https://www.facebook.com/AbdelmohsenSei

دكتور عبدالمحسن سيف الدين Mohsen Kids Clinic, شبرابابل الطريق العام بجوار قاعة الياسمين أعلى صيدلية د/أحمد سلام, El-Mahalla el-Kubra (2026)

18/02/2026

🌙✨ مبارك عليكم الشهر الفضيل ✨🌙
🌟 وكل عام وأنتم بخير 🌟
بمناسبة شهر رمضان المبارك 🕌
يسعدنا نعلن مواعيد العيادة خلال الشهر الكريم 👇
🕐 الفترة الصباحية
📅 السبت – الاثنين – الأربعاء – الخميس
⏰ من الساعة 1 ظهراً حتى 4 عصراً
🌙 الفترة المسائية
📅 يومياً ما عدا الجمعة
⏰ من الساعة 8:٣٠ مساءً حتى 11 مساءً
أو حتى انتهاء آخر مريض

💛 نسأل الله أن يعيده علينا وعليكم بالخير واليمن والبركات
👶💙 صحتكم وصحة أطفالكم أمانة عندنا
📍 في انتظاركم دائماً بكل ترحيب
د. عبدالمحسن سيف الدين

16/02/2026

🔴🟡🔵
☀️ "المضاد الحيوي مش خافض حرارة!" 💊🌡️
امتى فعلاً طفلك يحتاجه؟
👩‍👧‍👦 عزيزتي الأم…
من أكتر الأخطاء الشائعة إننا أول ما الطفل يسخن ندي مضاد حيوي ❌
خلينا نفهم الصح بهدوء 👇
🔵 1️⃣ أغلب أدوار البرد فيروسية
يعني المضاد الحيوي 👈 مالوش أي دور
الجسم بيتعامل مع الفيروس بالمناعة + الراحة + السوائل ✅
🟡 2️⃣ المضاد مش خافض حرارة
السخونية رد فعل طبيعي من الجسم 🔥
المضاد بيقتل البكتيريا فقط…
مش بينزل الحرارة مباشرة ❗
🔴 3️⃣ بلاش "حقنة البرد" نهائياً
خلط مضاد + كورتيزون + خافض حرارة
⚠️ خطر جداً
⚠️ ممكن يعمل حساسية شديدة
⚠️ يضعف المناعة
🚨 امتى نحتاج مضاد حيوي؟
فقط لما الطبيب يشخّص عدوى بكتيرية زي:
✔️ التهاب اللوز الصديدي
✔️ التهاب الأذن الوسطى
✔️ التهاب المسالك البولية
🟢 نصيحة مهمة:
استخدام المضاد بدون داعي بيخلي البكتيريا أقوى ومقاومة للعلاج مستقبلاً 💥
📌 القرار الصح دايماً يبدأ باستشارة طبيبك.
صحة أطفالك أمانة ❤️

