Nutrition Clinicعيادة التغذيه العلاجيه

02/11/2024

02/11/2024

مشروب التمر والحليب ... طاقة وصحة أفضل !!

القيم الغذائية في التمر..

#التمور تعتبر مصادر جيدة جداً للطاقة، كما أنها غنية بـ الألياف والسكريات والفيتامينات والمعادن المختلفة، فهي تحتوي على العناصر الغذائية الآتية:

الكالسيوم.
الحديد.
المغنيسيوم.
الفسفور.
الصوديوم.
البوتاسيوم.
الكبريت.
حمض الفوليك.
الزنك.
الريبوفلافين.
الثيامين.
النياسين.
فيتامين أ.
فيتامين ك.
فيتامين ب6.

ما هي فوائد #الحليب ؟

الحليب من أهم ركائز النظام الغذائي في جميع الأعمار، فهو يقدم للجسم الفوائد الآتية:

إمداد الجسم بالكالسيوم اللازم لصحة العظام والأسنان.
تعزيز وتقليل خطر النوبات.
تحسين تناول وامتصاص #الفيتامينات.
الوقاية من السرطان.
ترطيب الجلد والبشرة.
علاج #الحموضة.
يعتبر الحليب وجبة غذائية متكاملة.
علاج الجفاف وتعويض الجسم ما يفقده من سوائل.

فوائد التمر والحليب لزيادة الطاقة...

#التمر والحليب من أكثر الأطعمة المناسبة لدمجها معاً، وهو مزيج يقدم للجسم قيمة غذائية مذهلة تشتمل على محتوى التمر ومحتوى الحليب من عناصر غذائية مهمة، يقدم هذا المزيج مستوى رائع من الطاقة للجسم، كما يمده بما يحتاج من بروتينات وكربوهيدرات ومعادن، خاصة في الصباح أو بعد يوم طويل وشاق، وربما هذا هو السبب الرئيسي لتناوله على الإفطار في شهر رمضان.

فوائد التمر والحليب لإنقاص الوزن...

ربما من أشهر أنظمة الرجيم المتداولة رجيم التمر واللبن، حيث يقوم على تناول التمر والحليب والماء والزبادي فقط طوال اليوم، وتقوم آلية فقدان الوزن في هذا النظام على الحد من عدد السعرات اليومية التي يتم تناولها بمقدار 800-1000 سعر حراري يومياً.

ورغم فوائد التمر واللبن، إلا أن هذا النظام قد يكون له العديد من الآثار الجانبية لافتقاره الكثير من العناصر الغذائية المهمة، لذلك يجب استشارة الطبيب قبل البدء فيه من الأساس.

لكن يمكن الاستفادة من #الطاقة التي يوفرها المشروب في أن تكون بديل مشبع مدرج في نظام غذائي صحي محسوب عدد سعراته، حتى لا يكون بمثابة إضافة أخرى للسعرات اليومية.

02/11/2024

الفرق بين الدايت المُضر القاسي و الدايت الصحي؟

الدايت المُضر:

- الدايت اللي ممنوع فيه الفاكهة والنشويات (الكاربوهيدرات)

- الدايت اللي ممنوع فيه الدهون قطعياً

- الدايت اللي سعراته أقل من 1000كالوري

- الدايت اللي هتلاقي مكتوب فيه سكريات مصنعة وعصائر معلبة محلاة

- الدايت اللي هتلاقي معاه حبوب تخسيس وحوارق دهون

- الدايت اللي هيسمحلك تشرب مشروبات غازية ولو دايت

- بيسمحلك بيوم كامل تاكل فيه كل حاجة بكل كمية

وده دايت شبه مستحيل تستمر عليه فترات طويلة ووقت ماتنتهي منه وتخس احتمالية انك تكتسب الوزن بسرعة وسهولة والأكل بنهم وشراهة عالية جداً

الدايت الصحي: ☑️

- دايت ممنوع فيه السكر او بتقلله تدريجياً لكن الفاكهة
والنشويات الصحية متواجدة فيه بنسب محسوبة☑️

