Thank Note Me

02/10/2021

04/01/2021

04/04/2020

الحلقة الخامسة من برنامج دقيقتين لقلبك
موضوع الحلقة / قصور الشرايين التاجية(مرض شرايين القلب)
مع الدكتور هانى محمود استشاري جراحة القلب والصدر بمعهد القلب القومي
مع افضل تمنياتنا بالصحة لكل متابعينا.
دكتور

26/03/2020

الحلقة الرابعة من برنامج دقيقتين لقلبك
موضوع الحلقة / هل الحزن يسبب أزمة قلبية
مع الدكتور هانى محمود استشاري جراحة القلب والصدر بمعهد القلب القومي
مع افضل تمنياتنا بالصحة لكل متابعينا.
دكتور

19/03/2020

الحلقة الثالثة من برنامج دقيقتين لقلبك
موضوع الحلقة الفرق بين النغزة الصدرية والآلام القلبية
مع الدكتور هانى محمود استشاري جراحة القلب والصدر بمعهد القلب القومي
مع افضل تمنياتنا بالصحة لكل متابعينا.
دكتور

12/03/2020

الحلقة الثانية لبرنامج دقيقتين لقلبك
موضوع الحلقة الوقاية من الازمة القلبية
مع الدكتور هانى محمود استشاري جراحة القلب والصدر بمعهد القلب القومي
مع افضل تمنياتنا بالصحة لكل متابعينا.
دكتور

05/03/2020

موضوع الحلقة : الأزمة القلبية

27/02/2020

الغدة الدرقية هي المنظم لكثير من العمليات الحيوية في جسم الانسان (ثرموستات)🤒🤒
فهي تظبط ايقاع الجسم من (الحرارة والنبض والضغط)🤒
فزيادة نشاطها يؤدي الي تسارع نبضات القلب وراتفاع الضغط♥
وارتفاع درجة حرارة الجسم والشعور بالجوع ونقص الوزن🙆‍♀🙆‍♀
والتعرق الشديد وضعف نشاط الغدة الدرقية 😱😱
ينتج عنه انخفاض الضغط و انخفاض معدل نبضات القلب ♥♥
وزيادة الكوليسترول في الدم وتورم القدمين وفقدان الشهية وزيادة الوزن 👩‍🦰👩‍🦰.
ويقوم هرمون الغدة الدرقية بالتاثير علي العمليات الحيوية بالجسم من خلال التاثير علي الجهاز الثيمبثاوي (الجهاز الذي ينشط مع انفعلات الانسان مثل الحزن، الخوف والفرح).😣😣😀😀
ولا ننسي ذكر العلاقة الوثيقة لامراض الغدة الدرقية وامراض الضغط وعدم انتظام ضربات القلب وامراض♥♥ الشرايين التاجية ولذا فالمتابعة الدورية لوظائف الغدة الدرقية يقيك الوقوع في كثير من امراض القلب💔💔
ملاحظة السيدات اكثر عرضة للإصابة بأمراض الغدة الدرقية من الرجال.👉👉👉

مع افضل تمنياتنا بالصحة لكل متابعينا.
دكتور
استشاري جراحة القلب والصدر بمعهد القلب القومي

