Faten Omara - فاتن عمارة

05/06/2025

أسأل اللهَ العظيم ..
في هذا اليوم *يوم عرفه*
‏أن يبلغنا و إياكم أطيب معايش الدنيا ، و أعلىٰ منازل الجنة ،
و أن يجعلنا و إياكم ممن طال عمره ، و حسن عمله ، و بورك له في رزقه، وصحته، و ماله ، وولده ، و كتبه الله من السعداء في الدارين

و اجعلنا يا رب ممن تباهي بهم ملائكتك …
و ممن قلت فيهم :
*اني غفرت لهم*
يارب 🤍🤍

23/05/2025

( إنهم فتية آمنوا بربهم وزدناهم هدى )الكهف 13

هم بدأوا بالإيمان، والله سبحانه تولّى الزيادة ...
يعني النية والقرار جاي من القلب،
وخطوة منك ، وربّنا بيكمله بالهداية والتوفيق .

- ابدأ بخطوة واحدة ناحية التعافي، أو النمو وربنا هيعينك تكمل ..
ربنا مش بيطالبنا بالكمال، لكن بيطالبنا بالصدق في البداية .
- تبدأ رياضة ولو بالمشي
- تبدأ تنام نوم صحي
- تبدأ تاكل أكل صحي
- تبدأ تدون مشاعرك، وأفكارك
- تبدأ تواظب على الصلاة
(ولو صلاة في اليوم ثم اتنين لحد ما يبقوا خمس صلوات )
- تبدأ تصوم ولو يوم في الشهر
- تبدأ بقراءة ولو صفحة يومياً من القرآن
- تبدأ تخصص ولو دقيقة دعاء
- تبدأ تمارين التنفس العميق
- تبدأ تقلل عادات مؤذية زي التدخين والسهر والوجبات السريعة، … الخ
- تبدأ تشرب مياة كافية وتمنع الأكل بين الوجبات
- تبدأ تحاول تبعد عن أي عادة أو سلوك يحسسك بعده بالذنب أو الخزي ..

💕 بس انت ابدأ بصدق، بخطوة، والهُدى والثبات مش منك انت !
الهدى والثبات والتوفيق منّه سبحانه ..
💕 بس انت ابدأ .🤍🤍

#الجمعة
#سيكولوجيا
#الكهف

21/05/2025

- أنا هقدر أغيره لما اصبر عليه 😍
- هي هتتغير لما احتويها بجد🥰
- كل اللي هو/ هي محتاجه إن حد يحتويه ويصبر عليه شوية !! 🫶🏻

بشوف الكلام الحلو ده كتير جداً
في جلسات العلاج النفسي والزواجي .

ناس دخلوا علاقة بكل نية طيبة وبنفسية المنقذ ، وحاطت كل أمله في قدرته الجامدة على تغيير الطرف التاني
واللي حصل إن هما اللي اتغيروا
اكتئبوا ، ومروا بsدمات كبيرة، وخرجوا مكسورين، مرهقين نفسيا، فاقدين الثقة في نفسهم وفي الناس وفي العالم .

القاعدة العامة والحقيقة اللي لازم تعرفوها :
لما ترتبط بشخص عنده اضطراب نفسي أو -طفولة نفسية- أو سمات مؤذية، وهو رافض يعترف أو رافض يتعالج و يشتغل حتى على نفسه
اعرف ان أنت اللي هتتغير معاه ، مش هو ولا حتى بعد سبعين سنة طالما بينكر مشاكله😎 .

وهيخليك تشك في عقلك، من كتر ما بيقلب عليك التربيزة، ويغير الموضوع ، ويشتتك، ويعيش دور الضحية
بدل ما يعترف ويعتذر لما يغلط ويراجع نفسه ويصلح !!

مهما كنت بتحب ، الحب مش علاج للاضطرابات هو بس بيسكنها ..

