https://www.facebook.com/1024090061114563/

دكتور محمد عاطف أبو غزيل - أخصائي النساء والتوليد, الخارجة-شارع النبوي المهندس/برج الحسين الدور الاول بجوار عمارة هلالي, El Khârga (2025)

09/06/2024

تحت رعاية
الأستاذة الدكتورة / مها إبراهيم
رئيس أمانة المراكز الطبية المتخصصة
والسيد الدكتور / بيتر وجيه
نائب رئيس أمانة المراكز الطبية المتخصصة
والسيد الدكتور / أحمد خليل
مدير مستشفي الخارجة التخصصي
و السيده الدكتورة / وفاء السكري
رئيس قسم النساء و التوليد بالمستشفي

و استمرارا لمسلسل النجاح المبهر لقسم النساء و التوليد بمستشفي الخارجة التخصصي
و بفضل الله تعالى نسطر قصة نجاح جديدة
حيث تمكن فريق طبي من قسم النساء و التوليد يضم الأطباء
دكتور : محمد عاطف ابو غزيل
دكتور : اسماء محمد حسين
دكتور : مني محمد حسين رضوان
من استئصال رحم بالكامل مع الأنابيب و المبايض علي الجانبين لسيده تبلغ من العمر ٥٠ عاما تعاني من نزيف مهبلي متكرر
كما نجح الفريق في استئصال ورم ليفي من رحم حاله مرضيه أخري يبلغ وزنه ٦ كيلوجرامات
هذا وقد تماثلت الحالتان للشفاء و خرجتا من المستشفى بسلامه الله بعد وضعهما تحت الملاحظة الدقيقه بالمستشفي لمده يومين .
خالص الشكر و التقدير للفريق الطبي القائم بالعمليتين
اخصائي النساء دكتور : محمد عاطف ابو غزيل
اخصائي النساء دكتور : اسماء محمد حسين
طبيب مقيم نساء دكتور : مني محمد حسين
استشاري التخدير دكتور : محمد عبد الرحمن
طبيب مقيم تخدير دكتور : اشرف عاشور سيد
فني تخدير السيد : علي سليم
تمريض عمليات النساء : ميس عبير و ميس مياده

🤲 مع خالص تمنياتنا بالشفاء العاجل لجميع المرضى 🤲

20/04/2023

أعاده الله عليكم بالخير واليمن والبركات
نتمني لكم عيد فطر سعيد 💚

28/03/2023

الحمل بتؤام أمر مش سهل بدايه من مرحله الحمل والمتابعه المكثفه
لان الحمل في تؤام يجعل الحمل أكثر تعباً مع التعرض لمزيد من الاضطرابات
وفي بعض الاحيان يمكن أن يسبب مضاعفات خطيره ممكن توصل للولاده المبكره عشان كده ضروره الالتزام بالفحوصات والاهتمام بزياره الطبيب دائماً مهم جداً

تعرفي ازاى انك حامل فى توأم؟!🤔

١- هتلاحظي زيادة فى وزنك بشكل كبير ومنذ الفترات الأولى من الحمل.

٢_ هتحسي بحركة الجنين في فترة مبكرة من الحمل، فمعظم النساء مش بتحس بحركة الجنين حتى الأسبوع 18-22 من الحمل.

٣_الغثيان الصباحي (ستعاني بأعراض الغثيان والقيء بصورة أكبر ممّا تعانيه عند الحامل بجنين)

٤- الإقبال على تناول وجبات متعددة من الطعام أكثر من السابق.

بننصحك دايماً بالاهتمام بنفسك
مفيش داعي للقلق مع د/دكتور محمد عاطف حملك هيكون اسهل

واعملي share وفيدي غيرك، ولو عندك أي إستفسار ممكن تسيبي comment .❤️

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

26/03/2023

النهارده هنتكلم عن اللولب بأنواعه وامتي نقدر نركبه
اللولب دلوقتي من اشهر وأمن الوسائل لمنع الحمل
طب ايه هي انواعه
في نوعين من اللولب :_
١اللولب النحاسي وده الاقدم وده مجرد تلت قطع من المعدن , لما يدخل الرحم بياخد شكلالرحم، ومفيهوش أى نوع من الهرمونات , هو بس مجرد بيملى فراغ الرحم , ويخلى بطانة الرحم متستقبلش النطفة فميحصلش الحمل وده بيمنع الحمل لمده ممكن توصل ل١٢سنه