20/02/2020

نصائح طبية لتحيا حياة صحية: 😃💪
اولا-نظام الأكل الصحي:🥦🥒🍅🥕
١- قلل او تجنب السموم البيضاء الملح ، السكر و الدقيق ومشتقاته( الخبز🥖 ، المعجنات 🥯، الكيك🍰 و انواعه والحلويات والمكرونة).
٢-إذا تناولت الخبز فتناول الخبز الاسمر🥔و لا يزيد مقدار ماتتناوله عن نصف رغيف صباحا وأخر مساءا.
٣-اهم وجبة هي وجبة الإفطار و أن تحتوي علي بيض 🍳و كوب لبن🥛 مع فول وزيت زيتون وجبن قريش وقلل من الجبون الصفراء.🧀
٤-لابد ان يكون طبق الغذاءالمتوزان كما نصح خبراء التغذية طبقا نصفه بروتين والنصف الآخر الخضراوات🥦🥒🍅🥕 الكربوهيدرات .
٤-تناول الفاكهة و الخضروات قبل تناولك طبق الغذاء سيقلل من من شهيتك لتناول الخبز و الأرز والمكرونة وذلك لامتلاء المعدة وقد سبق القرآن الكريم بهذه النصيحة الفاكهة قبل اللحم اذ يقول (وفاكهة مما يتخيرون ولحم طيرمما يشتهون).
٥-مسموح باكل البيض 🍳حتى بيضتين حسب التوصيات العالمية الجديدة.
٦-أن يكون العشاء خفيفا ..................................................................................................
ثانيا- الحفاظ علي ممارسة الرياضة 🤾‍🧘‍️يوميا علي الاقل ٤٠ دقيقة يوميا لمدة ٥ أيام. ..................................................................................................
ثالثا- متابعة الفحوصات📑 الدورية السنوية حتي ان لم تكن مريضا (قياس الضغط ،قياس السكر،وظائف الكلي ، الكبد و الغدة الدرقية)................................................................................................
رابعا- تجنب ضغوط الحياة بقدر الإمكان مع ايجاد فترات للترويح عن النفس يوميا.
ملحوظة:
١-كان ينصح قديما بتناول الاسبرين بعد سن الاربعين لتفادي الجلطات وقد أثبتت الأبحاث خطا هذه النصيحة الا لمن سبق له حدوث جلطة او من قصور في الشرايين التاجية او حسب نصيحة الطبيب المعالج.
٢-إذا كنت ممن يعاني من مرض السكري فعليك بعمل موحات صوتية علي القلب ❤️سنويا لاطمئنان علي كفاءة عضلة القلب.
٣-اذا كنت ممن أجري عملية قلب مفتوح(شرايين) أو مممن ركب دعامات قلبية فعليك بعمل موجات صوتية علي القلب كل ٦ أشهر وعمل رسم قلب بالمجهود سنويا .

مع افضل تمنياتنا بالصحة لكل متابعينا.
دكتور
استشاري جراحة القلب والصدر بمعهد القلب القومي

15/02/2020

في الشتاء🥶 يحلو الكسل ويقل شرب الماء💦 مع تساقط المطر، ويقل النشاط
مع الدفئ والاسترخاء، ويقل الزوار من البشر الا من زائر يدق ناقوس الخطر وهو الازمة القلبية💔 يزداد في الشتاء معدل الجلطات القلبية والمخية 💀
ويحدث ذلك نتيجة لقلة شرب الماء و التي تزداد معها لزوجة الدم🌡 وبالتالي زيادة احتمالات حدوث الجلطات وايضا لتقلص الاوعية الدموية🧬 الطرفية والتي تحدث نتيجة للبرد والتي تؤدي بدورها الي ارتفاع ضغط الدم وكل ذلك يؤدي زيادة معدل الجلطات.
ولذا حافظ علي شرب الماء بكميات كافية وتخل عن الدفء و لا تتخل عن النشاط والحركة.
وكما اصبح معلوما ان معدل الازمات والجلطات القلبية يزداد ليلا في العموم ويزداد هذا شتاءا ويقلل حدوث هذا الاستيقاظ ليلا،🌃 فلبي نداء رب العباد وقم الي صلاة الفجر 🕌ففيها مرضاة للرب ووقاية من الازمات والجلطات .
ملحوظة احتياج الجسم للرجال🦹‍♂️ من الماء ٢.٥ لتر يوميا وللسيدات 🦹‍♀️٢ لتر يوميا ويزيد عن هذا نصف لتر اضافي للحوامل والسيدات والرياضيين ونستطيع القول ان معدل شرب ٨اكواب من الماء يعتبر الحد الادني المطلوب للجسم. وقد يكون ٨ اكواب هو عدد كافي للفرد او لا.
ومن الممكن معرفة ما اذا كان معدل شربك للماء اليومي كافيا او لا وذلك من لون البول صباحا فاذا كان فاتحا فهذا دليل ان معدل الشرب كافيا اما اذا كان داكنا (لون عصير التفاح) فمعدل الشرب غير كافي.

مع افضل تمنياتنا بالصحة لكل متابعينا.
دكتور
استشاري جراحة القلب والصدر بمعهد القلب القومي

13/02/2020

شهادة اعتز بها
وحمد الله علي سلامة الاستاذ عبد الله جاد و الاستاذ محمد البحيري بعد عملية زراعة شرايين ناجحة .

