دكتور/عمرو الحفناوي لطب الأطفال وحديثي الولادة

  • Home
  • Egypt
  • El-Mansura
  • دكتور/عمرو الحفناوي لطب الأطفال وحديثي الولادة

دكتور/عمرو الحفناوي لطب الأطفال وحديثي الولادة عيادة طب الاطفال وحديثي الولاده دكتور / عمرو الحفناوى

23/12/2025

الحزق عند الرضع
دا امر طبيعي اول ٣ شهور ودا نتيجة ضعف عضلات الجهاز الهضمي وبيحاول يكون فيه لسه تعاون بين العضلات
الحزق مش علامة امساك خالص ولا اننا محتاجين ندي للطفل لبوس عشان يعمل حمام

شجع مصر اليوم بداية امم افريقيا كلنا مع المنتخب لتحقيق التامنة ان شاء الله
22/12/2025

شجع مصر
اليوم بداية امم افريقيا
كلنا مع المنتخب لتحقيق التامنة ان شاء الله

19/12/2025

الحرارة عرض وليس مرض لازم نتعلم التعامل الصحيح
👇👇
في البداية ارتفاع الحرارة لازم يكون عن طريق قياس حرارة الطفل عن طريق الترمومتر سواء كان ديجيتال او زئبقي او اي طريقة اخري عن طريق الفم او الشرج او تحت الابط
تحت الابط اكثرهم دقة وبنزود نص درجة عن القراءة الموجودة الحرارة الطبيعية من 36.7الي 37.3
✔️ نتعامل ازاي مع الحرارة ؟؟
اهم حاجة بلاش خوف وقلق واول ما العيل حرارته تعلي نجري علي طول ندور علي دكتور في الاساس انتي طبيبة طفلك الاولي
الطفل سخن اهم شئ نقلل هدومه شوية ونقعد في مكان جيد التهوية واعطاء سوايل كافية للطفل
وممكن عمل كمادات تحت الابط حول الرقبة او النصف السفلي في الماء الفاتر لمدة عشر دقايق
وبعدين ؟؟
✔️ ممكن اعطاء خوافض الحرارة ازاااااااااااااااي ؟
الباراسيتامول (سيتال بارامول بيرال ...)هو الامن من عمر يوم
والابيوبروفين (بروفين ابيوفلام ...)من عمر 4 شهور
اما بالنسبة لحبيب الشعب وتقريبا تلاجات البيوت لاتخلوا منه الديكلوفيناك (الدولفين فولتارين بيبي ريليف ...)😳😳
لايستخدم لاقل من 12 شهر وكمان لايستخدم كخافض للحرارة انما كمضاد للالتهابات ومسكن في حالات معينه ونصيحة بلاش منه كخافض للحرارة
✔️امتي اروح للدكتور ؟؟؟؟
الحرارة فقط مش ديما هي علامة الخطر انما في حالة استمرارها اكتر من 3 ايام
او لو لقينا العيل مش في حالة جيدة بعد نزول الحرارة زي انه يبقي همدان او كانن او الوعي مضطرب لازم نروج للطبيب حتي لو حرارته مش عاليه اوي
مش هتفرق انها 38 ولا 41
انما الطفل بيبقي كويس ويمارس حياته عادي مجرد ما الحرارة تنزل لازم نصبر عليه وعلينا وعلي السوايل والخوافض فقط
يادكتور الواد زوره ملتهب ولازم مضاد حيوي اقوله بلاش لان التهاب الحلق مثلا دا عرض وليس مرض واكتر من 90% من الحالات مش بتحتاج اصلا مضادات حيوية
وفيه مثلا عدوي فيروسية ممكن تيجي معاها ارتفاع شديد جدا وتلاقيها تقعد يومين تلاته وتروح وممكن نتكم عن اشهرها بعدين
✔️✔️بعض النقاط المهمة لابد من التنويه عنها
👈ارتفاع حرارة وبدون وجود اي اعرض لابد من عمل تحليل بول للتأكد من
عدم وجود التهاب مجري البول لانه بيبقي صامت وممكن مناخدش بالنا منه
👈ارتفاع الحرارة لطفل اقل من شهر لازم يروح الحضانه فورا ويتعمله فحوصات ومفيش حاجة اسمها اديلة خافض ومضاد حيوي في البيت
👈اي حرارة بدون اعراض ومستمرة لابد عمل فحوصات زي صورة دم وسرعة ترسيب لان مثلا هناك امراض مناعيه بتبقي معاها حرارة
وللتاكد من وجود عدوي او لا دون الاستعجال في استخدام المضادات الحيوية
عذرا علي الاطالة بس حبيت اتكلم عن اهم النقاط وبعد كدا هنعمل شرح مفصل لبعض الحالات الشائعة وبيحصل فيها تعامل خاطئ