- دايت الدهون الصحية زي المكسرات والأفوكادو وزيت الزيتون وجوز الهند وصفار البيض مسموح فيه☑️

- دايت فيه نسبة البروتين أعلي من الكاربوهيدرات والدهون☑️

- الخضروات فيه مع أغلب الوجبات ☑️

- بيسمحلك كل فترة بوجبة تقدر تاكل فيها حاجة نفسك فيها علشان يساعدك تكمل لفترات☑️

وده نظام هيساعدك تتغير لأسلوب حياة صحي وأفضل
وتستمر عليه فترات وهيحجم من شهيتك وهرمونات الجوع والشبع وتخزين الدهون فالجسم.

21/07/2020

عايزين نتخن نعمل إيه 🤔ازاى تتخنى ؟
مهم تكونى مدركة حاجتين
1_انك بتاكلى كمية أكل تكفى احتياجك ونشاطك اليومى + تسمح بالتخزين
فلو نشاطك اوفر او بتعملى مجهود ذهنى كتير طبيعى متتخنيش ع كمية الأكل العادية
2_ان مفيش عندك سبب مرضى لنقص الوزن! زي زيادة نشاط الغده الدرقيه او يكون فيه ديدان معويه
عشان نستبعد parasitic infection او hyperthyroidism تعملى تحاليل زي
CBC , stool analysis , TSH , free T3 ,free T4

طيب كله نورمال الحمد لله ننطلق بقى 😀 :
*حاولى متوصليش لمرحلة انك تجوعى دى ! يعنى اول بأول بتاكلى حوالى 6 وجبات فى اليوم
مفيش حاجة اسمها تنزلى من البيت من غير فطار ..والغدا عصير وبسكوت ولما اروح فين وفين بقى ابقى اكل ونفسى كمان مسدودة
*مهم تراعى كمية الأكل مقارنة بالجهد المبذول ..لو حركية ومجهودك كتير طبيعى لازم كميات أكبر ..
*ريحى أعصابك تماما عشان الأكل يبان عليكى ..ايوة خليكى تلاجة ايديال كده 😎😌
*نوعية الأكل نفسها ..كاربوهيدرات كتير وبروتين ومهمة اوى بروتين دى
*جيم .ودي حاجه مهمه اوي عشان الshape. 😅
قبل الجيم كارب وبعده بروتين (بيض-أسماك*لحوم) 💜
مش المهم انك تضيفى كيلوات لوزنك وخلاص ..الفكرة ان ده يتم بطريقة صحية +يتوزعو بشكل لطيف
والجيم بيحقق المعادلة دى وبيظبط الshape
لو هى زيادة وخلاص عندك المفتقة انكبى عليها بس متزعليش من المنظر 😅

*مفيش مانع فاتح شهية ومكملات غذائيه شغال .
*الصبر 😇..اكتساب الوزن عند الفئة دى من الناس بياخد وقت طويل نسبيا فمش تستعجلى النتيجة 💜
وسواء هتتخنى او هتخسى اعملى ده عشان نفسك 🌸..
وأيا كان وزنك متسمحيش لحد يتنمر عليكى او يتعدى حدوده معاكى ✋

02/07/2020

صورة مختصره لمعظم تعليمات الدايت الصحي👍👍👍

27/04/2019

زود نشاطك بالتمارين الرياضيه والمشي أو الجري لو عايز تخس 🚶‍♀️🏃‍♂️🏃‍♀️🚶‍♂️

23/04/2019

👈البليله

عارفين يعني ايه بليله ؟؟يعني منجم معادن واملاح ومضادات اكسده وفيتامينات ❤

البليله يعني حبوب القمح الكامله بكل فوائدها وقيمتها الغذائيه العظيمه 😘😘😘

يعني مصدر ممتاز للالياف الطبيعيه اللي بتساعد علي الحفاظ علي مستوي سكر الدم و تقليل الكولسترول و سلامه القلب وخفض ضغط الدم وتنظيف القولون وتقليل الامساك و زياده الشعور بالشبع😍😍

البليله مفيده جدا لنمو الاطفال بشكل سليم💪💪💪💪 ومفيده للمرضعات لانها بتعمل علي زياده أدرار اللبن.👏👏👏👏👏

البليله مفيده لأولادنا خصوصا ايام المذاكره والامتحانات لانها بتقوي الذاكره وتعالج النسيان وتحسن من أداء وظايف المخ بشكل عام..👍👍👍👌👌👌.