15/02/2026

🔴🦠 الروتا في الأطفال
⚠️ أخطر النزلات المعوية الفيروسية عند الصغار
🟡 براحــة وركّز معايا باختصار مهم 👇
من خلال خبرتي في التعامل مع الحالات 👨‍⚕️
من أخطر النزلات المعوية اللي بنشوفها في الأطفال هي نزلة الروتا.
━━━━━━━━━━━━━━━━━━
🔵 يعني إيه روتا؟
🦠 فيروس شديد العدوى
وهو السبب الرئيسي للإسهال المائي الحاد والقئ في الرضع والأطفال الصغيرين.
📌 الطفل حرفيًا بيبقى:
⬆️ ترجيع شديد من فوق
⬇️ وإسهال مائي متكرر من تحت
وبيفقد سوائل بسرعة جدًا!
━━━━━━━━━━━━━━━━━━
🟣 بينتشر إمتى وإزاي؟
❄️ بيزيد في الشتاء والربيع
🦠 فيروس عنيد ومقاوم
👶 أغلب الأطفال بيصابوا بيه قبل سن ٣ سنين
🧸 بينتقل عن طريق الألعاب أو الأسطح الملوثة
👄 الطفل يلمسها ويحط إيده في بقه
━━━━━━━━━━━━━━━━━━
🟠 أعراض الروتا إيه؟
🔺 أولًا: القئ
▪️ شديد
▪️ متكرر ورا بعض
▪️ ممكن يسبق الإسهال
🔺 ثانيًا: الإسهال
▪️ مائي
▪️ حاد جدًا (كأنه حنفية مفتوحة)
▪️ يستمر من ٥–٨ أيام
▪️ رائحته نفاذة
▪️ بيعمل جفاف بسرعة
🔺 حرارة
🔺 ألم بالبطن
🚨 علامات الخطر والجفاف:
▪️ خمول
▪️ جفاف الفم
▪️ قلة التبول / الحفاضات
▪️ عيون غائرة
▪️ بكاء بدون دموع
❗ لو شوفت العلامات دي → تتحرك فورًا على المستشفى لتعويض السوائل.
━━━━━━━━━━━━━━━━━━
🟢 العلاج؟
❌ مفيش مضاد فيروسي للروتا
✔️ تعويض سوائل ومحاليل
✔️ خافض حرارة
✔️ مضاد للقئ حسب الحالة
━━━━━━━━━━━━━━━━━━
🛡️ أهم نقطة… الوقاية
💉 تطعيم الروتا
جرعتين بالفم عند عمر ٢ و٤ شهور
🧼 غسل اليدين بالماء والصابون
خاصة بعد تغيير الحفاضات
━━━━━━━━━━━━━━━━━━
📢 الرسالة مهمة جدًا لكل أم وأب
حفظ الله أولادكم من كل سوء 🤍
لو مهتم بكل ما يخص صحة طفلك
🔔 اعمل متابعة
↩️ وشارك البوست عشان المعلومة توصل لغيرك

#الروتا

04/02/2026

📢 جهاز فيديو أوتوسكوب موجود الآن في العيادة! 🎥👂
نحن فخورين أن نعلن عن توافر جهاز فيديو أوتوسكوب المتطور في عيادتنا للكشف على أذن الأطفال 👶👧🧒.
🔎 الجهاز بيخلّينا: ✨ نشوف القناة السمعية وطبلة الأذن بصورة واضحة جدًا
✨ نكتشف مشاكل الأذن بكل دقة
✨ نتابع حالة الأذن على الشاشة ونشرح للأهل بسهولة
✨ نوثّق الصور والفيديو للمتابعة والمتابعة المستقبلية
👨‍⚕️ الكشف دقّة عالية وتجربة مريحة لطفلك.
📍 احجز/ي ميعاد طفلك النهاردة واطمّن/ي على صحة أذنه 👂❤️
📞 للتواصل: ٠١١١١٦١٦٤٤٩
📆 العنوان: شبرابابل الطريق العام بجوار قاعة الياسمين أعلى صيدلية د أحمد سلام

11/01/2026

📢 تحذير هام لكل أب وأم
❌ الأدوية مش لعب أطفال
أطفال كتير بيجوا العيادة ولسه عمرهم شهور
وأفاجأ إن الأهل – بحسن نية – مُرهقين الطفل بأدوية خطيرة على سنه 😔
👈 من أشهر الأدوية اللي بيحصل فيها سوء استخدام:

🔴 الكريمات والمراهم اللي بتحتوي على كورتيزون
خصوصًا (❌ كيناكومب – حبيب الأمهات)
والأم مش بتكون عارفة إن فيه كورتيزون قوي
📌 الكورتيزون:
ليه مدة استخدام محدودة مينفعش يتكرر ومينفعش يستخدم إلا بإذن طبيب

🔴 أدوية البرد 🤧 كارثة حقيقية ❗
في تركيبتها مواد ممنوع استخدامها قبل سن ٥–٦ سنوات
وتلاقي الطفل ماشي عليها طول الشتا مع إنه عمره شهور بس!

