https://www.facebook.com/107334194085786/

Rania Ramzy

علم نفس اكلينيكي
إخصائية نفسية
استشاري صحة نفسية
استشاري نفسي واسري وزواجي
لايف كوتش علاقات معتمد ICF

24/12/2025

الاكتئاب الموسمي مش ضعف منك
هو تغير بيحصل مع قلة الشمس وبرودة الجو بيخليك حاسس بخمول و حزن و فقدان شغف أو بتحس برغبة في العزلة
الوعي بيه أول خطوة للعلاج😉
مارس رياضة واهتم بروتينك و تعرض للشمس
وممكن تكلم حد تثق فيه ولو الإحساس طول معاك استشير حد متخصص يساعدك تطلع من الحالة دي
متاح حجز جلسات للسيدات والكابلز 🤍

Seasonal_depression
clinical_psychology
Rania_Ramzy

22/12/2025

لما تبني أمان جواك.. هتقدر تبني علاقات صحية حواليك وبالتالي احساس الوحدة تبدأ تهدي شوية شوية

صحة_نفسية

14/12/2025

مش لازم تكون لوحدك عشان تحس بالوحدة
ساعات إحساس الوحدة بيظهر وسط أهلك وأصحابك..
ودا لأن الوحدة مش غياب الناس.. الوحدة غياب الشعور بالتواصل الحقيقي

بيظهر لما مشاعرنا بتتكبت ومش لاقيين حد نشاركه اللي جوانا
لما بنلبس أقنعة طول الوقت علشان نظهر أقوي .. فبنفقد إحساس القرب من اللي حوالينا
لما العلاقات بتكون سطحية ..فيها كلام كتير بس مافيهوش عمق او أمان عاطفي
لما أنت نفسك متكنش متواصل مع مشاعرك ..طبيعي تحس إن مفيش حد شايفك او فاهمك

03/12/2025

حب النفس مش رفاهية… ده أمانك الداخلي
لما تحب نفسك انت بتختار إنك توقف جلد الذات وتعامل نفسك باحترام زي ما بتعامل الناس اللي بتحبيهم❤️
حب النفس بيبدأ
بوعي
أعرف احتياجاتك ومشاعرك الحقيقة
حدود
تقول لأ من غير إحساس بالذنب
اهتمام
تعمل حاجات صغيرة لنفسك كل يوم حتى لو هتاخد شوية راحة
حب النفس مش إنك تبقي مثالي لكن إنك تبقي صادق مع نفسك وتتقبل ضعفك وتدعم نفسك في الحياة بدل ما توقفها

29/11/2025

التفكير الزيادة مش ضعف هو عقلك بيحاول يحميك بس بطريقته المتعبةوعلاجه ب 3 خطوات
1) وعي
الوعي ده أول خطوة للراحة
خد بالك من اللحظة اللي عقلك بيعيد فيها نفس الفكرة
هتلاقي نفسك بتفكر زيادة وقتها وقف نفسك عن التفكير لانك كدا مش بتحل !

2) تنظيم
اكتب اللي مضايقك على ورقة انت كدا بتنقلها من دماغك لمكان واضح قدامك وبالتالي حدتها هتقل
ورتب وحل اللي تحت سيطرتك
واللي برا سيطرتك… اركنه علي جنب او سيبيه يروح

3) تغيير
غير مكان الفكرة الزايدة بفكرة واقعية
واسأل نفسك هل اللي بتفكر فيه أكيد ولا دا من خوف.

لما تلاقي فكرة مسيطرة عليك حاول تشتتها بفكرة تانية
او الحل الافضل انك تغير مكانك قوم اتحرك ..اتمشي ..ارسم ..اتمرن
اعمل اي حاجة بتحبها بس متسبش نفسك للتفكير بارهاق دماغك وتنسي ان فيها حياة لازم تتعاش

24/11/2025

التفكير الزايد هو العدو الصامت لجسمك وعلاقاتك..
لانه بيزود التوتر والقلق ولما بتفكر زيادة بتبدء تفسر التصرفات غلط وتشوف نية مش موجودة وتبعد عن اللي بتحبهم وأنت فاكر إنك بتحمي نفسك ..

