Dr Nourhan Hassaan - د نورهان حسان

26/12/2022

تعلن عيادة الدكتورة نورهان حسان للعلاج الطبيعي والتغذية بالعزيزة بمناسبة العام الجديد عن الكشف مجاناً على جميع حالات الأطفال المتاخرين حركياً وخصم ٥٠٪ على الجلسات لمدة اسبوع بداية من يوم السبت ٣١-١٢-٢٠٢٢م
نعالج جميع حالات ضمور المخ (الشلل الدماغي)، حالات دوان، تأهيل مابعد العمليات والكسور وتصحيح العظام والأوتار وإصابات الأعصاب الطرفية من خلال وضع برنامج علاجي مخصص لكل حالة وبأفضل الامكانيات

وذلك مع الدكتوره نورهان حسان والدكتور حمدي سعيد
العنوان/ العزيزه الطريق الزراعي بجوار مخرطة العيسوي أعلى صيدلية الدكتورة إيمان حسن

للحجز ومزيد من الاستفسار التواصل علي الخاص
مع خالص أمنياتنا لكم بعام سعيد وكل عام وأنتم بخير ♥️

01/12/2022

لما أطلب من حالاتي ينظمو أكلهم 😂😂

01/09/2022

اللهم انفع بنا ما حيينا 💙💪🏻

22/05/2022

🔊 كعبك بيوجعك كل ما تقف أو تمشي شوية؟! 💥 يبقى الموضوع ده يهمك 👌🏻
🔊 عمرك سمعت عن الشوكة العظمية أو نتوء الكعب؟! 🤔
🔊 هل جربت وجع الشوكة العظمية!! 😔
______________________

🔵 طب إيه هي الشوكة العظمية؟ 🤔

🔍 الشوكة العظمية هي ألم في أسفل القدم وحول الكعب نتيجة التهاب الأنسجة "الأربطة" اللي بتربط أصابع القدم بالكعب نتيجة لترسب الكالسيوم فيها وتكوين نتوء عظمي، بالتالي بتتكون الشوكة العظمية.

🔵 طيب وإيه أشهر أسباب الشوكة العظمية!! 🤔

🔍 مفيش سبب صريح لحد دلوقتي لكن فيه شوية عوامل ممكن تزود خطر الإصابة زي مثلاً:
⬅️ الوقوف لفترات طويلة بسبب طبيعة العمل زي ربة المنزل اللي بتقف لساعات طويلة.
⬅️ زيادة الوزن.
⬅️ المشي لفترة طويلة من غير حذاء، أو مع أحذية غير مريحة زي الكعب العالي أو أن يكون كعب الحذاء صلب.
⬅️ عادة بتحصل مع العدائين أو مع ممارسة الرياضة على أرضية صلبة.

🔵 إيه بقى الأعراض اللي بتحصل معاها؟ 🤔

🔍 العرض الرئيسي هو "وجود ألم في أسفل الكعب"..
⬅️ المصاب بيحس كأن فيه "مسمار أو سكينة في كعبه" وعادةً حدة الألم بتزيد أول ميدوس عالأرض الصبح وبيرجع يهدا في منتصف اليوم وممكن يزيد تاني بالليل.
⬅️ أو بعد الراحة لفترات طويلة ودي نفس فكرة بعد النوم لأن قلة الحركة عموماً بتتسبب في تراكم الالتهاب ومع الحركة بتبدأ الدورة الدموية تتخلص منه.
⬅️ أو مع ممارسة نشاط زي الوقوف أو المشي لفترات طويلة وهنا المريض مش بيحس بالألم وهو بيعمل النشاط لكن بمجرد ميوقفه.

🔵 طب إيه هي طرق العلاج المتاحة والمفروض لو حسينا بالأعراض نتعامل ازاي؟ 🤔

🔍 أول طرق العلاج في البيت..
⬅️ الراحة لو حسيت بالألم لأول مرة.
⬅️ كمادات ثلج على المنطقة المصابة لمدة ٢٠ ثانية لتقليل الالتهاب.
⬅️ الضغط الخفيف على المنطقة لتقليل التورم.
⬅️ رفع القدم على وسادة عالية.
⬅️ لبس أحذية مريحة للقدم.
⬅️ ربط القدم والجبائر الليلية.

