموجة.

دا سبب كفاية للوفاة.

لو اتوجد سبب ثالث لطول الموجة ( مدرات البول في أدوية الضغط أو نوبات إسهال أو قيء بتقلل البوتاسيوم و الماغنسيوم : دول سبب ثالث لطول الموجة ) فكدا احتمالية الوفاة بسبب الأدوية زادت ٣ أضعاف.

قبل ما تفيد فكر ماتضرش.

ما تشوفوش شر ❤️
منقول

20/11/2025

استخدام الميتفورمين اللي هو جلوكوفاج او سيدوفاج في التخسيس انتشر بكثرة بين الناس سواء من نفسه او بااستشارة طبيب او خلافه.. اولا دواء الميتفورمين مش مثبت علميا استخدامه في التخسيس يعني مش واخد موافقات كتابية من ال FDA و EMA منظمات الدواء الاشهر في العالم فبيستخدم هنا off label يعني بدون اثبات طبي وتحت مسئولية اللي بيكتبه وبأكدلك مش هياخد اثبات في التخسيس ابدا لانه لم يصمم لانقاص الوزن اصلا.. ثانيا الميتفورمين استخدامه مش بيسبب مرض السكر زي مابسمع اشاعات من الناس لانه اصلا دواء لعلاج السكر وبنستخدمه في مرحلة ماقبل السكر لمنع حدوث السكر في بعض الحالات تحت اشراف طبي وفي حالات تكيس المبيض لزيادة حساسية الانسولين فبالتالي عمره ماهيسبب سكري.. ثالثا الميتفورمين مش بيسبب نزول كبير في الوزن زي تخيلاتك بينزل بالبداية 3 ل 4 كيلو وبعد كدا بيثبت في الوزن من خلال تقليل الشهية وتقليل امتصاص السكر وتقليل تكوينه بالكبد. . رابعا مع انه من المتعارف عليه ان الميتفورمين دواء امن جدااا لايسبب الهبوط ولكن في مريض السكر بينما في شخص غير مريض بالسكر لو اخد جرعة ممكن 1000 مجم يوميا او اكثر ممكن يبقي عرضة للهبوط في السكر عادي خالص..خامسا لو الشخص عنده اي امراض بالكلي او المعدة هنا ماينفعش اصلا افكر استخدم ميتفورمين باي حال من الاحوال لانه في بعض الناس بيعمل اسهال شديد واضطراب معدة وكمان مابيستخدمش لو وظائف الكلي مرتفعة قديما كان لو الكيرتانين بالدم اكتر من 1.5 في الرجل او 1.4 في المراة ولكت حاليا الحكم الادق بال EGFR او معدل فلترة الكلي.. سادسا استخدام الميتفورمين ممكن يسبب نقص فيتامين ب 12 لانه بيؤثر علي امتصاصه اللي بيسبب التهاب اعصاب طرفية تنميل وشكشكة وشد عضلي متكرر بس الحقيقة اخر دراسة قراتها علي عدد كبير من المرضي لقوا النقص دا بيحصل مع جرعات اكبر من 2000 مجم يوميا وساعتها هيحتاج متابعة قياس فيتامين ب 12 واحيانا لفيتامين ب المركب مع العلاج... عشان كدا وجب التنويه انه الميتفورمين غير معتمد طبيا في التخسيس واستخدامه في التخسيس ليس له محل من الاعراب.

#منقول

17/11/2025

بقول لمريض سكر بياخد انسولين عندك جهاز سكر عشان تسجل قياساتك ؟
- بسرعة رد ايوه معايا جهاز سكر طبعا نت عارف يادكتور انا اشتريتله ليه ؟
- بصتله كده و قلتله عشان تتابع سكرك َوجرعات الانسولين
= قالي لا ابدا ، عشان خفت لان اخويا كان اكبر مني عنده سكر فلاح جي من الغيط عرقان وبيرتعش وعينه مزغللة وماكانش عنده جهاز سكر افتكر نفسه سكره عالي فحقن جرعة انسولين دخل غيبوبة هبوط شديدة واتوفي بعدها عشان كدا اشتريت جهاز سكر ولما بحس باي اعراض تعب بقيس واعرف سكري عالي ولا واطي.

