استشاري علاقات زوجية ونفسية

استشاري علاقات زوجية ونفسية استشارية علاقات زوجية ونفسية

🔴 نزلت وسابت ولادها ولما رجع لقاهم قاعدين لواحدهم .. اتصل بيها مردتش وفضلت متردش ساعه متواصله ولما رجعت اول حاجه سألها ك...
30/04/2026

🔴
نزلت وسابت ولادها ولما رجع لقاهم قاعدين لواحدهم .. اتصل بيها مردتش وفضلت متردش ساعه متواصله ولما رجعت اول حاجه سألها كنتى فين …. رد فعلها كان وانت مالك ملكش دعوه ؟؟

طب انتى لسا على ذمته مش متطلقين هل يجوز ان ست مازالت متجوزة تخرج بدون اذن زوجها ولا ترد على تليفوناته ولا تقوله كانت فين …

طب هل رد فعله مبالغ فيه ؟؟ هل كان يسكت ويعدى الموضوع ؟؟

ما شفتش إنسان سعيد .. إلا وهو إنسان بسيط وبياخد الدنيا ببساطة .. بيتعامل مع نفسه ببساطة.. مع لبسه ببساطة.. مع أكله ببساط...
09/04/2026

ما شفتش إنسان سعيد .. إلا وهو إنسان بسيط وبياخد الدنيا ببساطة .. بيتعامل مع نفسه ببساطة.. مع لبسه ببساطة.. مع أكله ببساطه.. مع اللي حواليه ببساطه..
بيتعامل داخل بيته ببساطه.. مع أولاده ببساطه.. حتى مع أعداءه .. بيتعامل معهم ببساطه.. مش بيعيش الحياة بتعقيد .. مش بيفسر وينتقم، وحاطط أجندات قديمة بيحاسب اللي حواليه عليها..
الإنسان البسيط مش غبي .. ولا ساذج .. ده واحد اختار السلام بدل الصراع، واختار يخفف عن نفسه بدل ما يثبت للناس إنه تقيل..
بيلبس عشان يرتاح .. مش عشان يلفت، بياكل عشان يشبع .. مش عشان يبهر، وبيتكلم عشان يعبّر .. مش عشان ينتصر..
لو زعل .. بيزعل على قده، ولو فرح .. بيفرح من قلبه، ما عندوش رفاهية إنه يعقّد كل موقف .. ويحلله لحد ما يضيّع طعمه..
عارف إن أغلب المشاكل .. بتكبر لما بنعطيها أكبر من حجمها، وإن ناس كتير خسرت راحتها .. وهي بتحاول تكون نسخة مش بتاعتها..
الإنسان البسيط .. هو اللي يقدر ينام مرتاح، ويصحى من غير حمل تقيل جواه، لأنه ببساطة .. مش شايل الدنيا فوق كتفه..
ولو سألتني عن سر سعادته؟ هقولك : مش لأنه معاه أكتر .. خالص والله.. السعادة مش مرتبطة بالأكتر.. لكن لأنه محتاج أقل.

الخذلان مش إن حد يسيبك…الخذلان الحقيقي إن حد كنت شايفه أمانك،يطلع هو أكتر حاجة كسرتك.إنك تدي ثقة من قلبك،وتكتشف إنك كنت ...
09/04/2026

الخذلان مش إن حد يسيبك…
الخذلان الحقيقي إن حد كنت شايفه أمانك،
يطلع هو أكتر حاجة كسرتك.
إنك تدي ثقة من قلبك،
وتكتشف إنك كنت بتديها للي ما يستاهلش.
الخذلان مش وجع لحظة…
ده إحساس بيغيّرك،
بيخليك تفكر ألف مرة قبل ما تقرّب من أي حد،
وبيعلّمك إن مش كل الناس شبهك.
أصعب حاجة؟
إنك تبقى فاكر إنك عارف الشخص كويس…
وتكتشف إنك كنت عايش مع نسخة مش حقيقية.
بس رغم كل ده…
الخذلان عمره ما كان نهاية،
هو بس درس قاسي…
بيعلمك تحب نفسك أكتر،
وتختار صح المرة الجاية.