🔍 لو الألم استمر فمعظم الحالات بتتحسن من غير تدخل جراحي لكن في أسوأ الحالات بيتم اللجوء للتدخل الجراحي..
ومن أهم الوسائل الغير جراحية اللي بتساهم في علاجها:

1️⃣ ممكن الألم يستجيب لبعض الأدوية والمسكنات.

2️⃣ تمارين الإطالة وبعض التمارين العلاجية.

3️⃣ أشعة الليزر لبعض الحالات.

4️⃣ جهاز الموجات التصادمية.

5️⃣ حقن الكورتيزون الموضعية عشان تعالج الالتهاب.

6️⃣ التردد الحراري عشان تعالج العصب المسبب للألم.

🔴 في حالة إنك مريت بالأعراض دي والعلاج المنزلي منفعتش هتروح فوراً تعمل أشعة سينية وتعرضها على دكتور العظام.. هيشخصك ويحددلك العلاج المناسب حسب حالتك 💙
وطبعاً لأي استفسار أو حاجة مش واضحة اتفضلو ابعتولي كل أسئلتكم 🥰

د. نورهان حسان
أخصائي علاج طبيعي وسمنة ونحافة 👩🏻‍⚕️

20/05/2022

شوية تمارين لياقة للي بيحبو يتمرنو في البيت أو اللي مش بيقدرو يروحو الجيم 💪🏻
متوضح في الصور الأخطاء الشائعة لكل تمرين وازاي نعمله بالطريقة الصحيحة 💙

د. نوهان حسان
أخصائي علاج طبيعي وسمنة ونحافة 👩🏻‍⚕️

14/05/2022

لما نيجي نبص في المراية بعد ما لبسنا الصيفي ولخبطنا في رمضان والعيد 😂
يلا الدايت موجود عالصفحة عشان نلحق نفسنا من تاني 🥰

11/05/2022

يلا بينا نكمل على دايت رمضان بعد ما خدنا بريك ولخبطنا في العيد.. ندخل بقى على دايت بعد العيد 😂💙

وطبعاً لازم نأكد على شرب ٢ كوباية ميا قبل كل وجبة ✅
الاهتمام بالرياضة ونعمل تمارين كارديو نص ساعة يومياً على الأقل والمشي يا جماعة المشي ثم المشي ✅
أما بالنسبة للسكر فمسموح بتلت ملاعق سكر فقط يومياً ✅

هنبدأ بسم الله.. 🌸

أولاً على غير ريق.. هنشرب كوباية ميا دافية مش سخنة وعليها معلقة عسل أبيض "محسوبة من سكر اليوم" 🍯

وجبة الفطار.. ⬇️
٢ بيضة مسلوقة أو مقلية بسمنة بلدي أو ٤ ملاعق فول بدون زيت أو ٢٠٠ جرام جبنة قريش 🍳
⬅️ مع طبق سلطة مع نص رغيف عيش بلدي أو سِن 🥗

سناك. ١ ⬇️
كوب قهوة مع قطعة شيكولاتة دارك أو بسكوتة شوفان ☕

وجبة الغداء.. ⬇️
ربع فرخة مسلوق أو ٢٠٠ جرام لحمة مسلوقة أو ٢ سمك بلطي وسط أو علبة تونة متصفية من الزيت أو طبق شوربة عدس أو ٢٠٠ جرام جبنة قريش أو بيضتين مسلوقين حسب بروتين البيت المتوفر وطبعاً يا ريت لو السمك يبقى تلت مرات في الأسبوع 🐟
⬅️ وطبعاً مع طبق سلطة كبير أو طبق خضار سوتيه حسب المتاح وكمان مع ٧ ملاعق رز أو مكرونة أو نص رغيف بلدي أو سِن 🍚

سناك. ٢ ⬇️
ثمرة فاكهة أو ٢ خيار أو كوباية عصير بدون سكر 🍎

وجبة العشاء.. ⬇️
طبق فشار كبير أو طبق سلطة خضراء 🍿
⬅️ وأخيراً وليس آخراً بعد العشاء كوب زبادي عليها عصير لمونة 🍋