06/02/2020

حمد الله علي سلامة الاستاذ رفعت شندي بعد قيامه بعملية زراعة شرايين ناجحة واشكر الاعزاء ابنائه شندي رفعت ومحمد رفعت علي هذه الكلمات الرقيقة التي وجهت لي.

05/02/2020

ينتاب الكثير منا الهلع والخوف😟 عند الشعور بالم في الصدر
خوفا ان تكون الام قلبية💔 سالخص سريعا الاسباب حسب المنشا.

اسباب خاصة بالقلب:❤️..............................................
١- ذبحة صدرية، وهي انسداد جزئي او كلي للشرايين التاجية.
٢- ضيق او ارتجاع احد صمامات القلب.
٣- تهتك او قطع او انسلاخ الشريان الاورطي (الشريان الرئيسي الخارج من القلب).
٤- ارتفاع ضغط الدم.

أسباب خاصة بالجهاز التنفسي مثل 😷.............................................
التهابات روماتيزمية في عظام وعضلات القفص الصدري
التهاب الغشاء البلوري المحيط بالرئة او الكحة او الجلطة الرئوية.

اسباب خاصة بالجهاز الهضمي 🙇‍♀️.............................................
ارتجاع المرئ او القولون العصبي او التهاب المرارة.

أسباب خاصة بالعمود الفقري مثل .............................................
حدوث انزلاق غضروفي في الفقرات العنقية او الصدرية.

و أخيرا قد يكون الضغط العصبي والنفسي سببا لحدوث الام الصدر.

مع افضل تمنياتنا بالصحة لكل متابعينا.
دكتور
استشاري جراحة القلب والصدر بمعهد القلب القومي

30/01/2020

خيري رمضان(الجزء الثاني)

