عيادة دكتور طه العاصى لطب الأطفال

03/01/2023

الام: ايوا يعنى اديله الحقنه كل كم ساعه يادكتور؟
الطفل: حقنه!! أبو شكلك

13/12/2022

هاي بيوتيك ٤٥٧ مجم شراب
موجود منه مضروب في السوق
اللي لونه ابيض سليم
اللي لونه برتقالي مغشوش
السادة الصيادلة المحترمين....ارجوكم ارجوكم ...شراء الدواء من شركات التوزيع الرسمية....بلاش سريحة بلاش مخازن
منقول

11/12/2022

#تحذير ❌🚫
غسيل الأنف كما ف الصوره دى مش مستحب لانه بيدخل الطفل ف التهاب في الجيوب الانفيه

15/11/2022

🩺🫥 الإمساك في الأطفال:
يمكن تعريف الإمساك على أنه تناقص في عدد مرات التبرز عن المعدل الطبيعي أو زيادة في صلابة البراز .
🍄إيه المعدل الطبيعي للتبرز لدي الأطفال 🤔🤔؟
تتراوح عدد مرات التبرز في الأطفال من مرتين إلى ثلاث مرات على مدار اليوم....بس لازم ناخد بالنا أن الكلام ده قد يختلف من طفل لآخر على حسب نمط حركة الأمعاء فمثلاً قد يتبرز الطفل مرة كل يومين أو ثلاثة ويكون الأمر طبيعي طالما لا توجد أعراض مرضية مثل الشعور بألم أثناء التبرز ، جفاف البراز، أو انتفاخ بالبطن.

👀يمكن تقسيم الإمساك إلي نوعين إمساك مزمن وده لما يستمر لفترة من ٨ أسابيع فأكثر ، والنوع الثاني هو الإمساك المؤقت وده بيكون لفترة قصيرة ويكون غالباً نتيجة لتغير في العادات الغذائية أو عدم تناول الماء والسوائل بصورة كافية.

👌أسباب الإمساك 👇👇:

١- أسباب وظيفية: النسبة الأكبر من حالات الإمساك لدى الأطفال بتكون لأسباب وظيفية وده بينتج عن:
👈النظام الغذائي الخاطيء مثل عدم تناول الأغذية التي تحتوي على الألياف مثل الخضروات والفواكه بشكل كافي ، كذلك عدم تناول الماء والسوائل بصورة كافية ، بالإضافة إلى الإكثار من الأطعمة الغنية بالدهون.
👈قلة الحركة والنشاط البدني.
👈امتناع الطفل عن التبرز أثناء اللعب أو مشاهدة التلفزيون لعدم رغبته في التوقف ، كذلك امتناع الطفل عن التبرز عندما يكون خارج المنزل.
👈 امتناع الطفل عن التبرز لمحاولة تجنب الألم أثناء التبرز.

٢- أسباب مرضية: مثل
👈وجود تشوهات خلقية في الجهاز الهضمي.
👈وجود مشاكل في الجهاز العصبى مثل عيوب القناة العصبية ، ضمور المخ.
👈قصور أو خلل في الغدة الدرقية.
👈بعض الحالات المرضية في الأمعاء والتي قد تؤدي إلى صعوبة في عملية الامتصاص مثل سيلياك ( حساسية القمح)، حساسية الألبان ، الأورام .
👈بعض الأدوية مثل الجرعات العالية من فيتامين د.

✍️كده وصلنا لأهم حاجة في الموضوع وهو كيفية علاج حالات الإمساك في الأطفال
✍️بالنسبة للحالات إللي بتكون لأسباب وظيفية هيكون التعامل معاها كالآتي:
✍️تدريب الطفل وحثه على دخول الحمام بعد كل وجبة والبقاء فترة كافية لمحاولة التبرز.
✍️الإكثار من شرب الماء والسوائل.
✍️الإكثار من تناول الأغذية التي تحتوي على الألياف مثل الخضروات والفواكه الطازجة.
✍️تجنب الأطعمة التي تحتوي على على المواد الحافظة.
✍️تجنب تناول كميات كبيرة من الدهون.
✍️عمل مساج للامعاء.
✍️قد نحتاج في بعض الحالات لاستعمال الملينات لفترة معينة.

