https://www.facebook.com/109204655830368/

𝕾 𝖍 𝖎 𝖒 𝖆 𝖆, El-Qâhira (2025)

18/11/2025

الستات اللي غيروا شكل الوعي عند ملايين… وكل واحدة فيهم مدرسة لوحدها 😳🔥

لو انتي محتارة تبدأي رحلة الوعي منين…
أو مش عارفة تسمعي لمين…
فـ الأربع ستات دول كفاية يغيّروا نظرتك لنفسك، لبيتك، ولعلاقتك مع أولادك من أول أسبوع.

🎯 تعالوا نتعرف عليهم:

❌ د. هيفاء يونس
أسلوبها بسيط ومريح… بتديك طاقة تبدأ من جديد بخطوة واحدة ونيّة صافية.
https://mogtahed.com/48214/

📌 د. آلاء نصيف
بتفكرك إن الأم مش دور جانبي… دي الأساس اللي بيتبني عليه كل بيت.
https://blog.edumefree.com/185739

📌 الشيخ أحمد عبد المنعم
كلام هادي يطمن القلب… يقربك لربّنا بحب ووعي.
https://mogtahed.com/48207/

📌 أحمد أبو زيد
نصايح عملية وتطوير ذات وشغل… محتوى يساعدك تتغير خطوة بخطوة.
https://blog.edumefree.com/184680/

📌 د. هالة سمير
بتشرح الدين والتربية ببساطة وصدق… وتخليها قريبة للقلب.
https://mogtahed.com/48204/

📌 قناة سولافا
تعليم ممتع للأطفال… ضحك وفايدة ومهارات تسبق العمر.
https://blog.edumefree.com/186489

لو عايز مصادر جاهزة يوميًا:
https://t.me/bookss_summary/662

ومصادر قوية على لينكدإن:
https://tinyurl.com/bp75t8ux

📌 ودي صفحة ممتازه Mogtahed Academy
لو نفسك تتعلم تحليل بيانات أو ذكاء اصطناعي، إنجليزي، برمجه وغيره.. فهنا البداية الصح,👨‍💻🔥
https://bit.ly/47ORcoz
Mogtahed Academy

ابدأ من هنا… متابعة الناس دي كفيلة تغير يومك ✨

12/11/2025

دعونا نغرد بره السرب

Dina
بوست في حب

🥰🥰🥰

شخصيه تتحب من وهى لسه مذيعه صغيره في شبابيك #
بنوته بيور مميزه وجذابه ليها طله و روحها حلوه
وبتدى طاقه جميله نغشه وبسيطه مش معقده
شخصيه فيها براءه اللي جواها ظاهر عليها و في نفس الوقت
ليدي وسيكسي وجريئه واى حد طبيعي هيحب الشخصيه دي

كل ما تدخل عمل يطلعوا عليها نفس الاشاعه وهى بتلتزم الصمت
عمرها ما ردت ولا جرحت حد بكلمه ولا اتكلمت على حد
ولا اتجوزت حد من اللي قالوا عليهم حتى او اتضح انها على علاقه فعلا بيه عشان يعلقولها المشانق بالشكل ده

حتى لما انتهت علاقتها مطلعش تتكلم عنه لا بحلو ولا وحش

انا مش شايفه غير أن #الستات اللي بتهاجمها الايام دي
دماغها تعبانه ولا عندهم شخصيه ولا ثقه في نفسهم وغيرانين
وبيسقطوا الاشاعة بشكل لا واعي على نفسهم وحياتهم

وبعيدا عنها بقى نتكلم بشكل عام

ببساطه #الراجل لو مرتاح معاكي وفعلا بيحبك مش هيبص لغيرك
ولو حصل وحب واحدة غيرك دي مش هتبقى غلطتها متلوميش عليها
المشاعر محدش بيتحكم فيها لكن يبقى هنا قرار الرجل

!!!هيعمل ايه في مشاعره دي

لو اختياره انه يمشي يبقى لازم تسيبيه يمشي ازاى تتمسكي بيه وهو مش شايفك ومش عايزك

ولو الراجل بيحبك ومش مرتاح هيبان عليه وهيتلكك ويروح ويجي لكن مش هيقدر يبعد وهيحاول يصلح علاقته معاكي

و في نوع هو كده عينه زايغه ومش عاتق لا حلوه ولا وحشه وده طبعه
فده متزعلش عليه لا انتي ولا غيرك هيملوا عينه
ومتتعبيش نفسك لو عملتي ايه مش هيتغير

متهاجموش #ست زيها زيكم بالشكل ده
نهدى شويه عشان كل كلمه بتتقال هتكون في ميزانا يوم القيامه والحساب ده تقيل قوى

كفايه بقى رغى عشان الكلام حقيقي بقى بايخ قوي

10/10/2025

أول ما تلاقي نفسك بطلت تزعل،
إن حد ما بقاش بيسأل،
وماعدتش بتستنى تليفون أو رسالة أو حتى كلمة حلوة،
ولا حتى بقيت بتعاتب ولا بتشرح اللي مزعلك،
ولا بتسأل "هو أنا عملت إيه؟"...