هالخصلكم الاحداث سريعا القصة بدات بالتهاب رئوي ادي الي تجمع صديدي حول الرئة ثم انتشار الصديد حول القلب وتآكل عظمة الصدر مع جرح ملوث ومفتوح.
(خلق الانسان ضعيفا) اية كريمة وضحت اد ايه الانسان ضعيف في كل حاجة واحنا قصاد مثال حي، ميكروب شرس جدا في جسد ضعيف انهارت فيه كل وسائل الدفاع الحيوية.
علي مدار شهر ونص من المتابعة اليومية ضغطه ونبضه كويسين الحرارة كانت عالية ونزلت ودى علامة كويسة، لكن جهاز الشفط يوميا بيشفط من الجرح كميات كبيرة من الصديد على مدار شهر ونص.
الخطوة اللي بعد كدة هي جراحة تنضيف للجرح وما حول القلب.
المشكلة بقت حرب بين خصمين، الميكروب الشرس وجسم استاذ خيري رمضان الضعيف. ولازم نقوي خطوط الدفاع بطريقة غير تقليدية غير المضادات الحيوية لانه عنده مقاومة لكل انواع المضادات الحيوية فلجأت لخط دفاع قوي جدا بس مش موجود في منطقة الصدر. لكن موجود في البطن، خط الدفاع ده هو قوات الحرس الخاصة بتاعة البطن، حاجة كدة محدش يتصورها الحاجة ده هي (منديل البطن). انتوا طبعا عارفين الطرب اللي في محلات الكباب، هو عبارة عن منديل البطن في الخروف او البقرة وهو غشاء رقيق بين الامعاء، في الانسان منديل البطن بيسموه في كتب الطب شرطي البطن يعني (policeman of abdomen)، وظيفته لما بيلاقي اي ميكروب في البطن يهجم عليه بمعني اخر ييجي منديل البطن ده يلف ويتكتل حول الميكروب لقتله.
طب ده هيفيدني ازاي؟
عندنا ميكروب شرس ومحتاج املي الفراغ اللي نتج عن تاكل عظمة الصدر.
سبحان الله وجد ان منديل البطن ده غني بالاوعية والشعيرات الدموية اللي عن طريقها ييجي اعداد كبيرة من الاجسام المضادة والخلايا الليمفاوية اللي بتهاجم الأجسام الغريبة زي الميكروبات بكفاءة عالية جدا ودي اول ميزة ممكن استفيد بيها في مقاومة الميكروب، والميزة التانية ودي حاجة عجيبة ان منديل البطن لما يتزرع في منطقة الصدر تبدا تظهر فيه خلايا عظمية اللي بتساعد علي ترسيب كالسيوم في هذا الغشاء الرقيق اللي هو منديل البطن وتحوله إلى كتلة صلبة تشبه العظام وبكدة ممكن استفيد من الميزة التانية في اني اعوض الفراغ الناتج عن تاكل العظم ( علم الانسان مالم يعلم) وده كانت مقدمة لعملية كبيرة هتتعمل.
المشكلة ان عملية نقل منديل البطن الي منطقة الصدر بيعملها دكاترة التجميل ومش اي دكتور تجميل ده لازم يكون علي كفاءة ومهارة عاليين لأنها عملية كبيرة وعشان اجيب حد من الاسامي الكبيرة في جراحة التجميل المتخصصين في الجزء ده هيطلب مبالغ ضخمة جدا.
كنت عايز اوضح إن كتير من خبراتنا كجراحين قلب معتمد علي المساعدات الكتير في العمليات والمشاهدات العملية والتدريب المهني وكل الخبرات ده بتبقي مخزنة في ذاكرة الجراح بحيث انه لما يتعرض لموقف او مشكلة في العملية يرجع يبحث في ذاكرته عن موقف مشابه اتعرض ليه جراح اخر وازاي اتصرف فيه ومعني كدة اني ممكن اعمل عملية لاول مرة لوحدي اعتمادا علي خبرة مساعدات كتير لجراحين اخرين بشرط وجود حد ادني من الخبرة العملية في العمليات.
طبعا اصبحت في حيرة من امري لعدم امكانية توفير جراح تجميل وضرورة التدخل السريع لعم خيري وفالنهاية خدت القرار اني اعمل العملية بنفسي وتم تجهيز الفريق اللي هيساعدني في الحالة وتوكلت علي الله ودخل عم خيري العمليات وقمت باجراء العملية بتوفيق من ربنا ودخل عم خيري الرعاية المركزة وطبعا نتيجة في علم الغيب ومر ٤ايام بعد العملية الجرح كويس وماكنتش مصدق النتيجة وفي اليوم الخامس الاحظ نزول سائل اصفر من الجرح، طبعا في حاجة عايز اوضحها وهي ان منديل البطن عند نقله من البطن الي الصدر ونتيجة لشده عشان يوصل منطقة الصدر بينتج عن ذلك سائل اصفر مشابه للصديد وبيستمر تكوينه كذا يوم وبيخرج من خلال انابيب متوصلة بالجرح عشان السائل ما يتجمعش داخل الجرح والسائل ده اسمه (السائل الليمفوي)، المهم في اليوم الخامس الجرح بدا يفتح من جديد وبدا يجيب سائل اصفر وماعرفش اذا كان ده صديد ولا السائل الليمفوي واصابني الإحباط من جديد لاني عملت كل حاجة مع المريض وهل يا تري منديل البطن اللي اتحط باظ هو كمان، و ما كانش قدامي غير ان احط المريض علي جهاز الشفط من والمتابعة ومر ١٥ يوم بعد وضع المريض علي جهاز الشفط و المفاجأة ان السائل اللي كان بيخرج من الجرح قل الي ان تلاشي تماما وطبعا كان توفيق من ربنا وكان لازم الخطوة الجاية اقفل جرح عم خيري في العمليات مع استكشفاف ماذا حدث مع منديل البطن الموضوع في الصدر، ودخل المريض العمليات للمرة الثالثة وكانت المفاجأة اختفاء هذا الغشاء الرقيق (منديل البطن) وتكون كتلة صلبة مكان عظمة القص المتاكلة و تم غلق الجرح وخروج عم خيري من معهد القلب الي بيته سالما وبعدها بشهر زارني خيري رمضان في العيادة وهو تمام الصحة والعافية .
مع كامل الشكر والتقدير للدكتور وليد العوضي
وصدق الله العظيم إذ يقول ولا تيأسوا من روح الله انه لا ييأس من روح الله الا القوم الكافرون.
مع افضل تمنياتنا بالصحة لكل متابعينا.
دكتور
استشاري جراحة القلب والصدر بمعهد القلب القومي