ملحوظة..
الدايت ده مبدأياً هيبقى مناسب مع الناس اللي متابعة معايا أون لاين ولو فيه حاجة هتتعدل هنعدلها سوا 🥰

أي حاجة مش واضحة ابعتولي رسالة وبإذن الله نقدر نوصل سوا للوزن اللي نفسكو فيه وتبقو مبسوطين بنفسكو وجسمكو 😍

د. نورهان حسان
أخصائي علاج طبيعي وسمنة ونحافة 👩🏻‍⚕️

10/05/2022

🛑 خشونة الركبة أو مرض الفصام العظمي في الركب 🛑

الخشونة مرض منتشر جداً بالذات في مفصل الركبة وكتير بيشتكي منها بالذات الستات وكبار السن

⬅️ إيه هي بقى خشونة الركبة دي؟ 🤔

في الحالة المرضية دي بيحصل تحلل أو تفتت الغضاريف اللي بتعمل دعامة مرنة بين عضم المفصل. 💔
مع الوقت فرص تلامس عضم المفصل بتزيد مع كل حركة والاحتكاك بين العضم بيسبب ألم وتورم وتيبس
أو حتى ظهور النتوءات العضمية وكل ما يزيد الوجع يسبب صعوبة في المشي وقلة في الحركة.

طيب إيه الأسباب اللي ممكن تعمل خشونة في الركبة؟ 🥺

✴️ العمر: الغضاريف بتبقى أضعف مع زيادة العمر فبتزيد فرصة الخشونة وخصوصاً بعد 45 سنة.

✴️ الوراثة: تم إثبات إن إحتمال الخشونة بيزيد لو فيه تاريخ عائلي مع الخشونة.

✴️ جنس المريض: بعد سن الخمسين بتزيد نسبة الإصابة في الستات.

✴️ الوزن الزايد: لأنه بيعمل حمل زيادة على سطح الغضاريف وبيضعفها ولو الوزن منزلش ممكن يصعب علاج الخشونة.

✴️ إصابات الركبة: زي الالتهابات وإصابات الملاعب والكسور وقطع الأربطة أو الغضاريف الهلالية طبعاً لو متعالجتش بطريقة سليمة بيسبب خشونة.

✴️ الإجهاد المتكرر للركبة وضعف العضلات: زي طلوع ونزول السلالم كتير والتحميل على الركبة في القعاد لفترات طويلة في وضع غلط زي التربيع.

✴️ تقوس الساقين: لأن ده بيسبب تحميل زايد على أجزاء محددة من المفصل.

✴️ الالتهابات والأمراض الروماتيزمية: زي الروماتيد والنقرس ممكن تسبب خشونة فى الحالات المتأخرة.

✴️ سوء التغذية وإهمال الأكل المحتوي على الكالسيوم، فيتامين د أو فيتامين سي.

⬅️ طب حالات خشونة الركبة دي بتحس بإيه؟ 💔

✅ وجع مع المجهود: زي طلوع السلالم و المشي لمسافة كبيرة.
فى الحالات الخفيفة مفيش ألم إلا مع المشي والحركة
لكن فى الحالات المتأخرة بيكون موجود حتى وقت القعاد أو النوم.

✅ سماع صوت طقطقة في الركبة: بسبب احتكاك عضم المفصل.

✅ تورم في الركبة: نتيجة التهاب الغشاء اللي مبطن المفصل وزيادة سمكه أو وجود ارتشاح (ميا) عالركبة.

✅ تيبس (نقص مدى حركة) المفصل: المريض بيبقى مش قادر يتني أو يفرد الركبة للآخر بسبب تورم الركبة أو الزوايد العضمية.

✅ تقوس الساقين: بسبب تآكل الغضاريف فى ناحية (غالباً الجهة الداخلية) أكتر من التانية، أو نتيجة ترهل واستطالة أربطة الركبة الخارجية.
وكل ما التقوس بيزيد التحميل على الجزء المتآكل بيزيد وده يخلينا نلف في دايرة مقفولة.