ساعتها اعرف إنك خلصت!
مش خلصت من الناس.. لأ،
إنت خلصت من مرحلة اسمها: التعلق،
ومن دوامة المشاعر اللي كانت بتستنزفك على الفاضي.

لما توصل للسلام ده،
لما تبقى شايف اللي بيبعد براحته، واللي بيقرب على مزاجه،
وإنت ماشي في حالك،
من غير كسرة ولا وجع ولا حتى استعطاف..
اعرف إنك تعافيت.

دي مش قسوة،
دي راحة.. وشفا،
دي مرحلة القوة اللي بتوصلها بعد ما قلبك شال كتير وقرر يرتاح.

✋🏼 خلّي بالك من نفسك،
وما تبقاش سهل الرجوع للي سابك من غير سبب،
عشان انت غالي، حتى لو هما نسيو ده.

10/10/2025

قالت السيده فاطمة لعلى أوصيك أن تدفنى بنفسك ولا تبكى على فراقى ولا تضرب الحسن ولا الحسين

- وجاءت لحظة الفراق..
حتّى توفّيت رضى الله عنها بعد ٩٥ يوما من وفاة الرسول..

جلس سيدنا على شاردا على الرغم من إنه من هو فى قوة إيمانه وأحد رموز الإسلام الكبار، والمثال والقدوة فى الصبر والجلد قبل أن يجمع قواه بالعافية، ويأمر كل من كان فى الحجرة بالخروج منها وتركه معها وحدهما..

وما أن أغلق الباب عليه وعلى جثمانها إلا وإقترب منها وهمس فى أذنها:

(يا فاطمة أنا علي)

ويسمع كل من كان خارج الغرفة بكائه بحرقة..
لقد غسلها وكفنها بنفسه!..
وحين ساعة الخروج بالجسد الطاهر إلى المستقر الأخير، ينهار ذلك الرجل الذى حمل «باب خيبر» وحده وهو صائم، وقد عجز عن حمله سبعون رجلا، وتخور قواه وهو يبكي، ويخرج الصوت من بين شفتيه ضعيفا واهنا ويقول:

«أعينونى على حملها»

«لا شيء أثقل على الإنسان من فراق من يحب»

السلام علي تاج المؤمنين مولانا الامام علي الكرار
السلام علي زهرة الاكوان مولاتنا السيدة فاطمة الزهراء

10/10/2025

لما تبطل تحكيلك وهي مخنوقة… اعرف إنك بطّلت تبقى أمانها.
لما تنام ودموعها ف عينيها وانت نايم ولا كإنك شايف، اعرف إنك مش سندها.
لما تسكت وهي جواها وجع الدنيا ومش لاقية فيك حضن تسمع فيه صوتها، اعرف إنك وقّعت منها.
لما تبقى بتسمعها بنص ودن، وتهزر ف النص، وتغيّر الكلام… تبقى مش معاها أصلًا.
لما تبطل تسألها "مالك؟" عشان مش فاضي، وتطنش التغيّر ف نبرتها، اعرف إنك سبب التغيّر.
لما تبقى الكلمة الحلوة غالية عليك، تبقى بخيل ف أهم حاجة الست محتاجاها.
لما تضحك ع مشاعرها أو تستهزأ بدمعتها، تبقى كسرت اللي كان بيخليها قوية.
لما وجودك ف البيت يبقى تقيل، وهي تحاول متتكلمش عشان متضايقش حضرتك، ساعتها هي عايشة غُربة ف بيتها.
لما تنتقدها أكتر ما تمدحها، وتوجعها قبل ما تطبطب عليها، يبقى خسرتك مش خسارة فلوس… دي خسارة راحة.
السند يا ابني مش أكل وشرب،
ولا مصروف يتاخد وانت متضايق،
السند إنك تشيلها ف عينك قبل بطاقتك،
تبقى ضهرها وقت ضعفها، وأمانها وهي نايمة،
تبقى الكلمة الحلوة اللي بتطفي نارها،
مش السبب اللي مولّعها. ❤️

10/10/2025

من أكتر الحاجات اللي بتعمل مشاكل بين أي زوجين ومبيستوعبوش إن السبب التافه ده هو اللي عامل أزمة كبيرة بالشكل ده (الطباع المزاجية) 🫣..

