Dr Mostafa Ghoneim

06/12/2024

اسئله و اجوبه 😇

ينفع احقن بوتكس مع الحمل او الرضاعه ؟

مفيش تجارب علميه مسموح اثناء الحمل و الرضاعه عشان يبقي الرد قاطع ...بس الامانه العلميه تقتضي انه لا طبعا مينفعش قولا واحدا

كي الشعر مره كل اسبوع مش هيلحق يأثر عليه ؟

اقل حاجه يبقي ٣ شهور 😭

هو انا ممكن ازعل زعله جامده يطلعلي حبوب ؟

مش بالشكل دا اوي بس طبعا الضغط العصبي بيزود حب الشباب

هو انا ينفع ابقي بشره دهنيه و تقشر في نفس الوقت ؟

اه بيجي للبشره الدهنيه حاجه اسمها اكزيما دهنيه تخليها تقشر

الحمل بيزود حب الشباب ؟

من الوارد طبعا

الشعر هيقع فالحمل ؟

لا طبعا

الشعر هيقع مع الرضاعه ؟

احتمال كبير يحصل

اعمل فراكشنال ليزر فالصيف ؟

لو هتقدري تقعدي فتره كافيه بعيد عم الشمس و فالتكييف بعدها لمده اسبوع او ١٠ ايام يبقي ماشي ....

ليزر هير ممكن يغمق الاماكن الحساسه ؟

لا الا لو حصل لسعه

09/06/2024

22/03/2024

اسئلة ممكن تهمك :
علاج لاكسدة البشرة ؟
مصطلح تجاري مش طبي المقصود بيه ترويج لمستحضرات بعينها غير طبية …

طب وشي بيغمق بسرعة ؟
غالبا طبيعة و مش هتتغير و بيزيد احساسك بيها مع العمر يمنعها شوية واقي شمس و التزام بيه و ممكن ريتنول موضعي مساء

لو عملت فيلر الجلد هيتعود عليه ؟
غير صحيح تمام

الجلد بيترهل بعد ما الفيلر يروح ؟
لا طبعا

انا بشرة دهنية بس وشي بينشف اوي ؟
غالبا اكزيما دهنية او مستحضرات مش مناسبة لبشرتك

واقي الشمس لازم مستورد ؟
مش شرط

المخدة الستان و روزماري و مجموعة الزيوت علاج كافي للشعر ؟
لا طبعا لازم تشخيص و فحص و بيان هل في تساقط فعلا ولا

و للحديث بقية ان شاء الله

22/03/2024

22/03/2024

الفيلر :
مواد مختلفة تحقن تحت الجلد و علي العضم في الوجه بالاخص و ممكن انها تتحقن في بعض الاماكن الاخري

دواعي استخدامه تشمل زيادة حجم الخد و رفعه و تحديد الوجه و عظام الوجنتين و الدقن

ممكن الفيلر كمان يتحقن تحت العين لعلاج التجويف و تخفيف حدة الغمقان تحت العين

ممكن كمان نحتاج نحقن الفيلر لتحديد الانف و رفعه في الحالات البسيطة

عادة مدة الفيلر تتراوح من ٩ شهور لسنة

طبعا مفيش تهدل و لا كرمشة ولا ضعف للجلد بعد الحقن زي ما بيشاع عن الفيلر

و اخيرا حقن الفيلر بيكون عند طبيب امراض جلدية او جراحة تجميل …

11/03/2024

التصبغات :
دكتور عايزة وشي يبقي صافي تماما ؟!
نفسي البشرة تبقي بيبي سكن كدا
عايزة توحيد للون الجلد
زهقت من كل حاجة استخدمتها قولي علي حل يجيب من الاخر …!!!
اولا :
يعني ايه تصبغات ؟
يعني ببساطة زيادة نسبة صبغة الجلد في اماكن محددة متفرقة
طب دا حصل ليه
ممكن نتيجة تعرض للشمس او الافراط في استعمال الميكب او نتيجة اثر التهاب او ليزر او حكة او بعض الامراض الجلدية و اشهرها مثلا الكلف و الحزاز

