15/09/2025
كنت قاعدة في هدوء الصباح، وإذاعة القرآن الكريم شغالة، ولفتني برنامج عن التربية.
الشيخ قال جملة عجبتني:
"ماينفعش الأب أو الأم يقولوا لابنهم: أنا عارف أكتر منك وأنا اللي هاختارلك."
لأن الحقيقة؟
الابن مش هيعيش حياة والديه…
هيعيش حياته هو، بخياراته هو، بألمه وفرحه، بتجربته الخاصة.
الدين نفسه قائم على حرية الاختيار.
وربنا قالها بوضوح:
"فمن شاء فليؤمن ومن شاء فليكفر."
مش لأن الكفر مقبول، لكن لأن الإيمان الحقيقي لا يُفرض… يُختار.
اللي يتربى على الطاعة العمياء، ممكن يبان قدام الناس ملتزم…
لكن جواه؟
فيه تمرد صامت، أو انفصال داخلي، أو حياة مزدوجة.
📌 التربية الصح مش إننا نلغي عقل أولادنا ونفرض عليهم،
لكن نعلمهم إزاي يفكروا، إزاي يختاروا، وإزاي يتحملوا نتيجة اختيارهم.
لما نفهم ده ... هنربي أولاد أحرار من الداخل، مش مجرد مطعيين من بره ومتمردين من جوه.
ولما الدين يتكلم بلغة العقل…
القلوب بتفتح، والناس بتسمع.
شكرًا للشيخ الرائع اللي قالها ببساطة…
