Dr.Mai Nasser Nutrition Clinic - د. مي ناصر

Dr.Mai Nasser Nutrition Clinic - د. مي ناصر Clinical nutrition therapist and a registered dietitian with a degree in Clinical & Medical Nutrition from the National Nutrition Institute, Cairo, Egypt.
(2)

طبيبة واستشاري تغذية علاجية، هنا عشان اساعدك تكسر دايرة اليويو دايت وتعيش حياة صحية ومتوازنة! بخبرتي في علاج أمراض السمنة والتغذية المتوازنة، حساعدك تبني نمط حياة—الدايت هو فن الممكن، مفيش حلول سريعة، بندور على تغييرات دايمة. الطريق للصحة ماراثون مش سباق Member of the Egyptian Medical Association for the Study of Obesity (EMASO) and the AmericanSociety of Nutrition (ASN). I've been practicing in many fields of dietetics and aesthetic medicine including weight management, pediatric, elderly, maternity & sport nutrition, eating disorders, disease prevention and behavioral nutrition therapy. I believe that a healthy relationship with food is necessary for success. There is no diet or exercise plan that will fit the lives of every individual. The best way to achieve your goals is through individual analysis. Your nutritional plan will be based on your goals, your needs, and your body. We provide a complete range of medical aesthetic services for your body, Non-Surgical Body Contouring and Cellulite Reduction. If you are currently struggling with unhealthy eating habits or tired of seeking help from dietitians with minimal satisfying results, book a session and learn about healthy, nutritional diets that you can incorporate in your life.


علاج الوزن الزائد و البدانة
علاج النحافة و حالات سوء التغذية
تغذية متاكملة و سليمة للاطفال، المسنينن المرضع و الحامل
تغذية علاجية للحالات المرضية
تغذية سليمة و برامج خاصة للرياضيين
علاج السمنة الموضعية عن طريق بروتوكلات حقن دولية
احدث اجهزة علاج السمنة الموضوعية، الترهلات و السيليوليت
علاج السترتش ماركس
برامج خاصة لعلاج سقوط الشعر و ضعفه
برامج خاصة للحفاط على نضارة البشرة
امكانية المتابعة الالكترونية E Clinic

24/09/2025

مونجارو عامل دخول مفاجئ
الدوا اللي كلنا عرفناه كـ حل سحري و game changer في علاج السمنة ونزول الوزن… دلوقتي في أبحاث جديدة بتتكلم عن دوره المحتمل في علاج سرطان الثدي

ايه اللي جاب القلعة جنب البحر؟
السمنة أصلاً من أكبر عوامل الخطورة للإصابة بالسرطان عموما و سرطان الثدي بالخصوص ليه؟ لأن السمنة بتأثر على طريقة عمل الهورمونات ومستقبلاتها، بتخلي الجسم يفرز هرمونات بكميات أعلى من الطبيعي زي:
- الإنسولين
- الليبتين
- الإستروجين اللي بيتصنّع في الخلايا الدهنية
- IGF-1

الهرمونات دي في الأصل طبيعية ومهمة… لكن زيادتها مع السمنة بتخلق بيئة مناسبة جدااااااا لنمو وتكاثر الاورام

وهنا بييجي دور المونجارو
هو مش بس بيقلل الوزن، لكنه كمان بيحسّن استجابة الجسم للإنسولين، وبيقلل الليبتين، وبيساعد يظبط التوازن. وده اللي خلى الدراسات على الفيران تلاحظ إن أورام الثدي عندهم حجمها صغر مع العلاج

⚠️ بس لازم نفتكر: دي كلها أبحاث مبدئية ولسه معمولة على الفيران. لسه مفيش دليل قوي أو مؤكد على البشر.

الخلاصة: النتائج مبشّرة ، لكن لسه بدري، ولسه محتاجين أبحاث أكتر علشان نقدر نقول إن مونجارو له دور فعلي في الوقاية أو علاج سرطان الثدي..