٢_النوع التاني هو اللولب الهرموني
وده بنفس شكل اللولب السابق , لكن مبيكونش معدن , ممكن نعتبره بلاستيك , بيحفز افراز هرمون البروجسترون , والهرمون ده بيمنع التبويض , وبيزود سمك افرازات الرحم فيعطل حركة الحيوانات المنوية , وبيقلل سمك بطانة الرحم فيمنع التصاق النطفة اذا حصل تخصيب , يعنى ببساطة بيسد كل منافذ حدوث الحمل .
وده بيمنع الحمل لمده ممكن توصل من ٣ل٥سنين

طب مين فيهم الافضل ؟! الاجابه هتكون الاتنين لان كل سيده ليها الي يناسبها

اللولب بقي بصفة عامة كوسيلة منع حمل ليه مميزات كتير زي ايه:_
١_مبيأثرش على الوزن فيناسب اللى عندهم سمنة.
٢(بيوفر) منعالحمل لفترة طويلة فيعتبر وسيلة اقتصادية لأن تمنه بيندفع مرة واحدة وقت تركيبه وبيستمر سنوات .
٣_ممكن استعماله أثناء الرضاعة

الاوقات الي نقدر نركب فيها اللولب
١_أثناء الولاده القيصريه وده مش بيخليكي تحسي بأي تعب نهائي ومده تركيبه بتكون ١٠دقائق

٢_بعد الولاده ب٤٠ يوم
في نصائح مهمه لازم نتبعها بعد تركيب اللولب تابعو الكومنتات

24/03/2023

الغده الدرقيه ممكن تسبب تأخر في الحمل؟!

كتير منكو ممكن يسأل ايه علاقه الغده بالحمل
بيكون ليها علاقه عشان الغده هي مركز مهم لافراز الهرمونات في الجسم ولما بيحصل أي خلل في افراز هرموناتها بتأثر علي كل هرمونات الجسم والي بدورها بتأثر علي هرمونات الانوثه المسئوله عن حدوث الحمل
زياده افراز هرمونات الغده الدرقيه اثناء الحمل يؤدي الي هبوط أو تسمم حمل او وفاه الجنين والاجهاض
عشان كده مهم جدا في حالات تأخر الحمل اننا نعمل تحاليل الغده عشان في حاله وجود خلل في الهرمونات بنقدر نحدد العلاج المناسب .

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

22/03/2023

موضوع النهارده عن مرض السكر وتأثيره علي الام والطفل
هل السكر بيأثر علي الحمل ؟!

اكيد سمعتي الجمله دي قبل كده كتير وده شئ بيخوفك طبعا بس احنا بنطمنك وبنقولك ممكن مريضه السكر تحمل وتخلف بشكل طبيعي جدا بشرط انها تظبط معدل السكر في الدم وتراقب مستوي السكر بإستمرار قبل الحمل ٣شهور

طب تعملي ايه عشان تحمي نفسك من سكر الحمل
في عياده د/محمد عاطف بنقدملك نصائح مهمه ليكي ولطفلك

١_لو انتي بتخططي للحمل ووزنك زائد يبقي لازم تفقدي وزنك قبل الحمل

٢_اتباع نظام غذائي صحي، قللي نشويات وسكريات ، واللمثار من الفاكهه
٣_ممارسه التمارين الرياضيه والمشي بإنتظام
تابعي وزنك بإستمرار وأسالي دكتورك عل زياده وزنك مناسبه ليكي ولطفلك ولا فيها مشكله
سكر الحمل له مضاعفات لكن احنا في عياده د/محمد عاطف هنساعدك تحمي نفسك منه بالمتابعه
لو عندك اسئله سيبيها في الكومنتات وهنرد عليكي

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

21/03/2023

happy Mother's Day

19/03/2023

حملك هيكون في أمان حتي لو مريضه قلب

مشاكل القلب دايماً مصدر قلق بالذات للحامل
في الحاله دي بنطمنك مفيش داعي للقلق لو اتعاملنا معاه بطريقة صح تخليكي تقدري تعدي الفتره دي

الحمل بيحتاج من القلب مجهود أكتر من العادي، وعشان كدة لو فيه أي مشاكل في القلب بتأثر على قوته، ده ممكن يأثر على استمرار الحمل أو على صحة الأم والجنين، لكن ده بس في حالة إنك ماتبعتيش التعليمات اللازمة

كمان دايماً بننصح مريضة القلب الحامل بالراحة، لأنها هتحس بتعب زيادة مع أقل مجهود.

