Dr.yasmeen hamdy derma clinic د.ياسمين حمدي للأمراض الجلدية وعلاج البشرة

10/02/2025

إن شاء الله هرجع الشغل من يوم الثلاثاء الجاي .. من ٧:٣٠ م إلى ٩ مساءً.....
مواعيد العمل :
يومياً من السبت إلى الخميس : من ٧:٣٠ إلى ٩ مساءً

والسبت والإثنين من ١:٣٠ إلى ٣ بعد الظهر.
دار الشفاء "العيادة الشعبية" بميدان الشون المحلة الكبرى
0402224752

ودمتم بصحة وعافية ❤️❤️

08/02/2025

أقراص الكولاچين نصباية ..
كريمات الكولاچين نصباية ..
كلوا صح على قد ما تقدروا .. پروتينات ، خضار كل الأكل الصحي على قد ما نقدر ، وروتين تنظيف وترطيب بسيط جداااا .. أنا بفضَّل الزيوت الطبيعية "مش الكريمات المرطبة"

07/02/2025

هام للمريض ، وتَذْكِرة للزملاء الأعزاء الأطباء :
فهم وحل مشكلة جلدية شائعة بتيجي مع أخذ المضادات الحيوية ..

كتير من الأطفال "ومن الكبار كمان" بيجيلهم عدوى فطرية بعد كام يوم من بدء كورس مضاد حيوي ..
عبارة عن طفح جلدي أحمر أو تسلخات مع حكة في منطقة الحفاضة "وزيها للكبار" .. وأحيانا بتيجي على شكل غشاء أبيض وقرح في اللسان والفم ، أو هرش في الأذن

ده بسبب إن جسمنا وجلدنا عليهم طبيعي فطريات وبكتيريا عايشين عادي في حالة توازن ..

بس لما بناخد مضادات حيوية قوية "خاصة لو نوعين مع بعض ، وبالذاااااات لو موصوف معاها كورتيزون أو المريض يعاني من السكري " .. البكتيريا بتموت ، والتوازن بين البكتيريا والفطريات الموجودين أصلا بيختل ، فالفطريات الموجودة مش بتلاقي حاجة تحد من نموها
فبتمنو وتعمل الطفح والحكة دي

العلاج إيه بقى ؟؟
لازم بندي مضادات للفطريات خاصة لو هنطول شوية في المضاد الحيوي "وغالبا كلهم بيعملوا العرض الجانبي ده على فكرة"
إما كبسولات زي التريفلوكان ١٥٠ مثلا ، سواء واحدة لوزن ال ٥٠ -٦٠ كجم أو كبسولتين مع بعض للأوزان الأعلى "بشرط سلامة الكبد" ..

والأوزان اللي أقل من كدة .. بنفضي البودرة اللي جوة الكبسولة على ورقة بيضا نضيفة ، و"بالنظر" بنقسمها للنصف أو الثلث حسب وزن الطفل
يعني نص البودرة في شوية مياة "مش فارق كمية المية" بالفم ، والطفل ياخدهم لو وزنه حوالي ٣٠ كجم
وثلث الكبسولة لو وزنه من ١٠-١٥ كجم
هي جرعة واحدة ياخدها تاني يوم ما يبدأ المضاد الحيوي

العلاج جرعته ٣-٦ مجم "حسب شدة الحالة" لكل كجم من الوزن من اول ٦ شهور
و الكبسولة ١٥٠ مجم .. فسهل حسابها

عموما أنا البيبيهات بديلهم كريم أفضل مش الكبسولة ..
كريم جلد زي ويلوفانج أو نيزوديرم أو جلينسرت .. يتحط في منطقة الحفاضة بس من جوة كمان قدام وورا عند فتحات الاخراج
.
فرجاء ما ننساش مضادات الفطريات لما ناخد مضاد حيوي علشان ما تحصلش إن شاء الله المشكلة دي

ودمتم بصحة وعافية 🌹🌹

05/02/2025

share this hashtag plz
النرجسي المخبول علاجه ""الإهانة""

01/02/2025

لظروف طارئة ..
أنا أجازة من العيادة من بكرة "الأحد ٢ فبراير" ولمدة أسبوع غالباً

العيادة شغالة وزميلتي د.أميرة رضا موجودة مكاني في كل فترات العمل بعد الظهر ل ٣ عصرا .. ومن ٨ ل ٩ مساء .. "ماعدا يوم الاثنين هتبقى الفترة الصباحية لغاية قبل ١٢ الظهر فقط "....
ده تليفون العيادة للاستفسار عن المواعيد
برضو الاتصال خليه من ١٠ صباحا ل ٢ ظهرا
ومن ٧ م ل ٩ مساء
0402224752

ودمتم بخير وصحة ❤️❤️

31/12/2024

يا جماعة بلاش پاديكيور ومانيكيور في البيوتي سنترز الله يخليكم لأن في أمراض كتيييييييير بتتنقل بالأدوات بتاعتهم اللي بيستخدموها من حد لحد ، وطبعا ماعندهمش أوتو كلاڤ للتعقيم ولا حاجة !