ثانيا :
العلاج و دا هيختلف حسب نوع المرض و الحالة يعني مثلا ممكن علاج موضعي و دا الافضل و الاكثر امنا مع حالات التصبغات و ممكن تقشير و ممكن ليزر بعد تحضير الجلد طبعا مع بعض مضادات الاكسدة علي حسب الحالة

ثالثا
مين اللي هيحدد كل دا ؟ طبيبك طبعا المختص ( امراض جلدية ) هو اللي قادر يشخص بدقة و يوصف العلاج بناء علي التشخيص
يعني حضرتك متشرتيش دواء بناء علي تجربة قريب او صديق او ريفيو علي جروب او سوشيال ميديا او راي بلوجر
تروحي لمختص امراض جلدية يقدر يشخص و يعالج
يعني مفيش لا علميا ولا عمليا توحيد لون جلد و تقليل لون درجة دا كلام بعيد كل البعد عن الحقيقة و الطب

‎ #رمضانكم جميل
‎
‎

16/02/2024

اسئلة ممكن تهمك :

هل هيجي سن معين و يبطل يطلعلي حب شباب ؟

مفيش اجابة قاطعة فالامر دا ...البشرة الدهنية تعني احتمالية دائمة و لكن مع العمر بطبيعة الحال عمل الهرمونات بيقل تدريجيا و بالتالي الطبيعي انها تقل

يعني لو جالي حبوب فوق سن ٢٥ دا يبقي ايه ؟

يبقي حب شباب 😀 ...في نوع منه متاخر اصلا بيبتدي يطلع فالسن دا او بعدها كمان و ممكن يبقي طبيعي او بسبب خلل هرموني

هل لازم استخدم غسول لبشرتي ؟
مش لازم ممكن اغسل وشي بميه بس

لازم استخدم واقي شمس ؟
يفضل اه طبعا

هل فعلا طبيعة الاكل الدسم و الخارجي و الزيوت و السكريات بتطلع حبوب ؟

طبعا لاصحاب البشرة الدهنية

في علاج نهائي ( يجيب من الاخر ) لحب الشباب ؟
لا ...في علاجات مركزة مع تغيير نمط و اسلوب الحياة تتعالج الحبوب و لو رجعت تتعالج تاني مع الحفاظ و الاهتمام و العناية بالجلد و البشرة

في جلسات تجيب نتيجة سريعة و فعالة و نهائية ؟
في علاجات مساعدة ممكن زي التقشير البارد و بعض انواع الليزر بس دي طبعا دورها ثانوي جدا فالعلاج

و للحديث بقية ان شاء الله

16/02/2024

عايزين علاج سريع لو جلسات او ليزر للحبوب اللي عندي يا دكتور
انا جربت حاجات كتير و مش عايزة علاج عايزين جلسات علي طول
بس ياريت الجلسات دي تكون سريعة و فعالة و تجيب نتيجة كويسة و تكلفتها معقولة …
في البداية اي اجراء مع العلاج في خطة التعامل مع حب الشباب هو اجراء اضافي مش اساسي يعني حاجة مساعدة مع خطة العلاج
و دا بيشمل التقشير البارد و بعض انواع الليزر و ان تباينت النتيجة
الاجراءات المساعدة دي لا يمكن اعتبرها الركن او الضلع الاساسي في علاج الامراض حب الشباب هي اجراء مساعد

في بعض الاحيان بعض العلاجات متديش النتيجة المطلوبة عشان كدا المريض من حقه يضايق و يزهق و يدور علي حل سريع
بس هنا لازم نعرف انه مش بالضرورة الاجراء المساعد برده هيدي النتيجة المرضية

طب الحل …التشخيص ثم التشخيص ثم التشخيص …يعني حب شباب تمام …بس هل مصاحب ليه خلل هرموني …هل في عادات في الاكل غير صحية طب استخدام الميكب هل في علاجات المريض بياخدها بتزود حب الشباب

و بعد كل دا لازم نعرف ان مش علاج نهائي لحب الشباب هي رحلة لازم نخرج منها بامان

و للحديث بقية ان شاء الله

02/02/2024

جمعة مباركة ❤️