#مونجارو
#تغذية

18/09/2025

في قلق وكلام كتير عن جراحات السمنة وخاصة فيديوهات جراحة السمنة للاطفال
أنا حقول رأي العلم مش رأيي الشخصي خاااالص
معايير المرضى والinclusion criteria اتحدثت لاول مرة من سنين كتير سنة 2022 التحديث الاول من سنة 1991 والتحديثات والguidelines مش يتتغير غير بناء على دراسات مطولة ومحترمة
لسنين طويلة، كان القرار إن جراحة السمنة تنفع بس للي وزنهم عالي جدًا (BMI فوق 40) أو فوق 35 مع أمراض مصاحبة زي السكر أو الضغط
التحديث الجديد (من الجمعيات العالمية ASMBS و IFSO):
أي حد BMI فوق 35 → العملية بقت خيار مطروح حتى من غير أمراض مصاحبة
من BMI 30–34.9 → العملية ممكن تتعمل في حالة وجود مرض مرتبط بالسمنة (زي السكر النوع التاني) أو لو المريض جرب كل الوسايل التانية ومفيش نتيجة مستدامة
في آسيا: الأرقام أقل لأن الأمراض بتظهر عند أوزان أقل وده مش موضوعنا
الأطفال كمان بقوا ضمن الinclusion Criteria لجراحات السمنة
زمان كان في اعتقاد إن العمليات دي للكبار بس. الجديد إن الدراسات أثبتت إنها ممكن تبقى آمنة وفعّالة للأطفال والمراهقين في مراكز متخصصة ومع فريق متعدد التخصصات
(طبيب اطفال، جراح اطفال، طبيب تغذية، معالج نفسي، مدرب متخصص) لأن ده مش قرار فردي خااالص
طيب إمتى بنوصل لنثطة ان الجراحة خيار للطفل أو المراهق؟ 🧐
شاركوني رأيكم في التعليقات… وبكرة ان شاء اللهحكتب رأي الطب والعلم بالتفصيل
#تغذية #دايت #صحة
👩‍⚕️


#

03/09/2025

سؤال بيتكرر في كل جروبات الستات
"عايزة دكتور دايت شاطر فـ حقن المونجارو"

أنا والله مخي بيعمل error 404 🤯
يعني إيه دكتور شاطر فـ مونجارو؟ دي مش حقنة بوتوكس ولا وصفة سحرية

مونجارو دواء لعلاج مرض السمنة، ليه دواعي استعمال واضحة ومش معمول عشان "عايزة أخس 5 كيلو بعد الصيف"

حضرتك مريضة سمنة فعلًا؟
جربتي تعملي دايت صحي وفشلتي تخسي؟
عارفة إن في ناس أول ما يبدأوا الدوا مش بيعرفوا يوقفوه؟

مونجارو وأخواته عملوا نقلة نوعية فعلًا في علاج السمنة، game changer
لكن مش لأي حد، ومينفعش يبقى مجرد قرار شخصي "أنا عايزة ابتدي حقن".

الموضوع مش quick fix

النزول بيحتاج شهور طويلة، وأكبر نتيجة بتبان بعد سنة أو أكتر
ولو وقفتي الدوا فجأة؟ نسبة كبيرة من الوزن بترجع

الدراسات بتقول إن بعد التوقف، الناس بيرجع لهم حوالي 60–70% من الوزن اللي فقدوه خلال سنة، وبعضهم بيرجع لكل الوزن أو حتى اكتر

الموضوع محتاج تقييم طبي، متابعة، وتحاليل… مش كبسولة سحرية ولا shortcut.
الأهم
دي أدوية جدية جدًا ومعاها آثار جانبية مش بسيطة
القرار مش "عايزة اخد"، القرار هو
هل الفايدة أكبر من المخاطر في حالتك؟
لو لأ → يبقى Big NO 🚫



23/08/2025

Big news in the fibromyalgia world
خبر مهم لمرضى الفيبروميالجيا
لأول مرة من أكتر من 15 سنة، هيئة الدواء الأمريكية (FDA) وافقت على علاج جديد للفيبروميالجيا
الدوا اسمه Tonmya، وهو عبارة عن أقراص تحت اللسان بجرعة صغيرة من مادة سيكلوبنزابرين
الاختلاف المرة دي إن الدوا مش بيشتغل بس على علاج الألم… لكن بيشتغل على تصحيح النوم العميق (slow-wave sleep)
🔑 ليه ده مهم؟
مريض الفيبروميالجيا بينام، لكن ما بيوصلش للنوم العميق اللي الجسم محتاجه:
الجهاز العصبي مبيعرفش “يعمل ريست” لمسارات الألم → فيزيد الإحساس بالألم
العضلات مبتلحقش تتعافى → ف ديما تعبان ومرهق
المخ مبيفصلش → فيظهر الـbrain fog (تشوش التركيز)

