صيدليات صحتك- Sehatak pharmacies

صيدليات صحتك- Sehatak pharmacies صيدليات صحتك (أدويه ومستحضرات تجميل)

03/09/2023


اهم اعراض المتحور الجديد 👉👉👉
أول يوم تكسير جسم او حراره 😢
صداع 😢
تالت يوم مغص او اسهال 😢
الاعراض بتستمر مع تغير شدتها من اسبوع لاسبوعين
👈👈👈 كبار السن واصحاب الامراض المزمنه 👉👉👉👉
بيظهر معاهم دوخه ودوار واوقات هبوط للضغط 😱😱
💥💥💥 العلاج ادويه للاعراض وراحه تامه راحه تامه 💥💥
❤️❤️ دمتم بصحه ❤️❤️

ندوه توعيه للوقايه من الانيميا وامراض سوء التغذيه ❤️❤️
28/08/2023

ندوه توعيه للوقايه من الانيميا وامراض سوء التغذيه ❤️❤️

17/08/2023

حذرنا وللاسف تم اثبات متحور 5Eg
ياريت كلنا نلتزم دمتم بخير ❤️❤️

14/08/2023


💥💥 كلنا ناخد بالنا 💥💥
أعراض ( دور البرد ) 🤣😉 ها المنتشر اليومين دول
غريبه ومختلفه من شخص للتاني ( وده بيستدعي بعض الحرص)
💥 💥مش عايزين كورونا تاني 😢💥💥
١-مريض الزم المنزل وخد علاج الاعراض اللي بتظهرلك بدون تأخير
٢- نتجنب التلامس والمسافات القريبه والاماكن المغلقه
٣- مرضي الحساسيه منقطعش جرعات البخاخ او العلاج الخاص بينا او نهملها الفتره دي
٤- الاطفال والرضع نعزلهم عن بعض قدر المستطاع لو واحد اتصاب
❤️❤️ دمتم بصحه ❤️❤️

12/07/2023


💥💥 إزاي تساعد طبيبك يعالجك صح 💥💥
❤️ تعالي ندردش ❤️

إنت تعرف ان فيه مراحل للعلاج👌👌💯

١- معالجه الاعراض فقط دون حل المشكله الرئيسيه للمرض 👇
واللي عاده بتكون بأول زياره مع طلب تحاليل او فحوصات👇
🤣 واللي في اغلب الاوقات بنرتاح فمبنعملهاش 🤣

٢- مرحله التشخيص الدقيق للمرض بناءا علي نتائج التحاليل او الاشاعات او الاتنين ع حسب الحاله وهنا طبيعي الطبيب بيغير الانواع للانواع العلاجيه لاساس المشكله بعد ماحضرتك ارتحت لتجنب تكرارها لاقدر الله 👌👌

٣- اصحاب الامراض المزمنه متابعه اخيره لقياساتهم مع المعرفه الكامله بإيه الانواع اللي هتستعمل باستمرار وإيه عند اللزوم 👌👌وباقي التعليمات الطبيه لتجنب الأزمات الصحيه المؤثره👌

👊💥💥👊👊👊 سؤال مهم 👊💥💥💥👊👊

🤔 إيه الحالات اللي ممكن فيها الاكتفاء بمعالجه الاعراض 🤔

١- ألأمراض الموسميه ( الانفلونزا - البرد - الحساسيه الموسميه - الاسهال - الامساك - مشاكل الهضم الطبيعيه ....)

٢- لو فعليا مريض مزمن ( ضغط او سكر و......) والكشف لمشكله طارئه واصلا مرتاح ع علاجات دائمه عندك ويفضل توضيح ده للطبيب 👌

٣- لو فيه ظروف سفر او ماديه او انشغال ممكن تمنعك من تكمله الفحوصات وبرده ياريت توضيح ده للطبيب 👌 لانه هيراعي انك محتاج علاج لراحه مؤقته لحين ماتقدر تكمل فحوصاتك والصح في اي امراض مزمنه انك تكملها وتهتم ان أقرب فرصه يحصل👌👌👌👌👌👌👌👌👌👌👌👌👌👌 👌👌

🔥 الاميبا وسوء الهضم وآلام المعده 🔥 ❤️معلومات هامه للكل ❤️المريض 🧔 يادكتور عندي ...
10/07/2023