و الصبر والاحتواء مش بديل للعلاج الحقيقي
ونية ومحاولات المُنقذ لا تكفي لبناء علاقة سليمة طويلة الأمد ،و من طرف واحد !!

الارتباط أو الجواز قرار مهم ، مش بس محتاج مشاعر وفراشات ، محتاج كمان حكمة وعقل ووعي !!

الوعي بنفسك أولاً وبحدودك النفسية، وبقيمة نفسك، واحتياجاتك وقيمك ، وبخطورة الدخول في علاقة بهدف الإنقاذ والإصلاح والتغيير من طرف واحد

وقبل ما تقول هغيره
اسأل نفسك:
- هل هو أصلاً شايف إنه عنده مشكلة ومحتاج يتغير ؟!
- ولا شايف إن أنت السبب وهو الضحية ؟
وبعدين خُد القرار .

هل انت مرّيت بتجربة شبه دي، أو شفتها عند شخص مُقرب منك ؟!
شاركوني في التعليقات
ووصل كلمتك لحد لسه محتار ، وواقف على نفس الباب .🌸

#سيكولوجيا

14/05/2025

في ناس لما حصل الزلزال، قلبت الموضوع هزار وكوميديا وتريند ، كحيلة نفسية للهروب من التوتر والخوف
وده طبيعي لأن وقت الخوف الشديد ، كل واحد بيعبّر عن شعوره بطريقته .

لكن لما الهزار يزيد ويتحوّل لتهوين أو تقليل من حجم الحدث الكبير
الموضوع بيفقد معناه الأهم، وبيخلينا نعدّي من غير ما نفهم رسالة ربنا لينا !!

الحدث عظيم وبيفكّرنا بحقيقتنا كبشر :
احنا محدودين، مش مسيطرين ومتحكمين ، ضعاف قدام أحداث الكون والحياة ، ومحتاجين ربنا عشان نقدر نكمل ..

واللي ما حسش بالزلzال رحمة من ربنا بيه
مش عشان جلده تخين، ولا جامد ولا هو بنفسه زلزال ولا أي حاجة يا فنان !!

تهوين وتقليل من حجم الحدث حتى لو حيل دفاعية مستمرة والتفاعل على انه مادة للضحك
هيسرّب لقلبك حالة من الغفلة، وانت محتاج الوعي واليقظة والبصيرة الآن ..
وهيطفّي إحساس مهم كان ضروري يفضل صاحي جواك لحدما يحركك تتعامل صح .

يعني خاف من #الزلزال وشوف رسالة الخوف بتقولك انت محتاج ايه ؟!
(احرص على ما ينفعك)
#سيكولوجيا
#زلزال

13/05/2025

اطلع من دماغك !!
مش كل فكرة بتيجي في دماغك تبقى حقيقة أو واقع
ساعات بنكون مُجهدين أو مضغوطين أو حتى جعانين وتطلعلنا أفكار صعبة زي :
- أنا فاشل/ة
- وعمري ما هعرف أعمل حاجة صح
- كل الناس شايفاني قليلة
- محدش بيحبني وهفضل لوحدي
- أنا معنديش ثقة في نفسي
- هو / قاصد يستفزني/ يعاقبني

خُد خطوة لورا
راجع الفكرة
واسأل نفسك :
هل دي فعلاً الحقيقة ؟!
تقدر تثبت الفكرة بالدليل ؟
تقدر تنفيها بالدليل الواقعي ؟!
ولا مجرد فكرة مختلة أو إحساس مؤقت ؟!

و لو صاحبك حبيبك بيقول نفس الكلام ده عن نفسه
أو عن حد تاني، كنت هترد عليه تقوله إيه ؟

وحط احتمال انك ممكن تكون جعان
أو محتاج تنام ساعة زيادة
مش مكتئب ومحتاج علاج نفسي !❤️

ُل

#سيكولوجيا

10/05/2025

فصدقكِ ليس خطأكِ
وإظهار ضعفكِ ليس عيبكِ
وخذلان البعض لكِ
لا يعني أبداً أنكِ لا تستحقين . .

