23/09/2025
👩⚕️ الطبيبة: عندي ندبات أو آثار جروح أو حروق مضايقاك؟
👨🦱 المريض: أيوه يا دكتورة، بجد مأثرة عليّ نفسياً… وعايز أخلص منها خصوصًا في كريم ممكن يشيلها؟
👩⚕️ الطبيبة: بصراحة… مفيش أي كريم يقدر يمسح الأثر تمامًا. في كريمات زي اللي بتحتوي على سيليكون، لكن دي لازم تبدأ بعد أول أسبوع من الإصابة ولمدة ٣ شهور، وبتساعد تقلل شكل الأثر… لكنها مش هتخليه يختفي خالص.
👨🦱 المريض: طب واللي بيتقال في الصيدليات عن كريمات غالية بتشيل الندبات؟
👩⚕️ الطبيبة: ممكن تخفف شوية، لكن مستحيل تشيل الأثر ١٠٠٪.
👨🦱 المريض: طب أعمل إيه؟
👩⚕️ الطبيبة: الحل الأقوى والأوضح هو الليزر. بيجيب نتيجة ممتازة مع الندبات، لكن محتاج وقت وصبر.
👨🦱 المريض: طيب ممكن يروح في شهر؟
👩⚕️ الطبيبة: مستحيل. الليزر بيتعمل جلسة كل ٣ أسابيع تقريبًا، والنتيجة تدريجية مش فورية. علشان كده لو عندك مناسبة قريبة، لازم تبدأ بدري.
👨🦱 المريض: يعني ممكن أبدأ بعد ما الجرح يقفل على طول؟
👩⚕️ الطبيبة: أيوه، نقدر نبدأ بالليزر بعد أسبوع أو أسبوعين من التئام الجرح. وكل ما تبدأ أسرع، كل ما النتيجة بتكون أحسن.
د.،رندا سيف النصر
