Dr. Diaa Samir د. ضياء سمير

15/06/2024

كل عام وانتم بخير وأفضل حال 🕋

09/04/2024

عيد سعيد عليكم ❤️
وايامكم كلها فرحة ❤️

15/03/2024

سؤال شائك وإجابات غلط كتير متداولة عن التمر ، هل هو معانا ولا علينا !؟🤔

سعرات التمر تتراوح بين 65 الي 95 كالوري لل 3 تمرات
حسب النوع 🌴

نسبه الالياف في ربع كوب من التمر 12% من حاجة الألياف اليومية للفرد 🌴

يحتوي على نسب مرتفعة من الكالسيوم والبوتاسيوم والمغنيسيوم والنحاس و B6 ونسب أقل من الحديد وحمض الفوليك وفيتامين K 🌴

يحتوى على مركبات الفلافونويد وتساهم في تقليل الإلتهابات الإصابات بالأمراض المزمنة زي السكري 🍭

يحتوي على الكاروتنويدات التي تدعم صحة القلب والعيون 💘👁️

يحتوي على حمض الفينوليك المضاد للإلتهابات ويقلل خطر الإصابة بأمراض القلب والسرطانات 🖤

يرفع مستوى السكر ببطئ وبشكل ثابت وغير مفاجئ مما يجعله مناسب لبعض مرضى السكري ومقاومة الأنسولين 🍭🧁

يقلل من حدوث إحتباس البول وأمراض الضغط لإحتوائه على البوتاسيوم الذي يعكس اثار ارتفاع الصوديوم 🩸

يحتوى على ألياف ذائبة في الماء تسمى (البيتاجلوكان) والتي تساعد في معادلة سكر الدم وقلة امتصاص الكوليسترول وعلاج الإمساك 🚽🫧

يزيد حساسية عضلات الرحم عند الولادة لتأثيره المشابه لهرمون الأوكسيتوسين 🤰🏻🤰🏼

أظن كدة عرفتوا لوحدكم هو معانا ولا علينا ؟! 🫱🏻‍🫲🏾🙏🏻

لو حابين معلومات أكتر تفيدكم في حياتكم
تابعوني على منصات التواصل الإجتماعي 💙
وكل سنة وانتم طيبين ❤️
دمتم بصحة وعافية

معتمد دولي في التغذية العلاجية AIO
أخصائي العلاج الطبيعي والتغذية العلاجية
عضو الجمعية العربية العربية للتغذية الصحية والعلاجية
عضو الجمعية المصرية لعلوم السمنة والنحافة
معتمد من الجمعية الأمريكية للتعليم الطبي المستمر AACME

للحجز والمتابعة أونلاين :
0111-25-23-011

وللكشف في العيادة
10 ش الجهاد - ميدان لبنان - المهندسين
We Care Clinic
#دايت #ريجيم #تخسيس #تغذية #سمنة #نحافة #دولي #السعودية #اليمن #مصر #الاردن #نحافة #الامارات #ليبيا #السودان #رمضان #رمضان٢٠٢٤

11/03/2024

شوية حاجات لو عملناها ف رمضان هنخرج منه بصحة تمام ووزن تمام 🫱🏻‍🫲🏾 ✔️
وكل سنه وانتم طيبين ❤️🌙

مشكلة كل موسم ان الوزن بيزيد في رمضان رغم ان المفروض العكس 🙃
ودا بسبب طريقة ونوعية الاكل الغلط 😶

خلينا نشوف يلا ازاي نلحق ما تبقي من رمضان ونظبط نفسنا فيه و ( ما لا يدرك كله لا يترك كله ) 😋

🔴 الفطار 🔴

3 بلحات على نص كوب حليب

ثم كوب ماء وممكن 3 م شوربة

نروح نصلي بقي او نقوم نغرف الاكل والمده دي مهمة جدا لتهيئة المعدة للجريمة اللي جايه بعد شويه 😂 10:20 دقيقة

نيجي نبدأ بسم الله ولازم افطارنا يكون فيه سلطة ويستحسن نبعد عن المسبكات والمونزاريلا والحاجات الدسمة والمليانه زيوت او سمن نباتي

و واحنا بناكل نفتكر ان دي مش اخر مره ف حياتنا هناكل فيها فمش لازم الافتراء في الاكل 😐

بلاش عصائر بودرة صناعية لانها مليانة صوديوم وبتزود احتباس الماء في الجسم

ومش محتاجين تعرفوا ان المشروبات الغازيه ممنوعة 😏 وهنعرف مع بعض اضرارها ف بوست تاني حتى لو كانت دايت بدون سكر

بعد الاكل نقول الحمدلله ونشرب كوب ماء

🔴الحلويات🔴
ناكلها بعد التروايح بعد 4 ساعات من الافطار
وفي نظرية تانية بتقول ناكلها بعد الفطار مباشرة بدون فاصل
قطعه او 2 بحد اقصى ⚠️ و 3 ايام في الاسبوع بس 🙊