فإذا سلكتِ طريق التعافي، فلا تتعجّلي
واحتضني ذاتكِ بصدقٍ كما هي
دون شروطٍ تُفرَض عليكِ .

وابني في قلبكِ مأمناً
لا تهدمه خيبات
ولا يغزوه غياب
ولا تُزلزله أحكام . .

ففي كل مرة تختارين فيها سلامك
أنتِ تقتربين من الشفاء
من الأمان، ومن الحب
أكثر مما تتخيلين
حتى وإن كنتِ وحدكِ . 🌸🌸
ُنيتي
#سيكولوجيا
#في #الجلسة

25/04/2025

هل جربتَ أن تدخل كهفك النفسي ؟!

في سورة الكهف، لم يكن الكهف مجرد مكان يختبئ فيه الفتية من ظلمٍ خارجي فقط
بل كان مساحةً آمنة لتهدأ قلوبهم، ويستعيدوا اتزانهم الداخلي أيضاً ليعودوا !!

(فأووا إلى الكهف، ينشر لكم ربكم من رحمته… )(الآية 16)
كأن الله يقول لك: إذا اشتدت الفتن حولك، وزاد الضجيج والشتات، فلتكن لك عُزلتك، تأملك، ذكرك، خلوتك بنفسك، كهفك النفسي !!

لكل إنسان كهفه النفسي
كهفاً لا يهرب فيه من الواقع، بل يراجع فيه نفسه ، كهفاً آمناً لا يسكنه الخوف أو الغضب ، بل يُرمم الروح، والقلب ، والجسد ..
كهفاً لا يصمت فيه فقط، بل يسمع فيه صوته الداخلي الرحيم ، ويتواصل مع خالقه السميع المُجيب….

وقد يكون كهفك أيضاً ناصح أمين،أخ حكيم ، صديق حميم ..
أو لحظة صدق بينك وبين نفسك، أو حتى ركعتين في جوف الليل .

اختر كهفك، ملاذاً آمناً ،مُعيناً لا مهرباً، سكوناً وسكينة، لا استسلاماً، بداية رحلتك مع الحياة لا نهايتها .🤍🤍
ُني


#الجمعة

#سيكولوجيا

20/04/2025

😍😍

تظن فتيات العشرين أن النساء في سن الأربعين والخمسين
( رِجْل في الدنيا ورِجْل في القبر)

وأن غايتهن رؤية أحفادهن..

لكنّ في هذه السن
"ياااا زهووووور الحيااااة تفتّحي🌹"

مرحلة عمرية جميلة وفتيّة
من وصلت أعتابها فتحت لها باباً من النضج والحكمة والجمال وحلاوة الروح....

نساءُ تلك السن ينافسن من يصغرهن جمالاً وأناقةً وجاذبية..

ومن لازالت منهن تحتفظ برشاقتها فهي المتربعة على عرش الجمال.

نساء تلك المرحله يهتممن بأناقتهن، وعطر مسائهن.

مازالت الأمهات منهن يتدفقن حناناً ...
والشاعرات منهن يبدعن شعراً..
والرسامات منهن يلونّ الحياة بفرشاتهن ...
والباحثات منهن أكثر حماساً لإصدار كل جديد..

نساء تلك السن لازلن قادرات على حلو الكلام وعلى التثنّي والدلال وعلى التغنّي، وبثّ الحياة في جمادات اللحظات..

نساءُ تلك المرحله قادرات على صنع الحلوى
والتقاط الصور وجمع الذكريات الحميمة في صندوقهن ..

نساء تلك السن لازلن ودودات وبعضهن ولودات قادرات على الحمل والإرضاع والسهر وتربية الأولاد والأحفاد بحب مضاعف..

