https://www.facebook.com/132772979922441/

Marwa Pharmacy صيدلية مروة, ديرب نجم بجوار مدرسه السويدي للغات, El-Ibrâhîmîya (2025)

24/09/2025

🧠 سبازموفين vs سبازموفري
- تعالى نعرف الفرق ببساطة لأن بيحصل لخبطة بينهم:
____
1️⃣ سبازموفين (Spasmofen):

- تركيب: Ketoprofen (مسكن قوي ومضاد التهاب) + Hyoscine (مضاد للتقلصات).

- الاستخدام: للمغص بأنواعه وأي تقلص عضلي شديد.

- ممنوع في الحمل لأنه:
▪️ الـKetoprofen (NSAID) ممكن يعمل غلق مبكر للقناة الشريانية عند الجنين، يقلل السائل ويزود خطر النزيف.
▪️ الحقنة فيها Benzyl alcohol اللي ممكن يضر الجنين وحديثي الولادة.

- يتاخد عضل فقط ومينفعش يتخلط مع أدوية تانية.
____
2️⃣ سبازموفري (Spasmofree):

- تركيب: Tiemonium (مضاد للتقلصات).

- الاستخدام: للمغص البسيط أو المتوسط (كلوي – معوي )

- أكثر أمانًا نسبيًا في الحمل (لكن لازم تحت إشراف طبي).

- ممكن يتاخد عضل أو وريد، ويتخلط مع أدوية تانية من غير مشاكل.
____
🧠 الخلاصة:

- لو مغص شديد وأنت مش حامل → سبازموفين حل قوي.

- لو مغص أبسط أو في حالة الحمل → سبازموفري بيكون الاختيار الأكثر أمانًا.

20/09/2025

⭕️ لماذا لا يٌنصح بتناول المضاد الحيوي Ciprofloxacin مع فوار المستخدم للأملاح Epimag في الوقت نفسه⁉️

☑️ تناول دواء Ciprofloxacin من فئة الــ Fluoroquinolones مع فوار المستخدم للأملاح
Epimag
الذي يحتوي في تركيبته على Magnesium citrate لذلك يقوم المغنسيوم بالارتباط بـ Ciprofloxacin في الجهاز الهضمي و هذا بدوره يقلل الامتصاص بنسبة ممكن توصل لـ 90٪ .

☑️ يعني كأنك لم تأخذ المضاد الحيوي من الأساس.

☑️ لكن كيف نتصرف لو المزيض بحاجة للدوائين⁉️

☑️ إذا اخذت السيبروفلوكساسين الاول :
💢أنتظار بعدها ساعتين وخذ الإبيماج وهذا الأفضل.

☑️و إذا أخذت الإبيماج الأول:
💢أنتظار بعدها 6 ساعات وبعدين خذ السيبروفلوكساسين.

☑️ نصيحة لك كصيدلي :
💢دائمًا اسأل المريض لو بيأخذ أي مكملات فيها كالسيوم أو ماغنسيوم أو زنك أو حديد، لأنهم كلهم بيعملوا نفس التداخل مع السيبروفلوكساسين ومع أدوية ثانية في نفس العائلة مثل:
☑️Levofloxacin .
☑️Norfloxacin .
☑️Ofloxacin .

25/08/2025

جالك الصيدلية راجل لسة خالع ضرسه وبيقولك يا دكتور أنا مكان الضرس هيموتني من الألم أرجوك محتاج أي مسكن يشتغل بسرعة، فرحت أنت جه على بالك مادة Diclofenac بس احترت يا ترى أطلع ديكلوفيناك صوديوم ولا بوتاسيوم؟
_______
تعال نتكلم في شوية معلومات شيقة ونفهم ايه الفرق بينهم وعلى أساسه نفهم ليه في أشكال كتير منهم في الصيدلية ☕️

🔶️ أولا لازم نعرف أن الامتصاص بتاع الديكلوفيناك كمادة فعالة بيكون سريع، وبيزيد بشكل مباشر مع الجرعة، ولكنه يظل امتصاص متقّلب، وعشان الامتصاص سريع فبيطلع من الجسم بسرعة، ودة بيخلي المريض محتاج ياخد جرعات كتير في اليوم، ودة بيخلي نوع الملح و شكل الجرعة عوامل مهمة جدًا في النتيجة العلاجية.

❇️ Diclofenac potassium
العلماء وجدوا أن ملح البوتاسيوم بيذوب بسرعة في الماء ودة بيخليه يمتص بسرعة في الجسم ⬅️ فبيديك مفعول أسرع لتسكين الألم، عملوا تجارب كافية بخصوص الموضوع دة.

↩️ عشان كدة هتلاقي أشكاله في الصيدلية immediate release أو فوارات أو Gelatin Capsules.