ولو أي إتنين بيتعاملوا مع بعض بينهم تباعد كبير في نسبة الطبع المزاجي في حياتهم بيحصل بينهم مشاكل كتير وممكن تؤدي لانتهاء العلاقة بسبب الزهق من كثرة الاختلاف على تفاصيل الحياة اليومية 🥲..

هنتكلم هنا عن 9️⃣ طباع مزاجية بمثال بسيط يوضح الفكرة..
لكن خلينا فاكرين حاجة مهمة ، وهي إن مفيش طبع مزاجي خاص بجنس معين‼️، ممكن يغلب على جنس طبع لكن مفيش حاجة ثابتة،والمطلوب ان كل واحد يعرف طبعه وطبع اللي بيتعامل معاه ويحاول يتفاوض معاه على حلول سهل تنفيذها👌🏻.

1️⃣ درجة النشاط
تلاقي الراجل بياخد ٣ساعات في السرير بعد ما يصحى وزيهم في الحمام وزيهم على الكنبة بعد ما يخرج من الحمام عشان يرتاح من المجهود اللي عمله في الوقت اللي فات ده كله
في حين ان الست بتكون في الوقت ده خلصت الأكل ونزلت العيال المدرسة وراحت السوق جابت الحاجات اللي ناقصة في البيت ورجعت قالت تقعد على الفيسبوك شوية وتقوم تلم الغسيل وتولع على اللحمة تستوي عما جوزها يخرج من الحمام 😅
( وفيه العكس طبعا، المهم نفهم ان درجات النشاط المتباعدة بتعمل مشاكل بين أي اتنين بيتعاملوا مع بعض ولازم يحاولوا يتفاوضوا للوصول لحل وسط بينهم )

2️⃣ درجة الانتظام
تلاقي الراجل اتفق على معاد للخروج فتلاقيه في معاده بالثانية واقف عند العربية وجاهز في حين ان مراته لسه بتحمي الواد فوق وبتكيس الطماطم عشان تحطها في الفريزر قبل ما تنزل وبتفكر تغير البلوزة اللي هتنزل بيها عشان بتتخنها شوية 🫢 (والعكس موجود)

3️⃣ الاستجابة للمواقف الجديدة
تلاقي الراجل لما يتعرض لموقف جديد بيفكر بهدوء ويحاول يحله، لو ابنه وقع وفيه دم مثلا تلاقيه في ثانية لبس وكلم الدكتور ولبس الواد الچاكت وفي طريقه لباب الشقة 🏃🏻‍♂️ في حين ان مراته بتعيط من الخضة جوه ومش عارفة هي الطرحة كانت بتتلبس ازاي والدبابيس بتقع من ايديها وبتزعق لجوزها عشان يستناها تيجي معاه 😭 (والعكس موجود)

4️⃣ التكيف
تلاقي الراجل معندوش مشكلة إنه يغير الشقة ولا العربية وبيتكيف في ثواني في سرير الفندق ويروح في النوم، في حين تلاقي الست مش قادرة تسيب الشقة اللي اتجوزت فيها ولا الهدوم اللي اتعودت عليها، ولو حد كسرلها كوباية من النيش مش هيطلع عليه صبح 🪓 (والعكس موجود)

5️⃣ درجة التشتت
تلاقي الراجل بيتشتت من أقل شئ وبيعمل كل مهمة في حياته منفردة وميعرفش يكوي قميص وهو بيتفرج على برنامج حتى 👀 ، أما الست بتغسل الهدوم وهي بترضع الواد وبترد على كومنتات وبتتفرج على مسلسل وبتخطط هتجيب إيه لجوزها في عيد ميلاده وبتفتكر ذكرياته المنيلة اللي نسي يجيبلها فيها هدية عيد ميلادها (والعكس موجود)

6️⃣ المثابرة
تلاقي الست لما تحط حاجة في دماغها بتحاول توصلها بمليون طريقة لحد ما توصلها أو توصل لحاجة شبهها👌🏻، في حين إن الراجل مع أول خصم في الشغل بيتعصب ويشتم المدير ويسيب الشغل ويشحت هو ومراته وعياله لحد ما يلاقي شغل تاني (والعكس موجود)

7️⃣ شدة التفاعل
تلاقي الست لما تجيبلها هدية أو تعملها مفاجأة تفرح وتهلل وتخدمك ٤ أيام متواصلة بعينيها، في حين تلاقي الراجل بيستلم منك الهدية كإنه بيستلم أوردر إسدال صلاة من مندوب وآخره يقولك شكرا يا حبيبتي 🥲 (والعكس موجود)