انا في نفس اللحظة افتكرت حالة جاتلنا الاستقبال وكنت يومها مع زمايلي الرعاية قاعدين سوا في اوضتنا في الاطفال في النوبتشية بلغوهم ان في حالة arrest يعني عندها توقف عضلة القلب معاهم في الاستقبال فنزلت معاهم يمكن اساعد بحاجة.
نزلنا لقينا طبيب الاستقبال بيشتغل عليها انعاش قلب وهو بيقولنا ان الحالة وصلت متوفية اصلا بس هو اشتغل وبلغنا عشان مراعاة لنفسية زوجها اللي كان واصل معاها ومنهار كل دا طبعا بمصطلحات طبية
المهم بعد ماكملنا شغل لعدة دقايق اعلنا الوفاة.
الزوج اتحول ونزل سب في الاطباء بلا استثناء.
فبعدين زميل ليا اتدخل كدا وقاله هو قبل ماتيجوا ايه اللي حصل ؟
- رد بعصبية قال لقتها بتعرق وترتعش وبتقول ضربات قلبها سريعة ومصدعة وعينها مزغللة اه والله بالظبط كدا قال دا بعدين كدا كلنا بصينا له ومتوقعين اللي هيقوله فسألناه قيستلها السكر ؟
- قال لا انا ماعنديش جهاز بس قولت اكيد يعني سكرها عالي.
= فعملت ايه بقي كمل ؟
- جبت قلم الانسولين بتاعها وحقنتها عشرين وحدة.
لحد هنا وكلنا اتصعقنا وقلنا للممرضه اللي معانا كلمي السويتش وهاتي الامن في محضر هنا.

الواضح انه مش عامل كدا متعمد والا ماكانش حكي بس مافيش نوايا انت بتعمل محضر وجهات التحقيق بتشوف
هو للاسف المريضة كانت في نوبة هبوط سكر وهو حقنها انسولين دخلها غيبوبة.، للاسف القصتين حصلوا و نتعلم منهم حاجتين:

- اي مريض سكر بياخد انسولين او حتي لو مابياخدش واكثر عرضة لارتفاعات وانخفاضات سكر لازم يبقي عنده جهاز قياس سكر بالمنزل.
لازم تعرف المريض اعراض هيوط السكر وارتفاعه وخصوصا الهبوط وهي:
( عرق غزير بارد- رعشة بالاطراف- زغللة بالعين
ضربات قلب سريعة- رفرفة بالصدر- بهتان بالشفايف
صداع متزايد - شعور بالجوع- تغيير حاد مفاجئ في المزاج - قلة تركيز وضعف ادراك حسي )

احيانا التوعية لا تقل اهمية عن العلاج.
منقول

دواء «ويجوفي» من شركة نوفو نورديسك… دواء جديد لعلاج السمنة وأمراض التمثيل الغذائييشهد العالم الطبي في السنوات الأخيرة ا...
13/11/2025

دواء «ويجوفي» من شركة نوفو نورديسك… دواء جديد لعلاج السمنة وأمراض التمثيل الغذائي

يشهد العالم الطبي في السنوات الأخيرة اهتماما كبيرا بعلاج السمنة باعتبارها مرضا مزمنا يزيد من خطر الإصابة بالسكري وأمراض القلب والكبد الدهني.
وفي هذا الإطار قدمت شركة نوفو الدنماركية دواءها الجديد ويجوفي (Wegovy) الذي أحدث نقلة في مجال علاج السمنة وتنظيم عمليات الأيض.
ما هو ويجوفي؟
يحتوي ويجوفي على المادة الفعالة سِماجلوتايد (Semaglutide)، وهي من فئة الأدوية التي تعرف باسم منبهات مستقبل الببتيد المشابه للجلوكاجون-1 (GLP-1 receptor agonists).
تعطى جرعته حقنا تحت الجلد مرة واحدة أسبوعيا بتركيز تصاعدي حتى 2.4 ملج ويستخدم مع نظام غذائي منخفض السعرات ومع نشاط بدني منتظم.
آلية عمله :
يحاكي السِماجلوتايد عمل الهرمون الطبيعي GLP-1 الذي يفرز من الأمعاء بعد تناول الطعام ويعمل على عدة محاور:
1. في المخ: يثبط مراكز الشهية في (hypothalamus) فيقل الإحساس بالجوع.
2. في المعدة: يبطئ تفريغها مما يطيل الشعور بالشبع.
3. في البنكرياس: يزيد إفراز الإنسولين بوجود الجلوكوز، ويقلل إفراز الجلوكاجون.
4. في الكبد والأنسجة الطرفية: يحسن مقاومة الإنسولين ويحسن ميتابوليزم الدهون.