▪︎ وعشان هو سريع الامتصاص هتلاقي أنه بيستخدم لحالات الألم المحتاجة تأثير سريع: زي ألم حاد acute pain أو ألم البريود Dysmenorrhea أو الصداع النصفي migraine وغيرهم.
__________________
✴️ Diclofenac sodium
أما ملح الصوديوم فهنا الامتصاص أبطأ من البوتاسيوم، لذلك قالولك دة هينفع أكتر في حالات الألم اللي بيطول معانا شوية، وكمان الامتصاص السريع كان له مشاكل انه بيأثر على المعدة ويعملها تهييج وألم، فراحوا العلماء في أواخر التمانينات قالولك طيب ماحنا ممكن نعدل في شكل القرص ونخليه يُمتص بشكل أبطأ وكمان اخلي الامتصاص مش في المعدة، هنخليه في الامعاء small intestine عشان نقلل التأثير على المعدة.

↩️ ومن هنا طلعوا لينا Dosage form عبقرية، سموها (enteric-coated) فالطبقة المغلفة المحاوطة للمادة الفعالة بتكون مقاومة لحمض المعدة ⬅️ فالقرص يفك ويمتص في الأمعاء في PH أعلى. (non ionized form)

▪︎ هنا أنا تفاديت الاحتكاك المباشر للمعدة أة ولكن يظل الدواء ممكن يعمل مشاكل في باقي الجهاز الهضمي بداية من الأمعاء ودي مشكلة العلماء لسة بيحلوها.

↩️ وفي التسعينات طلعوا العلماء بشكل جديد تاني للديكلوفيناك الصوديوم (Extended-release XR) أو sustained release SR زي Voltaren SR اللي في السوق، ودة مصمم مخصوص عشان يخلي الدواء يطلع ببطء على فترات خلال اليوم، ودة بيخلي الاستخدام جرعة واحدة بس يوميًا (100 mg) ودة مناسب لمرضى الالتهابات المزمنة زي الروماتويد والتهاب المفاصل العظمي.

↩️ أما على مستوى ال topical use فعندك ال FDA مصرحة فقط ب Diclofenac sodium فقط في صورة gel حتى الآن.

📝 أما بالنسبة لنقطة تأثيرهم على الضغط فالاتنين متساويين لأن الضغط هيأثر فيه مادة ال Diclofenac مش الملح أبدا.

▪︎ أخرك في جرعة الديكلوفيناك سواء صوديوم أو بوتاسيوم في اليوم: 150 mg، تقسمهم على مرتين ل ٤ مرات على حسب التركيز اللي هتاخده، إلا في حالة Extended-release هنا هتاخد جرعة مرة واحدة فقط تركيز 100 mg.
___________

24/08/2025

كلنا استخدمنا الدواء دا مع مرضي الدوار والدوخه بس هل فكرت ايه الي اخد بالي منه قبل ما اوصفه ؟
عارف هو بيشتغل اذاي > عن طريق انه بينشط مستقبلات الهيستامين فبيعمل علي توسيع الاوعيه الدمويه وبيخفف الضغط جوه الـ the endolymphatic space وبيعالج الدوخه كدا بس خدت بالك دا بينشط مستقبلات H1 يعني لو مريض قرحه في المعده او ارتجاع مرئ ؟
ممكن يتعبه
لو مريض حساسيه صدر او حساسيه جلديه
ممكن يتعبه
فخلي بالك مع الناس دي لو اخدت الدواء واشتكت من الحاجات دي يبقي هو المذنب وقفه
---------------------------

13/08/2025

لو عاوزين تعرفوا الفرق بين ليمتلس ماغنسيوم و مغنسيوم بلس شوفوا البوست هيعجبكم جدا 🔥🔥

**ماغنسيوم بلس VS ليمتلس ماغنسيوم:
مين الأفضل؟**

لو بتدوري على مكمل مغنيسيوم يساعدك في النوم، تقليل التوتر، أو علاج التشنجات العضلية، فهنا مقارنة سريعة بين أشهر نوعين في السوق المصري:

# # # 🟢 **ماغنسيوم بلس**
- ✅ يحتوي على **أكسيد المغنيسيوم + جلوكونات المغنيسيوم**
- 💊 تركيز: 400 مجم أكسيد + 100 مجم جلوكونات
- 🌙 مفيد للنوم، الصداع النصفي، والتشنجات
- ⚠️ امتصاصه متوسط، لكنه مناسب للحالات العامة

# 🔵 **ليمتلس ماغنسيوم**
يحتوي على **ماغنسيوم بيسجليسنات*
- ⚡ ممتاز للطاقة، تحسين المزاج، وتقليل الإمساك السعر: أعلى من ماغنسيوم بلس

- 🌱 مناسب للناس اللي عندهم مشاكل في الامتصاص أو بيدوروا على تأثير أسرع

---

💡 **الخلاصة**:
- لو محتاجة دعم للنوم أو علاج التشنجات: جربي **ماغنسيوم بلس**.
- لو بتدوري على امتصاص سريع وتأثير قوي على المزاج والهضم: اختاري **ليمتلس ماغنسيوم**.

