عيادة د/محمد ابو المجد لأمراض الباطنة والكلى والسكر

08/10/2022

08/07/2022

يطيب لي ..أن أتقدم إليكم..بأرق التهنئة وأطيبها..
بمناسبة عيد الاضحى المبارك أعاده الله علينا وعليكم بالخير، واليمن، والبركات ..

💗وكل عام وأنتم بخير .

22/05/2022

لما تشوف حد ظهر عنده سواد في الجلد مش طبيعي ومش بيروح مهما يعمل او لو بنت ومهما استعملت من كريمات تفتيح وغيره خاصة في منطقة تحت الابطين او العنق زي مهو واضح في الصور
يبقي لازم تاخد بالك وتاخد بالك قوي كمان .

لان الحالة دي اسمها الشواك الاسود ودي بتبقي نتيجة لارتفاع مستوي هرمون الانسولين في الدم ومقاومة الجسم ليه بشكل كبير وغالبا العلامة دي بتحصل للناس اللي وزنها زايد شوية او عندها دهون بكميات كبيرة (مرض السكري من النوع الثاني).

🔸المهم الانسولين الكتير دا هيروح يهجم علي خلايا الجلد ويرتبط بمستقبل ليه هناك ويمسك خلايا الجلد ويكسرها فتدي اللون الاسود دا اللي مش هيختفي غير لما الشخص يخس ويلعب رياضة وينظم الاكل وينزل الدهون من جسمه.

-لما تشوف العلامة دي عند اي حد حاول تنبهه انها مؤشر لمقاومة الجسم للانسولين ولازم يروح لدكتور في اقرب وقت وأنها مش قلة نضافة او محتاجة تفتيح للبشرة.

شفاكم الله وعفاكم جمعيا🙏
د محمد ابو المجد
استشارى أمراض الباطنة والكلى والسكر

30/04/2022

يطيب لي ..أن أتقدم إليكم..بأرق التهنئة وأطيبها..
بمناسبة عيد الفطر المبارك أعاده الله علينا وعليكم بالخير، واليمن، والبركات ..

💗وكل عام وأنتم بخير .

01/04/2022

كل عام وحضراتكم بخير❤️
مواعيد العمل في العيادة في رمضان من بعد العشاء وحتى الساعة 12 ليلاً
العنوان: الباجور - الشارع الجديد - النصب التذكاري - أعلى مخبوزات السفير
للحجز والاستعلام: 01060909052

23/03/2022

لمرضى السكر اللى ناويين يصوموا رمضان🔽
هتقيم نفسك فى كل بند وتختار لنفسك درجه وفي الاخر تجمع الدرجات وتشوف انت موجود فى اي فئه من الفئات الثلاثه
🌠رمضان كريم

24/02/2022

هل من علاج غير دوائي لارتفاع ضغط الدم:
1 - التخفيف من تناول ملح الطعام و تجنب المخللات و المعلبات و الأسماك المملحة و تناول منتجات الألبان قليلة الملح .
2 - التوقف التام عن التدخين و عن تناول الكحول .
3 - ممارسة الرياضة المعتدلة بشكل مستمر كالمشي في خطوة سريعة يوميا لنصف ساعة أو ساعة .
4 - تخفيف الوزن بحيث تكون كتلة الجسم (نسبة الوزن للطول) طبيعية .
5 - تجنب الأدوية التي تتسبب في رفع ضغط الدم كموانع الحمل و مسكنات الآلام و المنشطات الممنوعة .
6 – العمل على تخفيف الضغوطات النفسية في العمل و المنزل أو على الأقل إيجاد طريقة للتكيف معها
د محمد ابو المجد
اخصائي الباطنة والكلى واالسكر
#

11/02/2022

تتشرف عيادة د محمد ابو المجد اخصائي الباطنة والكلى والسكر بالتعاون مع شركة ايفا فارما بعمل تحليل سكر تراكمى يوم السبت الموافق 12/2/2022 من الساعة الرابعة إلى السابعة مساء

17/12/2021

في عيادة التحضير للزرع في ليكسنجتون كان من المرضى شاب في العشرينات معندوش أي مشاكل صحية سابقة ولا أعراض كبيرة حالياً وللأسف اكتشف فجأة إنه في المرحلة الرابعة من الفشل الكلوي من سنتين..

فكر إن الموضوع بسيط ودور على النت على فيتامينات للكلى وقعد ياخدها لمدة سنتين بدون متابعة..

من أسبوع أما كشف تاني كان وصل للمرحلة الخامسة من الفشل الكلوي ومحتاج الغسيل أو الزرع..

التاريخ المرضي بتاعه مفيش فيه أي عوامل خطورة على الكلى إلا المسكنات اللي كان بياخدها بسبب الصداع (اللي ممكن يكون سببه كان الضغط العالي وقتها) وبعض البروتينات اللي خدها قبل كده مع الجيم.. لكن مش معروف بالتحديد إيه السبب وعدى الوقت اللي ممكن يستفيد بيه من العينة الكلوية..

القصة دي للأسف بنشوفها بشكل أكبر في مصر كمان.. و المستفاد منها :
- بلاش مسكنات بدون داعي.
- بلاش بروتينات أو هرمونات لتضخيم العضلات بدون استشارة طبية.
- الصداع مش علاجه المسكنات بدون استشارة طبية خاصة لو متكرر وفي أوقات كتير ممكن يبقى بسبب ضغط غير متشخص.
- مفيش حاجة اسمها فيتامينات بتصلح الكلى والمجال ده النصب فيه للركب.
- الفشل الكلوي مش لازم يكون ليه أعراض المريض ياخد باله منها.
- يستحسن عمل وظايف كلى وتحليل بول ولو مرة واحدة على الأقل لو مفيش عوامل خطورة .. وبانتظام لمرضى السكر والضغط وغيرهم.
- وظايف الكلى "الكرياتينين" أما بتبقى تلاتة أو أربعة بيكون المريض فقد بالفعل الجزء الأكبر من وظيفة الكلى عشان كده المتابعة مع طبيب الكلى المتخصص المفروض تبقى قبل ده بفترة.
دمتم سالمين
د محمد ابو المجد
اخصائي الباطنة والكلى والسكر
الباجور الشارع الجديد أمام النصب التذكاري أعلى مخبز السفير