13/04/2026
🟢سرعة الترسيب عندك 50 >>> يبقى تاخد بنسلين🟢
❌ دى تقريبا من أكتر الجمل الغلط اللى بتتقال فى العيادات ❌
❇️سرعة ترسيب الدم عبارة عن تحليل بيستخدم للكشف عن نشاط الإلتهابات في داخل الجسم. يعنى سرعة الترسيب ليست مرضا أو تشخيصا فى حد ذاتها ولكنها تساعد فقط فى تشخيص ومتابعة نشاط بعض الأمراض
❇️أسباب ارتفاع سرعة الترسيب
◀️لايوجد سبب واحد يؤدي إلى ارتفاع سرعة الترسيب فهناك ظروف طبيعية تسبب ارتفاع سرعة الترسيب مثل الدورة الشهرية والحمل، وهناك أسباب خطيرة جدا تسبب زيادة سرعة الترسيب مثل الأورام السرطانية والذئبة الحمراء
❇️بعض( وليس جميع) أسباب إرتفاع سرعة الترسيب
1 الإصابة بالأنيميا وخاصة إن كانت الأنيميا شديدة
2. الإصابة بالروماتويد.
3. الإصابة بالحمى الروماتزمية.
4. الحمل والرضاعة.
5. الدورة الشهرية لدى النساء.
6. نزلات البرد والأنفلونزا.
7. وجود أي التهابات بالجسم.
8. حمى البحر المتوسط.
9. الأورام السرطانية.
10. زيادة نسبة الكولسترول بالدم.
11. التهاب اللوزتين.
12. تناول بعض الأدوية والعقاقير مثل عقاقير منع الحمل، وأدوية علاج ضغط الدم المرتفع، وغيرها من العقاقير والأدوية.
13. قصور عمل الغدة الدرقية.
14. تضخم الغدة الدرقية.
15. الإصابة بالدرن
❇️❇️السؤال المهم بقى اللى كل بيسأله............نعالج سرعة الترسيب إزاى؟؟
✅زى ما اتفقنا وقولنا قبل كده إن سرعة الترسيب عرض وليست مرض له علاج معين
يعنى لو سرعة الترسيب ارتفعت هنبحث عن سبب ارتفاعها ونعالج السبب ده وبالتالى سرعة الترسيب هتنزل لمعادلاتها الطبيعية
🟢يعنى اللى عنده سرعة الترسيب مرتفعة ياخد حقنة البنسليين طويل المفعول ولا ايه؟؟
لا مش هيحتاج حقنة طويل المفعول الإ إذا كان سبب الإرتفاع ده هو الحمى الروماتزمية (ودى طبعا تشخيصها بيتطلب فحوصات تانية مش مجرد سرعة الترسيب)
◀️◀️لو عملت تحليل وظهر فيه ارتفاع سرعة الترسيب ESR كل اللى عليك تكشف عند طبيب روماتيزم ومفاصل علشان يشخصك ويوجهك فى الاتجاه السليم.
◀️◀️الكشف عند الطبيب المتخصص بيوفر عليك كتير من الوقت والفلوس والمجهود وهيريحك من فحوصات ولف كتير ليس له أى داعى.
✅✅إكشف صح 👈👈👈تتعالج صح✅✅
د. مصطفى المناوى
دكتوراه و استشاري أمراض الروماتيزم والمفاصل والمناعة
