https://www.facebook.com/104786991109775/

Dr. Esraa Elmazzahy Clinic, 10 ب/شارع الثروة المعدنيه/البوابة الاولي ( خوفو)/حدائق الاهرام, El Haram (2026)

17/01/2021

بما اننا فى عز الشتا تعالوا نتكلم عن مشكلة شائعة عن الاطفال وهى التبول اللا ارادى الليلى وامتى احتاج اروح بابنى /بنتى للدكتور؟
طبعا بسرعة نقول ان التحكم الكامل ف البول بيحصل فى ٨٥ % من الاطفال عند سن ٥ سنين
طب ازاى اساعد ابنى لو عنده المشكلة دى بحاجات بسيطة
١- ممنوع الكافيين والشيكولاتة و العصائر المسكرة او الاكل الحادق قبل النوم بساعتين
٢- مش هقولك امنعى شرب المياه قبل النوم بساعتين يعنى اتخانق مع ابنى لو شرب ميا
بس الاسهل انك تشربيه ميا كتير جدا خلال اليوم فالسوايل ف جسمه تبقى كافيه انو ميعطش بالليل
٣- اخر حاجة وهى اهم حاجة هى نظام التشجيع والثواب مش العقاب ابدا ابدا ابدا
طب امتى اروح لدكتور من بدرى
١- لو الطفل بدأ يعطش اوى خلال اليوم
٢- لو التبول اللا ارادى صبح وليل
٣- لو فى حرقان ف البول
٤- لو حصل تحكم كامل ف البول وبعدين انتكس تانى
بس كدا
ودمتم معافين🥰🥰🥰🥰

18/11/2020

متزهقش
احمى نفسك احمى غيرك

21/10/2020

بمناسبة دخول الشتا والرياح والزعابيب ونزول ولادنا للمدارس الصبح
وجب التنويه ان استنشاق الهوا البارد وخصوصا فى الأماكن اللى الرطوبة فيها عالية بيسبب الرشح و ضيق تنفس لبعض الاطفال وخصوصا اللى عندهم حساسية انف او صدر
وتغطيه الأنف والفم بماسك او بكوفية بيدفى الهوا اللى داخل صدر الطفل ويخلينا نتجنب القصة دى
طبعا دا مناسب للاطفال فوق سنتين بس
ودمتم معافين

16/10/2020

عسل النحل احسن من بعض أدوية الكحة فى الاطفال🍯🍯🍯🍯🍯
فى دراسة اتعملت على ٣ مجموعات من الاطفال كان عندهم برد وكحة المجموعة الاولى خدت معلقة عسل نحل والمجموعة التانية خدت دوا كحة معين والتالتة مخدتش حاجة
كانت النتيجة ان التحسن فى مجموعة عسل النحل أكبر من المجموعتين التانيين
طبعا عسل النحل ممنوع منعا باتا فى الاطفال اقل من سنة

ودمتم معافين🥰🥰

15/10/2020

معلومة ١: بعض الاطفال ممكن يحصلهم نزيف انفى خصوصا مع دخول فصل الشتا ودا ليه أسباب كتير

بس من الإسعافات الأولية اننا نقفل مناخير الطفل ونميله لاداااام مش لورا زى ما هو باين ف الصورة
عشان ميشرقش ونقط الدم دى تنزل على زوره ونفضل ضاغطين شوية وممكن نعمل كمادات ميا ساقعة على الانف

ودمتم معافين

10/10/2020

الفرق بين لبن الأم الطبيعى واللبن الصناعى زى الفرق بين البنى الادم والروبوت!!!!!!!

اللبن الطبيعى مش سكر ودهون وبروتين لا دا نسيج حى فى اجسام مناعية وخلايا حية كرات دم بيضا وخلايا جذعية وشفرة وراثية وعوامل تساعد على نمو الجهاز الهضمى وانزيمات وموضوع كبير

وبالتالى مش هنستغرب لما نعرف ان الدراسات أثبتت ان الطفل اللى بيرضع طبيعى اقل عرضة لنزلات البرد والنزلات المعوية و التهابات الاذن الوسطى والتهابات مجرى البول و الميكروبات بصفة عامة