🔴 المسكنات من مجموعة الديكلوفيناك زى الدولفين
(اللبوسة “السحرية” 😣)
طفل وزنه أقل من ٢٠ كجم وياخد تركيز ٢٥ أو حتى ٥٠ ❌
وده خطر جدًا على الكُلى والمعدة

🔴 مجموعة الأمينوفيللين
(ميكوفيللين – إيبكوفيللين)
⚠️ لم تعد تُستخدم إلا داخل الرعايات المركزة بسبب آثارها الجانبية الخطيرة على:
القلب
المخ

🔴 المضادات الحيوية 💊
حرارة بسيطة؟ → مضاد!
رشح؟ → مضاد!
❌ خطأ كبير
المضاد لا يُستخدم إلا عند الحاجة وتحت إشراف طبي
📌 نرجع ونأكد: الأدوية ❌ مش فيتامينات
و”بعطيه احتياطي” دي جملة خطيرة

👤 أنت كشخص بالغ:
كبدك وكُليتك أقوى ممكن يتحملوا خطأ بسيط
👶 لكن الطفل – خصوصًا الرضيع: كفاءة الكبد والكُلى غير مكتملة ممكن تحصل أضرار مش باينة دلوقتي
👉 عشان كده: ✔️ نقلل الأدوية
✔️ نسأل الطبيب قبل أي حاجة
✔️ ندي الدوا وقت اللزوم وبالجرعة الصح

💊 أدوية أقل = صحة أفضل🛡️ مناعة أقوى

08/01/2026

📌 تحذير غذائي بشأن السحب الاحترازي لعدد محدود من تشعيلات بعض منتجات حليب الأطفال
................................................................

بيان صادر عن الهيئة القومية لسلامة الغذاء:

تُعلن الهيئة القومية لسلامة الغذاء عن تنفيذ سحب احترازي لعدد محدود من دفعات منتجات حليب الأطفال من انتاج شركة نستله ، وذلك في ضوء إخطار رسمي ورد إليها من شركة نستلة مصر يفيد بتنفيذ سحب طوعي احتراز ى لهذه الدفعات.

المنتجات المعنية بالسحب الاحترازي
اسم المنتج رقم التشغيل كمية المباعة بالعبوة تاريخ الإنتاج تاريخ الانتهاء
Nan Comfort 1 51510346AC 109,884 31/05/2025 30/11/2026
Nan OptiPro 1 51370346AA 38,160 17/05/2025 17/05/2027
Nan OptiPro 1 52650346AA 16,092 28/09/2025 28/09/2027
Nan OptiPro 1 51460346AB 10,944 26/05/2025 26/05/2027
Nan OptiPro 1 51460346AA 124,608 26/05/2025 26/05/2027

سبب السحب الاحترازي
رصد وجود آثار لمادة (Cereulide)، الناتجة عن بكتيريا (Bacillus cereus)، في أحد المكونات الأولية (زيت حمض الأراكيدونيك – ARA) المستخدم في التصنيع، وهي مادة قد تؤدي، في حال التعرض لها، إلى الغثيان والقيء الشديد، خاصة لدى الأطفال.

إجراءات الهيئة
• تنفيذ سحب احترازي فوري للدفعات محل التحذير اعتبارًا من 7 يناير 2026.

• متابعة إجراءات السحب بالتنسيق الكامل مع شركة نستله.

• إلزام الموردين والموزعين بـ الوقف الفوري لتداول المنتجات التي تحمل أرقام التشغيلات الواردة أعلاه.

توصيات للمستهلكين
• ضرورة التحقق من أرقام التشغيلات على العبوة.

• في حال تطابق بيانات المنتج، يُوصى بـ التوقف فورًا عن استخدامه والتخلص منه بطريقة آمنة.

• الالتزام بالتعليمات الصادرة عبر القنوات الرسمية للهيئة.
وتؤكد الهيئة القومية لسلامة الغذاء أن هذا الإجراء يأتي كإجراء احترازي استباقي في إطار حرصها على حماية صحة وسلامة المستهلكين، لا سيما الأطفال.

وتناشد الهيئة المواطنين بضرورة الإبلاغ الفوري عن أية مخالفة قد تمس سلامة الغذاء أو تشكل خطرًا على الصحة العامة، ويمكن تقديم الشكاوى من خلال البوابة الإلكترونية لمنظومة الشكاوى الحكومية الموحدة – مجلس الوزراء عبر الرابط
: https://www.shakwa.eg/GCP/Default.aspx
، أو عبر الخط الساخن 16528، كما يمكن التواصل المباشر مع الإدارة العامة لخدمة المواطنين بالهيئة على الرقم: 01555771100 (اتصال أو واتس آب)، أو من خلال البريد الإلكتروني
: consumer.complain@nfsa.gov.eg، وذلك لاتخاذ كافة الإجراءات القانونية اللازمة حيالها.