01/08/2025

ماهو_الفرق_بين_Ceftriaxone_والـ_Cefotaxime_المعروف_تجاريا_بالـ_Claforan_كلافوران.

هناك_بعض_الفروقات_و_هي:
1⃣ الـ Ceftriaxone يمتلك longer half life لذلك يعطى مرة باليوم او مرتان اما الCefotaxime يعطى مرتان في اليوم.
2⃣ الـ ceftriaxone يطرح عن طريق الكبد بينما الـ Cefotaxime يطرح عن طريق الكلى.
3⃣ في حالة وجود مشكلة في كلا العضوين مثلا renal failure يفضل اعطاء السفترياكسون لتجنب Toxicity عند اعطاء الـ Cefotaxime وبالعكس في حالة وجود مشكلة في الكبد hepatic failure يفضل اعطاءه والـ Cefotaxime لنفس السبب.
4⃣ في حالة وجود عدوى او التهاب في كلا العضوين مثلا UTI يفضل اعطاء الـ Cefotaxime نظرا لزيادة تركزه في الUrine لمحاربة العدوى لفتره اطول اما في حالة وجود عدوى في الكبد او المرارة يفضل اعطاء الـ ceftriaxone.

31/07/2025

شوية المكسرات دول على الفطار... هيفرقو معاك اليوم كله لحد اخره
لا هتجوع
و هتركز
و هيديك نشاط عجيب
غنى بالاوميجا ٣
و الدهون الصحيه
و فيتامينات كتيره و عجيبه
و خصوصا لو مع كباية قهوه 😍😍

29/07/2025

♦️3 ادوية مشهورين في توسيع الشعب الهوائية بنستخدمهم في عمل جلسات #النيبولايزر وهم:

🔷اول دواء (Atrovent) اتروفنت
🔷تاني دواء (Farcolin) فاركولين
🔷تالت دواء (Pulmicort ) بلمكورت

كلهم بنستخدمهم في حالات الـ (bronchial asthma) الربو القصبي علشان بيعمل (bronchial dilatation) توسع الشعب الهوائية

#خدبالك:
💠 #دواء ( ) اتروفنت
• من ادوية (anticholinergic drug) مضادات الكولين ومش بيسبب زيادة في ضربات القلب وعشان كده هو امن اكتر من الفاركولين
•ولازم ثبت الماسك علي العيان كويس وخلي بالك بلاش البخار يدخل في عين العيان عشان بيعمل (blurred vision) تشوه في الرؤية وبيأثر علي العين

💠 #دواء ( ) فاركولين
• يفضل عدم استخدامه مع مرضي القلب عشان بيزود ضربات القلب و بيعمل رعشة مع بعض الناس

💠 #دواء ( ) بلمكورت
• خلي بالك منه عشان حساس للضوء وبيترج قبل التحضير ومينفعش يتركن اكتر من ربع ساعة وهو مفتوح
• وبيمنع حدوث ( inflammatory) اللتهابات وبالتالي بيقلل عدد مرات حدوث الـ ( asthma)

26/07/2025

الدواء_عندنا_مش_ناقص
الدواء الأفضل والحل الفعال للقشره للاطفال والكبار🤩
🚨كيريللا محلول ( Kerella Lotion ) موضعي يستخدم فى علاج قشرة الرأس الشديدة وعلاج الصدفية.
يحتوي محلول كيريللا على مكونات فعالة مضادة للالتهاب والحكة التى تصيب الرأس والجلد وقاتل للبكتيريا الضارة, لذلك يعتبر محلول كيريللا واحد من أفضل علاجات الصدفية وقشرة الرأس.
يستعمل محلول كيريللا على المنطقة المصابة مع تدليك ناعم على الجلد مرتين يوميا أو مرة. 👌🏻🔥
🚨متوفر في صيدلية مروة بجوار مدرسة السويدى للغات
واتساب 010 33815969
عندنا كل ما تحتاجونه وأكثر .. 🔥
تتوفر جميع النواقص كما عودناكم.✌️💪
صحتك_في_إيد_أمينة 💊🩺💚

26/07/2025

معانا مش محتاج تلف على علاجك الناقص 🌹
متوفر الان
ميكوناز سبراي بودرة للفطريات
_____________________

