عيادات هيلث كير للتغذية العلاجية والعلاج الطبيعي

29/12/2025

لما حد متابع معايا ويكون لابخ ف الاكل ويقعد يحور علشان مقفشوش وهو عارف اني عاوز اوقعه ف الكلام

25/12/2025

صباح الخير
فطار بسيط عشان اكيد مش كل يوم بلحق اعمل حاجات كتير
بس الي عايزه اقوله ان ف رحلة التخسيس دي انت بتتعود ترضى
ترضى بالقليل وتقنع نفسك انك هتقدر (وبتقدر بالمناسبه)
مش لازم كل يوم يكون عندي بيض عشان اشبع
ممكن جبنه واعمل سلطة وم زيت زيتون
هشبع
كم معلقه فول مع م ص طحينه وقطعه جبنه وخضار وتمام اوي
عوّد نفسك كميات قليله بالتدريج

قال صلى الله عليه وسلم
“ما ملأ ابن آدم وعاءً شرًّا من بطنه، حسب ابن آدم لقيماتٍ يُقمن صُلبه، وإن كان لا محالة (أي لا بدّ من الزيادة في الطعام) فثلثٌ لطعامه وثلثٌ لشرابه وثلثٌ لنفَسِه”.

#دايت

03/12/2025

٢ صدر فرخة مخلي
هنحط عليهم ٢ م ك نشا -التوابل( ملح-فلفل-توم بودره بصل بودره-بابريكا-بهارات فراخ)
كل الكلام ده ف الكبه يتفرم كويس اوي ومع بعض

هنحطه ف نايلون ثم فويل مرتين ونقفل كويس ولفه نايلون كمان
ونحطه ف حمام بخار
هتاخد ساعه بعد ٤٥ دق نفتح ونقلبه ع الجانب التاني ونكمل ربع ساعه كمان

#دايت #سعرات #فطور #اكسبلوور

30/11/2025

متكلش سمك او بيض او لبن لو انت عندك دور برد 👀😅..مين سمع المقولة دي قبل كدة🙂مرحبا بكم في اكبر اكذوبة في التغذية🥲نحن في زمن العلم مش الموروثات والخرافات 🤓

26/11/2025

في يوم من الأيام حد قالك كلمة وجعتك؟ كلمة عن جسمك؟ عن وزنك؟ عن لونك؟ عن شكلك؟
الكلمات اللي اتقالت في ثانية.. فضلت سايبة علامة جوه قلبك سنين؟ 💔

ده اسمه Body Shaming او تنمر ع جسمك
وده مش هزار.. ولا هزار تقيل.. ده أذى نفسي حقيقي

❌ لما حد يقولك:
• “تخنتي أوي!”
• “مالك ضعفت كده؟”
• “بطنك باينه”
• “أنتي مش شبه البنات”
• "إمتى هتبقي زي الناس؟”

هو مش بيهزر.. هو بيدوس على ثقتك بنفسك وبيجرحك.

� ليه الـ Body Shaming خطر؟
• بيدمر الثقة بالنفس
• ممكن يسبب اكتئاب واضطرابات أكل
• بيخلي الشخص يضغط على نفسه ويكره جسمه
• ساعات بيوصل لإيذاء النفس

الجسم مش قطعة ديكور للناس تحكم عليه
الجسم بيت.. والبيت لازم نحترمه.

� إزاي نتعامل مع الناس اللي بتعمل Body Shaming؟

✔ حط حدود واضحة:
“أنا مش بسمح لحد يتكلم عن جسمي.”

✔ رد هادي وقوي:
“جسمي مش موضوع للمناقشة.”

✔ غيّري الحديث فورًا:

✔ لو شخص قريب ومستمر:
“الكلام ده بيضايقني وبيأذيني.. لو بتحبني بطل تعلّق.”

✔ افتكر دايمًا:
رأيك في نفسك أهم من رأي أي حد.

