استشاري علاقات زوجية ونفسية

استشاري علاقات زوجية ونفسية استشارية علاقات زوجية ونفسية

يعني إيه انحراف جنسي؟الانحراف الجنسي مش بس "حاجة غريبة" زي ما الناس بتقول، لا.. ده اضطراب حقيقي في فهم الشخص للجنس والمت...
01/08/2025

يعني إيه انحراف جنسي؟

الانحراف الجنسي مش بس "حاجة غريبة" زي ما الناس بتقول، لا.. ده اضطراب حقيقي في فهم الشخص للجنس والمتعة، بيخلي دماغه تربط الإثارة بحاجات مش طبيعية أو مؤذية.. سواء ليه أو للي حواليه.

🛑 في ناس ما بتحسش بالمتعة غير في مواقف شاذة أو غريبة زي:

حب تعذيب الشريك (الساس)

حب يتعذب ويتألم (الماسو)

يتفرج على أطفال (بيدوفيليا)

يشم ريحة معينة أو هدوم معينة عشان يثار (فيتيش)

يتلصص على الناس وهما مش واخدين بالهم
أو حتى يعري نفسه قدام الناس!
مش كل حاجة بنحس بيها تبقى "عادي" أو "حرية شخصية"!
لما الحاجة تؤذيك أو تأذي غيرك أو تخليك مش قادر تعيش حياة طبيعية.. ساعتها لازم توقف وتفكر.
اللي عنده انحراف جنسي مش دايمًا بيكون شرير أو مؤذي.. ممكن يكون شخص متأذي نفسيًا من زمان، عنده تجارب قديمة مش محلولة، أو تربى في بيئة مشوهة.
🧩 العلاج موجود.. والمساعدة متاحة، والمهم إن الشخص يعترف ويبدأ يتحرك.
🙏 احترم نفسك.. واحترم غيرك.
الغرائز ربنا خلقها لراحة الإنسان مش لتعبه ولا لتدمير اللي حواليه.
#للاستشارات النفسية
#للاستشارات الانحراف الجنسي
#للتواصل
010 07089018

الإباحية؟ آه مثيرة وجذابة... بس بتسحبك لتحت وانت مش واخد بالك!بتديك لحظة متعة…بس بتسرق منك أيام، وبتكسرك في صمت.بتخليك ت...
01/08/2025

الإباحية؟ آه مثيرة وجذابة... بس بتسحبك لتحت وانت مش واخد بالك!

بتديك لحظة متعة…
بس بتسرق منك أيام، وبتكسرك في صمت.
بتخليك تحس إنك قوي ومرغوب…
بس بتسحب منك الثقة في نفسك، في علاقاتك، في رجولتك أو أنوثتك.
بتهرب بيك من الواقع…
بس بتسيبك أضعف، أجبن، وأكثر وحدة.

عارف إنها غلط…
بس مش قادر تبطل؟
حاسس إنك كل مرة بتوعد نفسك، وبترجع تضعف؟
حاسس بالذنب، بالخجل، بالكسرة؟
ومش لاقي حد يسمعك من غير ما يحكم عليك؟

تعالى نبدأ خطوة حقيقية للخروج من الدوامة دي.
خطوة تساعدك تفهم نفسك، وتسترجع قوتك، وتعيش حياة أنضف وأهدى وأقرب لربنا.
💬 احجز جلستك دلوقتي
#للاستشارات النفسية
#للاستشارات الأسرية
#للاستشارات تعديل السلوك الانحرافي الجنسي
سيبلي رسالة وابدأ من جديد.




لو كل يوم بيعدي عليكي وتحسي إن وقتك بيروح في حاجات مش نافعة، أو إنك بتتصرفي من غير وعي وتكرري نفس الأخطاء، فده معناه إنك...
27/07/2025

لو كل يوم بيعدي عليكي وتحسي إن وقتك بيروح في حاجات مش نافعة، أو إنك بتتصرفي من غير وعي وتكرري نفس الأخطاء، فده معناه إنك محتاجة تبصي لنفسك من بعيد شوية…
تسألي نفسك:
"أنا بعمل إيه؟ وإيه اللي محتاج أغيّره علشان أعيش أحسن؟"

بصوا يا جماعة، إحنا ممكن ما نقدرش نتحكم في كل مشاعرنا أو أفكارنا، بس نقدر نتحكم في تصرفاتنا… في ردود أفعالنا… في اختياراتنا.

ومن هنا بييجي دوري معاكم
أنا د/ شيماء صبحي – استشارية في الصحة النفسية والعلاقات الأسرية والزوجية، وبشتغل كمان على تعديل السلوك، خصوصًا لو فيه سلوكيات منحرفة أو محتاجة تصحيح بشكل سليم.