الأدوية اللي كانت متاحة قبل كده (زي Lyrica – Cymbalta – Savella) كلها كانت بتستهدف مسارات الألم العصبية عشان تقلل الإحساس بيه، بنعالج عرض مش root cause
لكن Tonmya هو أول دوا من نوعه، لأنه بيركّز على إصلاح دورة النوم نفسها
ولما النوم العميق يتحسن، الأعراض (الألم – الإرهاق – التركيز) بتتحسن كمان
الدوا اخد الموافقة: 15 أغسطس 2025 ومتوقع يتوفر في الأسواق على اخر السنة

مش معروف لسه إذا حيكون مناسب لكل المرضى أو حيغير قواعد اللعبة بشكل كامل… لكن الأكيد إنها خطوة جديدة ومختلفة جدًا
نقلة من مجرد “تسكين الألم” إلى علاج السبب الأساسي fixing the sleep architecture واستعادة جودة النوم
أتمنى إنها تكون بداية مرحلة جديدة في علاج المرض
لينك الدراسة ف الكومنت
‎
👩‍⚕️

25/07/2025

عارفة إن الكلام مش بيشبع...
بس هو ده اللي ف إيدي اساعد بيه، معذرة الي رب العالمين
أنا طبيبة تغذية، وده شغلي حكتب شوية حاجات بسيطة ممكن تنقذ حياة طفل ف غزة لو توفرت.

📌 نصايح غذائية بسيطة لأهلنا في غزة... لو في أي حاجة متوفرة:
1. شوربة العضم أو العدس أو اي بقوليات
حتى لو العضم مفيهوش لحم… يتغلى كويس ويتشرب أو يتحط عالعيش – فيه معادن وطاقة.
2. شوية دبس تمر أو عسل أسود (إن وجد)
مصدر حديد وطاقة وسكر طبيعي للأطفال اللي مش قادرين يأكلوا.
3. مياة + رشة ملح + معلقة سكر = محلول جفاف منزلي
مهم جدًا لو الطفل عنده إسهال أو مش بيشرب… ينقذ حياة.
4. لو فيه شوية زيت أو حتة دهنة صغيرة
يضاف ع الرز أو العيش… الدهون بتساعد الجسم على امتصاص الفيتامينات وبتقلل الجوع.
5. تعريض الطفل للشمس كل يوم 10 دقايق لو أمكن
مصدر طبيعي لفيتامين د... من غير تكلفة.
6. كل حاجة تتحوّل لمهروس أو شوربة
الطفل المجهد بيهضم الأكل السائل والطري أسهل بكتير من الناشف.
7. مترميش مياة السلق أو الشوربة
المياة اللي اتسلق فيها العدس أو الخضار أو العضم فيها مغذيات… تتشرب أو تضاف على العيش.
📍كل طفل هناك محتاج نقطة مية، لقمة، حضن أمان...
وإحنا برّه قلوبنا معاكم وبندعيلكم






23/07/2025

هو أنا لازم أبطل فاكهة عشان أعرف أخس؟! 😩🍌🍉

لو وزنك مضايقك وعندك اتنين بس من دول، ركّز معايا:👇

▪️ نومك مش متظبط وبتسهر بالساعات؟
▪️ حركتك قليلة جدًا (يعني خطواتك اليومية أقل من 3000)؟
▪️ الرياضة؟ مش فاكر ياه!
▪️ البروتين في أكلك قليل جدًا؟
▪️ أكلك كله سكر، حاجات مصنّعة، وأليافه قليلة؟
▪️ مبتحسبش سعراتك أصلًا؟
▪️ بتشرب مشروبات سُكّرها عالي حتى لو عصير طبيعي ؟

يبقى الفاكهة اخر همك بجد!
لأن الفاكهة الوحيدة اللي ممكن تركز ف كميتها هي:
الفاكهة المجففة وخاصة التمر والأفوكادو

غير كده؟
كُل فاكهتك وانت مطمن، أيوة كل مانجو وموز عادي

المشكلة الحقيقة في كل اللي فوق، مش في تفاحة أو موزة!
بلاش نظلم الفاكهة ونحمّلها ذنب نظامنا كله.

‎ ‎ ‎
‎ 👩‍⚕️ ‎ ‎

حنشرب إيه في الصيف؟الجو حر؟ نفسك في حاجة منعشة ومش عايز الدايت ؤبوظ؟جرب مشروب الليمون بالفراولة ده 🍓🍋طعمه خطير وسعراته 3...
09/07/2025

حنشرب إيه في الصيف؟
الجو حر؟ نفسك في حاجة منعشة ومش عايز الدايت ؤبوظ؟
جرب مشروب الليمون بالفراولة ده 🍓🍋
طعمه خطير وسعراته 34 بس!

