https://www.facebook.com/107073747495056/

قسم الصيدلة الإكلينكية مستشفى المحله العام, El-Mahalla el-Kubra (2025)

04/08/2025

تحت رعايه د/محمد عبد السميع مدير المستشفي &د/إسراء محرز رئيس قسم الصيدله نظم مركز المعلومات الدوائية محاضره بعنوانAnticoagulantsوقد قام بالقاء المحاضره د/نجوي البنا&د/ولاء سمير بقسم الصيدله الاكلينيكيه[عنايه الباطنه]وحضر المحاضره عدد كبير من أقسام الصيدله المختلفه

03/08/2025

في انتظار حضراتكم ٩.٣٠ بالقاعه الكبري

31/07/2025

🦠 يعني إيه بكتيريا مقاومة؟ ويعني إيه MDRO؟
لما نقول إن في "بكتيريا مقاومة"، فده معناه إنها بقت عنيدة ومش بتستجيب للمضادات الحيوية اللي كنا بنستخدمها زمان، فحتى لو اديت المريض مضاد مناسب، مش هيجيب نتيجة… وده بيخلي العدوى صعبة جدًا في العلاج.

💁‍♀️MDRO معناها Multidrug-Resistant Organism،
وده نوع من الميكروبات (زي البكتيريا أو الفطريات) بيكون مقاوم لأكتر من مجموعة مضادات، مش بس نوع واحد.

🧬 إيه أشهر أنواع البكتيريا المقاومة اللي بنقابلها؟
MRSA: المكورات العنقودية المقاومة للميثيسيلين (Methicillin-Resistant Staphylococcus aureus)

VRE: المكورات المعوية المقاومة للفانكومايسين (Vancomycin-Resistant Enterococcus)

CRE: العصيات المعوية المقاومة للكاربينيم (Carbapenem-Resistant Enterobacteriaceae)

الكليبسيلا المنتجة لإنزيم البيتالاكتاميز
ESBL (Extended Spectrum Beta-Lactamase producers):
النوع ده بيكسر البنسلين والسيفالوسبورين ومش بيستجيب ليهم، فبنحتاج نلجأ للكاربابينيم

CRAB: أسينتيتوباكتر بوماني المقاوم (Carbapenem-Resistant Acinetobacter baumannii)

Candida auris:
فطر مقاوم وخطير جدًا خصوصًا في الحضانات والعناية المركزة

🧪 يعني إيه استعمار؟ وإيه الفرق بينه وبين العدوى؟
الاستعمار (Colonization): يعني البكتيريا موجودة على الجلد أو الأغشية المخاطية أو حتى في الجهاز الهضمي، لكن مش عاملة أي أعراض ولا بتأثر على الجسم.
العدوى (Infection): بتحصل لما البكتيريا تدخل جوه الجسم وتبدأ تأثر عليه، وتعمل أعراض زي:
سخونية، صديد أو التهاب، خلل في الأعضاء الحيوية،ضعف أو تسمم دم
🙋‍♀️ المهم نعرف إن المريض المستعمر حتى لو مش باين عليه أعراض، ممكن يعدي غيره، خصوصًا لو مفيش التزام بنظافة اليدين.

🔒 هل المصابين بالميكروبات المقاومة بيتعزلوا؟
أيوه طبعًا، بنطبق عليهم عزل تلامسي (Contact Precautions)، يعني:
أي حد داخل يتعامل مع الحالة لازم يلبس جاون وقفازات (Gown & Gloves)قبل ما يلمس المريض
نحط لافتة تحذيرية (Precaution Sign) على باب الغرفة، تنبّه إن الحالة تحت عزل تلامسي
ممنوع تمامًا استخدام نفس الأجهزة (زي السماعة، جهاز الضغط، الترمومتر) من مريض لمريض، من غير تطهير كويس بينهم، لأن الأجهزة دي ممكن تنقل العدوى من غير ما تظهر أي أعراض

💊 إيه حكاية مجموعات المضادات الحيوية؟
كل مضاد بينتمي لمجموعة، وكل مجموعة بتشتغل بطريقة معينة. البكتيريا ممكن تكون مقاومة لمجموعة كاملة.
من أشهر المجموعات:
مجموعة β-lactams (بيتا لاكتام):
⬅️ زي البنسلين، السيفالوسبورين، الكاربابينيم
⬅️ بتشتغل على جدار الخلية

مجموعة Aminoglycosides (أمينوجليكوزيد):
⬅️ زي جنتاميسين، أميكاسين
⬅️ بتمنع تكوين البروتين

مجموعة Fluoroquinolones (فلوروكوينولون):
⬅️ زي سيبروفلوكساسين، ليفوفلوكساسين
⬅️ بتوقف نسخ الحمض النووي (DNA)