إنه نضج تلك السن وجمالها ياسادة ويا سيدات..

وياااا أيتها النسوة طبتم صباحاً ومساءً
وأقبلن على النور والدفء والعطر والأناقة والابتسامات الحلوة والورود والشوكلاتة.. من انفصلت او ترملت منكن ..

ومن هي مع زوج ارجوه كفاه تحكما فيها وسيطرة عليها ..
دعها تكمل حياتها بسعاده ويكفيها مامر من زمانها من تضحيات ربما لا يُعرف قدرها ولامكنون روحها وجمالها ..

اتركها لنفسها قليلاً لتبدأ وهي في اربعينها وخمسينها تقطف لنفسها زهور السعادة التي بذرتها..

ولتبدأ عشق نفسها والشراكة مع من هن كابتسامتها من صديقات وزميلات ..

هذا الكلام إهداء لكل امرأة في سن الأربعين والخمسين 😍👆👍

د. بتصرف

19/04/2025

في ناس كلمة واحدة بس ممكن تنقذهم من حافة الانهيار، وتفتح في قلوبهم باب نور وحب كانوا فاكرينه اتقفل للأبد .🌸🌸
ُني
#سيكولوجيا

19/04/2025

إنت اللي بتحط لنفسك شروط قاسية في التعامل مع الناس وبعدين تشتكي من الوحدة !!

يعني إنت اللي بتختار تعيش دايماً في حالة ترقُّب، تدور على خبايا الناس، وتشكك في نواياهم
وتحلل كل كلمة وتصرف
كإنك في مهمة تكتشف اللي ورى الوش الحلو القمر ده 😎 !

بس الحقيقة الناس مش دايماً بيخبّوا
لأنهم سيئين و مُؤذيين
أحيانًا بيخبّوا لأن عندهم مناطق ضعف لسه مش متصلّحة، أو مش قادرين يواجهوها، أو حتى بيستروا على نفسهم .

احنا بنتعامل مع الظاهر من أفعالهم وسلوكهم
مش بالنيّات ولا بالقلوب ولا اللي بيخبوه
إنت مش مطالب تكشفهم وتبرّر لنفسك تحبهم أو ترفضهم أو تبعد عنهم أو تغضب عليهم .

إنت مطالب تسأل نفسك أولاً :
أنا ليه رافضهم أو غضبان، أو متغاظ أو حتى غيران ؟!!
عشان تفهم نفسك وتعالج جروحك الشخصية ، ثم تتعامل باحترام، ووعي، واتزان !!

ممكن تشوف شخص بيقول كلام جيد ومُفيد، بيشجّع الناس على الخير ، وبيتكلم عن قِيم طيبة، بس تعرف بعدين إن حياته الشخصية فيها مشاكل، أو حد اشتكى منه، أو فيه عيب واضح . .
هل ده معناه إنك تهاجمه ولا تحاسبه ولا تفضحه ؟!
ولا معناه إن كلامه كله (كله) مالوش قيمة ؟!

مطلوب منك ببساطة تتعامل مع اللي قدامك من غير ما تحمّله أكتر من طاقته وانه لازم يكون ملاك وحياته كلها عالمسطرة
وتاخد من كلامه اللي يفيدك ويتماشى مع قيمك ومبادئك وتسيب الباقي
من غير ما تحوّله لملاك ولا شيطان !!!

من علامات نضجك وتوازنك النفسي والأخلاقي والديني كمان انك تتعامل مع الناس على قدر اللي بيظهروه
وانت مش مكلف تفتّش في نواياهم، ولا مُطالب تكتشف حقيقتهم، ولا نقصهم ولا حتى تُسيء الظن بيهم ..

لإن اللي ظاهر من الناس والمخفي مسؤوليتهم هما، والتعامل معاهم أو استجابتك ليهم مسؤوليتك انت . 🌸🌸
#سيكولوجيا
#في #الجلسة