عاصم قورة - Asem Qura

23/12/2025

اولى خطوات التعافي من الإساءة هي مغادرة البيئة المسيئة
ثم علاج اثرها بعد وجود مكان نشعر فيه بالامان

على رأي سناء جميل في فيلم اضحك الصورة تطلع حلوة " مفيش حد بيتبسط وهو قلقان سيد "

28/11/2025

لو متعلمناش نسمح لمشاعرنا بالظهور ، اجسامنا هتعبر عنها بأعراض جسدية.

المشاعر الي معبرناش عنها مختفتش ، هي موجوده ولكن على هيئة اعراض جسدية مستمره زي الصداع وتعب القولون والارهاق المستمر وغيرها من الاعراض

افتكر ان كل مره مسمحتش فيها لمشاعرك تكون موجوده جسمك هيعمل دا بالنيابة عنك

17/11/2025

19/10/2025

بنفكركم ان اخر موعد للحجز يوم الثلاثاء القادم وهنبدأ رحلتنا يوم الخميس ان شاء الله

المشاعر هي اللغة اللي بنفهم بيها نفسنا وبنتواصل بيها مع غيرنا.
لكن كتير مننا بيتلخبط:
أنا حاسس بإيه دلوقتي؟، ده قلق ولا خوف؟، أتصرف إزاي مع الشعور ده؟

دلوقتي نقدر نبدأ رحلة مع كورس "بوصلة المشاعر "
رحلة تساعدك تفهم مشاعرك وتنظمها وتتعامل معاها بوعي.
هنعرف من خلالها:

• نفهم مشاعرنا ونفرق بينهم (خوف؟ قلق؟ خزي؟ ذنب؟ وغيرهم من المشاعر ...)
• نتكتشف إزاي جسمنا بيدينا إشارات عن اللي حاسسين بيه
• نفكك المعتقدات القديمة الخاطئة عن المشاعر زي إن "المشاعر ضعف"
• نتعلّم مهارات المواجده مع نفسنا ومع الآخرين
• نسمع الرسائل اللي ورا مشاعرنا ونستجيب لها بوعي
• ننظم مشاعرنا بدل ما نكبتها أو ننفجر بيها
• نتعامل مع المشاعر المؤلمة زي الغضب والخزي والذنب وغيرهم
• نكتسب مهارات تساعدنا على المواجهة ووضع الحدود (DBT Skills)
• نعبر عن نفسنا في العلاقات المختلفة من غير ما خوف أو لوم
• نستخدم مشاعرنا كبوصلة في قرارات حياتنا

التعريف بمقدم الدورة
ا. عاصم
اخصائي ومعالج نفسي
- تخرج من كلية الاداب جامعة حلوان قسم علم نفس عام ٢٠١٨
- حصل علي دبلومة إكلنيكي من نفس الجامعة عام ٢٠١٩
- باحث ماجستير في جامعة حلوان

- بدأ رحلة تعلمه بالتدريب في مستشفى العباسية في قسم الإدمان على يد د. علي عسكر
- تدرب على العلاج النفسي في مستشفى قصر المعادي على يد د. سمير ابو المجد
-تدرب على العلاج الجدلي السلوكي في معهد لينهان ومعهد AIP
- يتدرب حاليا على العلاج الجمعي الدينامي مع د. رفعت محفوظ ود. محمد طه ود. محمد ايمن
- تدرب على العلاج بأنظمة الاسرة الداخلية (IFS)

يقوم بعمل مجموعات علاجيه بالعلاج السلوكي الجدلي والعلاج الدينامي
عمل في مستشفى إنسايت لعلاج الإدمان والعديد من المستشفيات والمصحات الأخرى

يعمل اخصائي نفسي في مؤسسة مرسال
يعمل اخصائي نفسي في عيادة باب الخلق
يعمل أخصائي نفسي في عيادة ذات
يعمل اخصائي نفسي لدى منصة عرب ثيرابي

خبره اكثر من ٨ سنوات في العلاج النفسي

يؤمن بأهمية العلاج الدينامي كمدرسة علاجية أساسية في العلاج النفسي
يعمل تحت الإشراف المتخصص بإنتظام

تاريخ البداية: الخميس 23 أكتوبر
المدة: 3 شهور – مرة كل أسبوع لمدة ساعتين من الساعه ٤م الي ٦م
المكان: أونلاين عبر تطبيق Zoom
📌العدد محدود لضمان جودة التفاعل، *(هناك خصم خاص للمجموعات ٢ أو أكثر)*.
للحجز يرجى التواصل من خلال رسائل الصفحه او من
الرقم واتساب فقط 01008846688

25/09/2025

المشاعر هي اللغة اللي بنفهم بيها نفسنا وبنتواصل بيها مع غيرنا.
لكن كتير مننا بيتلخبط:
أنا حاسس بإيه دلوقتي؟، ده قلق ولا خوف؟، أتصرف إزاي مع الشعور ده؟