8️⃣ شدة الحساسية
تلاقي الست بتتأثر من أقل كلمة وتفرح من أبسط فعل 🥰، في المقابل تلاقي الراجل معندوش أدنى إحساس بالكوكب اللي عايش عليه، ويوم ما يتأثر أوي يعني بيقوم من على الأكل خفيف (والعكس موجود)

9️⃣ جودة المزاج
تلاقي الست بتصحى من النوم فرفوشة وبتهزر وحاجة عسل كده، في حين تلاقي الراجل بياخد ٣سنين ضوئية عشان يصحصح و٣ سنين زيهم عما يفتكر خير اللهم اجعله خير هو احنا كنا بنضحك ازاي 😂 (والعكس موجود)

🔸الطباع المزاجية التسعة دول على أد ما هما شكلهم بسيط على أد ما تأثيرهم بيكون قوي جدا على إنهاء العلاقات
لإن استخدامهم يومي ومتكرر جدا جدا، وده بيخلي الضغط بين الاتنين مستمر، ومع الوقت بيزهقوا من شدة الاختلاف، لإن كل واحد مستني من التاني إنه يكون شبهه في طبعه عشان يثبت حبه أو اهتمامه وتقديره
لكن محدش بياخد باله ان الطباع المزاجية دي، تغييرها يكاد يكون مستحيل، إلا بسعي الشخص نفسه للتغيير من خلال التدريبات النفسية👌🏻

💡ولذلك ضروري تعرف طبعك وطبع الشخص اللي بتتعامل معاه، سواء شريك حياة أو ابن أو أي حد حابب تحافظ على علاقتك بيه 🤍.

09/10/2025

خد بالك من مراتك..
ماتتطمنش بس إن الأكل على الترابيزة، أو إن الغسيل متطبق، أو إن العيال كويسين.

اسأل عليها زي ما هي طول الوقت بتسأل على بيتك وولادك.
بجدية.. وباهتمام.. وبحب يخليها تحس إنك شايفها.

هي أكلت؟
هي ارتاحت شوية؟؟

بص في وشها كويس.. هتلاقي علامات التعب واضحة.

افتكر دايمًا إنها مش مجرد “الأم” اللي بتجري ورا المسؤوليات،
هي ست ليها قلب وأحلام وروح عايزة اللي يحتويها.

وأوقات كتير، كل اللي محتاجاه منك كلمة بسيطة تقوللها:
“
أنا واخد بالي منك .. أنا جنبك..♥️

08/10/2025

👑 الست اللي قيمتها عالية مش هتعرفها من لبسها ولا من شكلها ولا حتى من شهاداتها.
هتعرفها من طريقتها في تحط حدود لنفسها.
من قدرتها تقول "لأ" من غير تردد، وتمشي من أي مكان أو علاقة مش شايفة فيها احترام حقيقي ليها.

الست اللي تستحق التقدير، عمرها ما بتطلبه،
هي بتخلي اللي حواليها يحترموها غصب عنهم لأنها هي أصلاً بتحترم نفسها ومقدّراها.

مش هتلاقي في حياتها راجل يتعامل معاها باستهتار،
ولا صاحبة تقل أدبها وتضحك،
ولا قريب يتكلم كلام خارج وهي تسكتله.
حياتها دايمًا فيها نظام، روقان، وجودة عالية،
كل حاجة فيها ماشية على مستوى يناسب قيمتها.

الست اللي قيمتها غالية ما بتبررش ليه مكملة في علاقة بتوجعها،
ولا بتمسك في حتة مؤذية علشان "مش قادرة تبعد" أو "عايزة سند".

هي مش محتاجة ماركة غالية، ولا راجل يكمّلها، ولا شهادة ترفعها.
هي عارفة قيمتها كويس،
وحاسة إنها غالية كفاية من غير ما تثبت ده لأي حد.

وسهل جدًا تمشي من أي وضع مش مريحها،
زي ما الواحد بيتقرف من أكل بايظ ممكن يضرّه،
هي كمان بتتعاف من الناس اللي بتسمّم روحها.

الست اللي قيمتها عالية مؤمنة إنها هي نفسها القيمة،
بتصون قلبها، وتحافظ على نقاء روحها،
وعمرها ما بتقبل مساومة على اللي جواها.