01/01/2026

🚨🚨 خــــدوا بالـــكــــوا 🚨🚨
(وهنفضل نكررها تاني وثالث ومليون 👨‍⚕️👶)
🔴 ١️⃣ نزلات البرد سببها فيروسات
❌ يعني المضاد الحيوي مالوش أي دور في علاجها.
🟠 ٢️⃣ المضاد الحيوي يكتبه الطبيب فقط
✔️ بجرعة محسوبة حسب الوزن والعمر
❌ مش كل سخونية أو كحة = مضاد حيوي
⚠️ كتره بيدمّر البكتيريا النافعة في الجهاز الهضمي.
🟡 ٣️⃣ بلاش خلط أدوية السخونية من نفس النوع
❌ دولفين + بروفين = غلط غلط غلط ❌
🚫 ممكن يدمّر الكُلى
✔️ لو هتستخدمي نوعين: سيتال + بروفين بالتناوب.
🟢 ٤️⃣ السخونية مش معناها نزود الجرعة
⚠️ أي زيادة في الجرعات = تسمم دوائي
✔️ كل حاجة بحساب.
🔵 ٥️⃣ لبوس السخونية ممنوع قبل سنة
🚫 طفل شهرين وتقولّي اديته لبوس؟
❌ كده بتأذي كُليته.
🟣 ٦️⃣ جلسات النيبولايزر مش إدمان
🌫️ ده علاج زي الدوا الشراب
بس بيتاخد في صورة بخار.
🟤 ٧️⃣ السخونية ومش بتنزل؟
🔥 لو استخدمتي نوعين مختلفين ومفيش تحسن
🏥 روحي بيه المستشفى فورًا.
⚫ ٨️⃣ حقنة ديكسا + ديكلوفين ❌❌
🚫 بتموت الكبار
😔 أومال الأطفال؟!
🟠 ٩️⃣ الكحة وقت النوم غالبًا من الأنف
👃 إفرازات الأنف بتنزل على الحنجرة
😴 تصحي الطفل يكح
📌 المشكلة مش دايمًا في الرئة.
🟡 🔟 الكحة عَرَض مش مرض
✔️ لازم نعالج السبب
ساعتها الكحة هتروح لوحدها.
🟢 ١١️⃣ طفل أقل من سنة؟ اكشفي فورًا
👶 مناعته ضعيفة
🌬️ الشعب الهوائية قصيرة
⚠️ الدور بيتطور بسرعة.
🔵 ١٢️⃣ علاج ابن جارتك مش لابنك
❌ كل طفل علاجُه حسب
👉 الوزن + العمر + الكشف.
🟣 ١٣️⃣ دور البرد منتشر اليومين دول
🤧 بلاش بوس وأحضان من الداخل والخارج
🛑 العدوى سهلة
📌 ولما ابنك يمرض… إنتِ اللي بتشيلي الليلة.
✨ ياريت تكون الرسالة وصلت ✨
🤲 حفظ الله أولادكم من كل سوء
🎯 هدفنا: توعية الأهل وتربية جيل صحي
💙👶

28/12/2025

طريقة استخدام فوهة تنظيف الأنف nose wash...
وفرنهالكم عندنا

25/12/2025

😣 بتعملي غسيل أنف… وتِعَوّري نوز العيال؟
وصريخ ودموع ودراما 🎭🤦‍♀️
✨ جربي القطعة دي وادعيلي 😇
✔️ ناعمة
✔️ آمنة
✔️ ومش بتخوّف الطفل
👃 تنظّف الأنف
🌬️ وتسهّل النفس
👶 من غير وجع ولا عياط
💙 علشان كده أطلقنا حملة:
🎯 "نظّف النوز وخلي النفس لوز" 🍐😄
📌 غسيل الأنف الصح:
✔️ يقلل الكحة
✔️ يخفف الزكام
✔️ يساعد الطفل ينام ويتنفس أحسن
💡 خلي العناية أسهل…
ومن غير ما النوز تدخل حرب 😂