دلوقتي نقدر نبدأ رحلة مع كورس "بوصلة المشاعر "
رحلة تساعدك تفهم مشاعرك وتنظمها وتتعامل معاها بوعي.
هنعرف من خلالها:

• نفهم مشاعرنا ونفرق بينهم (خوف؟ قلق؟ خزي؟ ذنب؟ وغيرهم من المشاعر ...)
• نتكتشف إزاي جسمنا بيدينا إشارات عن اللي حاسسين بيه
• نفكك المعتقدات القديمة الخاطئة عن المشاعر زي إن "المشاعر ضعف"
• نتعلّم مهارات المواجده مع نفسنا ومع الآخرين
• نسمع الرسائل اللي ورا مشاعرنا ونستجيب لها بوعي
• ننظم مشاعرنا بدل ما نكبتها أو ننفجر بيها
• نتعامل مع المشاعر المؤلمة زي الغضب والخزي والذنب وغيرهم
• نكتسب مهارات تساعدنا على المواجهة ووضع الحدود (DBT Skills)
• نعبر عن نفسنا في العلاقات المختلفة من غير ما خوف أو لوم
• نستخدم مشاعرنا كبوصلة في قرارات حياتنا

التعريف بمقدم الدورة
ا. عاصم
اخصائي ومعالج نفسي
- تخرج من كلية الاداب جامعة حلوان قسم علم نفس عام ٢٠١٨
- حصل علي دبلومة إكلنيكي من نفس الجامعة عام ٢٠١٩
- باحث ماجستير في جامعة حلوان

- بدأ رحلة تعلمه بالتدريب في مستشفى العباسية في قسم الإدمان على يد د. علي عسكر
- تدرب على العلاج النفسي في مستشفى قصر المعادي على يد د. سمير ابو المجد
-تدرب على العلاج الجدلي السلوكي في معهد لينهان ومعهد AIP
- يتدرب حاليا على العلاج الجمعي الدينامي مع د. رفعت محفوظ ود. محمد طه ود. محمد ايمن
- تدرب على العلاج بأنظمة الاسرة الداخلية (IFS)

يقوم بعمل مجموعات علاجيه بالعلاج السلوكي الجدلي والعلاج الدينامي
عمل في مستشفى إنسايت لعلاج الإدمان والعديد من المستشفيات والمصحات الأخرى

يعمل اخصائي نفسي في مؤسسة مرسال
يعمل اخصائي نفسي في عيادة باب الخلق
يعمل أخصائي نفسي في عيادة ذات
يعمل اخصائي نفسي لدى منصة عرب ثيرابي

خبره اكثر من ٨ سنوات في العلاج النفسي

يؤمن بأهمية العلاج الدينامي كمدرسة علاجية أساسية في العلاج النفسي
يعمل تحت الإشراف المتخصص بإنتظام

تاريخ البداية: الخميس 23 أكتوبر
المدة: 3 شهور – مرة كل أسبوع لمدة ساعتين من الساعه ٤م الي ٦م
المكان: أونلاين عبر تطبيق Zoom
📌العدد محدود لضمان جودة التفاعل، *(هناك خصم خاص للمجموعات ٢ أو أكثر)*.
للحجز يرجى التواصل من خلال رسائل الصفحه او من
الرقم واتساب فقط 01008846688

24/09/2025

إيه أكتر شعور يقدر يبعدنا عن نفسنا الحقيقية؟
الإجابة هي الشعور بالرفض.

كل مرة بنتعرض فيها للرفض، بنخسر حتة من نفسنا…
لأننا بنصدق رسالة اللي رفضنا، وبنفتكر إن قيمتنا مرتبطة برأيه فينا.

لكن الحقيقة إن الرفض بيحكي عن الشخص اللي رفض أكتر ما بيحكي عنك.
قيمتك مش مستنيّة قبول أو رفض حد ليك.

قيمتك الحقيقية بتيجي من كفاحك، ومن قبولك لنفسك،
ومن قدرتك علي السماح لنفسك بالغلط… وتسامحها… وتجرب تاني.

09/09/2025

تأمل الموت فستتعلم كيف تعيش.

الجملة دي يمكن تبان قاسية للوهلة الأولى لكن الحقيقة إنها دعوة للحياة مش للموت.

لما نفتكر إن الوقت محدود، بنختار معاركنا وبنعيد ترتيب أولوياتنا:
بنشوف مين يستاهل وجودنا وإيه اللي يستحق طاقتنا وإيه اللي مش فارق وميستاهلش نبذل عشانه.