وعارفة إن كل حاجة حلوة بتكسبها في حياتها مجرد إضافة،
لكن الأصل، الجوهر، والبهاء الحقيقي...
هو هي ❤️

23/07/2025

#شيخ #الأزهر يطلق نداء عالميا ويستصرخ أصحاب الضمائر الحية لتحرك فوري لإنقاذ أهل #غزة من المجاعة

القاتلة

يطلق الأزهر الشريف صرخته الحزينة ونداءه العالمي المكلوم، الذي يستصرخ به أصحاب الضمائر الحية من أحرار العالم وعقلائه وحكمائه وشرفائه ممن لا يزالون يتألمون من وخز الضمير، ويؤمنون بحرمة المسؤولية الإنسانية، وبحقوق المستضعفين والمغلوبين على أمورهم وعلى أبسط حقوقهم في المساواة بغيرهم من بني الإنسان في حياة آمنة وعيش كريم، من أجل تحرك عاجل وفوري لإنقاذ أهل غزة من هذه المجاعة القاتلة، التي يفرضها الاحتلال في قُوَّةٍ ووحشية ولا مبالاة لم يعرف التاريخ لها مثيلاً من قبل، ونظنه لن يعرف لها شبيها في مستقبل الأيام.

ويعلن الأزهر الشريف أن الضمير الإنساني اليوم يقف على المحك وهو يرى آلاف الأطفال والأبرياء يقتلون بدم بارد، وأن من ينجو منهم من القتل يلقى حتفه بسبب الجوع والعطش والجفاف، ونفاذ الدواء، وتوقف المراكز الطبية عن إنقاذهم من موت محقق.

ويشدد الأزهر على أن ما يُمارسه هذا الاحتلال البغيض من تجويع قاتل ومتعمد لأهل غزة المسالمين، وهم يبحثون عن كسرة من الخبر الفتات، أو كوب من الماء، ويستهدف بالرصاص الحي مواقع إيواء النازحين، ومراكز توزيع المساعدات الإنسانية والإغاثية لهو جريمة إبادة جماعية مكتملة الأركان، وأن من يمد هذا الكيان بالسلاح. أو يشجعه بالقرارات أو الكلمات المنافقة، فهو شريك له في هذه الإبادة، وسوف يحاسبهم الحكم العدل. والمنتقم الجبار، يوم لا ينفع مال ولا بنون، وعلى هؤلاء الذين يساندونهم أن يتذكروا جيدا الحكمة الخالدة التي تقول: "أكلنا يوم أكل الثور الأبيض".

إن الأزهر الشريف وهو يغالب أحزانه وآلامه، ليستصرخ القوى الفاعلة والمؤثرة أن تبذل أقصى ما تستطيع لصد هذا الكيان الوحشي، وإرغامه على وقف عمليات القتل الممنهجة، وإدخال المساعدات الإنسانية والإغاثية بشكل فوري، وفتح كل الطرق لعلاج المرضى والمصابين الذين تفاقمت حالتهم الصحية نتيجة استهداف الاحتلال للمستشفيات والمرافق الطبية، في انتهاك صارخ لكل الشرائع السماوية والمواثيق الدولية.

هذا؛ وإن الأزهر الشريف ليبرأ أمام الله من هذا الصمت العالمي المريب، ومن تقاعس دولي مخز لنصرة هذا الشعب الأعزل، ومن أي دعوة لتهجير أهل غزة من أرضهم، ومن كل من يقبل بهذه الدعوات أو يتجاوب معها، ويحمل كل داعم لهذا العدوان مسؤولية الدماء التي تسفك، والأرواح التي تزهق، والبطون التي تتضور جوعا في غزة الجريحة، وَسَيَعْلَمُ الَّذِينَ ظَلَمُوا أَيَّ مُنقَلبٍ يَنقَلِبُونَ).

هذا؛ وإن الأزهر الشريف ليدعو كل مسلم أن يواظب على الدعاء لنصرة المظلوم بدعاء نبينا الذي تحصن به: "اللَّهُمَّ مُنْزلَ الكتاب، ومُجْرِي السَّحاب وهازم الأحزاب، اهْرَمُهُمْ وانصرنا عليهم".

19/07/2025

أن تتزوج حبيب عينك!

أن يتحول مَن لا تستطيع لمس يديْه إلى مَن إذا لمَسته تأخذ على ذلك أجر!

أن يتحول مَن يستأذن لدخُول بيت الأهل إلى أول مَن يُسئَل عنه إذا غاب!

أن يكُن وجهُه أول ما تفتح عينك عليه!