دي كمان بتحمي من أنواع عديده من السرطان خصوصا سرطان القولون وتخلص الجسم من السموم وتعالج التهاب المفاصل مع المداومه علي اكلها.

و حاجه كمان تهم السيدات بالذات🤗🤗🤗
البليله مفيده جدا للبشره و بتمنع ظهور التجاعيد المبكره و بتعالج سقوط الشعر وتكسر الأظافر.😍😍😍

لسه كمان*** البليله تنفع وجبه فطار هايله للي عامل دايت لان سعراتها مش عاليه(نصف كوب يعطي تقريبا ١٠٠ سعر حراري) وتساعد علي الشعور بالشبع خصوصا لو ضفنا لها نص كوب لبن ومعلقه عسل ابيض(احسن مليون مره من الكورن فليكس)

علي الفكره البليله كمان ممتازه لعلاج النحافه لانها بتعمل علي فتح الشهيه لو زودنا الكميه و ضفنا لها لبن كامل الدسم وعسل وشويه مكسرات وزبيب 👌👌👍👍👍 .

.

16/04/2019

لو نفسك تخسي من غير ما تمشي على رجيم👯👯
🌸🌸🌸🌸🌸🌸🌸🌸🌸🌸🌸
امنعي الاكل بالليل😷 ادخلي نامي بدري وابدئي
يومك بدري💃

اشربي بعد الاكل كوباية شاي اخضر🍵

اشربي 3لتر من الماء في اليوم💧💧💧

اول ماتصحي من النوم الصبح اجري في مكانك 10 دقايق🏃🏃🏃🏃🏃

لو نفسك بطنك تتشد اعملي تمرين الشهيق والزفير الي هو تشفطي بطنك وتسيبيها بس بتبدا بالتدريب لغاية ما تتعودي تشفطيها اكثر وقت ممكن🎈🎈🎈

بدل الشيكولاتة كلي علبة زبادي عليه كيوي حتشبعك و سعرات حرارية قليلة جدا🍈🍍🍈
بدل العيش الفينو خليه بلدي ماله البلدي😹😹

ابدئي اكلك ب كوباية 🍸🍸 مياه كبيرة وبعدين السلطة وبعدين البروتين واخر حاجة النشويات خليها للاخر🍞🍞🍞

اتعودي تنقصي من طبقك معلقة واحدة كل 3 ايام
نقصي معلقة حتلاقي طبق الرز مع الوقت بقيتي تاكلي نصه وبتشبعي اسرع🍲

متحطيش ف دماغك انك عايزة تخسي قولي لنفسك ده نظام اكل صحي🍏🍎🍐🍊🍉 علشان شكلي وصحتي يكونوا احسن👸

لو اكلتي كتير ف يوم اليوم اللي بعده لازم تقفلي بوقك فيه😀😀😀 عشان الموضوع حيوسع منك

خلي دايما عندك هدف انك تكوني احسن لصحتك قبل شكلك🙅🙆

💞اشربي مياه كتيير💧💧💧

💞امشي 🚶🚶

💕اتحركي😊💞💞

دمتم سالمين💛

10/03/2019

النشاط اليومي مهم جدا للحفاظ على الصحه
على الاقل حافظي على المشي نصف ساعه خمس مرات اسبوعيا لحماية جسمك من الأمراض كامراض القلب والشرايين والكبد الدهني

10/03/2019

بالتغذيه السليمه والأكل الصحي تقدري تتخلصي من الكوليسترول والدهون الثلاثيه المتراكمه على الكبد والتي تؤدي الى تليف الكبد وتدميره..وايضا ارتفاع ضغط الدم له علاقه قويه بالدهون ..فقط تغذيه صحيه تحميكي من تلك الأمراض