جدتي قالتلي جُملة حِلوة جداً :- كل مَرة الدُنيا تخيرك بين الليٰ تِحبُه وإللي يريحك،اختار اللي يريحك راحتك أهم من الليٰ ت...
08/04/2026

جدتي قالتلي جُملة حِلوة جداً :
- كل مَرة الدُنيا تخيرك بين الليٰ تِحبُه وإللي يريحك،اختار اللي يريحك
راحتك أهم من الليٰ تِحبُه، لإنك لو مُش مِرتاح مع شيء بِتحبه، هَتكره

28/03/2026

اللهم ارزقنا حسن الظن بك في كل ابتلاء .. وعلّمنا الرضا بكل قضاء .. وذكّرنا أن الخير ما اخترته لنا .. ولو خالف ما تمنيناه .. فأنت أرحم بنا من أنفسنا

لما الحب يتحوّل تهديد ازاي بنت محترمة تلاقي نفسها بتتنازل عن كل حاجة؟كتبت/ د/ شيماء صبحي مش كل علاقة سامة بتبدأ ضرب أو إ...
16/01/2026

لما الحب يتحوّل تهديد ازاي بنت محترمة تلاقي نفسها بتتنازل عن كل حاجة؟
كتبت/ د/ شيماء صبحي
مش كل علاقة سامة بتبدأ ضرب أو إهانة.
أخطر العلاقات… هي اللي بتبدأ بـ كلمتين حلوين وتنتهي بـ فضيحة وتهديد.
في النوع ده من العلاقات، البنت مش بتصحى من النوم وتقول:
“يلا أضيّع نفسي.”
هي بتدخل واحدة واحدة… خطوة ورا خطوة… لحد ما تبص في المراية وتسأل نفسها:
أنا عملت إيه في نفسي؟
إمتى اتنازلت؟
إزاي سكت؟
وهو ده أنا؟
الغريب بقى؟
إنها في الأول كانت سعيدة…
أو على الأقل فاكرة إنها سعيدة.
وأحيانًا كانت بتنفّذ طلباته وهي مرعوبة… بس خايفة أكتر من فكرة إنه يمشي.
البداية دايمًا حلوة… زيادة عن اللزوم الشخص المؤذي عمره ما ييجي يقولك:
“أنا سام وهكسرك.”
لا.
ده بييجي وهو خبير غزل.
كلام متقن… محسوب… مجرَّب على غيرك قبلك.
يحسسك إنك مختلفة
إنك أول واحدة
إنه عمره ما حب قبل كده
إنك أنثى مش شبه أي حد
وتصدقي مش لأنك ساذجة لكن لأنك محتاجة تحسي إنك مهمة.
وهنا يبدأ الوهم.
أول مرحلة: تكسير الهوية
من غير صوت عالي…
من غير خناق…
جُمل صغيرة تتكرر:
“أنا حاسس إني بكلم راجل.”
“إنتِ مش أنثوية كفاية.”
“لو بتحبيني بجد كنتي عملتي كده.”
الجُمل دي مش بريئة.
دي بتضرب في قلب هويتك.
وتدخلِ في حاجة اسمها
التناقض المعرفي
يعني:
لو ما نفذتش اللي هو عايزه = أنا مش أنثى
ولو نفذت = أبقى مقبولة
وتبدأ المساومة على نفسك.
تاني مرحلة: الذنب
يكررلك أخطائك
يفكرك بيها في كل خناقة
يحط ختم:
“إنتِ سيئة.”
تحسي بالخجل
بالذنب
بالتشويش
تبقي مش واثقة في حكمك
ولا في إحساسك
ولا حتى في رفضك
المرحلة الأخطر: خيانة الذات
في لحظة…
تقولي لنفسك:
“أيوه… يمكن أنا فعلاً سيئة.”
وتحاولي تثبتي العكس
مش بالكلام
بالتنفيذ
تعملي اللي مش شبهك
وتعدّي حدودك
وتكسري مبادئك
علشان تثبتي إنك “كويسة”
وهنا يحصل الانهيار:
عزلة
توه
قلق
نوبات بكاء
خوف دائم
وهو؟
يرجع يبقى طيب فجأة.
كلمتين حلوين
حنان محسوب
يحسسك إن الكلمتين دول منّة
وإن لازم تردّيهم بطلب جديد.
“ليه أنا؟”
مش أي بنت تقع في عوامل بتساعد الجاني، أهمها:
العزل
يحاول يبعدك عن صاحباتك
عن أي صوت يقولك: “إنتِ مش غلط”
الإرهاق الجسدي
قلة نوم
قلة أكل
توتر دائم
مش هو اللي يمنعك…
إنتِ اللي بتنهاري من الخوف
اللعب على الأمل
يهددك
وفي نفس الوقت يلمّح:
“لو سمعتي الكلام… هنكمل.”
هو بيدوّر على مين؟
الشخص السام مش عشوائي.
ده صيّاد.
بيدوّر على:
اللي بتثق بسرعة
اللي دايمًا حاسة بالذنب
اللي بتحاول ترضي الكل
اللي مش معتمدة على نفسها
اللي بتخاف من الزعل
اللي عندها تعاطف زيادة عن اللزوم
اللي ثقتها في نفسها مهزوزة
مش لأنك ضعيفة…
لكن لأنك طيبة زيادة في مكان غلط.
الخلاصة
العلاقة السامة مش بتسرقك مرة واحدة.
هي بتقنعك تتنازلي بإيدك.
وأخطر سؤال مش: “هو عمل فيّا إيه؟”
لكن: “إزاي رجّعني نسخة أنا مش بعرفها؟”
والإجابة؟
مش لوم…
ولا جلد ذات…
الإجابة بداية وعي
واسترداد نفس
وقطع دايرة كانت بتاكل روحك حتة حتة.
ولو لسه جوّه الدايرة…
اعرفي إن الخروج مش ضعف
الخروج نجاة.

