د خالد ربيع الحلو إستشاري جراحة ومناظير الأنف والأذن والحنجرة

04/09/2025

09/08/2025

النحنحنة عادة مش كويسة
وإذا كانت غصب عنك هندور لها علي سبب عشان نعالجه
حاول تشرب ربع كوب ماء بدلا من تتابع النحنحنة

مريضتنا اليوم من كتر العادة السيئة دي مع (الحزق) حصل تورم فوق الاحبال الصوتية كما بالصورة..
وكانت حالة طواريء لاحساسها باختناق شديد وعدم قدرة علي التنفس..

زارت اتنين زملاء في نفس اليوم وتم تشخصيها انها حالة نفسية!

الصورة دي تم أخذها وتشخيصها خلال ثواني لحنجرتها من خلال تصوير حنجري مباشر خلال ثواني معدودة..
وتم اعطاء علاج طواريء لاعتدال مجري التنفس..
والحمد لله هي في حالة كويسة جدا دلوقتي..

سبب كل ده: الحزق والزعيق والنحنحة المبالغ فيها..

دمتم بخير..

08/06/2025

كل عام وأنتم بخير

تعود العيادات للعمل بعد أجازة العيد يوم غدا الاثنين ٩/٦/٢٠٢٥ إن شاء الله

*عيادة شبراقاص* :
📌 أمام المعهد الديني
فوق صيدلية ماضي
⬅️ يوميا عدا الجمعة من ١-٣،٣٠ ظهرا
للحجز 📞01022123215
*عيادة السنطة* :
📌 بجوار مستشفي راضي
أمام صيدلية د أحمد رشاد
⬅️ يوميا عدا الجمعة من ٤-٨ عصرا
للحجز 📞01022123215
*عيادة الجعفرية* :
📌 بجوار صيدلية د سامي ماضي
⬅️ يوميا عدا الجمعة بعد العشاء
للحجز 📞01008720227

18/04/2025

ليه حالات نزيف الأنف كتير اليومين دول؟؟

الجو الخماسيني الجاف اللي بنعيشه حاليا مع الأتربة بيسببوا جفاف في أنسجةالأنف المخاطية..
بالتالي تصبح الأنف جافة وتكون قشور أحيانا..
لذلك تضعف الشعيرات الدموية وقد يحدث نزيف..
خصوصا إذا حاول المريض ازالة القشور بصابعه زي الصورة أو بمناديل..

الحل:
*ترطيب الأنف باستمرار ببخاخات الترطيب أو بعض أنواع الجل..
*الاستنشاق المستمر بالماء زي الوضوء ..
*عدم النبش في الأنف تماما وتجنب النف الشديد..
*مرضي الحساسية المتعودين علي استخدام بخاخات الكورتيزون ، لما يلاقوا قشرة كتير متكونة يوقف فورا البخاخات ويستبدلها ببخاخات ترطيب…
*أقراص الحساسية مضادات الهيستامين عند الضرورة فقط..
*تجنب التعرض لتيارات الهواء والرياح والأتربة..

دمتم بخير

02/04/2025

مواعيد العيادات خلال فصل الصيف
——————

*عيادة شبراقاص* :
📌 أمام المعهد الديني
فوق صيدلية ماضي
⬅️ يوميا عدا الخميس والجمعة من ١-٣ ظهرا
للحجز 📞01022123215
*عيادة السنطة* :
📌 بجوار مستشفي راضي
أمام صيدلية د أحمد رشاد
⬅️ يوميا عدا الجمعة ٣،٣٠-٧ مساء
للحجز 📞01022123215
*عيادة الجعفرية* :
📌 بجوار صيدلية د سامي ماضي
⬅️ يوميا عدا الجمعة بعد المغرب
للحجز 📞01008720227

29/03/2025

كل عام وحضراتكم بخير

الدكتور متواجد بعيادة الجعفرية لحالات الطواريء غدا الأحد، ساعة واحدة فقط..
قبل أجازة عيد الفطر المبارك..
من الساعة ٧،٣٠ إلي ٨،٣٠ مساء- غدا الأحد لحالات الطواريء فقط..