26/01/2020

أنتظرونا قريباً فى سلسلة حلقات دقيقتين لقلبك مع الدكتور هاني محمود إستشاري جراحة
القلب و الصدر بمعهد القلب القومي
مع افضل تمنياتنا بالصحة لكل متابعينا.
دكتور

23/01/2020

خيري رمضان هو مريض، ومش خيري رمضان المذيع التليفزيوني المشهور،
خيري رمضان محامي راح معهد القلب عشان يعمل عملية قلب مفتوح وبعد إجراءات كتير تم تجهيزه لإجراء العملية وتم تحديد ميعاد العملية.
في العادة ابدأ اسبوعي في المعهد يوم الأحد، طالع بجري الصبح بدري عشان أوصل المعهد قبل ما كوبري أكتوبر يتزحم واندم إني مانزلتش بدري وتكون طاقتي خلصت قبل ما أوصل المعهد.
اليوم ده وصلت بدري، ودخلت العمليات بدري وكلي نشاط، وقابلت د.يسري صديقي العزيز ووقفنا مع النائب عشان نعرف كل واحد فينا عنده حالة إيه هيشتغلها، المهم عرفت إني عندي حالة شرايين والمريض اسمه خيري رمضان، ود. يسري صديقي عنده برده حالة شرايين والمريض اسمه إسماعيل عبد الحافظ، قعدنا نضحك وقلنا لستة عمليات المشاهير؛ أنا معايا مريض اسمه على اسم مذيع، ود. يسري معاه مريض اسمه على اسم مخرج تليفزيوني.
المهم دخل خيري رمضان غرفة العمليات بشوش وفيه من سماحة الوجه والرضا بالقضاء والقدر اللي يخليك تتفائل وتدخل العمليات واثق في ربنا إن المريض هيطلع كويس من العمليات.
المهم عملت العملية لخيري رمضان وزرعتله ٣ شرايين، وكانت العملية موفقة والحمد لله، وخرج خيري رمضان على خير إلى غرفة الرعاية المركزة ومشيت الأمور على خير وخرج لغرفته في الدور من غير مشاكل.
ومع المتابعة اليومية لعم خيري بدأنا نلاحظ بلغم كتير في صدره مع ارتفاع درجة حرارته، وده بيبقى مقبول في أول كام يوم من العملية وخاصة إن العملية بتاخد وقت من ٥_٦ ساعات بيتوقف فيها القلب فيهم تماماً وتحل ماكينة القلب الصناعي محل القلب الطبيعي.
ماكينة طولها مترين ونص، وهنا بنشوف الفرق بين الصناعة الربانية والصناعة البشرية؛ ماكينة ضخمة بتحل محل عضلة صغيرة عشان تقوم بوظيفة القلب أثناء توقفه في فترة العمليات، وبعد كده يدخل الرعاية المركزة يقعد فترة علي جهاز التنفس الصناعي.
المناعة بتضعف مؤقتاً بعد العملية والجسم بيبقى عرضة إن أي ميكروب ضعيف يأثر فيه فوجود بلغم وإن الحرارة ترتفع شوية شيئ مقبول بعد العملية.
طبعا سحبنا مزرعة من البلغم ومن الدم وطلعت نتيجة المزرعة.
كانت المفاجاة اللي أصابتني بالإحباط الشديد هو وجود ميكروب شرس لا يستجيب لأي نوع من المضادات الحيوية..حقا إنها كارثة..
معني كده إنه مفيش مضاد حيوي هيأثر في خيري رمضان. ومع ذلك كنت لازم أبدأ مضاد حيوي لأني ما ينفعش أسيبه كده، وعادةً لما بتظهر المزرعة بيكون فيها المضادات الحيوية اللي الميكروب ممكن يتأثر بيها، وكانت النتيحة سلبية مفيش استجابة لأى نوع في المزرعة.
كنت في حيرة أبدأ إيه لعم خيري.
المهم اخترت مضاد حيوي وبدأته لعم خيري، وبيني وبين نفسي خايف إنه يدخل في التهاب رئوي.
مرت الأيام وصوت صدر عم خيري تسمعه من علي باب الغرفة من كتر البلغم والكحة، وفي يوم كلمني النائب المقيم في المستشفى وقالي إن عم خيري تعبان ومش قادر ياخد نفسه ولازم يتنقل من الغرفة إلى الرعاية المركزة في المعهد.
