عيادة الدكتور/ شاكر محمد عطية لطب الأطفال وحديثي الولادة

04/05/2025

نوبة ..حبس النفس في الاطفال
كأن روحه هتطلع بجد و بيزرق ..الام تعمل ايه ..والسبب ايه👇
دي نوبة حبس النفس و سببها كتر البكاء و الغضب الشديد ..بتبدأ بالبكاء و يحبس الطفل انفاسه لثواني و بيرجع تاني نفسه ...بتحصل من سن 6 شهور لغاية الخمس سنين ...
المطلوب منك كأم... تهدي و ماتصرخي في الطفل و لا تهزي فيه خاااالص و تراقبي نفسه لحد ما يرجع...
امتى اقلق لما الموضوع يتكرر كتير و فترة طويلة لحبس النفس و لو وصل لحد الاغماء يبقى لازم استشارة طبيب...

د.شاكر عطية
استشاري طب الاطفال
دمياط الجديدة
ش.النيابة الادارية

Check out Donna Kemp | Travel Advisor’s video.

24/12/2024

22/12/2024

أولادنا ...و الكحة اليومين دول
الجو متقلب جداً اليومين دول.. والأطفال معظمها عنده كحة...
و الكحه رجعت زي كل بداية الشتا وأكتر ،، والامهات بتقول لي..اعطيت دوا واثنين لابني...والكحة مش بتخف!!?
اليكم بعض النصائح والتصحيح..لسلوكيات..واعتقادات خاطئة..لحماية اولادنا..ولنعرف معا بعض ما يجب ان نعرفه
# بلاش تخفيف الملابس فجاة..او الخروج من جو.. لجو بدون دواعى ،،.. فتغير درجة الحراره من أقوي اسباب عدم تحسن الكحه او زيادتها،،
# الكحة بتاخد تقريبا من اسبوع -اسبوعين علشان تنتهي
الالتهاب الشُعبي قد يحتاج موسع شعب ..ودا الافضل ويستحسن يكون جلسات استنشاق وبالأخص في السن الصغير ،، لكن المهم نلاحظ ان الطفل ينام كويس,,ومش كسلان ..ويرضع كويس بدون نهجة...أو نتة
#لو فيه نهجة..او صعوبة فى التنفس..او التنفس سريع بزيادةعن المعتاد.....
هنا استشاردة الدكتور ضرورية جدا ,,,,
علشان لو فيه الالتهاب الرئوي..يتم علاجه مبكرا
# انتبهوا من الكروب (الخناق) كحة ببحة -صوتها مزعج ..وتشعر فيها ان الطفل مخنوق ..ويكون الجزء الملتهب هى الحنجرة...او الجزىء العلوى من الجهاز التنفسي
,,علاجة جلسات,,استنشاق الأدرينالين و بالميكورت .... مع بريندوزيلون او ديكسا شراب لمدة 3 ايام
علي حسب درجة الحالة.
لا نحتاج موسع شعب اطلاقا..او جلسات فاركولين..فى هذه الحالة
#لو الطفل عنده حساسية انف (مناخيرة سايبه ،،لاكتر من اسبوعين ومتكررة.).. لازم تتعالج..لانها سبب قوي لزيادة الكحة..وعلاجه غالبا..ب
نقط الأنف بمحلول ملح ..وقد نحتاج لبخاخ بالانف لبعض الوقت..
# مع الكحة ونزلات البرد...نكثر من..سوائل دافيه+ ملعقة عسل ابيض+عصرة ليمون معها....مفيدة جداً ونتايجها هايلة بالتجربه مع الاطفال بعد سن 6 شهور.ودا افضل مذيب وعلاج للكحة في الوقت ذا ته،،و ،، بلاش ادوية الكحة و (مذيبات للبلغم) قبل سن سنه ،، لانها بتزود الكحة احيانا..،،
#حساسية صدر ..تشخيصها..يلزم ان تكون كحة وتزييق..بشكل متكرر..ويكون هناك تاريخ عائلي..للحساسية الصدر...مش اى شوية كحة يبقى حساسية صدر
ونعيش عمرنا..فى قلق ..وكل شوية عند الدكتور،،بلا داعي
واذا كان التشخيص صحيح..وفيه فعلا حساسية..الامر علاجه بسيط وتدرجي ...
ونبعد عن المُثيرات.. سجااااااير-بخور-تراب-دخان--والروايح النفاذه......للوقاية...

