27/03/2020
ناس كتير قلقانه من التردد على عيادات الاسنان فالفتره اللى احنا فيها دى لكن المطلوب منك كمريض الاحتياطات العاديه اللى بنتعامل بيها من يوم الازمه دى ماظهرت انك تدخل بالماسك والجوانتى وحاول ع قد ماتقدر ما تلمسش حاجه اثناء تواجدك فالعياده ومايكونش معاك مرافقين وخصوصا الاطفال ولو لقيت زحمه فالعياده حاول ماتقعدش واحجز وتواصل مالسكرتيره لغاية ما دورك ييجى وبالنسبه للطبيب اطمن تماما اى طبيب هيخاف عليك وعلى نفسه وعلى اى حد موجود بالعياده وهيكون عامل احتياطاته كويس لاننا اتعلمنا اننا بنتعامل مع اى مريض على انه مصاب بالاخطر من كده ويستحسن يكون التردد عالعياده فالوقت ده للحالات الطارئه فقط زى خراج الوجه او كسر بالاسنان او بالفك او الم فالاسنان نتيجه انكشاف العصب عفانا الله واياكم وربنا يعدى الازمه دى على خير