على الفور تم نقل عم خيري الرعاية المركزة، وتم عمل أشعة على الصدر وظهر فيها التهاب رئوي وتجمع سائل حول الرئة ولازم يتفضى عن طريق أنبوبة صدرية بتتركب بين الضلوع عشان نفضي السائل المتجمع حول الرئة، واتركبت الأنبوبة الصدرية وتم تفريغ السائل وطلبت تحليل السائل اللي خرج، وكانت المفاجاة إن السائل اللي خرج طلع صديد، وطبعاً الأحداث بقت سريعة، وكل ده حصل في الأسبوع التاني من العملية بعدها ب ٣ أيام لقيت التمريض بيبلغني إن جرح عم خيري بدأ يجيب صديد من جرح العملية، وده طبعاً كارثة لأن الجرح الملوث ممكن يسبب تآكل عظمة الصدر، ودي هي العظمة الموجودة في نص الصدر، واللي ممكن يترتب على تآكلها وإن القلب هيبقى مكشوف تماماً ومش هيبقى مغطي باي غطاء عظمي ومش متغطي بأي حاجة وطبعاً رحت أبص على عم خيري وأنا في ذهني الكلام ده كله وبأسال نفسي هاعمل إيه في ظل عدم وجود مضاد حيوي فعال ضد الميكروب الشرس اللي طلع في المزرعة، ومع اقترابي لسرير عم خيري عشان أبص على الجرح بدأت أشم ريحة كريهة من الجرح، وأدركت حجم المشكلة من قبل ما أشوف الجرح، وبقيت واقف محتار أعمل إيه وطبعاً في الحالات اللي زي دي بنستعين بجهاز شفط بيتوصل بالجرح بحيث إنه يشفط أي صديد متكون على مدار ٢٤ ساعة، ومن كتر الصديد مش قادر أشوف الجرح وأحدد وضع عظمة الصدر إيه.
وتم حجز جهاز الشفط الموجود في المعهد، ولكن المستهلكات مش موجودة وهتيجى كمان أسبوعين، ولازم أتصرف بسرعة، وتم توفير المستهلكات من الشركة الموردة رأساً، وفعلاً ركبت جهاز الشفط واستمر عم خيري على جهاز الشفط لمدة شهر ونص.
ميزة جهاز الشفط غير إنه بيشفط الصديد إنه برده بيحسن الدورة الدموية في مكان الجرح.
نسيت أقولكم وأنا واقف أثناء تركيب جهاز الشفط، وطبعاً ده بيكون تحت تعقيم كامل للمريض، قدرت أشوف الجرح، وطبعاً زي ما توقعت عظمة الصدر متآكلة تماماً، ولكن المصيبة الأكبر كانت إن القلب عائم في بركة صديد، ودي أول مرة أشوف المنظر ده في مريض بهذه الكمية، وده شئ مخيف لأن حجم التلوث بهذا الشكل ممكن يؤدي إلى تآكل الشريان الأورطي أو الشرايين المزروعة علي الشرايين التاجية ويحصل نزيف في أي وقت وحياة المريض تبقى في خطر.
طبعا عم خيري كل ده وصامد، وكل يوم أساله أخبارك إيه يا عم خيري؟ يرد عليا بكامل الرضا:: الحمد لله، وطبعاً عم خيري ما اتحطش علي جهاز التنفس الصناعي زي ما كنا متوقعين.

إذن فالاستخدام العشوائي للمضادات الحيوية سواء من المرضى من غير وصفة طبية من الطبيب المعالج أو وصف بعض الأطباء للمضادات الحيوية الغير مرشد للمرضى أدى إلى ظهور سلالات من البكتريا المقاومة للمضادات الحيوية كما ظهر واضحاً في حالة خيري رمضان، وغيره من المرضى، مما يعرض المريض للخطر الشديد عند الحاجة للمضادات الحيوية لغياب فاعليتها ضد الميكروبات.
و إلى لقاء في جزء آخر من قصة المناضل خيري رمضان.
مع افضل تمنياتنا بالصحة لكل متابعينا.
دكتور
استشاري جراحة القلب والصدر بمعهد القلب القومي