«الزواج ميثاق غليظ ميثاق مرِن ولطيف يُحلل ما حرَّم ويُبيح ما لم يكُن متاح»

18/07/2025

واحد خليجي علي تويتر سأل كم عدد الرقاصات في مصر، بيتريق..
و رد عليه أستاذة مصرية فاضله أميمة جابر💓💓:

فعلا مصر مليانة رقاصات و شحاتين ، و أزيدك من الشعر بيتا ، و آلاف العاهرات و
القوادين و اللصوص ، إحنا أمة ، عندنا العاهرات ممكن تكون بعدد دول كامله . لكن
عندنا كمان أضعافهم مضاعفة مئات المرات علماء و عمال و فلاحين و أدباء و فنانون
و مفكرون ، عندنا مصطفى مشرفة و مصطفى حسين و مصطفى السيد و زويل و مجدي يعقوب
و أم كلثوم و عبدالوهاب و عدوية و منير و عمر الشريف و الخطيب و شلتوت و طنطاوي
و الحصري و محمد رفعت و النقشبندي و الشعراوى .
إحنا شعب محتك بالحضارة أخذا و عطاء.
مصر في أسوأ قرونها و أزماتها حازت نوبل ثلاث مرات ، تاريخنا عند الدنيا علم
يدرسونه لاولادهم اسمه ( علم المصريات ) ، إحنا العالم ترجم رواياتنا و قراها
جزءا من تراث الإنسانية ، عرضنا أفلامنا في كان و فينيسيا ، عندنا عاهرات في
المهندسين اكتر من شعب بعض الدول كامله و عندنا كمان طبيبات و معلمات و مهندسات
و عالمات وملكات ، عندنا فريق كورة و فنانين و أدباء و فلاسفة و عمال و فلاحين و بدل
الجيش تلاتة .
مصر بلد في ملعب الحياة بنلعب بلاعبينا ، نحتل العالم مرة ، يدخلنا الهكسوس ،
نطردهم ، نعمل إمبراطورية ، يحتلنا الرومان ، نبلعهم و نهضمهم نطلعهم مصريين ،
يدخلنا العرب ، نقودهم ، ننهزم و ننتكس ، ننتصر و نحرر الأرض ، يوم ما نقول
اشتراكية تبقى موضة المنطقة ، نرجع نقول سوق حر تتقلب الموضة ، الإرهاب يضربنا
نقوي و لا نضعف ، عندنا اسود تطلع بالدبابة كأنها طالعة مطب صناعي ، بيموت لنا
ألف شهيد نجددهم مليون بطل هو مشروع شهيد ، إحنا المصريين قيمتنا في نفسنا من
آلاف السنين .

عندما كان شكسبير ﻓﻰ إﻧﺠﻠﺘﺮا ﯾﻜﺘﺐ ﻣﺴﺮﺣﯿﺎﺗﻪ ﺷﻌﺮا لم ﺗﻜﻦ أﻣﺮﯾﻜﺎ .. ﻗﺪ وﻟﺪت ﺑﻌد
ﻣﻊ أن ﺷﻜﺴﺒﯿﺮ ﯾﻌﺪوﻧﻪ ﻓﻰ "ﺗﺎرﯾﺦ اﻷدب ﺷﺎﻋﺮاً ﻣﻦ ..اﻟﻌﺼﺮ اﻟﺤﺪﯾﺚ

ﻋﻨﺪﻣﺎ ﻛﺎن اﻟﺸﺎﻋﺮ اﻟﺮوﻣﺎﻧﻰ "أوﻓﯿﻨﺪ" ﯾﻜﺘﺐ ﺷﻌﺮﻩ ﻟﻢ ﺗﻜﻦ اﻟﺪﻧﯿﺎ ﻗﺪ ﻋﺮﻓﺖ ﺑﻌﺪ ﺷﯿﺌﺎً إﺳﻤﻪ.. "إﻧﺠﻠﺘﺮا"

ﻋﻨﺪﻣﺎ ﻛﺎن اﻟﺸﺎﻋﺮ اﻟﯿﻮﻧﺎﻧﻰ ﻫﻮﻣﯿﺮوس ﯾﻨﻈﻢ ﻣﻠﺤﻤﺘﻪ اﻹﻟﯿﺎذة ﻛﺎﻧﺖ اﻷﻣﺔ اﻟﺮوﻣﺎﻧﯿﺔ ﻛﻠﻬﺎ ﻣﺎزاﻟﺖ ﻓﻰ ﺟﻮف اﻟﻌﺪم

فحين ﻛﺎن ﻫﻮﻣﯿﺮوس ذاك ﯾﻨﻈﻢ ﻣﻠﺤﻤﺘﻪ ﺗﻠﻚ ﻓﻘﺪ ﻛﺎﻧﺖ ﻣﺼﺮ ﻗﺪ أﻣﻀﺖ ﻣﻦ ﺗﺎرﯾﺨﻬﺎ أرﺑﻌﯿﻦ ﻗﺮﻧﺎً ﺗُﻨﺸﻰء.. أدﺑﺎً وﺷﻌﺮاً ودﯾﺎﻧﺔ

عندما كان العالم و الخلق اجمع يسكن الجحور و ينامون فى العراء كان اجدادى
يسكنون القصور و القلاع و المعابد التى بنيت من الذهب و الفضه.