وفي حاله انك بتفكري في الحمل
بيكون لازم الرجوع لدكتور القلب والنساء قبل ماتاخد خطوه الحمل عشان تقدر الام تستعد للحمل وميحصلش اي مشاكل ليها أو للجنين ولازم متابعه مع الدكتور دائما

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

17/03/2023

انقطاع الدوره الشهريه تحدث لمعظم السيدات خصوصا عند وصولهم لسن اليأس
وده بيحصل نتيجه توقف نشاط المبيضين عند سن ٤٥ ل٥٥سنه
وبتظهر اعراض الي بنعرف بعدها بإنقطاع الدوره الشهريه تماماً زي
١_عدم انتظام دورات الحيض الشهريه
٢_الهبات الساخنه أو الاحساس بالحر الشديد
٣_التعرق اثناء الليل
٤_جفاف المهبل
٥_تغير الحاله المزاجيه والقلق
٦_مشكلات في الذاكره والتركيز
٧_فقدان الرغبه الجنسيه

كمان في مشكلات صحيه ممكن تواجهها السيدات بعد انقطاع الدوره نوبات قلبيه _ سكته دماغيه _ ارتفاع ضغط الدم _ارتفاع مستويات الكولسترول _ هشاشه العظام

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

15/03/2023

السمنه وتأثيرها علي الحمل
السمنه زيها زي أي مرض بيأدي الي مضاعفات كتير لو مهتمناش بصحتنا عشان نقدر نخسر وزن قبل الحمل

هكلمكو عن تأثير السمنة علي السيده الحامل وعلي صحه الجنين
الاصابه بالسمنه قبل الحمل بتؤدي الي زياده احتماليه حدوث مضاعفات الحمل المختلفه زي
مرض السكري _اضطرابات إرتفاع ضغط الدم _ تسمم الحمل _امراض القلب _ ولاده مبكره

وكمان مش بس الام الي بتتأثر بالسمنه ده كمان في تأثيرات كبيره ومختلفه علي الطفل زي مشاكل في النمو _ربو _سمنه الاطفال _صعوبه في التنفس _إختناق ووفاه الجنين

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

13/03/2023

السلك بعد الولاده القيصريه

أثار الخياطه في الولاده القيصريه بتقلق سيدات كثير جداً
وبتبقي مخاوفهم كلها ان اثار الخياطه تفضل موجوده بعد الولاده
في مركز د/محمد عاطف بنقولك متقلقيش من شكل بطنك بعد الولاده لإن الخياطه دلوقتي بقيت تجميليه يعني مش بتسبب اي أثر علي الجلد

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

11/03/2023

إمتي الدكاتره بتلجأ للولاده القيصريه ؟!

كتير من السيدات بيكونو محتارين ,أولد قيصري ولا طبيعي يادكتور؟!
الولاده الطبيعه بتكون أحسن في كل الحالات والألم بيكون مؤقت وبترجع الأم تمارس حياتها عادي بعد الولاده مباشره

بنلجأ للقيصريه نتيجه فشل الولاده الطبيعيه
٢_كبر حجم رأس الجنين
٣_إصابه الام بأحد الامراض المزمنه (كمرض القلب والتي يرتفع معها خطر التعرض لمجهود الولاده الطبيعيه)
٤_عقد الحبل السري
٥عدم حدوث انقباضات كافيه في الرحم فيستغرق المخاض ٦عده ساعات دون حدوث توسع في عنق الرحم
٧_وجود الجنين في وضعيه خاطئه لا تسمح بنزوله الي الحوض
٨_لو المشيمه متقدمه عن الجنين ده بيصعب الولاده الطبيعيه

مننساش ان المتابعه المستمره واتباع التعليمات اثناء الحمل بتخلي الولاده أسهل وأمن سواء طبيعيه او قيصريه

