Dr Kareem Galal

Home
Egypt
El Arish
Dr Kareem Galal

As an Egyptian pharmacist with a master's degree in EMJMD LIVE, I am deeply passionate about the development in the pharmaceutical field.

This page is dedicated to discussing the intricacies of pharmaceutical ingredients.

01/08/2025

الموقف رقم 5 🙏❤️
شوف كده يا دكتور، العلاج ده جوزي بياخده، وكنت عاوزة أعرف ليه؟ 🤔
هو بيشرب سجاير؟
آه.
متستغربيش لو لقيتي جوزك ماشي على علاج الاكتئاب اللي المادة الفعالة بتاعته اسمها Bupropion.
هو مش مريض نفسي، هو بيحاول يبطّل سجاير، والعلاج ده بيساعد يقلل الرغبة في النيكوتين وأعراض الانسحاب.
دكتورة بتدرب بتقول اه يا دكتور هو ده off-label use.
لا الoff-label use بتاعه مثلا زي استخدامه في حالة اضطراب نقص الانتباه وفرط الحركة (ADHD) لاكن استخدامه في حالات التدخين معتمد من الFDA.

الجرعة المعتمدة من الFDA في الكومنتات ❤️🙏

01/08/2025

بييجي الصيدلية يقولك: "يا دكتور أنا نومي مش متظبط وعاوز حاجة تساعدني على النوم. في العادي نومي كويس، لكن اليومين دول بس."
قبل ما تروح للـ Night Calm، بتفكر تديله حاجة خفيفة زي الجيل الأول من مضادات الهيستامين، وبالفعل في ناس كتير بتطلع Chlorpheniramine.
اللي عاوز أقوله إن مادة Diphenhydramine هتكون أفضل وليها أولوية، لأن استخدامها في المساعدة على النوم معتمد، على عكس أخونا التاني.
وكمان كفاءتها أعلى بكتير في موضوع النوم، ومفيش مقارنة أصلاً بينهم. ولا انت ايه رأيك 🤔
بص علي أول كومنت ❤️🙏

30/07/2025

الموقف رقم 4
واحد داخل يصرف روشتة لعلاج الجرثومة وبيسأل عن كام معلومة خاصة بالبروتوكول. استغليت الفرصة وكلمته عن حاجة رهيبة جدًا لما بتتضاف كمساعد مع بروتوكول الجرثومة بتدي نتائج توصل لـ100%. عارف إيه هي؟
هي اللاكتوفرين! تعالَ نشوف بيعمل إيه.
الجرثومة بتشبط في الحديد زي ما العيل الصغير بيشبط في لعبته. الجرثومة محتاجة الحديد عشان تعيش وتنمو وتتكاثر. بييجي اللاكتوفرين ياخد منها الحديد، زي ما الأم (اللاكتوفرين) تاخد اللعبة (الحديد) من العيل الصغير (الجرثومة).
طيب، اللاكتوفرين حرمها من الحديد، إيه كمان؟
الجرثومة دايمًا بتعمل طبقة حماية معقدة حوالين نفسها بنسميها الـbiofilm، وبتستخدمها عشان تمنع المضاد الحيوي إنه يوصلها ويموتها. هنا بقى، اللاكتوفرين بيبوظ لها طبقة الحماية دي، عشان يخلي المضاد الحيوي أكثر فاعلية.
❌ ممنوع تاخد اللاكتوفرين أو أي علاج مساعد لوحده! لازم يكون مع البروتوكول الثلاثي أو الرباعي ❤️🙏
بص علي أول كومنت 🩵

تعديل: مبعملش اعلان لأي منتج ممكن تستخدم النوع اللي في الصوره او غيره المهم المعلومة العلمية ❤️

29/07/2025

الموقف رقم 3 للتوعية عن كريم بيتاديرم و بتنوفيت ❤️🙏

طفل عمره 6 شهور اتحجز في المستشفى، وكانوا شاكين إنه عنده مرض في الكلى، ولَقوا إن وشه منفوخ وفيه تجمع دهون في ظهره، وكمان عنده شعر خشن زي اللي بيطلع للرجالة، وفي الآخر طلع عنده متلازمة كوشينج (Cushing’s syndrome - CS).
في الأول خمنت أكيد ده عنده مشكلة في الغدة الكظرية أو مثلًا ورم في المخ.
لكن اتصدمت لما عرفت إن السبب هو كريم كورتيزون موضعي!
اكتشفوا إن الأم كانت بتحط كريم بيتاميثازون مع كل تغيير للحفاض، وبكميات كبيرة جدًا، لمدة 2-3 شهور، وكانت بتخلص أنبوبة كل 4-5 أيام!
ودي صورة الحالة قبل و بعد العلاج.

