23/05/2025
ما كفايه باءه تطبيل لى ماما نوال الدجوى و جامعة MSA انها طلعت اجيال و و و …. هى ست لها كل الاحترام و ( اللهم لا شماته ) بس تعالوا اقولكم الجامعه اللى المفروض انها محترمه عملت ايه مع بنتى لما اتعرضت لحادثه كبيره و أدت انها قعيده على كرسى متحرك و فى جروح فى رجليها !!!! رفضوا ان بنتى تكمل الترم و كان فاضل عليه شهر و السنه تخلص ..و كل الدكاتره كانوا موافقين ان بنتى تقدم المطلوب و يمتحنوها ولكن الاداره رفضت عشان بنتى على كرسى متحرك و ممكن تشتت باقى الطلاب ...و نتحايل محايلات لدرجة ان قولتلهم هأجر شقه جنب الجامعه
و للأسف مفيش اى رأفة بحالتها الصحيه و النفسيه و اتضريت انقل بنتى من الجامعه و عادت السنه كامله فى جامعه آخرى بسببهم و إصرارهم ان لما تبقى تمشى على رجليها أهلا بيها !!! انتوا متخيلين ضمروا نفسية بنتى ازاى
و الحمد لله بنتى مشيت على رجليها بعد ٦ شهور و نفسيتها اتحسنت بعد ما الجامعه التانيه إحتوتها و طلعوا أجمل ما فيها خصوصا كمان لما شافوها على الكرسى و بعد الدعم منهم و العلاج الطبيعى و إصرارها بنتى الحمد لله بدأت تمشى
و كنت ساكته و كاتمه فى قلبى عشان كان عندى صحة بنتى النفسيه أهم من اى حاجه
بنتى قويه و ناجحه و ان شاء الله هتكون حاجه كبيره اوى و اوى كمان عشان لسه فى ناس و جامعات محترمه بتعرف تحتوى الموقف و عندها إنسانيه مش فلوووووس و بس
عشنا أيام و شهور و سنين صعبه بس ربنا كان رحيم بينا و كنت
و ربنا يتم شفاء بنتى على خير و الحمد لله على كل حال