لو بتعاني من:

🔹 توتر أو قلق مستمر
🔹 مشاكل في العلاقة الزوجية أو الأسرية
🔹 علاقات مؤذية مش عارف/ة تطلع منها
🔹 سلوكيات جنسية غير منضبطة ومش قادر/ة تتحكم فيها
🔹 أو حتى لو حاسس/ة إنك تايه وعايز حد يساعدك تفهم نفسك وتبدأ من جديد...

أنا هنا علشان أساعدك… بالعلم والخبرة والأمان
الجلسات فردية وسرية، وفي مساحة نقاش محترمة وآمنة جدًا.

📞 للتواصل: 01007089018
📍 العنوان: دمياط الجديدة
خد أول خطوة… والباقي نعديه سوا

عملت فيديو عن تمارين التخلص من العصبية عند المرأة وإزاي تفرغ المشاعر السلبيةالمرأة:👇😂😂
19/07/2025

عملت فيديو عن تمارين التخلص من العصبية عند المرأة وإزاي تفرغ المشاعر السلبية
المرأة:👇😂😂

الشاب ممكن يتعلق بواحدة أكبر منه لأنها بتديه احتواء، نضج، حنية، بتسمعه وبتفهمه من غير ما يحكم عليه، خصوصًا لو كان مفتقد ...
19/07/2025

الشاب ممكن يتعلق بواحدة أكبر منه لأنها بتديه احتواء، نضج، حنية، بتسمعه وبتفهمه من غير ما يحكم عليه، خصوصًا لو كان مفتقد ده في أمه أو حياته. ولو هي مطلقة أو أرملة فبيبقى حاسس إنه راجل معاها وبيعوضها.

العلاج:

1. اعرف إن ده مش حب حقيقي.. ده غالبًا تعلق أو احتياج.

2. شوف إيه اللي ناقصك وبتدور عليه عندها واشتغل عليه جواك.

3. اشغل وقتك بحاجات تطورك وتبني هويتك كرجل.

4. ابعد عن العلاقة دي بالتدريج لو مش مناسبة ليك.

5. لو مش قادر تطلع منها، كلم متخصص يساعدك.

قواعد_النظافة_الشخصية للأزواج وزى مابنقول للزوجة إهتمي بنقول للزوج كمان شوية نقط جمعتها من خلال كلام الزوجات (ياريت محد...
18/07/2025

قواعد_النظافة_الشخصية
للأزواج
وزى مابنقول للزوجة إهتمي بنقول للزوج كمان شوية نقط جمعتها من خلال كلام الزوجات
(ياريت محدش ياخد الكلام بإهانة شخصية علي نفسه )
لأن حقيقي بسمع كوارث فهي رسالة بسيطة من لسان الزوجات
1- تختار مزيل عرق كويس ولو العرق كتير وريحته نفاذة اكشف وخلي باالك جدا عشان الموضوع دا بيأثر علي إقبال الزوجة للعلاقة الخاصة
2- العناية بالمناطق الحساسة وحلق الإبط والعانة ولو في ريحة مش لطيفة اكشف عشان لو فيه بكتريا او اي عدوي
3- الإستحمام يوميا خصوصا بعد العودة من العمل ومهم جدا قبل العلاقة الخاصة
4- نظافة الاسنان مهمة جدا وراجع طبيبك
5 -تعطير الجسم مهم جدا خصوصا قبل العلاقة الخاصة
6- الشعر والقشرة لانه بيعمل ريحة مش لطيفة
7- الهدوم اللي تتقلع متتلبسش تاني والشراب لبسة واحدة
ولو الحذاء بيعمل ريحة مش لطيفة يتغسل كويس ونرش فيه بودر من الصيدلية
8- قص الأظافر والاهتمام بترطيب الايد والرجل
9- نخلي جنبنا مناديل وباسكت بإستمرار هتحتاجها و بلاش تبثق فأي مكان الله يكرمك
10- قبل الخروج من الحمام نتأكد ان المكان نظيف عشان مينفعش حد يدخل بعدك وينضف مكانك
دول أبسط الأشياء اللي مفروض اي زوج يعملهم
لان حقيقي بييجي استغاثاات كتيير جدا من الزوجات
من_واقع_الإستشارات

بين القلب والعين: لما الطيبة تسبق الشكل في معادلة الجوازكتبت/د/شيماء صبحى من واقع الحياه في زمن كله قشور ومظاهر، لما تقا...
15/07/2025

بين القلب والعين: لما الطيبة تسبق الشكل في معادلة الجواز
كتبت/د/شيماء صبحى
من واقع الحياه

