طبيبك الخاص "دافيد نان"

18/09/2025

أهلا بحضراتكم
دلوقتي من خلال اتصال مباشر
نقدر نتواصل تليفونيا في خلال دقائق مع حضرتك علشان نعرف التاريخ المرضي والشكوى ونقدم الخدمة الطبية اللي ممكن نكون في احتياج ليها فورا

وده اللي بنسميه الطب عن بعد أو "Telemedicine":

- ممكن ناخد استشارة طبية متميزة
- نعرف الأسباب ورا الحالة الصحية بتاعتنا
- نعرف الأدوية اللي ممكن تساعدنا، بالجرعة المناسبة، والمدة المظبوطة

- نعرف نتعامل إزاي في أي حالة طوارئ لا قدر الله اتعرضنا ليها

- ممكن نطلب التحاليل الطبية اللي محتاجينها ونتابعها
- متابعة الأمراض المزمنة زي الضغط والسكر، بتكون أسهل جدا من خلال الطب عن بعد
- ده غير الإتاحة وسرعة التواصل
- غير إننا مش محتاجين نقطع مسافة أو ننتظر في مكان...

كل ده متوفر لحضرتك لو اتصلت دلوقتي

مع د. دافيد نان
استشاري طب الأسرة
أخصائي طب الصناعات

ودكتورة جاكلين كيرلس
أخصائي طب الأسرة

Get Immediate Care

16/08/2025

حلقة مهمة جدا عن أدوية حساسية الصدر
ومدرج الأدوية
امتى نحتاج نزود جرعة العلاج أو عدد الأدوية
أسئلة مهمة جدا هنجاوب عليها في الحلقة
لو تشارك الفيديو وتعمل سبسكرايب في القناة يكون أمر جميل
دمتم في كل صحة وخير
لو عندك أي أسئلة، اكتبلنا في الكومنتي وإحنا هنرد عليك
د. دافيد نان
استشاري طب الأسرة

16/07/2025

https://sites.google.com/view/yourprivatedoctor?usp=sharing
يشرفني تزوروا موقعنا الإلكتروني وأعرف رأيكم
دمتم بكل صحة وخير

If you can't reach a medical service, our medical service can reach you! Dr. David Nan Holistic Health Service Around You!

16/07/2025

https://sites.google.com/view/yourprivatedoctor?usp=sharing


زوروا موقعنا الإلكتروني الجديد، يشرفني أعرف رأيكم
دمتم في كل صحة وخير

If you can't reach a medical service, our medical service can reach you! Dr. David Nan Holistic Health Service Around You!

05/07/2025

أهلا بحضرتك
أتمنى حضرتك في أفضل حال دوما

ده ويب سايت بتاعي، هتلاقي فيه كل الخدمات الطبية اللي ممكن نكون كلنا بنحتاجها بعض الأوقات

التزامي بتقديم خدمة صحية ذات جودة هو الأساس اللي بأبني عليه ثقتي مع حضرتك

رجاء الاطلاع على الويب سايت...
وياريت لو أقدر أعرف الآراء اللي ممكن تطور الويب سايت وخدمتي لحضرتك

آسف للإطالة ولكن فضلا، لو من الممكن نشر هذا الموقع على وسائل التواصل الاجتماعي لحضرتك ومعارفك، أكون ممتن جدا

ممكن نبعت هنا على الواتس للتواصل وأي استفسار...

شكرا

If you can't reach a medical service, our medical service can reach you!

26/06/2025

كل سنة وحضراتكم بكل خير

07/06/2025

كل سنة وحضراتكم جميعا بكل خير

23/05/2025

Thanks for being a top engager and making it on to my weekly engagement list! 🎉 Jakleen DavidNan, ام رامز, فادي وجون, Nardeen Fady, Marian Nassan, Ebtessam Zaghloul, Melad Tawfek, Armia Fathy, Nasry Georgy, Nagwa Mouris

22/05/2025

أهلا بحضراتكم🤝
الغدة الدرقية، من أهم الغدد الموجودة بالجسم
مكانها: حول القصبة الهوائية، بمنطقة الرقبة، جهة الأمام

وظيفتها: إفراز هرمون الثيروكسين "هرمون النشاط" 💪

نقص الإفراز ⬇️: يؤدي إلى مشاكل كبيرة من أهمها؛ زيادة الوزن، نقص معدل ضربات القلب، خشونة الجلد، إمساك، تساقط الشعر، زيادة عدد ساعات النوم 😴وعدم الرغبة في الاستيقاظ، كسل وضعف عام وإرهاق وعدم الرغبة في القيام بالمهام اليومية، اكتئاب .🙎..

أهم الأسباب: التهاب الغدة الدرقية المناعي، نقص اليود في الوجبات، أو ربما بعض الأدوية والتعرض للإشعاع، أو إزالة الغدة جراحيا، أو عامل وراثي أو نقص في نشاط الغدة النخامية.

زيادة الإفراز ⬆️: سرعة ضربات القلب، قلة عدد ساعات النوم مع زيادة بالنشاط، إسهال، نقص الوزن بالرغم من عدم تغير أو زيادة الشهية، الشعور الزائد بدرجة الحرارة مع التعرق، توتر شديد...

أهم الأسباب: التهاب الغدة الدرقية المناعي أو غير المناعي، ورم حميد أو غير حميد بالغدة، زيادة اليود في الوجبات، أو ربما بعض الأدوية أو عامل وراثي أو زيادة في نشاط الغدة النخامية.