🔥 الاميبا وسوء الهضم وآلام المعده 🔥
❤️معلومات هامه للكل ❤️
المريض 🧔 يادكتور عندي آلام ومغص بالمعده اوقات كتير
وعملت تحليل البراز ده 👌👌
أنا 🥼 نتيجه التحليل وجود حويصلات انتميبا ( عذرا لو الاسم
عربي فيه خطأ ) وسوء هضم وتخمر
المريض🧔 بس انا اتقالي طالما متحوصله فهي عندنا كلنا
ومش هتروح ومفيش منها مشكله
أنا 🥼 معلومه غير كامله لان الانتميبا ليها شكلين والمتحوصله
بتكون صعبه وبتاخد وقت اطول وانواع علاج اطول
👈 وطالما ظهر اعراض بسببها يجب العلاج ولو لتقليل النسبه

وبخصوص مفيش منها مشكله ( فده المفروض ) لكن مع
اغلب الحالات زي حضرتك بيظهر سوء الهضم والمغص
خاصه مع اكل 🔥الخضروات الطماطم البرتقال الاندومي🔥
ومع بعض المرضي بيظهر 😢مغص فقط والبعض مغص
وسوء الهضم وغازات😢 وبعض المرضي مع اهمال الامر
وتقدم السن 👈ممكن توصل معاهم لنزيف او نزول دم
من فتحه الشرج ( أعزكم الله ) 👉👉👉

المريض 🧔 طيب يادكتور انا عرفت أبعد عن أكل الخضروات
والطماطم والبرتقال والاندومي (اطفالنا) ياتري
آكل إيه فتره التعب والعلاج ؟؟؟🤔

أنا 🥼. الارز وخبز التوست والأكلات المسلوقه مع الاعتماد علي
اقراص مهضمه للاكل لمده اسبوعين ( تعويضآ عن عدم
القدره بنصح المريض بأكل خضروات لانها ممنوعه )
❤️ أتمني تكون معلومات مفيده وتساعد معظمكم ❤️

❤️❤️ دمتم بصحه ❤️❤️

04/07/2023


🔥ارتفاع درجه حراره الجو🔥🔥 ومرضي الضغط المرتفع والمنخفض 🔥🔥🔥 ومرضي الاملاح والحصوات 🔥🔥
❤️❤️نركز مع الكام معلومه دول ❤️❤️
١- المحافظه علي شرب الماء والسوائل تجنبا للجفاف
٢- تجنب اوقات الظهيره في الحركه والتجوال
٣- حال اضطراب الضغط مع👌 مرضي الضغط👌 الخطوه الاولي الخضروات والفواكه او محاليل الجفاف لتعويض الجسم والمحافظه علي توازن الجسم اللي بنسبه كبيره بيكون سببه التعرض للجفاف بسبب حراره الجو ونقص شرب السوائل مع وجود ادويه مدرات بول ضمن العلاج
٤- 👌مرضي الاملاح 👌 الالتزام بالنصائح اللي فوق لان الجفاف ونقص السوائل هيزود فرصه تكون الحصوات وهيزود بالتالي الالام المصاحبه لها مع تأخير نتايج العلاج 👌
٥- 👌 مرضي الضغط المنخفض 👌 الخضروات والفاكهه ثم الخضروات والفاكهه مع الالتزام بنصايح شرب الكميه الكافيه من السوائل وتجنب اوقات الظهيره
❤️ دمتم بصحه ❤️

04/07/2023


🔥الحصوات والأملاح 🔥
المريض 🧔 محتاج اصرف الروشته دي يادكتور 🌹

أنا 🥼 تمام ده علاج املاح وفيه حصوات 🧐مكرره مع حضرتك 🤔

المريض 🧔 مبتروحش اصلا يادكتور انا كل فتره اكشف واعمل التحاليل واخد العلاج شويه ارتاح اوقفه ترجع تاني 😢

أنا 🥼 كدا حضرتك مش بتشرب ميه كويس خلال اليوم ومعظم اكلك وشربك فيه املاح بشكل كبير