تعديل: البوست مش مقصود بيه كريم بيتاديرم بعينه، لكن أي كريم يحتوي على المادة الفعالة Betamethasone. الصيدلي دايمًا بيتعامل بالمادة الفعالة بغض النظر عن الأسماء التجارية.

29/07/2025

واحدة عندها دور برد بقالها 4 أيام، بتسأل على رسائل الصفحة:
"هل ممكن البرد يأثر على لبن الرضاعة؟

ده بيبقى من العلاج، مش البرد. حضرتك بتاخدي علاج إيه؟

قالتلي: كنت باخد كونجستال، لقيته بينيمني، فغيرته وجبت Decancit.

مادة الـ pseudoephedrine اللي موجودة في معظم أدوية البرد بتأثر على لبن الرضاعة.

لازم تبقي فاهمة إن حباية كونجستال واحدة (60mg) أثناء الرضاعة كفيلة إنها تقلل اللبن بنسبة 24% في خلال 24 ساعة!
فما بالك بقى إن الـ Decancit فيه 120mg!

للاستشارات الدوائية تواصل علي رسائل الصفحة 🙏❤️

28/07/2025

موقف رقم 2
داخلة الصيدلية بتقولك:
"يا دكتور، أنا والدة بقالي شهر (قيصري)، ورجليا الاتنين من بعد الولادة الدم متجمع فيهم ووارمين، وفي نغز جامد في بطن وكعب رجلي… ده من إيه؟
كشفت نسا، والدكتور قالي ده التهاب في الأوتار وكتبلي مرهم ريباريل جل فقط."

🚫 ممنوع كصيدلي تصرف ريباريل أو أي حاجة إطلاقًا، لأن دي اشتباه DVT - deep vein thrombosis.
في الحالة دي، بتكون لطيف معاها وبتقولها:
"ممكن يكون تجلط بسيط في الوريد، ولازم تكشفي حالًا، مينفعش تهمليه ولا حتى ليوم، لأن الجلطة البسيطة دي ممكن تروح على الرئتين وساعتها تعمل ضيق تنفس ومشاكل كبيرة. حضرتك تكشفي أوعية دموية أو قلب أو باطنة عامة."
إنك تصرف ريباريل أو تكتب ريباريل في الحالة دي؟
اسمحلي أقولك إنك بتعمل جريمة!

الحمد لله إنها فعلاً راحت كشفت وسمعت النصيحة وطلعت DVT. والدكتور كتب لها على Marevan وأدوية السيولة. ❤️🙏

27/07/2025

معلومة علي السريع ❤️
لو حد دخل الصيدلية يسأل عن المادة الفعالة Olanzapine، متنساش تنصحه ياخد باله من مستوى السكر، خصوصاً لو في تاريخ عائلي لمرض السكري. كمان مهم يتابع وزنه لأن الدواء ممكن يفتح الشهية ويسبب زيادة في الوزن، برضو ممكن يرفع الكوليسترول والدهون الثلاثية.

27/07/2025

نرجع تاني بسم الله ❤️🙏 موقف رقم 1 🩵

واحدة دخلت الصيدلية بتسأل عن علاج للأرق لأن والدها مش عارف ينام. طبيعي جداً إنك قبل ما تطلع أي حاجة تسألها إذا كان بياخد أي أدوية.

قالتلي إنه ماشي على "ديكساميثازون" (Dexamethasone) 4mg في اليوم. وهنا لازم ننتبه لمصطلح مهم، وهو: Insomnia induced by dexamethasone

الأرق هو عرض جانبي شائع مع الديكساميثازون، وده ممكن يحصل حتى مع جرعات صغيرة، ويخلي المريض صاحي طول الليل. في الحالة دي، الميلاتونين (Melatonin) قبل النوم بيكون اختيار أول مناسب وممكن تطلعه ك OTC.

بالنسبة للأطباء:
يفضل تجنب وصف Zolpidem في الحالات دي، لأن فيه تداخل دوائي؛ الديكساميثازون بيكسر الـZolpidem بسرعة، وده ممكن يخلي مفعوله ضعيف ومايعالجش الأرق بكفاءة.

طب يا دكتور لو الميلاتونين ماجابش نتيجة نعمل ايه 🤔، ساعتها ممكن ترشح حاجات زي:

Zopiclone: ممتاز في الحالات اللي الأرق فيها ناتج عن الستيرويدات، ومفعوله سريع و مش بيتأثر بنفس طريقة Zolpidem.

Olanzapine (Zyprexa): علي حسب بقا الحالة لو مريض كانسر و عنده توتر نفسي او فقدان شهية. وطبعا مننساش اعراضه الجانبية لازم نعرف اذا كان diabetic او obese.

