دكتور محمد كارم لطب الأطفال وحديثي الولادة

07/01/2026

📌 تحذير غذائي بشأن السحب الاحترازي لعدد محدود من تشعيلات بعض منتجات حليب الأطفال
................................................................

بيان صادر عن الهيئة القومية لسلامة الغذاء:

تُعلن الهيئة القومية لسلامة الغذاء عن تنفيذ سحب احترازي لعدد محدود من دفعات منتجات حليب الأطفال من انتاج شركة نستله ، وذلك في ضوء إخطار رسمي ورد إليها من شركة نستلة مصر يفيد بتنفيذ سحب طوعي احتراز ى لهذه الدفعات.
المنتجات المعنية بالسحب الاحترازي
اسم المنتج
رقم التشغيل
كمية المباعة بالعبوة
تاريخ الإنتاج
تاريخ الانتهاء
Nan Comfort 1
51510346AC
9,88410
31/05/2025
30/11/2026
Nan OptiPro 1
51370346AA
38,160
17/05/2025
17/05/2027
Nan OptiPro 1
52650346AA
16,092
28/09/2025
28/09/2027
Nan OptiPro 1
51460346AB
10,944
26/05/2025
26/05/2027
Nan OptiPro 1
51460346AA
124,608
26/05/2025
26/05/2027
سبب السحب الاحترازي
رصد وجود آثار لمادة (Cereulide)، الناتجة عن بكتيريا (Bacillus cereus)، في أحد المكونات الأولية (زيت حمض الأراكيدونيك – ARA) المستخدم في التصنيع، وهي مادة قد تؤدي، في حال التعرض لها، إلى الغثيان والقيء الشديد، خاصة لدى الأطفال.
إجراءات الهيئة
• تنفيذ سحب احترازي فوري للدفعات محل التحذير اعتبارًا من 7 يناير 2026.
• متابعة إجراءات السحب بالتنسيق الكامل مع شركة نستله.
• إلزام الموردين والموزعين بـ الوقف الفوري لتداول المنتجات التي تحمل أرقام التشغيلات الواردة أعلاه.
توصيات للمستهلكين
• ضرورة التحقق من أرقام التشغيلات على العبوة.
• في حال تطابق بيانات المنتج، يُوصى بـ التوقف فورًا عن استخدامه والتخلص منه بطريقة آمنة.
• الالتزام بالتعليمات الصادرة عبر القنوات الرسمية للهيئة.
وتؤكد الهيئة القومية لسلامة الغذاء أن هذا الإجراء يأتي كإجراء احترازي استباقي في إطار حرصها على حماية صحة وسلامة المستهلكين، لا سيما الأطفال.

03/01/2026

� نصيحة اليوم 👶
الإسهال = سوائل أكتر… محلول الجفاف أهم دواء في أول 24 ساعة 💧

26/12/2025

مش كل طفل بيجيله حراره مرتفعه ووجع في البطن نقول عنده حمي بحر متوسط .
جمعه طيبة مباركه🌹

11/12/2025

عن د احمد رزق

01/12/2025

بوستات كتير علي مين افضل دكتور ،اللي يعرف يعمل ده يبقي اشطر دكتور 😁

قسطره مركزية في طفل ٧ كيلو . كان يعاني من جفاف شديد ،
#رعايه مركزة اطفال
#شغل عالي

22/11/2025

دور منتشر في الأطفال والكبار اليومين دول عباره عن حراره عاليه بتاخد كذا يوم وهمدان وتكسير مع رشح وكحه ، ده دور إنفلونزا وليست كورونا
نشرب سوائل كتير ونرتاح وناخد مسكنات
وربنا يشفي كل مريض

24/08/2025

السلام عليكم
متواجد بالعياده يوميا من ٩-١١ مساء

25/07/2025

طفل عمره ١٠ شهور ، جاله شويه إسهال وترجيع من المنشرين الايام دي ، امه قالت نصبر عليه وهيبقي كويس ، ما اخوه اللي عنده ٥ سنين جاتله نفس العدوي وأتحسن وبقي حلو ، لكن للأسف الطفل ما استحملش الجفاف الشديد اللي حصل نتيجه الإسهال الكتير ، دخل الطفل في غيبوبه وعلي جهاز تنفس صناعي حاليا ،
الكلام ده بقوله عشان أقولكم اي طفل تحت عمر سنتين ، لو جاله إسهال او ترجيع متكرر، اوعي تسكتي عليه ، كل ما ما تلحقيه بدري هيبقي الموضع بسيط ان شاء الله
دامت أطفالنا بخير وصحه ، وربنا يحفظهم بحفظه .

06/05/2025

حاله من العيار التقيل اوي

طفل عمره ١٠ سنه بيلعب مع نفسه في حبل الستاره ، لفه حوالين رقبته ومعرفش يفكه ، اتخنق ، قعد كم دقيقه مخنوق ، دقيقه ، اتنين ، تلاته لا ، قعد حوالي ١٠ دقايق ، الام دخلت عليه لقيته قاطع النفس ولونه ازرق ، فكت الحبل من حوالين رقبته وجبته المستشفي في الحال ، ستر ربنا ان الطفل كان لسه فيه نبض ، اتحط علي اجهزة تنفس صناعي حديثة لمده اسبوع ، وتلقي العلاجات المناسبه ، وبعدها اتفصل من علي الأجهزة، الحمد لله ،، الطفل كان كويس ، وده من النوادر ،،، ناخد بالنا من ولادنا ، طفل ١٠ سنوات يعني فاهم وواعي ولكن قدر ربنا ♥️♥️

وَكَم لِلّهِ مِن لُطفٍ خَفيٍّ ، يَدِقُّ خَفاهُ عَن فَهمِ الذَكيِّ .

وَكَم يُسرٍ أَتى مِن بَعدِ عُسرٍ ،فَفَرَّجَ كُرْبَة القَلْبِ الشَجيِّ

وَكَم أَمرٍ تُساءُ بِهِ صَباحاً، وَتَأتيكَ المَسَرَّةُ بِالعَشيِّ

إِذا ضاقَت بِكَ الأَحوالُ يَوماً ،فَثِق بِالواحِدِ الفَردِ العَلِيِّ

وَلا تَجزَع إِذا ما نابَ خَطبٌ ، فَكَم لِلّهِ مِن لُطفٍ خَفيِّ

في صفحتنا هتلاقي جواب عن كل اللي بيشغل بالك عن صحة اطفا?

04/05/2025

امس جاءني طفل ١٢ سنه بألم شديد في الصدر مع احساس شديد بضربات قلبه و عرق غزير ، وتم عمل رسم قلب والطفل طلع عنده اضطراب شديد بضربات القلب وتسارع ضربات القلب ، والحمد لله بفضل الله ، اشتغلنا معه واخد العلاج المناسب ورجعت ضربات القلب لطبيعتها .
وللعلم من مضاعفات الرفرفة دي هو الموت المفاجيء .

طب الأطفال مش إسهال وترجيع وكحه ، شغل عنايه الاطفال من الحاجات اللي بتعرفك معني ربنا في كتابه ( ومن أحياها فكأنما أحيا الناس جميعاً) .

01/09/2024

ان شاء الله متواجد في العياده يوميا مساء من ٩-١١

20/08/2024