في زمن كله قشور ومظاهر، لما تقابل حد فيه أخلاق وحنان واحتواء، بتحس إنك لقيت ضالة نفسك. وده اللي حصل معاك لما اتعرفت على الست المحترمة دي، المطلقة اللي فيها كل الصفات اللي أي راجل يتمناها: هادية، مطيعة، محترمة، بنت ناس، مفيش في كلامها صوت عالي ولا جدال. من الآخر، ست بيت وراجل يدور عليها بالسراج والفتيلة.
لكن، على أرض الواقع، فيه حاجة واجهتك بصراحة بعد المقابلة، وهي إنها مليانة شوية... وده خلق عندك صراع داخلي:
"أنا مش مرتاح لشكلها، بس قلبي ارتاح لأخلاقها، أعمل إيه؟"

التحليل النفسي للموقف:
اللي بتمر بيه مش غريب، لإن الإنسان بطبعه بيتأثر بالشكل والمظهر، وده مش غلط ولا حرام، دي فطرة. بس كمان في جوانب تانية للجاذبية بتتكون مع الوقت، زي القرب النفسي، والاحترام، والحب الحقيقي.
الجاذبية مش بس جسم، دي كمان روح وتفاصيل واهتمام.
أوقات كتير، بعد ما بندخل في علاقة مستقرة، الشكل بيبقى أضعف عنصر في المعادلة، وبيبقى أهم حاجة هي الراحة النفسية والشعور بالأمان... وده غالبًا اللي حسيت بيه معاها.

طب أتصرف إزاي؟

1. ما تجرحهاش:
مفيش أسوأ من كلمة ممكن تهز ثقة بني آدم بنفسه. لو جيت قلتلها مباشرة "أنا مش متقبل شكلك"، فده هيكسرها حتى لو كانت أقوى ست.
2. شوف هي متقبلة التغيير؟
ممكن تفتح معاها كلام بشكل غير مباشر عن الصحة والرشاقة، تقول مثلًا:
أنا حاليًا بدأت أركز في أكلي وحاولت أخف شوية، بقيت مهتم بالرياضة، وإنتِ شايفة في يوم من الأيام لو حبينا نعيش مع بعض، نبقى نعمل حاجات صحية سوا، زي نمشي كل يوم أو نعمل دايت سوا
الطريقة دي فيها مشاركة، مش نقد. فيها دعم مش إحراج.
3. هل المشكلة جذرية؟ ولا مع الوقت هتتعود؟
بعض الناس لما بيحبوا بجد، الشكل بيتحول في نظرهم لأجمل حاجة، حتى لو كان عادي. إسأل نفسك:
هل ممكن تتعود عليها؟ هل الجمال الداخلي يغنيك؟ هل هتفضل تحترمها وتحس بيها لما تبص ليها بعد سنين؟
خليك صريح مع نفسك قبل ما تكون صريح معاها
لو حسيت إنك مش هتقدر تكمل، ومافيش أي حل هيخليك تتقبل شكلها، يبقى الرحيل دلوقتي أرحم من الندم بعدين. بس لو فيه احتمالية للتأقلم، ودي غالبًا بتحصل لو العلاقة فيها حب واحترام متبادل، جرب تكمل وتشوف.
الخلاصة
الشكل مهم، لكن مش كل حاجة.
الطيبة والحنان والاحتواء عملة نادرة.
لو قررت تتكلم، خليك ذوق وشاركها التغيير مش تنتقدها.
خليك صادق مع نفسك، وما تكملش وأنت حاسس إنك "مضطر"، لإن ده ظلم ليك وليها.

دي افضل طريقة صينية لعلاج التبول الليلي جرّبتها علي أطفال كتيرة ونجحت ، قبل النوم فقط وعلي اليد اليمني بس علشان خاطري لا...
15/07/2025

دي افضل طريقة صينية لعلاج التبول الليلي جرّبتها علي أطفال كتيرة ونجحت ، قبل النوم فقط وعلي اليد اليمني بس علشان خاطري لا تحرموني من صالح دعائكم ❤️❤️

04/07/2025

الراجل الحقيقي مش اللي كل شوية يقول “ممنوع وهات ووريني”…
الراجل بجد هو اللي يعرف يخلق طمأنينة، ويخلي مراته مرتاحة ومأمّنة، مش خايفة ومحاصرة.

والجواز مش تحقيق ولا تفتيش،
ده ميثاق رحمة، واتفاق احترام، مش استعراض سلطة.

اللي بنشوفه أحيانًا من بعض الرجالة، مش غيرة حقيقية…
دي بتبقى أزمات نفسية لابسة عباية الدين بشكل مشوه!

الرغبة المبالغ فيها في المتابعة والمراقبة – تليفون، محادثات، أصحاب، كل حاجة –
وراها غالبًا احتياج جوا الراجل إنه يحس بالأمان، بس بيطلع بشكل سيطرة وتحكم.

ممكن يكون ده جاي من خوف قديم، أو تربية شددت على “إنت الراجل يعني لازم تبقى فوق الكل”،
ونسيت تعلمه إن الرجولة رحمة واحتواء مش بس أوامر.