طبعاً مع ظهور الأعراض دي أو حاجة منها لازم نروح نكشف ونعمل أشعة عشان نتأكد ونبتدي في العلاج.. 🙂

⬅️ في حالة الإصابة بقى ازاي نعالج المشكلة دي؟ 🤔

خشونة الركبة ليها أربع درجات وعلاجها بيختلف حسب درجتها.. بحيث:

⛔ الدرجة الأولى:
في الغالب مش بيظهر أي أعراض، بس ممكن حالات تحس بشكة بسيطة ورا مفصل الركبة مع الحركة الكتير أو طلوع السلم.

☑️ وفي الدرجة دي بنلجأ لتمارين تقوية للمفصل، وفي نفس الوقت تقوية العضم عن طريق نظام غذائي مفيد وبنمنع التحميل على مفصل الركبة.

⛔ الدرجة التانية:
بيكون فيه درجة بسيطة من الخشونة والمريض بيحس بوجع وشكشكة في المفصل على فترات متقطعة.
بيظهر مع القعاد لفترات طويلة أو وقت الصحيان من النوم، لكن في أشعة الرنين المغناطيسي بنلاقي إن حالة المفصل سليمة رغم إن المريض بيحس بتيبس في المفصل.

☑️ وفي الدرجة دي بنبدأ نلجأ للمسكنات والأدوية المقوية للغضاريف.

⛔ الدرجة التالتة:
الدرجة المتوسطة من الخشونة وفيها غضاريف الصابونة بتبدأ تتآكل وتسبب احتكاك العضم ببعضه والتهاب الغشاء اللي بيبطن المفصل
وبتظهر البروزات العضمية مع وجع الركبة اللي بيزيد مع المجهود أو شيل الأوزان التقيلة.

☑️ في الدرجة دي الطبيب بيوصف أدوية تقلل الخشونة، وبنلجأ لجلسات العلاج الطبيعي والحقن الموضعية في المفصل والكمادات وتقليل الوزن وممارسة رياضات خفيفة.

⛔ الدرجة الرابعة:
تعتبر أشد وأخطر درجات خشونة الركبة المريض بيحس بوجع شديد في الركبة مع أي حركة، وغالباً بتكون مصاحبة لقطع في الغضاريف الهلالية

☑️ في الحالة دي غالباً بيتم اللجوء للتدخل الجراحي.

♨️ وطبعاً في أي درجة خسارة الوزن الزايد حتى كيلوجرامات بسيطة ممكن تكون كفيلة تخفف ألم الركبة وتورمها بشكل كبير.

وفي البوست هنا هسيب شوية تمارين هتكون مفيدة جداً لحالات خشونة الركبة ⬇️

د. نورهان حسان
أخصائي العلاج الطبيعي والسمنة والنحافة 👩🏻‍⚕️

07/05/2022

يلا الحقو احجزو قبل اكتمال المواعيد 🥰

🥳
# جلسه كافيتيشن ب١٠٠ بدلا من ١٢٠.
# باكيدج جلستين كافيتيشن ب ١٩٠ بدلا من ٢٤٠ .
# باكيدج ٣جلسات كافيتيشن ب ٢٧٠ بدلا من ٣٦٠ .
# باكيدج ٤ جلسات كافيتيشن ب ٣٦٠ بدلا من ٤٨٠ .
# جلسه كافيتيشن عليها جلسه ميزوثيرابي +متابعه الوزن ب ٢٢٠.
الحجز ساري لمده اسبوعين حسب المواعيد المتاحه.
متاح حجز الباكيدجات للصحاب يعني اجمعوا بعض وتعالواعشان نجهز للمصايف ،🥳🎉.

24/04/2022

ناس كتير بتحتار عشان تختار الوسادة المناسبة ليهم وبتشتكي إنها مش عارفة المفروض تكون عالية ولا منخفضة وإنهم مهما غيروها بتفضل رقبتهم توجعهم برضو.. 🤦🏻‍♀️
الإجابة إنها ولا ارتفاعها عالي ولا منخفض لكن عشان تكون مناسبة لازم تكون مناسبة لطبيعة نومك 👌🏻