التحاليل :🧪🔬 عمل تحليل وظائف الغدة الدرقية ويشمل نوعي الهرمون بالدم والهرمون المحفز للغدة، كما يمكن عمل بعض التحاليل الأخرى التي تساعد على اكتشاف سبب المشكلة كتحاليل معدلات الالتهاب والمناعة...

العلاج 💊: حسب نوع المشكلة الموجودة يقوم الطبيب بوصف الأدوية والجرعة المناسبة أو ربما طلب التدخل الجراحي أو العلاج بالإشعاع...

طبيبك الخاص يتمنى لكم حياة بدون مشاكل الغدة الدرقية
لطلب زيارة منزلية أو استفسار طبي يرجى الضغط على زر الواتساب
دمتم بكل خير

17/05/2025

أهلاً بحضراتكم
النهاردة اليوم العالمي لضغط الدم
فحبيت أفكركم، لو نقيس الضغط نطمن أنه في المعدل الطبيعي، لأنه مفيش أي حد يعرف ضغطه كم غير من خلال القياس
مفيش علامة بتقول أن الضغط عالي، بالعكس ارتفاع ضغط الدم علميا من الأمور التي لا تسبب أعراض ملحوظة...
الصداع والدوخة وكل الحاجات اللي ممكن تقول أن الضغط عالي، لا يمكن الاعتماد عليها لأن في كثير من الأحيان بيكون ارتفاع ضغط الدم غير مصحوب بأعراض....
الحل، نقيس الضغط باستمرار ونطمن
لو عندك ضغط، وماشي على أدوية، لازم نتابع هل الأدوية فعالة والضغط في المعدل الطبيعي ولا لأ
لو عندك أي استفسار، المتابعة مثلا بتكون كل أد إيه، امتى تقيس الضغط، وأي سؤال تاني، اكتبلي في الكومنتس...
دمتم بخير
د. دافيد نان شكري
استشاري طب الأسرة
أخصائي طب الصناعات والأمراض المهنية

13/05/2025

أهلا بحضراتكم 🤝🤝
ألم الصدر 🫁 من الأمور الهامة جدا ⚠️
أسبابه كتير، منها البسيط والخطير
مش دوما بيكون مشكلة في القلب 🫀

من أكتر الأسباب:
* التهاب الرئة والشعب الهوائية أو حتى التهاب القصبة الهوائية يسمع بألم في الصدر
* ألم الضلوع، وعضلات القفص الصدري، والتهاب الغشاء المحيط بالرئة، ممكن يعملوا ألم بالصدر
* كمان التهاب جدار المعدة 🫃والمرارة وقرحة المعدة، كل ده ممكن يعمل ألم بالصدر

مشاكل القلب، زي التهاب الغشاء المحيط بالقلب، التهاب عضلة القلب، دول كمان أسباب تانية...

لكن مننساش أن ألم الذبحة الصدرية 🚫 هو أخطر مشكلة ممكن تقابلنا، لأنها للأسف مش قليلة وممكن تكون سبب في الوفاة وفي وقت قليل...

أهم الأعراض:
* ألم بالصدر، شديد، بيكون ماسك الكتف اليمين أو الشمال، ومسمع في الذراع، أو الرقبة والذقن... لكن غالبا ملوش علاقة بالثدي قوي...
* بيكون معاه في الغالب عرق شديد، وضيق بالتنفس وإحساس أن زي تقل 🪨 كبير على الصدر.
* بيزيد مع التدخين 🚬، ارتفاع ضغط الدم، السكري، زيادة دهون الدم....
* بيزيد مع ارتفاع ضغط العمل، والمشاحنات النفسية ...

الأهم، واللي محتاج حضراتكم تعرفوه كويس:
✅ ممكن يكون الألم بييجي لمدة دقائق بسيطة، وممكن يفك بعدها والمريض يرتاح، لكن ده مش معناه أنه يأجل الفحص، بالعكس ده معناه أنه يتوجه بسرعة لأقرب مستشفى 🏨، حتى لو بقى كويس، لأن الألم ممكن يرجع تاني في أي وقت وبصورة أعنف وأشد وأكثر خطورة 🚫🚫...

✅ طبعا فرصة نراجع موضوع التدخين، ونحاول نكون بنطمن على الضغط والسكر ونسبة الدهون بالدم، بالذات لو السن تجاوز الأربعين 4️⃣0️⃣....

دمتم بكل خير وبدون ألم بالصدر
يومكم جميل

د. دافيد نان شكري
استشاري طب الأسرة
أخصائي طب الصناعات والأمراض المهنية

12/05/2025

القولون العصبى
عادة بيكون مؤرق ومتعب
لكن الحقيقة ممنهوش مخاطر صحية على المدى البعيد...

ولكن
١. احتياج دخول الحمام أو ألم البطن لو صحى المريض من النوم
٢. لو كان فيه ارتفاع بدرجة حرارة الجسم
٣. لو كان فيه دم في البراز
٤. أو حصل نقص ملحوظ في وزن الجسم

الأربع علامات دول بيقولوا أن لازم نعمل فحوصات ونكتشف سبب المشكلة لأنهم مش قولون عصبي

دمتم بكل خير وبحياة مفيهاش قولون عصبي
د. دافيد نان شكري
استشاري طب الأسرة
أخصائي طب الصناعات والأمراض المهنية
للاستفسار والتواصل، اضغط علامة الواتس في الرسالة