13/07/2025
في الحياة الزوجية
راجل أوأنثى
قبل ماتطالب الشريك انه يقدم ليك قائمة احتياجات مميزة
سألتي/سألت نفسك أنت قدمت ايه في المقابل؟
دورك كزوجه بتقومي بيه وفهماه ولا شيفاه تفضل منك ؟
دورك كزوج وقوامتك ومسؤليتك بتقوم بيه ولا الزوجه هي ال بتتحمله
ش**ة النجاح والانانيه والتمركز حول الذات ورغباتها مش هتفتح بيت سوي
الحياه الزوجيه علاقه فيها مجهود متبادل
وجلسات الارشاد الزوجي مش لتحقيق رغباتك بس
هي لفهم دورك ومراجعه بتقوم بيه ولا لاء
في زوجات انانيه مقصرة في دورها وبتطالب بمعامله حسنه!
وفي رجاله انانيه مقصرة في المسؤليه وبتطالب باحتواء وحب
لو كل شخص فكر شريكه محتاج ايه وقدمه بدلا من التركيز علي ازاي اخد كل حاجه ليا
اعتقد البيوت مش هيكون فيها مشكله
واخيرا لو انت / انتي حققتوا نجاح في شغل وشهره وفلوس وبيتكم مش ناجح
فده يعتبر فشل
لان الشيئ الأساسي انت قصرت فيه
كل حاجه في الدنيا حلوة ليها تمن
والحياه الزوجيه مش هتاخد فيها حاجه ترضيك وانت أناني متمركز حول ذاتك وبس
علي قدر ما هتقدم ..علي قدر ما هتاخد من أثر