فلو انت بتفضل النوم على ظهرك فأنت محتاج وسادة بارتفاع متوسط بحيث رأسك متكونش مرتفعة عن مستوى جسمك ولا قريبة من مستوى السرير ✅
أما لو كنت بتفضل النوم على جانبك فأنت محتاج وسادة تدعم رأسك وتملي الفراغ اللي بين أذنك وكتفك بالتالي تكون أكثر صلابة ✅

د. نورهان حسان
أخصائي العلاج الطبيعي والسمنة والنحافة 👩🏻‍⚕️

19/04/2022

فوائد الحجامة 🌸
- تعالج الآلام المزمنة والحادة في حالات الروماتيزم وتشنجات العضلات والتهابات المفاصل.
- تساعد في التخلص من آلام الرقبة والأكتاف.
- تعالج تتنميل اليدين والقدمين.
- تعالج بعض حالات الأرق والصداع النصفي.
- تحد من الشعور بالكسل والخمول وتمنح الجسم الطاقة والحيوية.
- تعالج بعض أمراض القلب وتصلب الشرايين وتساعد على توسيع الأوردة الدموية.
- تحافظ على مستويات ضغط الدم وتعالج ارتفاع نسبة الكوليسترول في الدم.
- تعالج بعض المشاكل النفسية مثل الشعور بحالات الاكتئاب والتوتر والقلق.

د. نورهان حسان
أخصائي العلاج الطبيعي والسمنة والنحافة 👩🏻‍⚕️

16/04/2022

يلا بينا العيد قرب اللي ملحقش يلحق 🥰

13/04/2022

مش بزهق أبداً من الفيديو ده ولا من كمية البهجة اللي فيه 🥰 من أكتر الحالات اللي بحبها وفخورة بيها ❤️

01/04/2022

بوست الدايت المنتظر لشهر رمضان عشان نصوم ونخس بشكل صحي 😍🌙

رمضان من أكتر الشهور اللي ممكن الواحد يخس فيها وسهل جداً استغلاله عشان نعمل دايت وحتى لو لسة هنبتدي في الدايت فهو بداية كويسة جداً لأن خلال رمضان شهيتنا بتقل بالتدريج وبنكون قادرين نكمل في الرجيم بعده كمان 🥰

وعشان نحقق ده عاوزين نثبت شوية قواعد على جنب كدة هتسهل علينا النزول في الوزن وتخلينا باذن الله منحسش بالجوع أو التعب مع الدايت 💕

⚠️ هنحاول نقلل نشويات وسكريات "وحلويات" على أد ما نقدر عشان إحنا عارفين إن الحاجات دي هي اللي بتطلعنا زايدين في رمضان 👏🏻

⚠️ هنمنع بيبسي وشيبسي وأي حاجة من اللي بيتعزم عليك بيها أو بتاخدها كسناكس في النص عشان هنزيد في الفاضي وممكن نستبدلها بحاجات صحية 🙆🏻‍♀️

⚠️ ضروري بقى إحنا محتاجين نشرب حوالي تلاتة لتر ميا على مدار الفترة اللي بين الفطار والسحور عشان نعوض احتياج جسمنا للسوايل طول فترة الصيام 🏃🏻‍♀️

⚠️ ممنوع نبدأ الفطار بشرب العصير لأن العصير بيكون فيه سكر حتى لو سكر دايت فهو هيعلي الأنسولين وبالتالي معدل الحرق هيقل 👎🏻

⚠️ الرياضة مهمة جداً عشان نزود معدل الحرق وخلال فترة الصيام مسموح بالمشي أو الجري الخفيف أما بعد الفطار فاحنا محتاجين على الأقل نص ساعة أيروبيكس وعاش مقدماً 💪🏻

طيب إيه الخطوات اللي هنعملها عشان نضمن إننا ماشيين على نظام صح؟ 🤔
بص يا سيدي قبل منقول إيه هو النظام فاحنا هنحدد ترتيب الحاجات اللي هناكلها حسب نوعية الأكل نفسه كالتالي..