☝️الطفل اللى بيروح حضانه وتعبان،، يريح في البيت كم يوم ،، دا علشانه وعلشان خاطر الاطفال اللي هناك ،،معظم اسباب الكحة من الإختلاط والعدوى للأسف...
وربنا يحميكم..ويحمى اولادنا ..

مع تحياتي
د شاكر شوقى عطية
استشارى و رئيس قسم الاطفال
دمياط الجديدة-ش.النيابة الادارية
للاستفسارات واتس اب
01007713894

10/02/2024

مع عودة المدارس..بعض الاطفال تحتاج لرضعة او اثنين اثناء غياب الام...
وافضل نوع حليب بلا منازع هو حليب الام..فقط نعرف الزاي نعصره والطريقة السليمة لحفظه ولمدة كم
واليك ايتها الام الحديثة
الطريقة الامثل لحفظ واستخدام لبن الام

اولا غسل اليد بالماء والصابون جيدا قبل التعصير وتعقيم العبوة المستخدمة

*خزني لبن الثدي في زجاجة نظيفة مصنوعة من الزجاج أو البلاستيك الخالي من مادة ال bpa
(يتوفر في الصيدليات أكياس بلاستيكية مصممة مخصوص لتخزين لبن الأم)

**مدة الحفظ

▪️في درجة حرارة الغرفة.. حتي ٤ ساعات

▪️في الثلاجة (عالرف) في حرارة ٤ درجة مئويةحتي ٤ أيام

▪️في الفريزر في درجة حرارة - 16 حتي ٦ شهور

#أكتبي علي كل عبوة تاريخ التعصير ، نستخدم العبوة الأقدم في التاريخ

**التجهيز 🔥

_سخني اللبن في حمام ماء دافئ..ممنوع الغلي
لو متجمد في الفريزر نسيبه لحد ما يفك بعدين نسخنه ، # # #ممنوع الميكرويف

🍼بعد فك تجميد اللبن نستخدمة في خلال ساعتين
#ممنوع إعاده تجميدة بعد الفك
#ممنوع إستخدام اللبن المتبقي من الطفل في مرة آخري
🍼اللبن يرج جيدا قبل ما نديه للطفل لأنه ممكن يفصل من التخزين
ملحوظة...ينفع تعملي كدة لو انت رايحة مناسبة..وهيبقي فيه احراج او صعوبة ترضعي طفلك فيها

12/12/2023

من اسئلة الامهات
الكحة في اول شهر من عمر الطفل

10/12/2023

من اسئلة الامهات....وممارسات خاطئة في تغذية الطفل
اهلا وسهلا بأسئلتكم واستفساراتكم اي وقت..
وستجدون الرد في اقرب وقت
د شاكر عطيه
استشاري طب الاطفال
دمياط الجديدة...بواكي الستين
ش النيابة الادارية
ت01007713891