فالارض الوحيده التي تجلي الله عليها و تكلم فيها ... هي مصر
و الدوله الوحيده التي ذكرت في القرآن صراحة هي مصر
و الدوله التي قرن اسمها في القرآن بالامن و الامان هي مصر
و الدوله التي اقترن اسمها بخزائن الارض في القرآن هي مصر
و الدوله التي اقترن اسمها و شعبها بمباركة الله في الانجيل هي مصر
و الدوله التي علمت العالم الكتابه و نشأ من اهلها سيدنا ادريس اول من خط بالقلم في التاريخ هي مصر
و الدوله التي لجأ اليها سيدنا ابراهيم من ظلم اهله هي مصر
و الدوله التي لجأ اليها سيدنا يعقوب و اخوات يوسف من المجاعه هي مصر
و الدوله التي لجأ اليها السيده العذراء و سيدنا المسيح عليه السلام هي مصر
و الدوله التي لجأ اليها آل بيت سيدنا محمد بعد ما تم مطاردتهم و تقتيلهم و نكل
بهم في العراق و الشام ... هي مصر ... حتي ان السيده زينب دعت لمصر و شعبها
الدعاء الشهير " يا أهل مصر، نصرتمونا نصركم الله، وآويتمونا آواكم الله، وأعنتمونا أعانكم الله، وجعل لكم من كل مصيبة فرجًا ومن كل ضيق مخرجًا"
و السيده هاجر المصريه ... هي من خرج من رحمها سيدنا اسماعيل ابو العرب جميعا
و الدوله التي اوصي بها و بأهلها خيرا النبي محمد هي مصر
فاعلم وانتبه ان حين انحنت مصر وظنوا انها انكسرت كانت فقط تربط بيادتها استعداداً للحرب.

إبراهيم الخليل عليه من الله أفضل الصلوات والتسليمات.. تزوج من السيده سارة
ولم تنجب.. ثم تزوج هاجر المصرية العظيمه.. فأنجبت له إسماعيل عليه السلام خير
أبناء الدنيا طاعة لأبيه.. ومن ذريته جاء العرب فلما تملكت الغيرة من السيده
ساره.. أمر الله نبيه إبراهيم ب عزل السيده هاجر عنها واسكانها بواد غير ذي زرع
ثم أنجبت السيده سارة ب أمر الله على كبر ولدها إسحاق... ومن ذريته جاء بنو
إسرائيل مما سبق... فمصر موجوده قبل العرب وقبل بنو إسرائيل.
العرب الحاليين أبناء إسماعيل وبنو إسرائيل أبناء إسحاق ومن بعده يعقوب وهاجر
كانت موجوده قبل إسماعيل وقبل إسحاق.

‎ولكن … لماذا المصرية هاجر ..!!؟؟
‎انه درس التاريخ … انها تعاليم الله …!!

‎المصرية صابره .. المصرية قوية .. المصرية ذات عزيمة وجلد.. المصرية رحمها خصب ياتي ب اعظم الرجال( اسماعيل عليه السلام ) … المصرية رمز للحياه … تجعل الصحراء الجدباء التي لا زرع فيها ولا ماء .. تجعلها ام القرى ومقصد العبيد والامراء ..!!!
‎المصرية مؤمنه بربها راضية بقضاءه واثقه في علمه وحكمته … صدق ايمانها جعل رب البيت يجعل لها منسكا خاصا من مناسك الحج ( الصفا والمروه ) … ويشرب العالمين ماءا عذبا من تحت قدم ولدها …!!!
‎ المصريات تراهن مرفوعات الهامه .. رؤسهن تناطح السحاب .. تجلس على عرش مصر بجوار ملكها … واحيانا تجلس بعظمتها وحيده على العرش .. محركة جيوشاً باكملها …ومتحكمة بعقلها الفذ في مصائر البلاد والعباد بمنتهى الحكمه والقدرة …!!!

‎عندما خرجت المصرية من بلدها خرجت مرتين … مرة تزوجت خليل الرحمن وانجبت إسماعيل عليه السلام .. وكونت امه وشرعت منسكا من مناسك الحج …!!!

‎والمرة الثانيه خرجت مارية القبطية رضي الله عنها لتتزوج خير خلق الله ..سيدنا محمد صل الله عليه وسلم وبارك .. فانجبت له ولده الوحيد ابراهيم … ووضعت قدما للمصريين في بيت النبوة .. وانه شرف لو تعلمون عظيم …!!!