استنو كل يوم معلومه جديده، ولو عندك اي سؤال سبيه في كومنت وهرد عليكو🌸

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

07/03/2023

السؤال الأشهر على الإطلاق بين الحوامل اخد بنج كلي ولا نصفي وليه البنج النصفي أحسن ؟!
الموضوع مقلق جدا لمعظم الستات ف بنرجع ونقول اختيار نوع التخدير وعلاج الألم أثناء وبعد الجراحة بيرجع للحالة الصحية للمريضة وهل توجد أي أمراض مصاحبة للحمل ومشاكل التحاليل وأهمها تحاليل سيولة الدم

مميزات البنج النصفي بقى:_
١_مبدأياً بتتجنبي التعرض لأنبوب التنفس ودي مشاكله كتير جدا يعنى بتاخدي نفسك بنفسك مش بتكوني تحت رحمته

٢_بترضعي رضاعة طبيعية سريعة بعد العملية وبتطمني علي طفلك
٣_وأهم حاجة إن الرحم بينقبض بعد العملية بصورة طبيعية وسهلة جداً وده بيسهل ويعجل عملية الشفاء بعد العملية
٤_بتقعدي تقريباً بعد العملية بحوالي أربع ساعات مش حاسة بأي ألم بعد الولادة

طب امتي بنلجأ للتخدير الكلي؟!
لو التخدير النصفي مش هيأثر فيكي لأسباب معينة بنلجأ للبنج الكلي
لو الطبيب واجه صعوبة في ولادة الطفل
مشاكل صحية خاصة بيكي زي الضغط _ مشاكل في تجلط الدم _أو أورام المخ لا قدر الله

استنو كل يوم معلومه مهمه واي استفسار سيبي كومنت بسؤالك والدكتور هيرد عليكي ✨

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

02/03/2023

اطمني علي حملك بإنتظام مع دكتور محمد عاطف ✨
المتابعه المنتظمه أثناء الحمل ضروريه للإطمئنان علي صحه الام والجنين وتجنب أي مشاكل

المتابعه الشهريه أثناء الحمل مهمه جدا عشان بتخلينا
١_نتأكده من نمو الجنين بشكل سليم وصحي
٢_متابعه الحاله الصحيه للأم وإكتشاف أي مشاكل صحيه مبكره

٣_متابعه أي تشوهات يتعرض ليها الجنين لتحديد هل له علاج أو تدخل جراحي
٤_متابعه حركه الجنين
٥_متابعه الاسباب المرضيه التي تؤثر علي حركه أو نمو الجنين
٦_متابعه وظائف المشيمه للتأكد من نمى الجنين بشكل سليم

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

18/02/2023

تكيسات المبايض وتأثيرها
تكيسات المبايض كابوس بيطارد بنات كتير
من أكتر المشكلات المنتشره بشكل عام مع الفيتات والسيدات لكن مع تقدم الطب الحمدلله بقيت من اسهل الحاجات الي ممكن تتعاالج

تكيسات المبايض من أكتر الاسباب اللي ممكن تأثر علي الحمل بعد الجواز ومشاكل تاني اكتر وبيكون ليها اعراض كتير أوي الي لو ظهرت لازم نهتم ونتابع مع الطبيب الخاص بيك

ومن أعراض تكيسات المبايض :_
١_اضطرابات في الدوره الشهريه
٢_نمو الشعر في أماكن غير مرغوب فيها مثل الوجه
٣_تساقط شعر الوش
٤_السمنه المفرطه
٥_ظهور حب الشباب نتيجه البشره الدهنيه
٦_تأخر الحمل

طب الأعراض دي بتكون أسبابها إيه :_
١_الأنسولين الزائد. إذا أصبحت الخلايا مقاومة لعمل الأنسولين، بالتالي بترتفع مستوي السكر في الدم، بالتالي بينتج الجسم المزيد من الأنسولين، مما يزيد من مستويات الأندروجين التي تؤدي لتعطيل التبويض.
٢_أظهرت الأبحاث أن النساء المصابات بمتلازمة تكيس المبايض لديهن نوع من الالتهاب المنخفض الدرجة الذي يحفز المبايض المتعددة التكيسات لإنتاج الأندروجين.
الوراثة.