تليفون الحجز ٠١٠٠٨٧٢٠٢٢٧

28/03/2025

الأفاضل والأحباب زوار العيادة

البوست ده للمشاركة في إبداء آراءكم في العيادة والخدمة اللي قدمناها لكم علي مدار سنوات..

الآراء الايجابية تشجعنا وتفرحنا..
والآراء السلبية سنستفيد منها ..

ولن يتم حذف أي تعليقات..
ولكم خالص الشكر والتحية..

د خالد ربيع الحلو

01/03/2025

رمضان كريم ❤
كل عام وانتم بخير
مواعيد العيادة خلال شهر رمضان ⬇

للحجز
عيادة شبراقاص ٠١٠٢٢١٢٣٢٨٥
عيادة السنطة ٠١٠٢٢١٢٣٢١٥
عيادة الجعفرية ٠١٠٠٨٧٢٠٢٢٧

01/12/2024

أخطر جسم غريب ممكن يدخل جوه الأذن أو الأنف!!

30/11/2024

جسم غريب بالأنف أوبالأذن
ازاي نتعامل معاه

بذرة برتقال حباية سوداني أو لب -خرزة-سفنجة أو ورقة أو منديل
أو حشرة زي النملة والفراشة والصرصار

03/11/2024

كل عام وأنتم بخير
مواعيد العيادة لفصل الشتاء
تمنياتي بالصحة والسلامة للجميع
🌷🌷🌷

13/10/2024

الأسئلة الشائعة حول مصل الانفلونزا

**هل المصل آمن؟
نعم آمن جدا..

**مفيد ازاي؟؟
بيقلل من ٧٠٪؜ من أدوار البرد والانفلونزا المحتملة
وبيقلل كذلك من حدة الأدوار دي في حالة الاصابة
وبالتالي تقلل مضاعفات الالتهاب الرئوي والنزلات الشعبية

**ايه الفئات اللي ممكن تاخده؟
كل الفئات تاخده عادي ماعدا الأطفال أقل من ٦ شهور أو اللي عن هم حساسية من البيض.. يستفيد منه جدا مرضي حساسية الأنف والربو الشعبي وضعاف المناعة..

**والحمل والرضاعة؟؟
آمن معاهم في أي وقت خلال الرضاعة وبعد ٣ شهور من بداية الحمل..

^*من أي سن ينفع ناخده؟
من سن ٦ شهور

**ايه موانع استخدامه؟
لو المريض عنده سخونية أو كحة ينتظر حتي الشفاء
ولو عنده حساسية من البيض مياخدش

**هل هو فعلا فعال؟
بالتأكيد فعال لمعظم الناس وده لا يمنع ان كفاءته قد تكون قليلة مع بعض الناس زيه زي معظم الأمصال

**فعال ضد فيروس كورونا؟
لا مش فعال ضد كورونا ولا الفيروسات التاجية.. فعال ضد فيروسات الانفلونزا بس..

**أعراضه الجانبية؟
نادرة وأشهرها وجع مكان المصل خلال يومين او تلاتة..

**حضرتك بتاخده شخصيا يا زكتور؟؟
من سنين وبصورة دورية لاني معرض للعدوي أكتر من غيري.. وكذلك أعطيه لأولادي وأهلي..

متوفر في نوعين هذا العام ٢٠٢٥
فاكسجريب وده موجود في معظم مراكز الصحة الحكومية بسعر رخيص حوالي ٥٦ جنيه..
وانفلوفاك موجود في الصيدليات وبنوفره للمريض في عيادتنا بسعر ٣٥٠ جنيه..

افتح الصورة لمزيد من المعلومات حول النوعين..