16/12/2025

عينة الكعب بعد ٧٢ من الولادة نركز ياجماعة في النقطة دي بعد اذنكم
كتير جدا بيعملها في اليوم ااتالت من غير ماياخد بالة من قصة ال ٧٢ ساعه دي

13/12/2025

متواجد ان شاء الله غدا بعيادة المنصورة فقط شارع قناة السويس من الساعه ٤ ونصف مساءا
الحجز المسبق علي الرقم
01009679991
بعتذر عن عدم التواجد بعيادة ميت مزاح

ماتسيبوه يسبب النعاس والله ماهنزعل بالعكس هتبيعوا اكتر 😀جمعة مباركة 😍
12/12/2025

ماتسيبوه يسبب النعاس والله ماهنزعل بالعكس هتبيعوا اكتر 😀
جمعة مباركة 😍

01/12/2025

اعطاء الحق للحالة الي بتكشف انها تراسلك علي الواتس للاستفسارات والرد عليها احيانا كتير جدا وصلهم انه بقي حق مكتسب واستنكار تأخير الرد بل واحيانا وصل الحال بالتطاول علي الطبيب دون اي تمييز هي بتتكلم مع طبييب ...هل وصل الحال بنا للدرجادي وهل اصلا من شروط الدكتور انه فاتح الواتس ٢٤ ساعه ..طيب دا يحصل ازاي

30/11/2025

🎙️ الحلقة الخامسة من البودكاست " الحضانات"
د. عمرو الحفناوي 👶 ود. علي الحداد 🤰
#الأمومة

🎙️ the 5th episode of our podcast,
Dr. Amr El Hefnawy 👶 and Dr. Ali El Haddad 🤰

حال الامهات بكرة مع امتحانات الشهر 😀😀
26/11/2025

حال الامهات بكرة مع امتحانات الشهر 😀😀

22/11/2025

ياجماعة الخير كمية الرسايل الي بتتبعت ان دور منتشر بيموت العيال
والمفروض المدارس تقفل وكلام من هذا القبيل عامل زعر
ارجوكم بلاش ننساق ورا الكلام دا
الادوار دي ديما منتشرة مع تغيير الفصول وكل سنة ف الايام دي حتي لو فيه ادوار شديدة او صعبة في بعض الحالات بس مش لدرجة بتموت العيال دي
متقلقووووووووش

22/11/2025

الطهارة والصفرا
لسه لحد دلوقتي بنسمع كلمة ان الطهارة علي الاربعين او بعد ما الصفرا تروح
الاولي في الصفرا انها تكون بدري افضل
وكمان مفيش اي مانع بين الطهارة والصفرا
دمتم بخير

لكل عشاق الماكسيلاااااااز زهقت اقول ملوش لازمة ولا اي دور ف العلاج والله
20/11/2025

لكل عشاق الماكسيلاااااااز
زهقت اقول ملوش لازمة ولا اي دور ف العلاج والله

Address

المنصورة , شارع قناة السويس, برج الامام , اعلى مطعم باتشا الدور الرابع
El-Mansura
35511

Telephone

+201009679991

Website

Alerts

Be the first to know and let us send you an email when دكتور/عمرو الحفناوي لطب الأطفال وحديثي الولادة posts news and promotions. Your email address will not be used for any other purpose, and you can unsubscribe at any time.

Shortcuts

Share