مقولناش ممنوع اهو ☺️

نشرب قبلها كوب ماء وبعدها كوب ماء ع طول 🌟

الشاطرين بقي اللي ياكلوا فاكهة طبيعي بدل الحلويات 👏
ومننساش نشرب مياه

بالنسبة للمشروبات الدافية لو شاي مثلا محبوب الجماهير يكون بعد التراويح احسن

ننام بقي ونصحى للسحور ولو سهرانين ممكن نتسلى بكبشة سوداني او فشار وبالف هنا 🍿

🔴السحور🔴
كل اما يكون متأخر كل اما يكون افضل

الفول حبيب المصريين وعليه م زيت زيتون و رشة كمون
وممكن شوفان باللبن

العيش البلدي افضل من الابيض

مننساش السلطة او حتى خيار ع الاقل

كده اتبقي لينا 3 بلحات ونشرب المياه

ونصلي الفجر وننام بصحة وعافية 😴💤

لو في استفسارات او اضافات عندكم وناخد الرأي فيها ونشوف اي الافضل واي اللي هيبوظ الدنيا اكتر اتفضلوا

فولو ولايك وشير وتابعوا كل جديد مع

10/03/2024

🌙 كل عام وأنتم بخير 🌙

اللهم كما بلغتنا رمضان بلغنا ما نود وإجعل لنا دعوة لا تُرد وهب لنا رزقا لا يعد وإفتح لنا باباً إلي الجنة لا يسدُ ❤️🤲🏻

02/01/2024

شكرا جزيلا د ضياء سمير

05/12/2023

كنا فين 🙁 وبقينا فين 😌
على من #السودان
واحد من أبطالنا الصغيرين 💪🏻

بدأ رحلته العلاجية في عمر 11 شهر وكان وزنه 4.3 كيلو بس!
الحمدلله ومع إهتمام والدته وصلنا للوزن المثالي بالنسبه لسنه
🌟ونتمنى له تمام الشفاء ♥️

طول ما فينا روح نقدر 💪🏻

للحجز والاستفسارات : 1112523011


أخصائي العلاج الطبيعي والتغذية العلاجية
عضو الجمعية العربية للتغذية الصحية والعلاجية
عضو الجمعية المصرية لعلوم السمنة والنحافة
معتمد من الجمعية الأمريكية للتعليم الطبي المستمر

#تغذية



#نحافة
#سمنة
゚

04/12/2023

هنتكلم عن موضوع مهم لصحة وسلامة البيبي 👶🏻 وأم البيبي 🤱🏻

ليه قولنا الكبدة الكتير ممنوع للأم في فترة الحمل ؟

لإنها من اكتر المصادر الحيوانية الغنية بفيتامين أ

بس فيتامين أ مهم للأم والبيبي و النقص الحاد فيه وخصوصا في اخر 3 شهور ف الحمل ممكن يصيب الأم بعمى ليلي وللأسف ممكن كمان الأم تموت في فترة الحمل 🥀

هل معنى كده نلحق نفسنا ناخد مكملات غذائية فيتامين أ أو ناكل الكبده بما انها غنية بفيتامين أ ؟ 🤔

الاجابة لأ لأن فيتامين أ ماشي بمبدأ ( اللي يزيد عن حده يتقلب ضده) 🙃

الزيادة من فيتامين أ في فترة الحمل تؤدي إلي :

- إصابة الجنين بمتلازمة حمض الريتيونك Retinoic Acid Syndrome ودي بتسبب تشوهات وعيوب خلقية للجنين 😢

- اصابة الام بتسمم الكبد ومن اعراضه: دوخه ضبابية ، الرؤية ، صداع ، الترجيع ، فقدان الوزن ، تقشر الجلد 😢

احنا كده إحتارنا 😶 ناخد فيتامين أ ولا مناخدش 😶

الإجابة : ناخد كفايتنا منه من المصادر النباتية بدون اي خوف زي المانجا🥭 والشمام 🍈والمشمش🍑 والجزر🥕 والسبانخ ☘️ والبروكلي 🥦 واللبن كامل الدسم 🥛 والطماطم 🍅 والفلفل الحلو 🫑 والبطاطا الحلوة 🍠

ونتجنب :
- المكملات الغذائية اللي فيها فيتامين أ بنسبة كبيرة يعني لا تتعدى 10000 وحدة يوميا
- علاجات حب الشباب
- اكلات زي الكبدة

واستشيري طبيبك عند كل خطوة 👨‍⚕️

لو حابين نكمل سلسة النصائح اكتبولي

ودمتم بصحة وعافية

26/11/2023

الدايت مش عيش سن اسمر ولا جبنه قريش وسلطة بس ولا كمان سمكة مشوية وبرشامة سحرية 🤢

الدايت الصح تاكل اكل بيتك الصحي بقدر معلوم 👌🏻
ومش برنامج جاهز وخلاص 📈

معانا هيكون في كشف شامل لحالتك وبرنامج مخصوص ليك بيتغير كل شوية لحد ما نوصل لاحسن وزن في احسن صحة 💪🏻

وهدفنا وزن صحي بدون خسارة صحتك 👌🏻

عشان تحجزوا معانا ابعتولنا رسالة او سيبوا ارقامكم في رسالة ونتواصل بيكم

او تواصلوا معانا على الارقام التالية
01017115870
01112523011

16/11/2023

1112523011



゚
#اونلاين
#متابعة
#نحافة
#سمنة