د بلال البربرى

22/06/2024

ازاى اغسل اسنانى كويس..؟

#غسيل اسنان
#تفريش اسنان
#فرشاه ومعجون

15/04/2024

دور البرد وجفاف الحلق
سلامو عليكم
تحياتي لكم جميعا
طبعا في مننا كتير عنده برد دلوقتي بسبب العيد وزيارات الأقارب والاختلاط وكده..
ان شاء الله الف سلامه ويبقى دور خفيف ما يطولش
عاده ما يصاحب دور البرد جفاف الحلق (نقص افراز #اللعاب( #الريق- saliva) )خاصه مع تناول الادويه المهدئه لاعراض البرد
ان شاء الله دي اعراض مؤقته هتزول بزوال دور البرد والتوقف عن العلاج.
المعروف ان اللعاب له دور فعال جدا في حمايه الاسنان من التسوس ويسهل عمليه المضغ والبلع.
اليكم بعض النصائح البسيطه خلال تلك الفتره..
1- هنغسل #اسناننا مرتين أو ثلاثه بعد الاكل بنص ساعه.
2-استخدام #فرشاه ناعمه جدا بلطف وهدوء على قد ما نقدر مع التركيز على غسل جميع اسطح #الأسنان والضروس
3-غسل #اللسان بالفرشاه من الخلف الى الامام مع غسيل الاسنان
4-تناول #السلطه الخضراء مع اضافه بعض الليمون لها(تحفز افراز اللعاب)
5-الابتعاد عن الاطعمه الحاره ( #سبيسى) وشديده السخونه.
6-مضغ العلكة(اللبان) الخاليه من السكريات لفترات قصيره.
7-شرب الماء بصوره متقطعه قدر الامكان.
8-شرب مشروبات دافئه(زى الينسون وورق الجوافه) بدون سكر.
9-الابتعاد عن استخدام #مضمضه الفم التي تحتوي على مواد مهيجه للثه(معظمهم فيهم مواد مهيجه للثه).
طيب امضمض بايه..؟
بعد غسيل الاسنان يمكن المضمضه بمحلول ملح دافئ سواء جاهز من الصيدليه او تحضيره في المنزل عن طريق اضافه نصف نصف ملعقه صغيره من الملح الى كوب ماء دافئ 200 مللي
طبعا لما افراز اللعاب يرجع لطبيعته ممكن نستخدم المضمضه عادي
نراكم دائما على خير...دمتم طيبين

09/04/2024

#كحك العيد
سلامو عليكم..
طبعا كل سنه واحنا طيبين..طبعا جبنا الكحك والغربيه وكل الحاجات الحلوه ..فبالمناسبه دى عايزين معلش شوية معلومات بسيطه ..أن شاء الله تكون مفيده
#كحك العيد فيه في مشكلتين بالنسبه لنا كاطباء اسنان

المشكله الاولانيه انه بيحتوي على نسبه عاليه من السكريات تزيد أو تنقص حسب الحشو والاضافات

المشكله الثانيه ان كحك العيد السكر اللي فيه بيعتبر من السكريات #الغير #خلويه ..
ايه الكلام الصعب ده....هنبسطها

لو افترضنا وجود 20جرام سكريات فى كل كحكه وكمان جبنا 4 تمرات(بلح) فيهم بردو 20جرام سكريات

هنا المفاجئه السكريات اللى جو التمر وكأنها متعبيه فى اكياس صغيره جدا (اللى هى الخلايا) اللى هيلمس منهم سنانك بعد المضغ وكده جزء قليل جدا والباقى هينزل المعده غير ما يلمس اسناننا

طيب نعمل ايه..ما #ناكلش #كحك يعنى...
لا كل #كحك وما تحرمش نفسك من حاجه لكن بحساب

اول هام ما #ترمرمش خليه مع الوجبات الرئيسيه او بعدها على طول

تانى هام ما تغسلش اسنانك بعد الاكل على طول ...وامال ...؟

طب اعمل ايه

اشرب مياه كتير واستنى شويه حوالى نص ساعه يكون اللعاب قام بدوره وعادل الأحماض اللى بتتكون وبعدين تقدر تغسل اسنانك عادى

#عيد سعيد عليكم وعلى كل اللى بتحبوهم

لو عايز يوصلك بوستات زى دى كتير follow me

09/04/2024

09/04/2024

نستخدم احدث الطرق فى العلاج باستخدام أدوات #التكبير وذلك لسرعة اكتشاف #التسوس ورؤية #القنوات العصبيه بشكل أفضل وذلك لضمان جودة العلاج