18/07/2025

🧠 في مرطبات كتير للعين بس مش كلهم زي بعض"
تعالي اقولك👇😉:......
✅ أول حاجة… هو إيه اللي بيفرّق بين قطرة وقطرة؟
في حاجات رئيسية:

المواد الفعالة (Active Ingredients)
زي:

-Sodium Hyaluronate: مادة طبيعية بتوجد في الجسم، بتحبس الرطوبة وبتدي لزوجة عالية وراحة أطول
-Glycerin: مرطّب قوي بيساعد يحافظ على السوائل
-Carboxymethyl Cellulose: بتكوّن طبقة حماية على سطح العين.......
👌👌التكنولوجيا

-زي الجِل أو الـ matrix اللي بتخلي القطرة تفضل على سطح العين مدة أطول

-أو تبقى multi-layer وتمنع التبخر......
💥الـ Preservatives

معظم القطرات الكبيرة (multi-dose) فيها مواد حافظة

لكن الـ single-dose بتكون من غير مواد حافظة = آمنة أكتر للعين الحساسة

🏃‍♂️طب نقول مثال زي أي بقا؟
🧴 أنواع زي :
1️⃣ Solofresh

💧 Sodium Hyaluronate
💧 Polyethylene glycol 400
💧 إلكتروليتات: Sodium chloride – Potassium chloride – Calcium chloride – Magnesium chloride
💧 Sodium chlorite (مادة حافظة لطيفة)

📍قطرة خفيفة، بترطّب كويس، مناسبة للجفاف المتوسط
📍التركيبة فيها إلكتروليتات زي اللي في دموعنا = بتحافظ على التوازن الطبيعي للعين
📍سعرها متوسط ومناسب للاستخدام اليومي......
2️⃣ Polyfresh Advance

💧 Sodium Hyaluronate
💧 Glycerin
💧 Carboxymethyl Cellulose

📍تركيبة أقوى من العادية، ترطيب عميق ويدوم لفترة أطول
📍بتساعد في تقليل الاحتكاك وحماية سطح العين
📍مناسبة للجفاف المتوسط إلى الشديد......
3️⃣ Polyfresh Extra – Single Doses

💧 Sodium Hyaluronate
💧 Carboxymethyl Cellulose
💧 Glycerin
💧 إلكتروليتات: Potassium chloride – Calcium chloride – Magnesium chloride – Sodium citrate
💧 خالية تمامًا من المواد الحافظة

📍دي قطرة فاخرة، single-use = أمان تام للعين
📍مناسبة للي عنده حساسية، أو بعد العمليات
📍تحاكي الدموع الطبيعية بنسبة كبيرة......
4️⃣ Systane Ultra

💧 Polyethylene glycol 400
💧 Propylene glycol
💧 Hydroxypropyl Guar ودي بتكون
Gel forming agent
💧 إلكتروليتات بسيطة + عوامل pH balance

📍من أشهر القطرات عالمياً مش فمصر بس
📍تركيبة مميزة بتثبت لفترة على سطح العين
📍بتقلل التبخر ومناسبة للجفاف المزمن

👨‍⚕️ وفي الآخر:
"فهمت بقى ليه الأسعار مختلفة؟ الفرق مش في الاسم… الفرق في التركيبة، التأثير، والأمان
وكل نوع ليه حالة معينة يناسبها 👁️"

06/07/2025

لو محدش قالك قبل كده إن الفيتامينات مش بتتاخد عشوائي و ليها اوقات معينه في اليوم بتساعد علي امتصاصها اكتر من أي وقت تاني ...،
يبقي لازم تحفظي البوست ده عندك 🤝

1️⃣ الأوميجا3 ... بيتاخد وسط الاكل ( الاكل بيساعد علي امتصاصه)
2️⃣الحديد ... بعد الفطار بساعتين ( ولو معاه فيتامين c يبقي زي الفل)

3️⃣الحديد والكالسيوم ... مبيجتمعوش سوا لازم فرق بينهم 4 ساعات عالاقل
4️⃣فيتامين ب المركب .... عالريق او بعد الاكل ب3 ساعات

5️⃣فيتامين A , D , E , k .... وسط الاكل او بعد الاكل مباشرة ويفضل اول اليوم لانه بيدي نشاط

6️⃣فيتامين C ... يفضل صباحا لأنه بيعطي طاقه

Marwa Pharmacy صيدلية مروة

24/09/2025

20/09/2025

25/08/2025

24/08/2025

13/08/2025

01/08/2025

31/07/2025

29/07/2025

26/07/2025

26/07/2025

18/07/2025

06/07/2025

Address

Website

Alerts

Shortcuts

Share

Category