30/12/2022
خَبّوط هي حفلات الرقص الصاخبة اللي بيتم فيها تعاطي حبوب " الإكستاسي" أو ما يعرف بـ "حبوب النشوة"، والاسم المشهور "البِلات" أو بِلاية!
والمخبوط هو الشخص اللي واخد البِلاية.. وأظن الاسم له مغزى!
حبوب الإكستاسي تندرج تحت المنشطات الأمفتامينية، وله تأثير منشط ومهلوس Stimulant and hallucinogenic effect.
عادة ما يتم تعاطي هذه الحبوب في حفلات رقص صاخبة مصحوبة بأنواع معينة من الموسيقى زي ميتال ميوزيك أو Techno music
انتشر تعاطيها في الثمانينيات ولا زالت مستخدمة في الغرب.
في البداية كان فيه محاولات لتداولها هنا بس كانت مقتصرة على فئات معينة وفِي أماكن وتجمعات محددة زي الفيلل الخاصة أو القصور في أماكن متطرفة أو حتى مراكب نيلية!
من كم سنه بدأ يحدث رواج لهذه الحبوب مرة أخرى،
وأصبحت لا تقتصر على هذه الحفلات والتجمعات الخاصة والمحدودة،
بل بقت تحدث في قاعات وفي مولات مشهورة،
تبدأ الحفلات من الساعه ١٢ ليلا حتى الـ ٦ صباحا،
-بالمناسبة تأثير البِلاية بياخد حوالي ٣-٦ ساعات-
يتم تنظيم هذه الحفلات عن طريق فرق DJs مشهورة،
لدرجة بيكون عن طريق دعوات خاصة وعن طريق حد معرفة وليس لأي أحد،
سعر التذكرة بيكون حوالي ٥٠٠ جنيه،
وبيحضر حوالي ٢٠٠ فرد،
الحفلات بتزداد أكثر في المدن الساحلية،
لدرجة أن إحدى حفلات رأس السنة اللي كانت في إحدى المدن الساحلية،
استمرت ٤ أيّام،
وسعر التذكرة ١٨ ألف جنيه،
والـ DJ برازيلي!
عادة الأشخاص المنظمين بيدّعوا أنهم واصلين وماحدش يقدر يقرب منهم!
بالنسبة للتأثير الكيميائي لهذه المواد؛
فهي موجودة في شكل أقراص أو كبسولة،
تؤخذ عن طريق الفم إما استحلاب أو بطحنها ثم شدها بالأنف!
تقوم هذه المواد بإفراز ٣ مواد كيميائية:
- الدوبامين: وهو المسؤول عن النشاط والقوة، وده موجود في مركز المكافأة في المخ.
-النورابينافرين، وده بيزود ضربات القلب وضغط الدم وفِيه خطورة كبيرة على الناس اللي عندها مشكلة في القلب والشرايين.
- مادة السيروتونين وهي لها تأثير على المزاج والنوم والشهية والجنس.
إفرازاتها بكمية كبيرة تسبب Elevated mood, emotional closeness, empathy
فيه تأثيرات تانية كثيرة؛
غثيان ورعشة وعرق غزير،
وحركة لا إرادية زي جز على الأسنان..
-علشان كده بيكون لازم معاهم لبان أو مصاصة!-
بالإضافة للشد العضلي muscle cramps
أكثر حاجة ممكن تموّت هي الجفاف اللي بيحصل للجسم بسبب الحركة الكثيرة والرقص الكثير، علشان كده بيكون معاهم مياه معدنية كتير!
عادة بيتم تعاطي كحول أو بيرة أو حشيش مع القرص،
عشان "تعليّ"!
وممكن ياخد أكثر من قرص!
أسبوع بعد تعاطي جرعة متوسطة من الإكستاسي؛
بيعاني الشخص من قلق واكتئاب وعنف وعدوانية واضطراب النوم وانخفاض الرغبة في الجنس،
ومشاكل في الذاكرة والتركيز،
وبيكون irritable
إحتمال التأثيرات المذكورة تكون بسبب المادة دي أو المواد الثانية اللي بيتم تعاطيها معها.
من الحالات اللي شفتها، حالتين عندهم Resistant psychosis أو ذهان مقاوم (لا يستجيب للعلاج)؛ بسبب تعاطي الإكستاسي
في حالة تعاطي جرعات عالية من المادة دي؛
بيفقد الجسم قدرته على تنظيم درجة الحرارة،
ويسبب ارتفاع كبير في درجة حرارة الجسم؛
فيؤثر على الكبد والكلى
وممكن يعمل heart failure أو فشل القلب،
وكمان يسبب الوفاة.
البعض بياخد معاه فياجرا!
وعادة الحفلات بتكون أولاد وبنات،
فممكن يدخل الشخص في علاقات غير آمنه وخطيرة وتكون سبب في الإيدز.
الشباب ينفعل جدا مع نوع الموسيقى،
لدرجة أن بعضهم بيحكى لي عن ال DJ
وبيقولي بنحس إنه زي الإله واحنا قدّامه مندمجين في الرقص!
في رأيي؛
الحفلات دي في تزايد،
ولا تقتصر على أبناء الطبقة الراقية،
وبعدما كانت بتحصل في أماكن مغلقة،
دلوقتي بتحصل في أماكن ومولات معروفة،
وهي آخذة في الانتشار!
وآخرها تم القبض على بعض المروجين لحبوب الإكتساسي داخل مركبة نيلية!
تقارير المخدرات العالمية لها فترة تشير لتزايد استهلاك وإنتاج ورواج المنشطات الأمفيتامينية ومنها الإكستاسي..
أتمنى الأجهزة المعنية تأخذ بالها.
د.