17/07/2025

لو باكل لحمة على الغدا، مش هشرب بعدها فيتامين سي عشان أزود امتصاص الحديد فيها، ومش هبقى قلقان إن امتصاص الحديد يتأثر لو شربت كوباية شاي بعدها.
الحديد اللي موجود في اللحمة والكبدة ده حديد هيمي، وده أول ما يخش الجسم بيتعامل معاملة VIP؛ نواقل مخصصة بتاخده لحد ما يُمتص.
لكن الكلام ده بيطبق على الحديد الغير هيمي فقط، الموجود في النباتات زي السبانخ، وطبعًا معظم المكملات الغذائية.

15/07/2025

من قريب رشحت أوميجا 3 كـ OTC لحالة كانت أول مرة أتعامل معاها.
احنا عارفين إن الدكاترة بيكتبوا Isotretinoin لعلاج حب الشباب، وإنه علاج قوي وبيجفف الجلد، واتكلمنا عليه قبل كده.
هي كانت جاية تشتكي من جفاف في الأنف والعين، والشفايف كانت ملتهبة ومتشققة من الجنب.

أوميجا 3 بتجيب مفعول كويس جدًا خلال شهر في تقليل الأعراض الجانبية بتاعة Isotretinoin.
طيب معلومة كمان: ما تديش فيتامين E للسبب ده، لأنه مش هيعمل أي حاجة.

مش لازم المنتج اللي في الصورة!

08/05/2025

واحد عنده 80 سنة وعنده انسداد رئوي مزمن (COPD) راح المستشفى بيشتكي من كحة وسخونية وضيق نفس، صرفوله Azithromycin، وبعد نص ساعة فجأة بدأ يحس بدوخة وعرق شديد وارتباك، ولما عملوا له رسم قلب لقوا في بطء شديد في ضربات القلب (Bradycardia) ونبضه وصل لـ 40 في الدقيقة!
طبعًا اتدخلوا بسرعة وزودوا الأكسجين وادوله أدوية لرفع الضغط زي الأتروبين، وبعدها أدرينالين، لكن للأسف حالته فضلت تتدهور، وكانوا مجهزين لتركيب منظم قلب مؤقت (TPM) لكنه توفى قبل ما يلحقوا يركبوه.

أزيثرومايسين رغم إنه دواء شائع وآمن في معظم الحالات، لكنه ممكن يسبب مشاكل قلب خطيرة زي بطء ضربات القلب أو اضطرابات كهربية حتى لو المريض ماعندوش تاريخ مرضي في القلب، هو مش آمن 100% عشان يطلع من الصيدلية زي الملبس!
وبالنسبة للدكاترة البشري، هسيبلكم في الكومنتات رسم القلب قبل وبعد ما خد الأزيثروميسين، بالنسبة للصيادلة: المفاجأة إنه ما طولش الـ QT أصلاً! تخيل يعني عمل Bradycardia علاطول!
تعديل: لما رجعت للcase لقيت ان الazithromycin كان intravenous.
هدف البوست هو توضيح أن هناك حالات موثقة تُظهر أن الأزيثرومايسين يمكن أن يُسبب البطء في ضربات القلب (bradycardia) سواء مع تطويل ال QT أو من دونه. سبب الوفاة الأرجح مش الأزيثرومايسين، لكن السبب بيعود للحالة المرضية نفسها، وهي COPD (مرض الانسداد الرئوي المزمن).

هل الأزيثرومايسين قد ساهم في وفاة المريض؟ الإجابة ممكن تكون نعم وممكن لا، لكن الشيء المؤكد هو أن المريض كان عنده بطء في ضربات القلب بشكل مستمر، وده قد يكون ناتج عن الأزيثرومايسين بالإضافة إلى التنشيط المفرط لل vagus nerve بسبب نقص الأكسجين.

07/05/2025

تعرف ان السيلينيوم سلاح ذو حدين. و نفس العنصر اللي بتاخده عشان تحمي الorgans من الoxidative stress هو نفس العنصر اللي ممكن يأذيها.
ازاي!
السيلينيوم زيادته ممكن تسبب مقاومة إنسولين وسكر! في دراسات كتير اتعملت و بتقول إن جرعة عالية من السيلينيوم (أكتر من 200 ميكروجرام/اليوم) ممكن تسبب ارتفاع السكر وتزود خطر الإصابة بالسكري بنسبة 50% و في دراسات تانية اكتر من كده، يعني لو واحدة استخدمت علاج زي اللي في الصورة (بحجة انه مفيد للشعر مثلا) بجرعة غلط زي 3 مرات في اليوم بشكل متواصل، ممكن يعلي السكر عندها! المعلومة دي ناس قليلة اللي تعرفها، فمتوقفهاش عندك!

Address

El Arish, North Sinai Governorate
El Arish

Website

https://www.instagram.com/k.mahdy1544/

Alerts

Be the first to know and let us send you an email when Dr Kareem Galal posts news and promotions. Your email address will not be used for any other purpose, and you can unsubscribe at any time.