✅ منعش جدًا
✅ سهل وسريع
✅ دايت فريندلي

جربوه بنفسكم وقولولي رأيكم
💌 Save it و tag حد حيحبه!

👩‍⚕️

07/07/2025

‏📊 سألت الناس من يومين: إيه أحسن Post Workout للأبطال الصغيرين؟
والاختيارات كانت:
🍌 موز+ مياه
🥛 لبن
🥛🍫 لبن بالشوكولاتة

المفاجأة؟ معظم الناس اختاروا الموز!
وأنا بصراحة استغربت جدًا 😅
لأن الموز مشهور إنه "pre workout، مش بعد التمرين

💭 طيب خلينا نشوف جسم ابنك محتاج إيه بعد تمرينة محترمة؟
1. ✅ نشويات → تعويض الجلايكوجين والطاقة
2. ✅ بروتين → ترميم وبناء العضلات
3. ✅ ترطيب → يعوّض السوايل اللي اتفقدت
4. ✅ أملاح (بوتاسيوم، صوديوم...) → علشان التوازن يرجع

🎯 النسبة المثالية نشويات ؛ بروتين بعد التمرين هي: > 4 : 1
يعني كل 4 جم كارب = 1 جم بروتين

🍌 الموز؟
فيه نشويات وبوتاسيوم ✅
مفيهوش بروتين ❌
⬅️ مش كفاية بعد التمرين

🥛 اللبن؟
فيه بروتين عالي الجودة + أحماض أمينية مهمة جدًا ✅
فيه لاكتوز (سكر طبيعي) = نشويات ✅
لكن نسبته تقريبًا 2 : 1 → أقل من المطلوب
⬅️ يعني مفيد، لكن مش كفاية لوحده بعد تمرين مرهق

💪 وهنا بييجي دور البطل الحقيقي: 🥛🍫 اللبن بالشوكولاتة
(الإجابة الأقل في الاستفتاء!)
ليه؟ فيه نفس فوايد اللبن
السكر المضاف بيرفع نسبة الكارب إلى بروتين لـ 4 : 1 ✅
الولاد بتحبه وسهل يتحط في الشنطة
سهل الامتصاص
بيرجع الطاقة وبيرطّب في نفس الوقت
✨ ولو معمول بكاكاو خام؟
تاخدي كمان فوايد الفلافونويدز =
مضادات أكسدة ممكن تقلل الالتهاب وتحسن الدورة الدموية بعد التمرين.

👩‍🍳 نصيحة للأمهات: اعملي كوب لبن بالشوكولاتة في البيت:
200 مل لبن
1–2 معلقة كاكاو خام (زي Hintz)
2 معلقة صغيرة عسل
هتوصلي لـ: > 25 جم كارب + 6 جم بروتين
= النتيجة المثالية… وبمكونات أنضف!

المرة الجاية ابنك رايح التمرين، خلي معاه كوب لبن بالشوكولاتة كـ ريكافري لطيف وscienrifically approved



👩‍⚕️

30/06/2025

صحوة العلم والمعرفة بالتغذية اللي اجتاحت السوشيال ميديا دي خلقت مشكلة كبيرة جدااااااا
بوظت للناس علاقتها بالأكل
Labeling الأكل
كـ أكل "طيب" وأكل "شرير"
وشيْطَنة نوعيات من الأكل زي النشويات، بما فيها الفاكهة مثلاً!

الناس بقت مركّزة مع هورمونات موجودة طبيعي في جسمنا، تحكمنا فيها ضئيل، منقدرش نعيش من غيرها، زي الإنسولين والكورتيزول، اللي فجأة خدوا لقب Villian الدايت.
علاقة الناس بالأكل بقت متوترة، وضاغطة، ومليانة قلق … وده مش مفيد.
لأن حتى الأكل اللي مفروض يكون متعة… بقى مصدر توتر ولخبطة!

أنا يمكن فعلاً وقعت في الفخ ده لفترة، لحد ما حد ابن حلال كتبلي كومنت على تويتر:
"أيوه الناس حتخس… بس حتخرج باضطراب طعام."
الجملة دي هزّتني جدًا.
لأني كنت بحاول أعلّم، وأشرح، وأنشر وعي…
بس نسيت إن الوعي الحقيقي لازم يكون رحيم، مش قاسي.