إزاي نعالج نفسنا من أثر الـ Body Shaming؟
• حب نفسك زي ما أنت في كل مرحلة
• ركّز على صحتك مش على مقاسك
• اختار ناس بتدعمك مش بتكسرك
• لو محتاج مساعدة نفسية اطلبها وما تتحرجش
• اتكلمي عن نفسك بطريقة ايجابيه كل
يوم

⸻

💛 رسالة أخيرة

ميّزك الله عن غيرك عشان تكون مختلف، مش نسخة متكررة.
لو مش قادر تقول كلمة حلوة.. اسكت.
جسم كل واحد فيه حكاية.. ومحدش له حق يحكم عليها

هكتبلكم ف الكومنتات طرق فعالة وواقعيه عشان تتخلصي من تأثير الbody shaming على نفسك

18/11/2025

يا صباح الخير🔅🔅
مين لاحظ انه لما بيفطر حاجة مسكره
بيفضل طول الوقت جعان🍰🙊
ده ناتج ان اي حاجة مسكره بتتحرق بسرعه بيطلع لنا انسولين كتير عشان يقلل كميات السكر ف الدم
ف ينزل السكر تاني بسرعه فيما يعرف ب reactive hypoglycemia
زي ما بيكون بيعادل سكر الدم بسرعه⚖️⚖️
وايه اللي يحصل؟
بتجوووووع تاني بسرعه🌝
كأنك مكلتش اصلا🤷‍♀️

جزء كبير من حل مشكلتك الي ليها علاقة بالاكل فهمك لطبيعه جسمك
ياترى ايه الاكل اللي بيجوعك اوي ؟
طب ياترى ايه اللي بتشبع منه اكتر

الحل ف ايدك بس انت اللي مكسل تقوم تعمله بس🥀🌹🌹

07/11/2025

✨✨

21/10/2025

06/10/2025

مكونات كوكيز المدرسة الصحي ٢ بيضه ذرة ملح فانيلا م ك سكر دايت (او اي محلى)قشر لمونه ..٢ م ك زبده سايله او زيت جوز هند ، كوب كبير جوز هند مطحون ناعم، شوية شوكلت شيبس ونخلطهم ٢-٣ دق ونشكله ونسيبه ١٥ دق ف التلاجةو١٥ دق ف الفرن ع حرارة ١٨٠' #كوكيز #صحي #اكسبلوور #دايت #تغذية

30/09/2025

قلت قبل كدة
انا مش بتاع وزن علي اد ما بركز اني احل كل المشاكل العضوية ال بتكون اهم من الوزن 👨‍🦯
برغم ان صاحب التحليل خس ١٧ كيلو حتي الان بس ده مفرحنيش اد ما لقيت ان السكر التراكمي بتاعه بقي طبيعي جدا بعد ما كان ف مرحلة ما قبل السكر ❤️
فرحتي لا توصف والله لما بلاقي حد فيه حاجة عضوية سواء سكر او قولون او اي حاجة مزمنة اتحلت وكنت سبب ف حلها 🤍👨‍🦯

19/09/2025

هنبدأ مع بعض سلسلة وصفات تنفع لانش بوكس مع الاطفال ف المدرسة والكبار طبعاً🥪🌯اول وصفة عملتها من زمان وبعملها ع طول ونسيت اقولكم عليهاخلطة الجبنه القريش 🧀يلا نجرب والي يجرب يقولي رأيه ف الكومنتات✨ 🧑‍🔬🕺 #دايت #تغذية #ترند

17/09/2025

حاجات كتيره اتغيرت فيا لما بغير طريقة تفكيري للامور
من ضمنها الاكل✨
طول مانت شايف ان الاكل هو مصدر الامان والسعاده او تفريغ الطاقه🌚
هتفضل ع طول مكتئب ومشكلتك متحلتش بردو🦉🙍‍♀️
___
كان هدفي م الطبق ده اني اقدر اثبت لنفسي اني هشبع عادي لو محطتش رز
عندنا مصدر بروتين (سمك)
مصدر نشويات معقده (ذرة)او ممكن بطاطس
وطبقين سلطة حلوين
سلطة خضراء وسلطة بابا غنوج مشويه بطحينه م ك للبتنجانه كامله
___
الموضوع كله بيبدأ وبينتهي بيك🧗‍♀️
مفيش تغيير جذري بيحصل بين يوم وليلة🎯
احترم عامل الوقت⏰
ادي جسمك فرصة🌻
وابدأ من جديد 🌤️