( مانجو وفراوله وطماطم وسبانخ والقهوه والموالح بشكل عام )
👆👆👆👆👆👆👆👆👆👆👆👆👆👆👆👆👆
🔥نصايح هامه 🔥
١- شرب المياه من ٢ ل ٣ لتر يوميا
٢- تقليل والافضل منع الاكلات والمشروبات المذكوره فوق لانها بتزود تكوين الاملاح
٣- استخدام العلاج بمواعيده والاستشاره قبل الوقف للعلاج بعد الراحه لان فيه انواع وظيفتها تمنع تكون املاح جديده ودي المفروض تستمر عليها شويه بعد العلاج 👌
٤- تكرار ارتفاع الاملاح بيصاحبه زياده في نسبه الصديد بالبول
٥- تكرار ارتفاع الاملاح واهمالها احد الاسباب الرئيسيه لارتفاع ضغط الدم مع التكرار وارتفاع الدهون الثلاثيه وتحولك لمريض ضغط مزمن عافاكم الله ❤️

25/06/2023


🔥🔥حالات الأنيميا وفقر الدم 🔥🔥
المريض :🧔 محتاج اقيس الضغط
أنا 🥼 تمام الضغط منخفض وضربات القلب عاليه
المريض 🧔 هو معايا ع طول كدا وببقي دايخ وهمدان معظم اليوم
أنا 🥼 طيب عملت تحليل دم قريب 🤨
المريض 🧔 اه اصل دايما عندي انيميا وباخد العلاج ترفع وترجع تنزل تاني 🧐
أنا 🥼 تمام حضرتك مبدأيا محتاج تحليل جديد للانيميا وتراجع الطبيب لان الصح ان هيطلب منك تحاليل اضافيه لان تكرار الانيميا معناه وجود مشكله عندك في امتصاص الحديد او في جدولك الغذائي 👌👌
🔥🔥🔥معلومات هامه عن الانيميا 🔥🔥🔥
١- بيتعرض ليها معظم البنات والستات اكتر من الرجاله ( بسبب فتره الدوره )
٢- مش معني ان الدوخه والارهاق بيروحوا بعد شويه اني اهمل الانيميا لانها هتزيد وتتحول لحاله ضعف عام ( هزلان وضعف تركيز وانتباه واغماءات وتساقط شعر وجفاف وضعف نظر ) ربنا يحفظكم
٣- لو اسره بالكامل معرضه للأنيميا يبقي فيه مشكله سوء هضم او جدول غذائي مفيهوش الاكلات اللي بتحافظ علي الهيموجلوبين لازم حل جذري
٤- مش معني انك جسمك متحمل ونوبات الهبوط بعيده انك تنطش خاصه البنات ربنا يحفظهم لان دي اسباب صعوبه الحمل بعدين وظهور مشاكل صعبه وقت الحمل معاهم ربنا يرزقهم الذريه الصالحه جميعا ❤️❤️

22/06/2023


🔥حكايه اليوم المتابعه وتغيير الطبيب كلاكيت ٢🔥

عميله دائمه : دكتور بعد اذنك اصرفلي الروشته دي

أنا : الروشته باسم حضرتك فيها حقنه كورتيزون غلط تتكرر وحضرتك خدتيها الاسبوع اللي فات طبيب تاني كتبهالها ( بيتافوس امبول ) 😢

العميله : طيب الدكتور كاتبه مع العلاج
أنا : حضرتك اما غيرتي الدكتور كان الصح تبلغيه بالعلاج النوع ده مينفعش يتكرر قبل ٣ شهور
🔥العميله استجابت وكلمت الدكتور ولغالها العلاج 🔥
المريضه كانت ممكن يحصلها مضاعفات صعبه جدا من تكرار الحقنه دي دون علم
( وجود ملف للمريضه ومسحوباتها والتواصل الدائم والثقه كانوا السبب بعد ربنا عز وجل لتجنب مشاكل صحيه كتير )
🔥 استجابتك للنصيحه والاستفاده منها لمصلحتك🔥
🔥الصيدليه مش بقاله ولا مكان تدور فيه ع الارخص ولا الناقص الصيدليه علم وافاده واكمال لحفاظك علي صحتك 🔥