العاده مش ضعف… بس الاستمرار فيها بيستنزفك.لو عايز تقلّل أو تبطّل، جرّب الخطوات دي 1️⃣ افهم السبببتعملها ليه؟ ملل؟ توتر؟ ...
16/01/2026

العاده مش ضعف… بس الاستمرار فيها بيستنزفك.
لو عايز تقلّل أو تبطّل، جرّب الخطوات دي
1️⃣ افهم السبب
بتعملها ليه؟ ملل؟ توتر؟ وحدة؟
لما تفهم الدافع… نص المشكلة بيخلص.
2️⃣ اقفل أبواب الإغراء
موبايل لوحدك، سهر متأخر، فراغ طويل = انتكاس.
غيّر الروتين قبل ما تغيّر السلوك.
3️⃣ اشغل جسمك
رياضة، مشي، تمارين تنفّس…
الجسم لما يتعب، الرغبة بتهدى.
4️⃣ ما تحاربش الفكرة
سيبها تعدّي من غير تنفيذ.
الفكرة لو ما اتغذّتش بتموت.
5️⃣ قلّل مش امنع فجأة
التدريج أنجح من الصدمة.
كل مرّة أقل = انت بتتقدم.
6️⃣ اقف مع نفسك مش ضدها
الذنب بيزودها، الرحمة بتقللها.
لو حاسس إن الموضوع مسيطر عليك قوي،
الدعم النفسي مش رفاهية… ده حل.
د/شيماء صبحى
#للاستشارات النفسية وتعديل السلوك الانحرافي الجنسي
#للتواصل
010 07089018

الحُبّ اللي بيطبطب مش اللي يوجّعكتبت/ د/ شيماء صبحي إنتِ مش طالبة معجزة…إنتِ طالبة بني آدم.حدّ يستوعب إن اللي فات ماكانش...
01/01/2026

الحُبّ اللي بيطبطب مش اللي يوجّع
كتبت/ د/ شيماء صبحي
إنتِ مش طالبة معجزة…
إنتِ طالبة بني آدم.
حدّ يستوعب إن اللي فات ماكانش بسيط،
وإن قلبك ما اتكسرش مرة وخلاص،
ده اتشرخ شروخ صغيرة كتير، وكل شرخ سايب أثر.
إنتِ محتاجة شخص
ما يفتّحش جروح قديمة بحجة الفضول،
ولا يستمتع بحكايات وجعك كأنها فيلم.
شخص يسمع علشان يحتوي،
مش علشان يسجّل ويحاسبك بيها بعدين.
محتاجة حد
ينصحك بالصلاة وهو أمان،
مش يوجّعك باسم الدين.
يفكّرك بربنا كملجأ
مش كعقاب.
الحُب الحقيقي دايمًا بيرشد،
مش بيضغط،
بيقرّبك من نفسك ومن ربنا،
مش يخليكِ تحسي إنك ناقصة أو غلط.
محتاجة حد
يزقّك لقدّام،
مش يشدّك لورا.
يشوف فيكِ طاقة مش مستهلكة،
وحلم لسه ما ماتش،
حتى لو الدنيا كلها بتقول مستحيل…
هو يقول: “جربي… وأنا جنبك”.
لو سكّتك ضلمة
ما يقولش “اتعودي”.
ينورها،
حتى لو بنور بسيط.
يقف جنبك وإنتِ تايهة،
مش يستغل تايهك.
حد
يسمعك بكل ضمير،
من غير ما يقاطعك،
من غير ما يقلل،
من غير ما يكسّر أحلامك بجملة:
“ده مش واقعي”.
لأنك مش محتاجة حد واقعي بزيادة…
إنتِ محتاجة حد إنساني.
التحليل النفسي: ليه الإحساس ده مهم؟
الإنسان اللي مرّ بتجارب مؤلمة
بيفقد الإحساس بالأمان الداخلي.
فما بقاش بيدوّر على حب وردي،
ولا كلام كبير…
بيدوّر على أمان.
الأمان النفسي معناه:
حد ما يهاجمكش وإنتِ ضعيفة.
ما يستخدمش أسرارك ضدك.
ما يحسّسكيش إنك عبء.
ما يربطش حبّه بطاعتك أو سكوتك.
العلاقات المؤذية بتخلّي الإنسان:
يشك في نفسه.
يخاف يعبّر.
يستنى الضربة وهو بيضحك.
علشان كده بعد الوجع
الروح ما تطلبش شغف…
تطلب سكينة.
الحُب الصحي
مش بيشفيك لوحده،
بس بيخلق مساحة آمنة
تعرفي فيها تشفي نفسك بنفسك.
اللي يحبك صح:
ما يستمتعش بكسرتك.
ما يستعجلش تعافيك علشان راحته.
ما يطلبش منك تكوني قوية طول الوقت.
يسمحلك تتكلمي،
تعيّطي،
تتلخبطي،
وتقومي على مهلك.
الخلاصة:
إنتِ مش محتاجة حد “يكملك”…
إنتِ كاملة.
إنتِ محتاجة حد
ما يكسرش اللي اتصلّح بالعافية،
حد وجوده إضافة
مش امتحان جديد.
والحُب اللي يستاهل
مش اللي يدوّخك،
ولا اللي يوجّعك،
لكن اللي يقولك من غير كلام كتير:
“إنتِ أمان… وأنا هنا.”

