16/05/2025
ده جزء بسيط كده من دراسة علم اسمه ( تخاطب ) وشغل مع حالات ذوي احتياجات خاصه أو عاديين
درست فيه يعني إيه تخاطب - بس- من الألف إلى الياء ، يعني إيه تخاطب "نظري"... من أول سنين الجامعة كلها تخصص وبعدين دبلومة إضطرابات تواصل ( تخاطب ) من جامعة عين شمس
لحد دبلوم تخاطب من وحدة الطب النفسي مع أشطر وأكبر دكتور تخاطب الدكتور أحمد الصباغ
ويعني إيه تخاطب " عملي " ... من أول حالة شفتها لسه في الجامعة وبعدها شغل في مراكز أو مستشفى عدى فيهم حالات كتير باختلاف الأعمار والتشخيص والمستويات لحد عندي في المركز منهم العاديين ومنهم ذوي الإحتياجات الخاصة
افتكر يوم ماقررت اشتغل لوحدي وأفتح مكان خاص بيا كان بعد سنين كتير دراسة نظري وامتحانات وابحاث أو عملي مع حالات كتير في أماكن أكتر
ولحد دلوقتي وبعد ١٨ سنة خدمة في ثانوي 😂😂😂قصدي دراسة وشغل 🤭🫣ماوقفتش دراسة 😂😂 وشايفه نفسي لسه بستفاد ( على فكرة هو فعلاً ١٨ سنة مش هزار 😂😂 )
وبعترف إني لسه بتعلم لحد آخر يوم في حياتي شايفه نفسي طول ماأنا عايشه بتعلم وبستفيد
بفرح جداً لما أسمع من كزا أم شهادة دكتور المخ والأعصاب إللي متابع معاه طفلها من سنين وهو بيشكر في شغلي وفي تطور حالة الطفل من أول مااشتغلت معاه وهو أصلاً مايعرفنيش ❤️🫡
وبعد كل الكلام ده بقى أنا متوترة وخايفه من امتحان بكره 😒😢😭🥹😧