دا غير الفوايد على المدى الطويل وهنتكلم عنها لوحدها ان شاء الله

الحاجات اللى تستدعى حرمان الطفل من لبن امه حاجات نادرة جدا جدا جدا

لو عندك مشكلة فى الرضاعة استشيرى حد متخصص
ودمتم معافين🥰🥰🥰

06/10/2020

ايه الفرق بين الكورونا ودور البرد الناتج عن الأنفلونزا؟ وايه الحاجات المشتركة بينهم؟
اولا الفيروسين بيصيبوا الجهاز التنفسي وتتراوح شدتهم من دور برد بسيط جدا لفشل ف الجهاز التنفسي كله
والاثنين بيتنقلوا بنفس الطريقة الرذاذ واللمس فالاجراءات الاحترازية ليهم واحدة
نفس الاعراض كحة سخونية وتكسير ف العضم
طيب ايه الفرق؟

🛑🛑🛑فترة الحضانة (الفترة بين حدوث العدوى وظهور الاعراض) ف الأنفلونزا اقصر وكمان الفترة بين إصابة الشخص الاول للشخص التانى اقصر بس ف الحالتين اقل حاجة يوم مفيش حد هيتعدى وهيتعب بعديها بساعة
🛑🛑🛑متوسط فترة الحضانة ف الأنفلونزا تقريبا يومين وفى الكورونا ٤-٥ ايام بس دا المتوسط يعنى بنشوف اقصر حاجة يوم واطول حاجة ١٤ يوم
🛑🛑🛑الفرق ف الاعراض هى فقدان حاسة الشم والتذوق المميز لفيروس كورونا بس دا طبعا ف الاطفال الكبيرة اللى بتعرف تميز
🛑🛑🛑الشخص الحامل للفيروس بدون أعراض او اللى خف ممكن يعدى فترة أطول فى الكورونا لحد ١٠ ايام تقريبا

🛑🛑🛑الاطفال أكثر عرضة للإصابة بأمراض الأنفلونزا من الكورونا
🛑🛑🛑 العدوى الشديدة والحرجة من الكورونا نسبتها اعلى بصفة عامة بس الاطفال غالبا مش بيوصلوا للحالات الحرجة لو معندهمش أمراض تانية مزمنة
🛑🛑🛑الخوف ف الاطفال الأصحاء لما يصابوا بالكورونا من مضاعفات نادرة وهى التهاب الأوعية الدموية او مرض كاواساكى
🛑🛑🛑حتى الان نسبة وفيات الكورونا لعدد الإصابات اعلى
🛑🛑🛑كورونا ملهاش تطعيم معترف بيه لحد دلوقتى وكله تحت التجربة اما الأنفلونزا ليها تطعيم من سنين

واخيرا احقاقا للحق فمعلوماتنا عن الكورونا لسة معلومات طفل فى كى جى وان ولسة هيتعلم حاجات جديدة

الكلام دا نقلا عن مركز الوقاية والتحكم فى الأمراض الأمريكى CDC
ودمتم معافين

01/10/2020

بما اننا داخلين على موسم الشتا ونزلات البرد فوجب التنويه ان فى فيروس اسمه الأنفلونزا ويشبه فيروس الكورونا ف حاجات كتير ويمكن مضاعفاته اشد على الاطفال من الكورونا واعراضه تتراوح من أعراض برد خفيفة لفشل ف الجهاز التنفسي وسنة ١٩١٨ اجتاح مناطق كتير من العالم فيما يعرف بالأنفلونزا الإسبانية والناس عانت منه يمكن اكتر من معاناة كورونا دلوقتى

بس الحمد لله الفيروس دا ليه تطعيم و تطعيم معترف بيه بقاله سنين وكل سنة قبل موسم الشتا بينزل التطعيم الجديد عشان الفيروس بيتحور من سنة للتانية
طب ليه ادى ولادى تطعيم الانفلونزا؟
اولا زى ما قلنا بحميهم من فيروس ممكن يعمل لا قدر الله مضاعفات كتير احنا ف غنى عنها
ثانيا ف ظل وجود فيروس كورونا و محدش عارف حالاته هتزيد ف الشتا ولا لا فمجرد ان الطفل يجيله برد هنترعب واننا نفرق الأنفلونزا من الكورونا ممكن يكون صعب جدا من غير عمل مسحة

النوع اللى نزل مصر السنة دى لحد دلوقتى هو النوع الرباعى يا ريت كل الاطفال فوق سن ٣ سنوات تاخده
ودمتم معافين🥰🥰🥰