لما نقدر نستوعب ان الرحلة ليها نهاية بنعرف نقدر قيمتها ومنضيعهاش من ادينا ونحط كل حاجه في مكانها المناسب في حياتنا سواء كانت (قرارات او أشخاص او حاجات نفسنا نعملها ... الخ)

لو النهارده هو آخر يوم في حياتك كنت هتعيش إزاي؟ كنت هتعمل إيه مختلف ؟

شاركونا

15/08/2025

في زمن السوشيال ميديا، المقارنة بقت عادة من غير ما ناخد بالنا.
كتير بتغرينا الصور من برّا، ونتخيّل إن حياة الناس في الحقيقة شبه الصور بالضبط، وده بيخلينا نقارن ونحس إننا أقل من غيرنا دايمًا.

مشكلة المقارنة مش بس إنها بتخلينا نحس بالنقص…
هي كمان بتسرق مننا متعة الحاجات الحلوة اللي في حياتنا دلوقتي، وبتحسسنا دايمًا إن اللي معانا مش كفاية، وإننا لازم نتعب أكتر عشان نبقى زي باقي الناس أو أحسن.

سلسلة غير متناهية من الجري ورا حاجة مبتجيش… زي اللي بيجري ورا السراب.

جرّب بدل ما تسأل: "أنا فين بالنسبة لغيري؟"
تسأل: "أنا فين بالنسبة لنفسي اللي كنت عليها من سنة؟"

التطور الحقيقي مش إنك تتفوق على غيرك، أو تكون أحسن منه، أو أغنى منه، أو عندك حاجات مش عنده…
التطور الحقيقي هو إنك تبقى نسخة أحسن من نفسك، حتى لو خطوة صغيرة.

13/08/2025

كتير بيخافوا يبدأوا العلاج النفسي بسبب معلومات غلط. أي واحدة منهم كنت فاكر/ة إنها صح؟

12/08/2025

كتير بنحاول نهرب من المشاعر اللي مش مريحة…
بنشتت نفسنا، نغير الموضوع، أو حتى ندفنها جوانا ومنعبرش عنها.

لكن الحقيقة إن المشاعر مش عدوك،
هي بس رسائل من عقلك ليك، بيحاول يقولك حاجة.

بدل ما تسأل: "إزاي أتخلص من الإحساس ده؟"
جرب تسأل: "الإحساس ده بيحاول يقولي إيه؟"

المشاعر المؤلمة ممكن تكون دليل على حاجة محتاجة تتغير…
والمشاعر الحلوة ممكن تكون بوصلة للي يهمك بجد.

استقبل مشاعرك… حتى لو مش مريحة، لأنها دايمًا جايبة معاها رسالة.

#العلاجالنفسي

11/08/2025

جرّب تتخيل وجودك في الدنيا بدون ادورك فيها او بمعنى اخر الألقاب الي بنلعب من خلالها ادوارنا زي مثلا :
دور الاب او الام دور الزوج او الزوجه او الصديق وفيرها من الادوار … بس "أنت".

ليه مهم نلعب مع نفسنا اللعبه دي كل شويه ؟

عشان إحنا غالبًا بنقيس قيمتنا من خلال الأدوار اللي بنلعبها في حياة الناس،
لكن لما الأدوار دي تتغير أو تختفي او نتخيل نفسنا من غيرها مؤقتاً… بنلاقي نفسنا واقفين قدام سؤال مربك:

أنا مين من غيرهم؟

انا مين لو مكنتش بلعب كل الأدوار دي؟

الموضوع شبه الممثل الي فضل يلعب شخصيات كتير ونسي مع الوقت شخصيته الحقيقيه كانت عامله ازاي

الهوية الحقيقية مش قناع بنبدّله…
هي النواة اللي جوانا، اللي بتتشكل من قيمنا وتجاربنا ورؤيتنا للعالم.

يمكن اللحظة اللي تعرف فيها نفسك بجد…
هي اللحظة اللي تقدر تشوفها بعيد عن كل دور أو لقب.

10/08/2025

حصل معاك قبل كده انك مريت بموقف بسيط جدا وفجأة حسيت بمشاعر ضخمة مش متناسبة مع اللي حصل؟
زي كلمة عابرة تجرحك قوي… أو تصرف بسيط يزعلك فوق العادي؟

الحقيقة إن المشاعر دي مش من الموقف نفسه… دي من "حاجة أقدم".
أحيانًا المواقف الحالية بتلمس جرح قديم أو ذكرى مش محلولة، فيطلع إحساس أكبر من حجمه.

المرة الجاية لما تلاقي إحساسك أكبر من الموقف، جرب تسأل نفسك:

"الإحساس ده بيفكرني بإيه حصل معايا زمان؟"

الفهم ده مش بس بيهدي المشاعر… ده كمان بيخلينا نعرف إحنا لسه محتاجين نشتغل على إيه جوا نفسنا.