12/07/2025
اخيرا اكتر وصفة سالتوا عليها جبت ليكم الطريقة حالتي المفضلة الشاطرة الي ديما بتبدع في الدايت وتعمل وصفات جديدة هي الي بتخترعها بنفسها وبنجربها وبتطلع تحفة بجد عن تجربة تسلم ايديها لو عجبكم الفكرة هنزل ليكم باقي الوصفات 🫶🏻🤗
● وصفه بيكاتا لحمه بالمشروم :
● المكونات /
_ لحمه متقطعه شرايح او نسيبها شريحه سليمه عادي اهم حاجه لحمه سمكها رفيع عشان متاخدش سوا كتير ..
_مشروم
_بصله صغيره متقطعه شرائح جوليان ..
_ملح هيمالايا وفلفل وبهار لحمه
_معلقه دقيق قمح كامل
_ربع كوب لبن
_نص معلقه زبده
● الطريقه / في طاسه سخنه ننزل بشرائح اللحمه علي نار عاليه تاخد لون من كل الجوانب وتحمر خفيف وننزل المشروم يتشوح معاه وبعدها حلقات البصل يدبل ورشه ملح وفلفل و نشيلها في طبق ونفس الطاسه مكان اللحمه عوزين الطاسه فيها مكان التحمير ننزل بمعلقه صغيره زبده غير مملحه ونكون مقلبين معلقه الدقيق مع ربع كوب اللبن ونكمله مايه مغليه وننزل بيهم في الطاسه مكان اللحمه ونقلب ونحط ملح فلفل بهارات لحمه ونقلب لحد ما الصوص يتقل وكده تمام ...
● ممكن ننزل اللحمه والمشروم والبصل عليهم
والافضل نحط اللحمه في طبق وعليها جزء من الصوص والباقي في طبق جانبي يتحط علي بطاطس بيوريه بيكون خطير ..
🫕اكل صحي ويفتح النفس بجد