طب يادكتور نعمل ايه في الحاله دي
أول حاجه بنبدأ نعمل بعض التحاليل الخاصه بالهرمونات وبعد ما بنتأكد من النتيجه سواء السيده متزوجه او غير متزوجه
بنبدء مرحله العلاج مع بعض وطبعا مع العلاج لازم اتباع نظام غذائي صحي وتمارين رياضيه يومياً

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

16/02/2023

غيبنا شويه عنكو بس راجعين بموضوع مهم جدا لكل البنات

الدورة الشهرية ومشاكلها مع كتير من البنات
في بنات كتير بتعاني من تأخر او عدم انتظام أو الالم الدورة
في البوست ده هنوضح الاسباب وضروره التوجه للطبيب لو ظهرت الاعراض دي عشان نبدء مباشره في العلاج

تأخر الدورة ليه اسباب كتير اوي من ضمنها الضغط العصبي الي بتمر بيه البنات زي التوتر واضطراب الروتين اليومي بيكون ليه تأثير

تاني سبب اتباع حميه غذائيه صارمه واضطراب الاكل بيكون سبب شائع لانقطاع الدورة

تالت سبب التهابات المهبل الحاده والاهمال في معالجتها بيؤدي لمشاكل كتير زي انقطاع الدورة وغيرها

وفي اسباب كتير شائعه بتسبب الانقطاع او الالم الدورة الغير محتمله ف بنوجه بضروره زياره الطبيب للكشف ومعرفه الاسباب
وكمان في كتير من الامهات بتخاف تودي بناتها لدكاتره النساء بس الطبيعي انك تهتمي بيها ف السن ده لتجنب مشاكل اكبر وده الي هنكلمكو عنه البوستات الجايه
زي تكيسات المبايض والغدد وانقطاع الدوره نهائياً
تابعو معانا كل جديد
وفي الكومنتات هكلمكو عن مرحله ال pms وازاي نتغلب علي الفتره دي (متلازمه ماقبل الدورة الشهرية )
تابعو الكومنتات

د/محمد عاطف
استشاري أمراض النساء والتوليد
ارقام التواصل:_ 01006904301
0922923069

09/01/2023

ضروري نعرف ان اثناء الحمل واجب علي كل مامي الالتزام بنظام غذائي صحي وتناول الفيتامينات اثناء فتره الحمل ليه اهميه كبيره اوي علي صحه الام والجنين
عشان تحصلي علي عناصر غذائيه مفيده ضروري الالتزام
بالمكملات الغذائيه او الفيتامينات التي يصفها لكي طبيبك في هذه الفتره ( لازم استشاره الطبيب قبل ماتاخدي اي ادويه )

اهم الفيتامينات الي بيحتاج ليها الجسم اثناء الحمل :_
كالسيوم :_
الحديد
اوميجا ٣
فيتامين سي
حمض الفوليك
فيتامين د

#دكتورمحمدعاطف
استشاري أمراض النساء والتوليد
ارقام التواصل:_ 01006904301
0922923069
العنوان :_ الخارجه _ شارع النبوي المهندش _ برج الحسين الدور الاول بجوار عماره هلالي

08/01/2023

النزيف الي بيحصل لمعظم الستات أثناء الحمل عاده بيكون مقلق بس اوقات بيكون خطر واوقات لا
امتى نعرف مدى خطوره النزيف اثناء الحمل وايه أسبابه :_
في فرق بين النزيف أثناء الحمل وبين بقع الدم الخفيفه
التبقيع هي قطرات قليله جدا من الدم وحدوث التبقيع في الشهور الأولى امر لايستدعي القلق اما النزيف أثناء الحمل فهو وجود قطرات دم أكتر من العادي

أسباب نزيف فتره الحمل :_
الحمل الرحوي
الحمل خارج الرحم
سلائل الرحم
انفصال المشيمه
المخاض المفاجئ
قصور عنق الرحم
عدوى بعض الأمراض المنقوله جنسيا قد تسبب بعض العدوى لنزيف
*مدى خطوره النزيف أثناء الحمل :_
النزيف الشديد
التقلصات الشديده
الام الحوض والبطن
الدوخه أو الاغماء
الحمي
نزول ماء من الرحم هي علامه على قرب الولاده او الولاده المبكره

#دكتورمحمدعاطف
استشاري أمراض النساء والتوليد
ارقام التواصل:_ 01006904301
0922923069
العنوان :_ الخارجه _ شارع النبوي المهندش _ برج الحسين الدور الاول بجوار عماره هلالي

دكتور محمد عاطف أبو غزيل - أخصائي النساء والتوليد