08/12/2023

الرضاعة ..والسوائل المنزلية,,للاطفال
- يجب ان تبدا الرضاعة بعد الولادة مباشرة...
-حليب السرسوب في الساعات الاولي غني جدا بالمضادات الحيوية..وكميته تكون قليلة ..فلا تقلقي
-يجب ان يتناول الطفل رضعة كل 2-3 ساعات..او حسب حاجة الطفل..وهذا يزيد ادرار الحليب
-لا تتركى الطفل بدون رضاعة لفترة اكثر من 5 ساعات حتي لا يدخل في نقص السكر
-- لا تقدم اى سوائل للطفل الذى يرضع من الثدى خلال اول 6 شهور من العمر لانها قد تؤثر سلبا على الرضاعة الطبيعية
-تبدأ التغذية المكملة..من نهاية الشهر الخامس...ويستحب اضافة نوع واحد كل 3 ايام..
-السوائل مثل الكراوية والينسون والنعناع لا تحتوى على اى سعرات حرارية او اى قيمة غذائية كما ان تناولها خصوصا بكثرة تؤدى الى امتلاء معدة الطفل وبالتالى قد يحجم الطفل عن رضاعته
- قدتقدم بكميات محدودة للطفل الذى يرضع صناعيا للتهدئة
- عصير البرتقال الطبيعى وليس المعلب مفيد فى علاج الامساك
- افضل التحول للتغذية بالكوب بدلا من الرضاعة في عمر 9-12 شهر للمحافظة عل الاسنان
-لا تتركى الرضاعة -الببرونة-في فم الطفل وهو نائم..فهذا يؤدى لتسوس وتشوه الاسنان..
مع تمنياتي بالصحة لكم ولاطفالنا
د شاكر محمد عطية
استشارى طب الاطفال
دمياط الجديدة_ش النيابة الادارية
ت 01007713891

07/12/2023

من اسئلة الامهات..تاخر الحمام عند الاطفال

06/12/2023

اهلا وسهلا بأسئلتكم واستفساراتكم اي وقت...وستجدون الرد في اقرب وقت
د شاكر عطيه
استشاري طب الاطفال

03/12/2023

الكحة...واولادنا
مع بداية فصل الشتاء يكون السعال أكثر عرض ييزعج الآباء ولكن السعال البسيط لا يمثل اي مشكلة و هو بمثابة وقاية للصدر و ينتتج عن الاستنشاق لأي غريب عن الجهاز التنفسي أو بقايا الالتهاب فى الجزء العلوي أو السفلي من الجهاز التنفسي و بقاءه قد يتسبب في التهاب رئوي
فلنطمئن أن السعال البسيط مفيد وليس ضار.

فإذا كان طفلك يعاني من السعال فبالطبع تبحث عن طرق لتهدئته ولكن إذا كان طفلك أقل من 4 سنوات من العمر، فيجب عليك الابتعاد عن ادوية الكحة، سواء المتاحة دون وصفة طبية أو الموصوفة. ذلك لأن معظم ادوية السعال هي ضارة في الواقع. فهي تجعل بعض الأطفال مفرطي النشاط، ويشعرون بالدوار، واضطراب النوم وهي غير آمنة للأطفال دون سن 4 سنوات.
طيب نعمل لاولادنا ايه مع الكحة؟
اليك بعض الطرق الآمنة:
شفط الأنف للطفل الرضيع ودون سن المدرسة يساعد على تهدئة السعال
وغسيل الأنف بمحلول الملح يساعد في تقليل حدة السعال الناتج عن افرازات ماخلف الأنف
الشوربة الدافئة مع عصير الليمون علاج فعال للسعال الناتج عن دور البرد
مشروب دافيء محلى بالعسل
الوضع شبه الجالس يعمل على اخراج المخاط وتهدئة الكحة ..
جلسات الاستنشاق حسب وصف الطبيب....
ونلجأ للطبيب..فقط اذا كانت الكحة مصحوبة بنته او صعوبة في التنفس او زيادة في عدد مرات التنفس عن المعتاد..او ظهرت فجأة اثناء لعب الطفل..
لا تستخدم أدوية السعال في الأطفال أقل من ٤ سنوات حيث ضررها أكثر من نفعها وقد تسبب آثار جانبية خطيرة.
السعال البسيط مفيد..وسيختفي خلال فترة اسبوع لاسبوعين بدون اي علاج وبالسوائل الدافئة مع العسل والليمون وبللمحافظة فقط..
دشاكر عطية
استشاري طب الاطفال