21/03/2024
التفكير الزائد بيعطل حياتنا بشكل كبير وبيخلينا طول الوقت في قلق وتوتر ومش بنقدر نمارس يومنا بشكل طبيعي ..
دي خطوات بسيطة نقدر نعملها عشان نقلل شوبة من التفكير الزائد :
١_ تحدي الفكرة ، أسأل نفسك هل في دليل يثبت الأفكار دي ولا مجرد استنتاج بدون دليل .
٢_ بدل ماتفضل تفكر في المشكلة وعواقبها ، فكر في حلول ليها .
٣_ممارسة الرياضة او تمارين التنفس او الاسترخاء ، ده بيساعدك كتير في التركيز على اللحظة الحالية .
٤_ حدد وقت معين للتفكير وقول انا هوقف تفكير دلوقتي وبعدين هبقى افكر ، عشان التفكير ميستهلكش يومك كله .
٥_ حاول تعمل روتين معين ليومك عشان يساعدك تركز على الحاضر .
٦_ الكتابة او التدوين بتساعد انك تفرغ مشاعرك وتشوف الحاجة في حجمها الطبيعي .
٧_ مارس الامتنان يوميا ، اكتب في نهاية اليوم ٥ حاجات ممتن ليها في يومك .
٨- اخيرا لو الموضوع صعب عليك ومش قادر تساعد نفسك إلجأ وقتها لمتخصص يساعدك .