10/12/2025

،،المواقف .. غالباً هي التي تجعلك
تعيد ترتيب الاشخاص في حياتك ،،

09/12/2025

الدعاء بظهر الغيب دليل على صفاء القلب، وصدق الحب، وكمال الإيمان، ومحبة الخير للآخرين، لا تبخلوا على من تحبون من فيض دعائكم، فالله أكرم من أن يرد عبدًا دعاه.

هل لاحظت إنك تتبول أكثر في الشتاء؟ لا تقلق، لست وحدك! الجو البارد يجعل الأوعية الدموية تنقبض فيرتفع ضغط الدم قليلًا، وا...
23/11/2025

هل لاحظت إنك تتبول أكثر في الشتاء؟
لا تقلق، لست وحدك!

الجو البارد يجعل الأوعية الدموية تنقبض فيرتفع ضغط الدم قليلًا، والجسم يحاول يعوّض هذا الشيء بزيادة إخراج البول
يعني المسألة طبيعية جدًا في أغلب الحالات.

لكن مع ذلك، فيه خطوات بسيطة تخليك ترتاح وتحافظ على مثانتك 👇

🧣 نصائح تحميك من كثرة التبول في البرد:

1. حافظ على دفء بطنك وقدميك – البرد المباشر يهيّج المثانة.

2. قلّل من القهوة والشاي في الليل لأنها مدرّة للبول.

3. اشرب الماء باعتدال، ووزّعه على اليوم بدل ما تشرب دفعة وحدة.

4. درّب مثانتك بهدوء: حاول تأجيل التبول 5 دقايق إذا كانت الرغبة خفيفة.

5. ابتعد عن القلق والبرد النفسي، وخذ وقتك للاسترخاء.

6. تناول أطعمة دافئة مثل الزنجبيل والشوربة، فهي تنشّط الدورة الدموية وتريح الجسم.

🚨 وإذا لاحظت ألمًا، حرقة، أو تبولًا متكررًا جدًا حتى بعد اتباع النصائح، فالأفضل تعمل تحليل بول وسكر بسيط للاطمئنان.

خليك دافئ ومرتاح هذا الشتاء ☕💙

16/10/2025

أنت بحاجة لأن تستريح قليلًا، تستريح من الخوف، من القلق، من توقع الأسوء، من عناء التفكير، من عشرات المعارك التي تخوضها بالتوازي ..

فلن تمنحك الحياة أكثر مِمّا كُتِبَ لَك، ولن يمنع عنك أحد مَا كُتِبَ عليك ... فٱهدأ

تصالَح مع ابتلاءاتك التي لا تستطيع تغييرها قد يبدو الكلام سهلًا، ولكن الحقيقة أنه لا بديل ..

إمّا التَّصالُح، وإمّا أن يمضي العُمر دون أن تلتقط أنفاسك لتستشعر شيئًا جميلًا ولو للحظات ..

"لِكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ" تعامل مع الحياة على أنّها ليست دار راحة، ليست للسلام النفسي المُطلق، ليست للطمأنينة التي لا يشوبها قلق ..

بل هي مجرد رحلة، لحظاتها تتبدّل، أحوالها تتغيّر، قد تعصف فجأة، وقد تَحلُو فترة، وفي كل أحوالها ستمضي ..

أنت بحاجة لوِسَادَة يغفُو عليها عقلك، ينفصل، يستكِين، يمنحك لحظات من الهُدنة لِتُكمِل الطَّريق ..

Address

El Kahira

Website

Alerts

Be the first to know and let us send you an email when استشاري علاقات زوجية ونفسية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category