✴️ الوجبة الأولى: وهي وجبة الفطار اللي تقريباً كلنا بنبوظ الدنيا وبنضيع فوايد الصيام بسبب أكلنا الغلط فيها

هنبدأ فطارنا بتمرة مع كوب ميا عشان نعوض السوايل اللي جسمنا محتاجها زي مقولنا وبرضو منحتاجش عصاير كتير ❤️

وبعد كدة هنيجي للوجبة نفسها وهناكل بالترتيب:

١. طبق سلطة مع طبق شوربة خضار أو خضار سوتيه (هنبدأ بالخضار عشان الألياف اللي فيه بتساعدنا نشبع بسرعة) 🌸

٢. تاني حاجة البروتين وهناخد ١٠٠ جرام من أي بروتين (دجاج-لحوم-كبدة-سمك....إلخ) 🌸

٣. بعد شوية ممكن نبتدي في النشويات وبنخليها للآخر لأنها نفس فكرة السكر اللي في العصير برضو هتزود معانا الانسولين مرة واحدة لو اتاخدت في الأول "ومسموح من ٨ ل ١٠ ملاعق رز أو مكرونة أو ٦ صوابع محشي عشان محدش يزعل" 😂🌸

٤. هنشرب العصير في آخر الوجبة وهناخد كوباية عصير بيور وممكن نعمله بسكر دايت 🌸

✴️ الوجبة التانية: ألا وهي وجبة السحور ودي وجبة مهمة جداً مينفعش نفوتها لأننا هنصوم عدد ساعات كبير فلازم نختار حاجة تسندنا والاختيارات هنا كتير: 🥰

١٠٠ جم جبن قريش أو بيضة مسلوقة أو مقلية بسمنة بلدي أو زبدة 🌸

حوالي ٤ ملاعق فول كفاية لأن الفول برضو فيه نسبة كارب مش قليلة 🌸

١/٢ : ٣/٤ رغيف عيش أسمر ويستحسن يكون سِن لأنه هيفضل في البطن لوقت أطول وبيساعد على الشبع 🌸

علبة زبادي 🌸

✴️ الوجبة التالتة: وهي عبارة عن سناك بين الوجبتين الأساسيين وبم إننا بنتكلم عن رمضان فاحنا هنختار حاجة من اتنين ونقدر نبدل بينهم يوم ويوم: 😍

وهتكون إما فنجان قهوة أو شاي "مع ١٠ حباب مكسرات أو مع قطعة حلويات صغيرة" ❤️

وفي حالة الجوع في أي وقت ممكن ناخد ثمرة فاكهة أو علبة زبادي أو نشرب ميا ويستحسن شرب الميا كتير لأنها هتساعد على تقليل الإحساس بالجوع أو العطش جداً 💙

✅ مسموح بحوالي ٣ ملاعق سكر يومياً يمكن استبدالهم بسكر دايت أو الاستغناء عنهم خالص أفضل 🥰
✅ مسموح بوجبة واحدة فري في الأسبوع أو يوم واحد فري كل أسبوعين بس بالهداوة كدة بالذات بالنسبة لأصحابنا للي بيحبو الحلويات أوي 😂

✅ مواعيد الإفطار والسحور معروفة وثابتة بالنسبة لأغلب البيوت في رمضان بس بالنسبة للي ماشي على صيام متقطع من قبل رمضان ومتعود يصوم ١٦ ساعة فانت هتخلي وجبة السحور بدري شوية وليكن الساعة ١٢ وتكمل ساعات صيامك عادي 👍🏻

لأي استفسار أو أي حاجة مش واضحة ابعتولي وأنا معاكو طول شهر رمضان لأي حد حابب يتابع أون لاين مجاناً 😍

وبإذن الله نخس ونطلع من رمضان السنة دي مبسوطين بوزننا وكل سنة وانتو طيبين وبخير ورمضان كريم عليكم وعلى أسركم وأحبابكم جميعاً 🥰🌙

د. نورهان حسان
أخصائي العلاج الطبيعي والسمنة والنحافة 👩🏻‍⚕️

04/09/2021

مجهود عام من العلاج المكثف 💪🏻💖

18/07/2021

تصحيح بعض الأوضاع والعادات اليومية الخطأ من أجل سلامة وتخفيف آلام العمود الفقري ✅💪🏻

21/10/2020

سلسلة وجبات تنفع في الدايت 😋

😍

05/10/2020

سلسلة وجبات تنفع في الدايت 😋😍

♥️🥰