المشكلة إن اللي بيفكر كده،
بيبقى شايف إن مفيش أمان إلا لما يعرف كل تفصيلة،
وإن الثقة مش موجودة غير لما يشوف بعينه ويثبت كل حاجة!

بس اللي بيحصل في الحقيقة إن البيت بيتحول لمكان مشدود…
مراته تحس إنها تحت المراقبة مش تحت جناحه،
وأولاده يعيشوا في توتر ويكبروا عليه.

🔸 الحل مش في إننا نسيب الحبل على الغارب،
ولا إننا نكتم على الناس…
الحل في التوازن.

يعني نحتوي، نفهم، نراقب بحكمة لو في ريبة،
مش نظن في كل حاجة، ونقلب البيت على أعصابه.

القوامة رحمة مش تحكم،
والغيرة المفروض تحمي مش تخنق،
والسكينة مش بتيجي بالعصبية… بتيجي بالفهم والرفق.

عامل بيتك على إنه أمان، مش سجن،
وحافظ على اللي بتحبه… بالحُب مش بالخوف.
ساعتها هتلاقي حياة تانية، أفضل كتير مما تمنيت.

أسبوع حافل بالصيام الخميس ١٤٤٧/١/٨ (صيام الخميس)الجمعة ١٤٤٧/١/٩ (يوم تاسوعاء)السبت ١٤٤٧/١/١٠ (يوم عاشوراء)الأحد ١٤٤٧/١/١...
02/07/2025

أسبوع حافل بالصيام
الخميس ١٤٤٧/١/٨ (صيام الخميس)
الجمعة ١٤٤٧/١/٩ (يوم تاسوعاء)
السبت ١٤٤٧/١/١٠ (يوم عاشوراء)
الأحد ١٤٤٧/١/١١ (يومٌ بعدَ عاشوراء)
الإثنين ١٤٤٧/١/١٢ (صيام الإثنين )
الثلاثاء ١٤٤٧/١/١٣ (أول الأيام البيض)
الأربعاء ١٤٤٧/١/١٤ (ثاني الأيام البيض)
الخميس ١٤٤٧/١/١٥ (ثالث الأيام البيض)
ملاحظة : الأيام الموافقة من ٣ يوليو ٢٠٢٥ إلى ١٠ يوليو ٢٠٢٥
(و ذكر فإنَّ الذكرى تنفع المؤمنين )
———————————————.

الش**ة عند المرأة… ليست عيباًبل طاقة أنثوية لو أُهملت… تحولت إلى صمت أو تمرد.هل تعلمين أن:– المرأة تشتهي مثل الرجل… وأحي...
22/06/2025

الش**ة عند المرأة… ليست عيباً
بل طاقة أنثوية لو أُهملت… تحولت إلى صمت أو تمرد.

هل تعلمين أن:

– المرأة تشتهي مثل الرجل… وأحيانًا أكثر
– لكنها لا تبوح… لأنها خائفة من الاتهام
– تمثل البرود… حتى لا تُوصف بـ"قليلة الأدب"

المرأة التي تتجاهل شهواتها… لا تُطفئها
بل تكبتها حتى تنفجر في شكل نكد، أو برود!

علامات الش**ة عند المرأة لا تظهر مثل الرجل:

– قد تلمع عيناها فجأة
– تتغير نبرة صوتها بدون وعي
– تشرد في خيالها، وتضحك بلا سبب
– أو تصمت… لكن قلبها يشتعل

المأساة؟

أن المجتمع يقول لها: "عيب"،
والشريك لا يفهم إشاراتها، ولا يسمع صمتها!

النتيجة؟
امرأة مكسورة بين ش**ة لا تُفهم… واتهامات لا ترحم.

متى تشعر المرأة بالأمان لتُظهر شغفها؟

1. لما تُعامل كرغبة… مش فقط كواجب

2. لما تسمع كلمات تعزز أنوثتها… مش تُهينها

3. لما تحس إن شغفها مش عيب… بل جمال يُحتضن

4. لما ترى رجلًا يعرف أن احتوائها… هو مفتاح شهواتها

الخلاصة:

المرأة لا تنطفئ لأنها باردة
بل لأنها كتمت نارًا ما وجدَت من يُشعلها بـ"حنان وفهم".

لا تهانُ المرأة إلا في بيت رجل جاهل .. أما في بيوت الصالحين فالنساء أميرات ما أكرمهن إلا كريم وما أهانهن إلا لئيم...
15/06/2025

لا تهانُ المرأة إلا في بيت رجل جاهل .. أما في بيوت الصالحين فالنساء أميرات

ما أكرمهن إلا كريم وما أهانهن إلا لئيم...

Address

El Kahira

Website

Alerts

Be the first to know and let us send you an email when استشاري علاقات زوجية ونفسية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category