بهذه الآلية يساعد ويجوفي في خفض الوزن وتحسين سكر الدم وتقليل الالتهاب .
علاقة ويجوفي بأوزيمبك
يحتوي أوزيمبك (Ozempic) أيضا على نفس المادة الفعالة سِماجلوتايد، لكن بتركيزات أقل (حتى 1 ملغ أسبوعيا) ومعتمد أساسا لعلاج السكري من النوع الثاني.
أما ويجوفي فتمت الموافقة عليه خصيصا لعلاج السمنة، حيث تصل جرعته إلى 2.4 ملج أسبوعيا وهي جرعة أعلى لتحقيق التأثير على الوزن والشهية.
أي أن ويجوفي هو النسخة المخصصة لإنقاص الوزن من نفس الدواء الأساسي المستخدم في أوزيمبك.
طريقة الاستخدام وتصاعد الجرعات
للتقليل من الغثيان واضطرابات المعدة، ترفع الجرعة تدريجيا على مدى 16 أسبوعا تقريبا كما يلي:
• الأسبوع 1–4: 0.25 ملج أسبوعيا
• الأسبوع 5–8: 0.5 ملج أسبوعيا
• الأسبوع 9–12: 1 ملج أسبوعيا
• الأسبوع 13–16: 1.7 ملج أسبوعيا
• ابتداء من الأسبوع 17: 2.4 ملج أسبوعيا (الجرعة المستهدفة)

يحقن الدواء تحت الجلد في البطن أو الفخذ أو الذراع في نفس اليوم كل أسبوع مع أو بدون طعام.
وفي حال نسيان الجرعة، يمكن أخذها خلال خمسة أيام من الموعد الأصلي.
دواعي الاستعمال المعتمدة
• السمنة عند البالغين والأطفال فوق 12 سنة.
• زيادة الوزن المصحوبة بأمراض مثل ارتفاع الضغط السكري من النوع الثاني أو اضطراب الدهون.
• تقليل خطر الجلطات والسكتات القلبية عند مرضى القلب الذين يعانون من السمنة.
• لعلاج مرض الكبد الدهني غير الكحولي (NASH) إذ أظهرت دراسات مبكرة أن السِماجلوتايد يحسن الالتهاب الكبدي ويقلل من تراكم الدهون في الكبد عبر تحسين مقاومة الإنسولين وتقليل عوامل الالتهاب .
التحذيرات والاحتياطات
يحمل ويجوفي تحذيرا أساسيا (Boxed Warning) لاحتمال إحداث أورام في خلايا C بالغدة الدرقية في الدراسات الحيوانية.
لذلك يمنع استعماله في:
• من لديهم تاريخ شخصي أو عائلي لسرطان الغدة الدرقية (MTC).