21/09/2020

كتير من الاطفال فى مصر بيجيلهم انيميا نقص حديد
دى مش بس شوية انيميا دى ممكن تأثر على نمو مخ الطفل تركيزه وذكاؤه
لبن الام بعد الشهر الرابع مش بيدى الطفل الحديد اللى محتاجه وعشان كدا بنحتاج نركز اول ما ندخل اكل للطفل على الاكل الغنى بالحديد اهمه البروتين الحيوانى لحمة فراخ اسماك وبيض وبعدين حبوب وبقوليات زى الفول والشوفان وكمان ساعات كتير بنحتاج فيتامينات فيها حديد
دمتم معافين

10/09/2020

تخيلوا ان الطفل عند سن سنتين لخمس سنين بيكون تقريبا عدد الساعات اللى نامها يساوى عدد الساعات اللى صحيها ف حياته😳
المولود ممكن ينام من ١٠-١٩ ساعة ودا بيقل لحد ١١-١٤ ساعة عند سن سنتين و١٠ -١٣ عند سن ٣- ٥سنين ويفضل يقل لحد لما يوصل ٨ -١٠ ساعات عند سن المراهقة مع فروقات فردية بسيطة
النوم مهم جدا للطفل لانه ف عمليات حيوية مهمة المخ بيكملها أثناء النوم ومن اهمها تقوية الذاكرة مثلا
١-مهم ان الطفل ينام عدد ساعات كافية وف مواعيد ثابته⏰⏰ يعنى مواعيد المدرسة متفرقش عن الاجازة بحد اقصى ساعة طبعا احنا بنبوظ الساعة البيولوجية طول الاجازة والطفل يروح المدرسة ينام فيضحكوا عليه او يزعقوله
٢-الجوع عدو النوم وجبة عشا خفيفة قبل النوم بساعة ساعتين🍲
٣-نبعد عن الحاجات اللى فيها كافيين بالليل ودى مش بس تشمل الشاى والقهوة لكن المياة الغازية والشيكولاتات🍫🍫🍫🥤🥤
٤-الساعة اللى قبل ميعاد النوم هى تهيئة للنوم نبعد فيها عن التليفزيون وما شابهه ونخلى لها روتين نختاره مثلا نحكى حكاية نوضب سريرنا نوطى اضاءة الاوضة🛌🛌
٥-مفيش تليفزيون جوه اوضة النوم
٦-طبعا الرياضة🤾‍♀️🤽‍♂️ و الخروج ف الشمس🌞🌞 بيساعد جدا ف تنظيم النوم

احنا كلنا صغيرين وكبار عندنا ساعة بيولوجية بتشتغل بدقة (احنا اللى بنبوظها ) وكل خلية ف جسمنا عندها احساس بالوقت لما بنحس بالنهار بنبطل نفرز مادة الميلاتونين المسئولة عن النوم والعكس صحيح
دمتم معافين

09/09/2020

ازاى نعلم ولادنا يتعاملوا مع الكلاب عشان ميأذوش الكلاب ولا يتأذوا منهم
١- ميزعجش كلب نايم او بياكل واوعى ييجى جنب كلبة معاها ولادها الصغيرين😨😨
٢- لو كلب شرس وعدوانى اوعى يبص فى عينيه بيعتبره بيتحداه😀
٣- لو كلب حاول يهاجمه يحاول ميجريش لانه اسرع منه وهيلحقه يحاول يقف ثابت ذى جذع شجرة مبيتحركش🌳🌳 او يترمى ع الارض و يتكور 🌏 زى الصورة رقم ٣ ويلزق دقنه على صدره ويغطى وشه
٤- لو لا قدر الله كلب عضه او خربشه لازم التوجه لطبيب والجرح يتغسل كويس اوى بميا وصابون ولو بينزف نضغط عليه كويس بحاجة نضيفة ولو ايد او رجل نرفعها لفوق
ودمتم سالمين

Dr. Esraa Elmazzahy Clinic

17/01/2021

18/11/2020

21/10/2020

16/10/2020

15/10/2020

10/10/2020

06/10/2020

01/10/2020

21/09/2020

10/09/2020

09/09/2020

Address

Telephone

Website

Alerts

Contact The Practice

Shortcuts

Share