🫥بالنسبة لحالات الإمساك الناتجة عن أسباب مرضية فيكون علاج كل حالة

13/11/2022

خربشه قطه

12/11/2022

فأما الزبد فيذهب جفاء وأما ماينفع الناس فيمكث في الأرض

09/11/2022

الصفراء عند حديثي الولادة من الحاجات اللى بتعمل قلق عند الأهل 🍃
والصفراء اما أن تكون صفراء مرضيه أو طبيعيه أو فسيولوجية 🫥
الصفراء اللي بتحصل اول يوم من الولادة دى غالبًا مرضيه وبتحصل بسبب حدوث تكسير فى الدم وذلك لاختلاف فصيلة الدم بين الطفل والام ودى بتحتاج تدخل سريع ويحجز الطفل ف الحضانه .
الصفراء اللي بتحصل ع اليوم الثالث من الولاده دى غالبًا صفراء فسيولوجية ومش بتحتاج علاج إلا في بعض الحالات اللى بيكون مصاحب ليها أعراض تانيه عند الطفل .
الصفراء من الحاجات البسيطه والخطيرة في نفس الوقت .
العلاج بسيط لكن المضاعفات خطيره لو متعالجتش بسرعة

د.طه العاصي
اخصائي الأطفال وحديثي الولادة
تليفونات الحجز
01012626333
01115547735

08/11/2022

💭 أطفال كتيير اوي عندهم كحه مستمره وبتطول ودي ملاحظات مهمه ⬇️ ⬇️

💭في جزء كبير منهم بيجي بتعب قبلها سواء رشح 🤧او التهاب حلق او اللوز🌡 وممكن يتحسن خالص وبعد يوم او يومين تجيلمه الكحه المستمره دي وممكن الطفل يقعد يكح لحد ما يرجع🤮

💭مهم جداا متابعه الحالات🩺 لان في بعض الحالات بتقلب بالتهاب رئوي🫁 ودي الدكتور الي يقدر يحدد بدايتها🥼 او يطلب اشعه او تحاليل معينه 🔬

💭الجلسات مهمه وممكن تفرق معاهم جداا 👌

💭من علامات صعوبه التنفس ان الطفل مش عارف يرضع كويس🍼 او بيقطع في الرضاعه وكل شويه ياخد نفسه دي لازم دكتور يفحصه 🩺

💭 لو طفلك كل شويه يتعب ويجيله نفس الدور مفروض نبحث علي الاسباب ⁉️زي حساسيه الصدر او حساسيه انف او ارتجاع او التدخين السلبي 🚬🚭

💭لو مفيش حراره🌡 العالب المضاد ملوش اي لازمه ❌️❌️

💭السن الصغيير👶 ده ملوش امان يعني ممكن من يوم كويس ل صعوبه في التنفس والتهاب بصوره رهيبه 😱

💭في بعض الحالات ممكن مع استخدام جرعات بسيطه من الكورتيزون بتتحسن جدا 💊✅️ وده الدكتور الي يحددها 🤚

💭نقطه اخييره الناس الي عاوزه تعالج اطفالها بالتلفون 📱من غيير فحص 🩺 اكتر حاجه تضر الطفل❌️ وفي علامات بتبان في الفحص ممكن تفرق من طفل هيحتاج علاج في البيت💊 ويتحسن او ان حالته تدهور ويحتاج عنايه 🏨

💭ودلوقتي حرفيا مفيش اماكن حجز في معظم المستشفيات🙄 فياريت نخلي بالنا من اطفالنا 👪 وربنا يحفظ الجميع 🙏

07/11/2022

مواعيد عمل العيادة من الساعه 3 إلى 9 مساء يوميا عدا الجمعه
تليفونات الحجز
01012626333
01115547735

22/05/2022