21/06/2023


🔥🔥 تغيير الطبيب والأدويه للأمراض المزمنه🔥🔥
المريض 🧔:
اصرفلي يادكتور الروشته دي
أنا : 🥼
🥼تمام اتفضل ( مريض سكر وضغط )
حضرتك كنت ماشي ع علاج قبل كدا ولا اول مره ؟
المريض 🧔
لا انا مريض سكر وضغط من فتره وكنت ماشي علي أدويه قبل دي ومرتاحتش عليها ..فكشفت عند الطبيب الجديد اتابع معاه
أنا 🥼
تمام حضرتك هتبدأ تستخدم الأدويه دي وهتتابع قياسات السكر والضغط لمده أسبوع 👊👊
المريض 🧔
لا ماهو انا لو مظبطش معايا بحس بيه 🧐🧐
أنا 🥼
لا حضرتك فاهم الموضوع غلط
١- السكر والضغط ممكن يبقوا عاليين ومفيش اعراض
٢- علي حسب نوع الدواء اللي حضرتك غيرتله ممكن تحتاج اسبوع علي ماتقدر تحكم عليه
٣- حضرتك مكشفتش غير عشان قياساتهم عاليه جدا معاك في الوقت ده فطبيعي الدكتور بيبقي كاتب اكتر من نوع في الاول و في الاعاده يبلغك هتوقف ايه وهتكمل ع ايه فلازم تبقي بتقيس ومتطمن اسبوع فقط 👌👌
٣- الطبيب طالما وصف ماده جديده مش مزود تركيز العلاج القديم ( بناءا علي حالتك الطبيب هو اللي هيحدد مش معني كلامي انك تزود الجرعه القديمه من نفسك ) لازم المتابعه للقياسات ومتابعه الاعادات مع الطبيب لضبط الجرعات اول باول لحد ما القياسات تكون طبيعيه 👍👍👍
❤️❤️ دمتم بصحه ❤️❤️

14/06/2023


🔥🔥حالات الاسهال والمغص عند الاطفال🔥🔥

والده الطفل : اصرفلي الروشته دي يادكتور
( فلاجيل + دايوماكت + دايجينورم + فيسيرالجين + مضاد حيوي )
أنا : تمام اتفضلي وياريت تراجعي طبيعه اكل الطفل
🔥🔥🔥 بعد اسبوع 🔥🔥🔥
والده الطفل : كررلي العلاج ده يادكتور الطفل ارتاح وبعد وقف العلاج بيومين تعب تاني

أنا : الاعراض عند الطفل ايه وهل مكرر شكاوي المعده من الطفل

والده الطفل : مغص وبيشتكي من بطنه باستمرار وريحه الحمام عنده وحشه جدا . اه ده انا كل اسبوعين اديله المطهر والمضاد الحيوي 😱😱
أنا : الطفل بيعك 🤣 وحضرتك بتكملي اللي هو بيعمله 🤣🤣

🔥بصي عشان تبقي أم شاطره 🔥🔥
١- الطفل بيعك ( يعني يبقي واكل معاكي لبن وبسكوت مثلا🤣 وينزل عند خالته تديله بيضه🤣 يعدي ع جدته تديله بطيخ ساقع🤣 جده ولاعمه عشان يحبهم جبوله بنبوني وايس كريم 🤣
🤣🤣العلاقات الاسريه تقويتها حلوه مفيش كلام 🤣🤣
بس والله هتلاقي معدتك تعبتك من اللي قولته بس 🤣

٢- فيه بكتيريا نافعه في معدتنا كلنا ( طفلك معانا 🤣) المضاد الحيوي بيموتها زيها زي البكتيريا الضاره 👊
🤣🤣 (المضاد الحيوي حافظ مش فاهم منلوموش ) 🤣🤣
👆👆👆👆👆👆👆👆👆👆👆👆👆👆👆👆👆👆
🔥 الحل والعلاج 🔥
١- عيني ع اكل الطفل واكون متأكده انه بطل يعك 🤣
٢- المضاد الحيوي لو الدكتور كاتبه وعبوه واحده مش كل اسبوع
٣- مضاد الفطريات ( ٩٠٪ من الحالات بيكون كافي كعلاج )
٤- بعد العلاج اسبوعين متابعين جدول اكل الطفل عشان الحاله متكررش
❤️❤️❤️❤️دمتم بصحه ❤️❤️❤️❤️

Address

El-Santa

Opening Hours

Monday 9am - 11pm
Tuesday 9am - 11pm
Wednesday 9am - 11pm
Thursday 9am - 11pm
Friday 4pm - 10pm
Saturday 9am - 11pm
Sunday 9am - 11pm

Telephone

+201555276735

Website

Alerts

Be the first to know and let us send you an email when صيدليات صحتك- Sehatak pharmacies posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to صيدليات صحتك- Sehatak pharmacies:

Shortcuts

Share

Category