بيخليك شاكك ..مش مطمن.. بيخليك تشوف أسوأ السيناريوهات حتى لو مش حقيقية..
وبيستهلك طاقتك النفسية والعاطفية لدرجة تحس إنك مرهق من غير سبب واضح

18/11/2025

اسباب وعلاج اضطراب الشخصية الحدية
اضطراب الشخصية الحدية بيظهر بسبب جروح نفسية عميقة وتجارب صعبة
وعلاجه بيبدأ بالوعي والعلاج النفسي وتعليم و تنظيم المشاعر وبناء علاقات صحية ❤️

متاح حجز جلسات سيدات وكابلز 🤍

10/11/2025

وعي العلاقات يعني تكون مدرك ليه بتختار الشخص ده
وإيه اللي بتدور عليه من وراه هل هو حب؟.. ولا أمان؟.. ولا تأكيد لذاتك؟
الشخص الواعي بيشوف العلاقة كـمساحة للنمو.. نمو نفسي وشعوري
مش وسيلة للهروب من وحدته أو جروحه القديمة
الوعي يخليك تفهم نفسك قبل ما تطلب من الطرف التاني يفهمك
وتتعلم إن العلاقة الصح مفيهاش هروب او عدم وضوح ... فيها نضج واتزان فكري وعاطفي
متاح حجز للسيدات والكابلز فقط💖

02/11/2025

الشخصية الحدية مش شخصية صعبة زي ما الناس بتقول..
هي شخصية عندها صراع داخلي كبير بين الخوف من الهجر والرغبة في القرب
بتحب بعمق ..وبتتألم بسرعة.. ومشاعرها دايما في حالة تقلب بين قمة الحب و قمة الغضب او قمة الحزن

اللي جواها مش تمثيل او دراما.. دي مشاعر حقيقية كبييييرة نتيجة حساسية عالية تجاه الرفض والأمان

فبدل ما نحكم عليها محتاجين ندركها ونفهم ازاي نتعامل معاها

#علاقات

23/10/2025

مش كل مكتئب بيبان عليه الحزن…
في ناس تعبها بيستخبى ورا ابتسامة أو انشغال دايم
ومن اعراضه:
تعب جسدي من غير سبب واضح
اضطرابات في النوم ياما نوم كتير أو قلة نوم
اضطراب في الشهية
فقدان الشغف بالحاجات اللي كانت بتفرحك
حساسية زيادة من اقل حاجة تحصل
بتحاول تبان انك تمام طول الوقت

لو حسيت كدا بشخص قريب منك خليك رحيم بيه يمكن بيحارب معركة محدش شايفها

22/10/2025

لما تبان قوي… وانت من جواك مكسور💔

مش دايما اللي بيضحك كتير بيكون بخير…
في ناس جواها وجع كبير بس بتعرف تلبس وش القوة والضحك علشان محدش يشوف تعبها

الاكتئاب المقنع بيظهر في شكل تعب جسدي صداع توتر أو حتى لامبالاة بالحياة
بس الحقيقة إن الجرح مش في الجسد الجرح في النفس

عشان كدا خليك رحيم.. يمكن الشخص اللي قدامك محتاج يسمع كلمة: أنا حاسس بيك
أكتر من أي كلام تاني

19/10/2025

ايه اكتر حاجة بتبوظ العلاقة 🤔
ناس كتير ممكن تقول الخيانة
او البعد
أو الإهمال
او الكذب
أكتر حاجة بتكسر العلاقات هي سوء الفهم

لما كل واحد يفسر تصرف التاني بطريقته..
اللي محتاج مساحة .. الطرف التاني بيفهمها إنه اتغير او مبقاش يحبه
واللي بيتكلم بصراحة ومن قلبه.. بيتقال عليه حساس او مكبر الموضوع
واللي يتوه او بيسكت شوية ..الطرف التاني بيشوفه إنه مش مهتم

الحقيقة إن اللي بيحب مابيكنش قصده يأذي.. هو بس مش بيعرف يعبر أو يتفهم صح

و أغلب العلاقات مش بتقع من الخيانة أو الكذب..لكن بنقع من سوء الفهم وسوء التواصل

لازم نفهم ان الوعي في العلاقة مش إنك تكون مثالي.. لكن إنك تسأل وتفهم وتعرف لغات حب شريكك قبل ما تصدر حُكم

#تفاهم
#وعي

Address

El Abagaia - El Mokattam
02

Website

facebook.com

Alerts

Be the first to know and let us send you an email when Rania Ramzy posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in El Abagaia - El Mokattam?