‎وعندما جلست المصرية على عرش مصر .. حكمت حتشبسوت الدولة المصرية 21 عام … جعلت مصر خلالها اعظم قوة عسكرية في العالم .. ووصل الاقتصاد المصري الى مستوى غير مسبوق … ويشهد على ذلك معبدها الذي يعتبر قبلة الباحثين عن عظمة مصر وعظيماتها …!!!

حتى عندما غنت المصرية … اصبحت كوكب الشرق .. اقوى حبال صوتيه لامراءه في العالم .. انها السيده أم كلثوم … غنت للعاشقين .. غنت للنبي العدنان … غنت لمصر المحروسة … جابت كل دول العالم لتجمع بصوتها الاموال للمجهود الحربي … فاستحقت الاحترام والتقدير ..!!!

مصر جاءت ثم جاء التاريخ ثم جاء العرب ثم جاء بنو إسرائيل.
تحدث الله تعالى عن بلاد العرب فقال " تلك القرى"... وتحدث عن مصر فقال " فأرسل في المدائن حاشرين
أي أنه عندما كان العرب يسكنون الخيم والعراء ويطلق على بلادهم قرى كانت مصر مدن عظيمه بكل ما تحمل كلمه مدينه من معنى في الرقي والتحضر والعلم والمعرفه والنظافة والقوة العسكرية والاقتصاد

عندما كان العرب همج يقطعون الطرق ويغير بعضهم على بعض ويقتلون ويسلبون وينهبون
بعضهم البعض ويعيشون عيشة الغاب قال الله عن مصر "رب السجن أحب إلي مما يدعونني
إليه".. (لم و لن اتطرق الى ظلم يوسف عليه السلام.. ولكنى اعلق عن هيكل دوله)
كانت مصر دولة بمعنى الكلمه شرطه وقضاء وسجون عقابيه لمن يعتدي ولمن يظلم أو يقتل

نحن لسنا عربا نحن أحفاد الملوك و الملكات عرفنا الإله الواحد من قبل إبراهيم عليه السلام نحن أول الموحدين أول من كتب بالقلم علي يد النبي إدريس نحن موجودون من عصر اول الرسل نوح فعندما رأي نوح عليه السلام صلاح وعزة ونعم مصر دعى لها وقال عنها: "أم البلاد وغوث العباد"

منا من رأي اليهودية هي دين الحق فاعتنقها مع رسالة موسى العظيم عليه السلام و منا من رأي المسيحية هي الدين الحق فاعتنقها عند زيارة الطاهرة المصطفاه مريم العذراء وابنها المسيح عليه السلام ومنا من رأي الإسلام هو الدين الحق فاعتنقه عند تحرير عمرو ابن العاص مصر من طغيان الرومان

عشت و عاش وطنى و شعبى و اجدادى و احفادنا مرابطين مناضلين مضحيين من اجل ارضها و جعل
رايتها خفاقه أبيه فبتاريخها وعظمتها و شموخها هى مصــر

وتذكروا جيداً مقولة بطل الحرب والسلام الزعيم الراحل أنور السادات " .
وربما جاء يوم نجلس فيه معًا لا لكي نتفاخر ونتباهى، ولكن لكي نتذكّر، وندرس، ونُعلّم أولادنا وأحفادنا جيلًا بعد جيل قصة الكفاح ومشاقه، مرارة الهزيمة وآلامها، وحلاوة النصر وآماله.

نعم! سوف يجئ يوم نجلس فيه لنقص ونروي ماذا فعل كل منا في موقعه، وكيف حمل كل منا أمانته وأدّى دوره، كيف خرج الأبطال من هذا الشعب وهذه الأُمّة في فترة حالكة ساد فيها الظلام، ليحملوا مشاعل النور وليضيئوا الطريق حتى تستطيع أُمّتهم أن تعبر الجسر ما بين اليأس و الرجاء".

و اتحدث الى مصر الى وطنى الحبيب واقول لها احبك يا مصر حملتك بين الحنايا و بين الضلوع و رسمتك فوق الجبين وطن شامخ، عشقتك صدراً بدفء وإن طال فينا زمن الحنين فلا تحزنى على زمان جحود حقود فتنته أشد من حقيقته، من زمان ازقناك فيه هموم السنين، سنعود و سنبنى الامجاد سوياً يا وطنى أحبك يا مصر.

مصر ليست دوله تاريخيه، مصر جائت ثم جاء التاريخ.

𝕾 𝖍 𝖎 𝖒 𝖆 𝖆

18/11/2025

12/11/2025

10/10/2025

10/10/2025

10/10/2025

10/10/2025

09/10/2025

08/10/2025

23/07/2025

19/07/2025

18/07/2025

Address

Website

Alerts

Shortcuts

Share