عيادة د. هاني أبو زيد للأمراض الباطنة - Dr. Hani Abo Zaid Clinic

29/01/2023

⛔ الصوم والسكر ⛔
مهم جدا لكل أبطال السكر
⛔ كل عام وأنتم بخير⛔
أجوبة لبعض الاسئلة المتكررة من أبطال السكر قبل رمضان وعشان الناس اللى بتصوم فى رجب وشعبان
🔻🔺️ هو أنا ينفع أصوم ؟؟؟
اه ينفع تصوم عادى خالص
أو ممكن تصوم بس بمحاذير وبعض الأحيان يا بطل مينفعش تصوم للأسف

🔴طيب ينفع تصوم عادى إمتى
١- لو سكرك متظبط فقط بنظام غذائى ورياضه يعنى مش محتاج أدوية
٢- لو سكرك التراكمى من ٦.٥ ل ٧
٣- لو متظبط على ادوية بالفم صعب حدوث هبوط معاها زى الميتفورمين

🔴وممكن تصوم بس بمحاذير (يعنى لو حصل مشكله في اى وقت يبقى متصومش )
١- لو حضرتك نوع تانى وسكرك آخر ٣ شهور ما بين ١٥٠ - ٣٠٠ أو التراكمى ما بين ٧.٥ و ٩ بشرط عدم وجود حموضة بالدم أو احماض كيتونيه
٢- لو حضرتك نوع أول بشرط تكون ملتزم وسكرك دايما متظبط
٣- لو حضرِتك نوع تانى وحامل او عندك سكر حمل بشرط سكرك متظبط بالأقراص زى الميتفورمين المسموح استخدامه أثناء الحمل ومش محتاجه انسولين
٤- لو عند حضرتك إعتلال بالشبكية أو الكلى أو مشاكل بالقلب بشرط الحالة مستقرة من فترة
٥ - لو بتمارس عمل شاق او بتحتاج مجهود زايد بس بشرط تتابع سكرك بحرص شديد
٦ - لو حضرتك بتتناول أدوية كتير خصوصا اللي بتقلل الإدراك الحسي زى أدوية الأعصاب يعنى متقدرش تتصرف في الطوارئ ينفع تصوم بس بشرط سكرك يكون دايما متظبط

🔴امتى بقى يا بطل مينفعش تصوم
١- لو سكرك غير منضبط يعنى بيقل عن ٧٠ او بيزيد عن ٣٠٠ او التراكمى اكتر من ٩
٢- لو اتحجزت في المستشفى بسبب غيبوبه كيتونيه آخر ٣ شهور
٣- لو عندك لا قدر الله مضاعفات السكر زى إعتلال الشبكية أو الكلى أو القلب أو قدم سكرى والوضع غير مستقر...
٤- لو تعبت قبل رمضان لأى سبب لدرجة إنك اتحجزت في المستشفى
٥- لو حضرِتك سكر نوع أول وحامل أو عندك سكر حمل ولسه والده حديثا ومحتاجه إنسولين
٦- لو حضرتك من كبار السن عديت ٧٠ سنه خصوصا لو عند حضرتك أمراض مزمنة مع السكر زى الضغط والقلب... أو عندك صعوبه في خدمة نفسك.
٧- لو عند حضرتك عدم وعى بهبوط السكر او عندك هبوطات عنيفه أو متكررة

😭 إمتى أكسر الصيام وأفطر؟؟؟
لو السكر قل عن ٧٠ أو زاد عن ٣٠٠ فى أى وقت إفطر حتى لو قبل المغرب

🕣 إمتى أقيس السكر وأنا صايم ؟؟
قياس السكر وانت صايم
أولا مش بيفطر
ثانيا ممكن يصل القياس ل ٦ أو ٧ مرات
- قبل السحور وبعده بساعتين
- على الظهر وعلى العصر
- قبل الإفطار وبعده بساعين
- لو حسيت بأعراض هبوط أو ارتفاع السكر في أي وقت

🟥 ايه هي اعراض الهبوط او الارتفاع ؟؟

- الهبوط أعراضه عرق بارد غزير رعشه زياده ف ضربات القلب خفقان بالصدر صداع شديد وزغلله
- الارتفاع أعراضه عطش شديد شعور بالجوع زياده ف التبول الم بالبطن قئ إرهاق شديد وعدم إتزان