الحمد لله وفرنالكم القطعة دي عندنا

18/12/2025

⚠️ مهم جدًا في الفترة الحالية ⚠️

🧊 الكمادات للأطفال تكون بمية فاترة فقط
❌ مش من الحنفية
❌ ومش مية ساقعة

❓ ليه؟
لأن المية الباردة ممكن تعمل:
😣 رعشة للطفل
🔥 زيادة السخونية بدل ما تقل
😰 تعب وإجهاد للجسم

✅ الطريقة الصح:
💧 مية فاترة
🧻 فوطة خفيفة
🕒 تغيير الكمادة كل شوية

📌 الهدف إننا نساعد جسم الطفل يهدى مش نجهده أكتر

18/12/2025

نصيحة_مهمة_لكل_أم_وأب 👶🩺

📌 شيّكي على طفلك كل صباح
لو لاحظتي أي بوادر تعب:
🤕 صداع – 🤢 بطنه تعباه – 🌡️ دافي شوية – 🤧 مناخيره مخنفرة…
الأفضل راحة يوم أو يومين + علاج على قد الأعراض
(تنظيف أنف 👃 – خافض حرارة/مسكن – علاج مغص – لزقة ترجيع).

📌 ما تكبريش دماغك وتوديه تعبان
لأنه غالبًا هيرجع بسخونية 🔥 وترجيع 🤮 وكحة 😮‍💨
ويبقى “لف على مالدور” بدل ما يخف.

📌 لو رجع من برّه تعبان
👉 راحة تامة لحد ما يخف
👉 وكشف بدري عند أقرب دكتور 👨‍⚕️

📌 الفترة دي مليانة فيروسات 🦠
وده سبب إن الطفل ييجي له دور كل أسبوعين
فـ ما تزهقيش وما تكسليش في اتباع النصايح.

📌 عدم الراحة = ضعف مؤقت في المناعة
الطفل اللي لسه ما خفش بيبقى:
🎯 سهل العدوى
🎯 عرضة لمضاعفات
🎯 ياخد نفس الدور تاني أو دور جديد.

📌 غسيل الإيدين 🧼✋
بعد الصحوة – قبل الأكل – بعد الحمام – بعد الرجوع من برّه
🔑 من أهم وسائل الوقاية على الإطلاق.

📌 فيتامين C 🍊
❌ لا يعالج دور البرد أثناء حدوثه
❌ لا يقلل مدته ولا يمنع مضاعفاته
✅ لكن تغذية صحية متوازنة غنية بفيتامين C بانتظام
بتقلل شدة ومدة الأعراض على المدى البعيد.

📌 الخنفرة والرشح 🤧
علاجهم: غسيل أنف عند اللزوم فقط

📌 الكحة البسيطة بدون نهجان
(مش بتصحي كتير ومفيش ترجيع بعدها):
🫖 سوائل دافئة
🍯 عسل نحل (للأكبر من سنة)
😴 راحة
⏳ ووقت… من أسبوع لأسبوعين.

📌 جلسات البخار 🌫️
❌ مش عذاب
✅ ده دواء الكحة المناسب لحد التحسن
⚠️ عددها ومكوناتها حسب حالة الطفل
وما نوقفهاش إلا باستشارة الطبيب.

📌 الشفاء نعمة من ربنا 🤍
الأخذ بالأسباب +
🙏 النية
🕊️ التسمية قبل الدواء
🤲 الدعاء ليك ولغيرك
💝 الصدقة بنية الشفاء
🌸 الرضا والحمد
كلها أسباب لتمام الشفاء…
وما خفي كان أعظم.

💙 ربنا يحفظ أولادنا جميعًا
هدفنا توعية الأهل وتربية جيل صحي

17/12/2025

ومهم جدًا للأمهات الفتره دى من استعمال بعض الادويه!

📌📌أولاً : من علاج بسيط إلى كارثة
هل تظنين أن مذيبات البلغم آمنة لرضيعك ؟ الإجابة الصادمة: لا!
مثال على ذلك دخل إلينا طفل رضيع بعمر 12 يومًا فقط إلى الحضّانة، ليس بسبب مشكلة ولادة... بل بسبب "مذيب بلغم" تم إعطاؤه له لـ "تخفيف الكحة"