مجموعة Glycopeptides (جلايكوببتيد):
⬅️ زي فانكومايسين
⬅️ بتهاجم جدار البكتيريا

مجموعة Polymyxins (بوليميكسين):
⬅️ زي كوليستين، بوليميكسين B
⬅️ بتدمر الغشاء الخارجي للبكتيريا

مجموعة Macrolides (ماكرولايد):
⬅️ زي أزيثرومايسين، إريثرومايسين
⬅️ بتمنع تصنيع البروتين

🤚 يعني إيه MDR وXDR وPDR؟
MDR (Multidrug-Resistant):
البكتيريا مقاومة لـمضاد حيوي واحد على الاقل من 3 مجموعات أو أكتر

XDR (Extensively Drug-Resistant):
مقاومة لكل حاجة ما عدا 1 أو 2 من المضادات القوية

PDR (Pandrug-Resistant):
مقاومة لكل أنواع المضادات الحيوية = مفيش علاج فعال (وده أخطر نوع)

🧫 نعرف منين إن المريض عنده بكتيريا مقاومة؟
1. نطلب مزرعة وتحليل حساسية (Culture & Sensitivity)
2. في الحالات الحرجة، نبدأ علاج تجريبي (Empirical Therapy) بشرط:
🤷‍♀️يكون بناءً على:
الـAntibiogram المحلي = نسبة المقاومة اللي بتطلع من تحاليل المستشفى
الميكروبات الأكثر شيوعًا حسب نوع العدوى (site-specific pathogens)
الـGuidelines العالمية زي CDC – IDSA – NICE - AWaRe

🛡️ نمنع العدوى دي إزاي؟
غسيل اليدين (Hand Hygiene) طبقا للحظات الخمس لنظافة الأيدي
لبس الجاون والجوانتي مع الحالات تحت عزل التلامس
تطهير الأسطح والمعدات بعد الاستخدام
ناخد الاحتياطات اللازمة لو هنزل المريض لأي قسم فى المستشفى علشان ميكونش مصدر للعدوى
كل النفايات الخاصة بالمريض تعامل كنفايات طبية خطرة
الإبلاغ عن أي حالة مقاومة (Notification)
استخدام المضادات الحيوية بحكمة وعدم صرفها عشوائي
(Antibiotic Stewardship) د/رانيا مصطفي منسق Ams program

21/07/2025

تحت رعايه د/محمد عبد السميع مدير المستشفي &د اسراء محرز رئيس قسم الصيدله نظم مركز المعلومات الدوائية محاضره بعنوانurinary tract infection وقد قام بالقاء المحاضره د/شيماء ف*ج& د/غاده عبد الشافي بقسم الصيدله الاكلينيكيه [العنايه المتوسطة ]وذللك في حضور عدد كبير من قسم الصيدله الاكلينيكيه بالمستشفي

20/07/2025

في انتظار حضراتكم ان شاء الله في القاعه الكبري ٩.٣٠ ص

09/07/2025

يتقدم قسم الصيدلة بمستشفى المحلة العام برئاسة د.اسراء محرز رئيسة القسم بتقديم أسمى التهانى لد.محمد عبد السميع لتعينه مديرا للمستشفى داعين الله له بالتوفيق والسداد باذن الله.

16/06/2025

تحت رعايه د/إسراء محرز رئيس قسم الصيدله نظم مركز المعلومات الدوائية محاضره بعنوانHow to implement antimicrobial stewardship program?قام بالقاء المحاضره د/رانيا مصطفي &د/محمد عماد بقسم الصيدله الاكلينيكيه[عنايه القلب] وحضر المحاضره د/هبه عبد السلام نائب رئيس قسم الصيدله وعدد كبير من الصيادله من كل الأقسام وتناولت د/مني عبد الجليل وكيل المستشفي ورئيس قسم مكافحه العدوي أهداف المشروع وماتم إنجازه

15/06/2025

في انتظار حضراتكم الساعه ١٠ صباحا في القاعه الكبري للمحاضرات

05/06/2025

كل عام وحضراتكم بخير

04/06/2025

إرشادات عامه للحجاج

31/05/2025

د/رانيا مصطفي &د/محمد عماد[عنايه القلب]

31/05/2025

د/رانيا مصطفي&د/محمد عماد [عنايه القلب]

قسم الصيدلة الإكلينكية مستشفى المحله العام

04/08/2025

03/08/2025

31/07/2025

21/07/2025

20/07/2025

09/07/2025

16/06/2025

15/06/2025

05/06/2025

04/06/2025

31/05/2025

31/05/2025

Address

Website

Alerts

Shortcuts

Share

Category