** 📢حاول تمنع النوم والرياضة والمجهود بعد العصر لان مخزون الجلوكوز بيقل جدا وممكن يدخلك في غيبوبة انخفاض ودي بتبقي كارثة لو حصلت وحضرتك نايم
** 📢حاول تشرب كميه حوالى ٢ لتر من الميه والعصاير الفريش اللي بدون سكر أو سكر دايت تجنب تشربهم مره واحده ده بيعمل جفاف وزعهم علي الفترة من الإفطار للسحور
** 📢حاول تقلل الحلويات والأكل الدسم واستبدل السمن بالزيت وليكن زيت زيتون
و كل سلطه وخضار
**📢حاول تأخر السحور بقدر الإمكان وكل سكريات معقدة في السحور زى الفول الزبادى واللبن قليل الدسم عشان يفضل في جسمك اكبر فترة ممكنه

** 📢بالنسبة للادوية وتعديل الجرعات ياريت تتابع طبيبك عشان يظبطلك الجرعه والمواعيد

دمتم بصحة وعافية🌷🌷🌷
وكل عام وأنتم بخير🌹🌹🌹
دكتور هانى ابوزيد
مدرس الأمراض الباطنة والغدد الصماء والسكر
جامعة الأزهر

27/07/2022

24/01/2021

#⃣ علاج_الادمان 7⃣

هل تعلم فوائد الترامادول ؟؟ !!

الترمادول له فوائد كثيرة منها أنه مسكن قوي في حالات الألم الشديد كما انه يساعد على الاحساس بالراحة فضلاً على فوائده في العلاقة الحميمة و تحسين الأداء الجنسي .. و طبعاً بيعمل دماغ جامدة !! .

لكن يا خسارة .. الحلو ما يكملش !! ...

بكل أسف يوجد سلسلة أضرار للترامادول هتقلب حياتك إلى جحيم و تحولك من بني أدم محترم الى جماد أو ما هو أقل من الجماد .. غير قادر علي القيام بمهامك الحياتية فتخسر عملك و أسرتك و تضيع حياتك بأكملها هباءاً علشان حباية الفراولة !! ... فما هى أضرار الترامادول ؟؟

👈 أضرار الترامادول :

1 - يصيب الجسد بالضعف الشديد في الجسد حيث يفقد متعاطي حبوب الترامادول شهيته نحو الطعام.

2 - حالة اضطراب شديدة في الوجدان النفسي و تدمير للجهاز العصبي المركزي فينتقل مدمن الترامادول بين حالة الفرح والحزن والتفاؤل والاكتتاب في وقت قصير متتابع قد لا يتعدى الساعة الواحدة .

3 - عند تعاطى الكحوليات مع حبوب الترامادول كحالة شائعة بين المدمنين تزداد مخاطر حدوث تسمم في الجسد قد يؤدى إلى الوفاة الفورية .

4 - يصاب بعض مدمني الترامادول بالهلوسة ورؤية أشياء لا وجود لها.

5 - الفشل في العمل او الدراسة و العلاقات الإجتماعية و يكون مظهره العام سىء للغاية و يلاحظه و يعرفه كل من يتعامل معه و مع الوقت تسوء سمعته و يتجنبه الناس .

👈 هل يمكن الاستغناء عن الترامادول ؟

بالطبع نعم .. و هناك بدائل لا حصر لها سواء كان الاستخدام بهدف التخلص من الألم أو كان بهدف تحسين العملية الجنسية هناك أدوية كثيرة آمنة سواء مسكنات أو مقويات و منشطات جنسية ..

👈 أما اذا كان تناول الترامادول بهدف الإدمان أو تغييب الوعي أو كما يقولون ( عمل دماغ ) فالأمر يحتاج وقفة جادة قبل ان تفقد حياتك ...

👈 هل يمكن علاج إدمان الترامادول ؟؟

نعم .. الأمر متاح لمن يرغب في العلاج و التعافي ليصبح إنسان طبيعي قادر على العمل و على مواجهة الحياة بكل ما فيها و يصبح فرد منتج و متفاعل مع المجتمع من حوله .

👈 هل علاج الترامادول أمر صعب ؟؟

لا الأمر بسيط و متاح وفق أحدث الضوابط العلمية و الطبية لكن يشترط وجود رغبة حقيقية لدي الشخص الذى أدمن تلك الأقراص .

👈 كيف يشعر مدمن الترامادول بعد التعافي ؟

يشعر بأنه قد ولد من جديد و يرى الدنيا بشكل مختلف و تظهر عليه علامات الحيوية و يصبح أكثر قدرة على العمل و الإنتاج و الاندماج مع الآخرين و الاستقرار الأسري و الاستمتاع بالحياة

👈 ما هى جوانب و خطة علاج إدمان الترامادول :

هناك جوانب طبية دوائية و هناك جوانب نفسية يتم التعامل معها بشكل سليم وفق ضوابط مدروسة للعلاج و التعافي و نحن نقوم بتوفير كل المتطلبات العلاجية لمن يرغب في التخلص من ذلك الكابوس .