كما يستخدم بحذر في:
• التهاب البنكرياس الحاد.
• أمراض المرارة أو الكلى.
• اعتلال الشبكية السكري.
• عند استخدامه مع أدوية خافضة للسكر لتجنب هبوط الجلوكوز.
الفوائد المثبتة :
• انخفاض متوسط الوزن بنسبة تتجاوز 15% من الوزن الأصلي في الدراسات الممتدة لعام.
• تحسن في مؤشرات دهون الدم وضغط الدم ومستويات الجلوكوز.
• تقليل خطر الوفاة القلبية والجلطات لدى مرضى القلب والسمنة.
• نتائج واعدة في تحسين التهاب الكبد الدهني (NASH) وتحسين بنية الكبد في المراحل المبكرة من المرض.
من المنتظر الظهور في الصيدليات المصريه قريبا

ارتفاع ضغط الدم من أكتر الأمراض المنتشرة . لكن الأخطر إن ناس كتير بتتعامل معاه على إنه "حاجة بسيطة" أو تجرب أدوية من نفس...
29/10/2025

ارتفاع ضغط الدم من أكتر الأمراض المنتشرة .
لكن الأخطر إن ناس كتير بتتعامل معاه على إنه "حاجة بسيطة" أو تجرب أدوية من نفسها.

والحقيقة إن كل مريض ضغط حالته مختلفة، والعلاج لازم يكون تحت إشراف طبي دقيق علشان نحافظ على القلب، الكلى، والمخ من أي مضاعفات خطيرة.

✔ راقب ضغطك بانتظام
✔ التزم بالعلاج اللي كتبه الطبيب
✔ وغيّر نمط حياتك للأفضل

الضغط بيتعالج بالعلاج.. مش بالتجربة.💛

___________________________________________
د.إسلام عبد الحميد
اخصائي الباطنة وأمراض القلب
عناوين العيادة :
1. دشنا - شارع مصر أسوان - أمام كوبري المركز
للحجز والاستفسار: 01148280074
⏰ مواعيد العيادة:
من 9 صباحاً لـ 2 ظهراً
من 8 عصراً لـ 10 مساءًا
2. أبو مناع بحري - شارع هواره - خلف مدرسة ناصر
للحجز والاستفسار: 01507749033
⏰ مواعيد العيادة:
من 5 مساءً لـ 8مساءًا
عنوان المعمل :
دشنا - أمام مسجد السادات - بجوار مركز د. عمر أبو القاسم

سمعت عن قصور الشريان التاجي⁉أكيد سمعنا عنه قبل كده، لكن هل تعرف بيحصل إزاي؟ 🤔قصور الشريان التاجي بيحصل لما تتكون ترسبات ...
25/10/2025

سمعت عن قصور الشريان التاجي⁉
أكيد سمعنا عنه قبل كده، لكن هل تعرف بيحصل إزاي؟ 🤔

قصور الشريان التاجي بيحصل لما تتكون ترسبات دهنية فيها كوليسترول داخل شرايين القلب 🫀
👈🏻 وده بيخلي مرور الدم والأكسجين لعضلة القلب أصعب، فالقلب مبياخدش احتياجاته الكاملة من التغذية.

🔹 الأعراض الشائعة:
⚠ ألم أو ضغط في منتصف الصدر أو في الجانب الأيسر منه
⚠ ضيق في التنفس
⚠ إرهاق وضعف عام
⚠ وفي الحالات الشديدة… ممكن توصل لـ نوبة قلبية

✨ خلي قلبك في أمان، وابدأ دايمًا بالوقاية والمتابعة الدورية، لأنها بتفرق في كل حاجة ❤

___________________________________________
د.إسلام عبد الحميد
اخصائي الباطنة وأمراض القلب
عناوين العيادة :
1. دشنا - شارع مصر أسوان - أمام كوبري المركز
للحجز والاستفسار: 01148280074
⏰ مواعيد العيادة:
من 9 صباحاً لـ 2 ظهراً
من 8 عصراً لـ 10 مساءًا
2. أبو مناع بحري - شارع هواره - خلف مدرسة ناصر
للحجز والاستفسار: 01507749033
⏰ مواعيد العيادة:
من 5 مساءً لـ 8مساءًا
عنوان المعمل :
دشنا - أمام مسجد السادات - بجوار مركز د. عمر أبو القاسم

Address

دشنا شارع مصر اسوان أمام كوبرى المركز
Dishna

Website

Alerts

Be the first to know and let us send you an email when عيادة دكتور إسلام عبد الحميد اخصائي الباطنة وأمراض القلب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category