❌ لماذا مذيبات البلغم تشكّل خطرًا قاتلًا على الرضع؟
لا أن الرضيع لا يستطيع طرد البلغم المذاب! الرئة تنتج إفرازات غزيرة، والطفل لا يمتلك "منعكس الكحة" القوي لطرد هذه الكمية الكبيرة، مما يؤدي لتجمع السوائل ويسبب انسدادًا في مجرى التنفس أو التهابًا رئويًا .🥶🥶

📌📌ثانيأ_أستعمال لفترات طويلة عند الأطفال:

❗ مضادات الهيستامين لفترات طويلة عند الأطفال
بتعمل:
• لزوجة عالية في البلغم (فتزود الكحة والشرقة) 🤦‍♂️
• نسيان وعدم تركيز في المدرسة
• وبتغطي على المشكلة من غير ما تعالجها علاج فعلي

📌📌 ثالثا زي اوكسيميت واتريفين اطفال ورينكس للأطفال قبل عمر سنة إلا لضرورة طبيه ولمده محدده ولازم جرعه محسوبه ومده محدده ولا تكرر😱😱 إعطاء القطرات دي اكتر من ٥ ايام متتالية عشان ممكن تعمل انسداد مزمن في الأنف وضمور فى الحاجز الانفي وفقدان لحاسة الشم😱😱

📌📌رابعا زي دولو دى وكونجيستال وساين أب مع أدوار الكحة الشدردة والحساسية عشان بتنشف الإفرازات وبتزود الكحة😱😱
إعطاء أدوية البرد دي قبل عمر سنتين ممنوع نهائياااا عشان لها مشاكل كبيرة علي القلب😱😱

بجانب ان أدوية_البرد 🤧🤧 بتزود الكحة جدا😧😧وبتقفل الصدر لأنها بتنشف كل السوائل الهامة لحركة الجهاز التنفسي
الأدوية دي تستخدم في حالات الرشح الغير مصاحب بكحه لأن وظيفتها dryness of secretion لكن استخدامها في الكحة المصحوبة برشح مينفعش إطلاقا وفى الوقت ده نعتمد على تسليك الأنف👃👃
👈👈الادويه دى زى ايه فنستيل - وان تو ثري - كونجيستال- اكتيفيد - بيبي رينو - بروفين فلو - كولد ستوب - فيفر آند فلو - دولو دي - فلو مول - نو فلو - رينو برو - رينوجيسيك - بلموكير - سودوفين - فيجاسكين - ساين أب - توسيفان ن - كوديلار - بلمونال ن ... إلخ إلخ

📌📌خامسا_إعطاء او بيبى رليف او ديكلوفين مع بروفين او كونتافيفر او ميجافين او سيتافين عشان ده ممكن يضر الكلي والكبد والمعدة جداااا😱😱 ولو احتجتوا نوعين ممكن ندى واحد من اللي قولته ده بالتبادل ما سيتال او تيمبورال شراب👌👌

📌📌سادسا زي الايرونيل والفنتولين والسلبوفنت وطبعا ابن عمهم ميكوفللين (ده بلاش استعماله نهائيا نظرا لااعراضه الجانبية الخطيره) ماينفعش نستخدمهم مدد طويله🤔🤔 نظرا لتأثيرهم على عضلة القلب♥️♥️
وطبقا للتوصيات الطبيه ،يفضل عدم استخدامهم واستبدالهم ببخاخ موسع للشعب أو جلسات البخار،افضل ف النتيجه واقل فى الاعراض الجانبيه 👍👍

📌📌 سابعا اللى بتشتغل على المخ الكحه فى الاساس بتساعد ان الميكروب والبلغم يخرج فلو منعتيها باستمرار هتساعدى فى زيادة الميكروب والبلغم فى صدر طفلك والدور ممكن يزيد جدأ او يطول فنستعمل ادوية الاعشاب الطبيعيه مع السوايل الدافيه والعسل الابيض

دمتم سالمين 🥰🥰
هدفنا توعية الأهل وتربية جيل صحي

📍المحلة الكبرى، شبرابابل، الطريق العام بجوار قاعة الياسمين

دكتور عبدالمحسن سيف الدين Mohsen Kids Clinic

18/02/2026

16/02/2026

15/02/2026

04/02/2026

11/01/2026

08/01/2026

01/01/2026

28/12/2025

25/12/2025

18/12/2025

18/12/2025

17/12/2025

Address

Website

Alerts

Shortcuts

Share

Category