👈 👈 👈 إذا كنت مدمناً للترامادول ، لا تتردد في طلب المساعدة من الطبيب المتخصص لتوفير برنامج علاجي متكامل للتخلص من شبح الترامادول و ضمان عدم العودة مرة أخرى الي كابوس إدمان الترامادول

💓ملتقى المعلومات الطبية💓

29/12/2020

الصفحة الرسمية لـ عيادة د. هاني أبو زيد للأمراض الباطنة - Dr. Hany Abo Zaid Clinic بالمنصورة..

23/11/2020

البوست الرابع من سلسلة :

@امتى مريض السكر ( واي شخص تاني ) نقول عليه

وزنه زايد؟

لما نحسب مؤشر كتلة الجسم ويطلع فوق ٢٥ 🤔

@طب نحسبه ازاي ؟

بسيطة خالص حضرتك قيس وزنك ( بالكيلو جرام )

وقيس طولك ( بالمتر ) وبعدين اقسم الوزن على مربع

الطول هيديك رقم هو ده بقا المؤشر

@طب المفروض المؤشر الكويس يبقى كام يا دكتور ؟

المفروض يكون من ١٨,٥ لحد ٢٥

وأقل من ١٨,٥ يبقى الشخص ده نحيف

ومن ٢٥ لحد ٣٠ زيادة وزن ( مش سمنه )

واكتر من ٣٠ يبقي عنده سمنة

@طب السمنة دي درجات ؟

اه السمنة ٣ درجات :

سمنة من الدرجة الأولى( معتدلة ) : المؤشر من ٣٠ ل٣٥

سمنة من الدرجة التانية (متوسطة ) : المؤشر من ٣٥ ل٤٠

سمنة من الدرجة التالته ( مفرطة ) : المؤشر اكتر من ٤٠

@طب ينفع نستخدم المؤشر ده لاي حد ؟

ينفع مع اي حد ماعدا الرياضيين ( لانه هيطلع عالي بسبب

وزن كتلتهم العضلية ) والأطفال

@طب فيه حاجه تانيه مهمة تتقاس غير وزن الجسم

والطول ؟

محيط خصر البطن وده بيتقاس بمازورة ( متر ) وبيدينا

فكرة عن سمنة البطن

لو اكتر من ٨٨ سم ( للستات ) و ١٠٢ سم ( للرجالة ) ده

معناه أن فيه سمنة بطن ودي مرتبطة بمشاكل كتير زي

ارتفاع ضغط الدم ودهون الدم ومقاومة الأنسولين

وأمراض القلب والشرايين

@ايه فايدة قياس الوزن ومؤشر كتلة الجسم لمرضى

السكر ؟

١_ فيه أدوية للسكر بتزود الوزن وأدوية بتنزل الوزن وأدوية

ملهاش تأثير علي الوزن فلازم نختار الدوا المناسب

للمريض حسب وزنه

٢_ مهم كمان في حساب جرعة الأنسولين ( حسب الوزن )

٣_ وعموما ينصح مرضى السكر ( اللي وزنهم زايد ) ينزلوا

وزنهم بالدايت والرياضة وبعض الأدوية لأن ده هيفرق في

تظبيط سكرهم وحاجات تانيه كمان ( زي الضغط المرتفع

ودهون الدم المرتفعه )


#د. هانى ابوزيد.

17/05/2020

تخيل المعتوه قاعد في نادي ليونز بتاع الملحدين وبني علمان وفي وسط المتبرجات والعاهرات ويقولك أنا خليت ثوابت الاسلام أضحوكة بعد ما كانت مقدسات عند الناس وخاصة ...

05/05/2020

أعراض ارتفاع أنزيمات الكبد

16/11/2019

أعضاء الجروب الكرام أتقدم بتقديم عرض لاعضاء الجروب خصم ٥٠٪؜على الكشف مع تقديم خصم ٢٠على كافه التحاليل بمعمل البرج(للحجز رساله على الماسنجر بالاسم والسن والعنوان).

24/09/2019

فيتامين د له علاقه مهمه فى تنظيم معظم الأيونات بالجسم خصوصا الكالسيوم

23/09/2019

فيتامين د له دور مهم جدا مع السكرى خصوصا من النوع الأول فلا بد من تناوله لكل مرضى السكر