من أول ڤيروس السنط "عين السمكة" ، لڤيروسات الكبد للإيدز ممكن جداااا تتنقل بالأدوات بتاعتهم !

ده في العيادات والمستشفيات اللي التعقيم فيهم احترافي برضو ممكن بيحصل عدوى ، فما بالكم بالأماكن دي !

لو لازم .. يبقى تاخدوا أدواتكم الشخصية بتاعتكم معاكم .. بلاش الحاجات المشاع دي !

31/12/2024

09/04/2024

العيادة وكل عيادات دار الشفاء "العيادة الشعبية بالمحلة" أجازة الثلاثاء ، الأربعاء ، الخميس والجمعة ..
والعودة للعمل السبت القادم إن شاء الله
كل عام وأنتم بخير 🌹

11/02/2024

السلام عليكم ..
أنا مش هكون موجودة في العيادة بكرة بس "الاثنين ١٢ فبراير" ..
ود أميرة رضا موجودة مكاني الفترتين الصباحية "١٢ _ ١:٣٠ ظهرا" والمسائية من ٧_٩ م

وأنا هكون موجودة في مواعيدي من الثلاثاء إن شاء الله
....
🛑 مواعيد العمل الشتوية 🛑
موجودة (( يومياً )) من ٧:٣٠ إن شاء الله حتى التاسعة مساء
"أرجو بس الحضور قبل ٨:٣٠ أفضل"

وموجودة بالنهار كمان (( أيام السبت والإثنين فقط )) من ١:٣٠ 🕜 إلى ٣ ظهراً 🕒 ..
"وأرجو الحضور قبل ٢:٣٠ أفضل "

العنوان : المحلة الكبرى .. ميدان الشون .. عيادات دار الشفاء "العيادة الشعبية سابقاً"
تليفون العيادة : 0402224752
"والعيادة بها كافة التخصصات الطبية ، ولمعرفة مواعيد الأقسام والأطباء برجاء الاتصال على رقم العيادة 0402224752

خالص تمنياتي لكم بدوام الصحة والعافية

25/10/2023

🛑🛑 تعديل في مواعيد العمل بعد تعديل الساعة بدءاً من يوم السبت ٢٨ أكتوبر ::

🛑 مواعيد العمل الشتوية 🛑
موجودة (( يومياً )) من ٧:٣٠ إن شاء الله حتى التاسعة مساء
"أرجو بس الحضور قبل ٨:٣٠ أفضل"

وموجودة بالنهار كمان (( أيام السبت والإثنين فقط )) من ١:٣٠ 🕜 إلى ٣ ظهراً 🕒 ..
"وأرجو الحضور قبل ٢:٣٠ أفضل "

العنوان : المحلة الكبرى .. ميدان الشون .. عيادات دار الشفاء "العيادة الشعبية سابقاً"
تليفون العيادة : 0402224752
"والعيادة بها كافة التخصصات الطبية ، ولمعرفة مواعيد الأقسام والأطباء برجاء الاتصال على رقم العيادة 0402224752

خالص تمنياتي لكم بدوام الصحة والعافية

01/10/2023

🛑 هاااام ..
في ولد زي القمر جالي الجمعة اللي فاتت العيادة .. مش فاكرة إسمه للأسف .. تقريبا عُمَر .. بس مش متأكدة
هو مراهق ١٢ _١٤ سنة .. في الحدود دي
كان بيقطع شعره هو وأخته "ضغط نفسي" بسبب سوء معاملة والدته ليهم

عاوزاك تجيلي تاني يا .......
يارب تكون بتشوف الصفحة بتاعتي
عاوزاك تجيلي ضروري العيادة .. أي يوم بالليل بعد ٨ مساء ماعدا الجمعة
أو السبت او الاثنين بعد واحدة الظهر

01/10/2023

العاقل المحترم ❤️