اتعلّمت أبطل أقول: ده "شرير" وده "طيب"،
ده "دايت فريندلي" وده "عدو الدايت".

مفيش أكل شرير.
حتى السكر الأبيض… مش شرير.
أنا بتعامل مع الأكل كـ قيمة غذائية وفايدة…
من غير ما أنسى إني بني آدم
محتاج ياكل من غير ما يحس بالذنب،
محتاج يحس بالشبع… وبالرضا
مش كل لقمة محتاجة حساب
ولا كل وجبة محتاجة مرافعة.

أنا دلوقتي مش بس بعلم الناس يخسوا،
أنا بعلمهم يحبوا نفسهم…
ويصالحوا علاقتهم بالأكل.
نفسك علاقتك بالأكل تبقى عاملة إزاي؟
وهل عدّيت بفترة كنت بتحس فيها إنك بتحارب الأكل؟
ومحدش يقولي نفسي اكل اللي نفسي فيه ومتخنش عشان ينفع تعمل كدة باعتدال عادي
لكن لو نفسك تاكل كل حاجة وكتير ف كلنا نفسنا والله لقد😁😁😁
مستنية أسمع منكم 💬👇
#تغذية
👩‍⚕️

22/06/2025

‏تغذية أطفال الـ ADHD: هل الأكل ممكن يعمل فرق؟

كتير من الأمهات بتسأل:
"هل الأكل ممكن يساعد ولادنا اللي عندهم ADHD (فرط الحركة وتشتت الانتباه)؟"
الإجابة المختصرة: أيوه!
الأكل مش علاج لوحده، لكنه بيعمل فرق حقيقي وملموس في تركيز الطفل، مزاجه، ومستوى نشاطه اليومي.

البوست دي حنركز على أهم النقط اللي ممكن تدعم طفلك لو بيواجه صعوبة في الانتباه، أو عنده طاقة زايدة:
1️⃣ سكر الدم ثابت = تركيز ثابت
أطفال الـ ADHD غالبًا بيحسوا بهبوط سريع في الطاقة والتركيز لما سكر الدم بيقل.
الحل ببساطة:
فطار يحتوي على بروتين + نشويات معقدة
وجبات منتظمة على مدار اليوم
نبعد عن العصاير الجاهزة والحلويات، خصوصًا في أول اليوم

2️⃣ البروتين = صديق التركيز الأول
المخ بيحتاج بروتين عشان ينتج "الدوبامين" – مادة مهمة جدًا للتركيز.
زي:
بيض – زبادي – جبنة – لحمة – بقوليات – تونة – زبادي يوناني

3️⃣ الأوميجا 3 (خصوصًا EPA)
أكتر عنصر اتعملت عليه دراسات علمية وأثبتت فعاليته في دعم التركيز والسلوك.
موجود في:
سالمون – تونة – عين جمل – بذور كتان
ولو الأكل مش كفاية؟ ممكن نلجأ لمكمل غذائي بعد استشارة الطبيب المعالج

4️⃣ نطمن على: الحديد – الزنك – الماغنيسيوم – فيتامين د
النقص حتى لو بسيط في العناصر دي ممكن يأثر جدًا على تركيز الطفل.
نعمل إيه؟
لو في شك → نعمل تحاليل
نركّز في الأكل: لحمة حمرا، سبانخ، لب، منتجات ألبان، بيض، والتعرّض للشمس

5️⃣ الألوان الصناعية… مش دايمًا بريئة!
مش لازم نمنع كل حاجة، بس نلاحظ:
هل الطفل بيتنرفز أو بيتشتت بعد أكل معين؟
نركز على: الحلويات الملوّنة، العصاير الجاهزة، والمصنعات اللي فيها رموز E (إضافات صناعية)

6️⃣ صحة الدماغ بتبدأ من الأمعاء
الجهاز الهضمي السليم = تركيز ومزاج أفضل
إزاي نحافظ عليه؟
نزود الألياف: فاكهة، خضار، شوفان
زبادي أو لبن رايب
نقلل الأكل المصنع بقدر الإمكان

🔜 البوست الجاي حشارك معاكم شوية tips الأهالي جربوها بنفسهم وحسوا إنها فرقت فعلًا مع ولادهم… حتى لو العلم لسه بيدرسها

‎ # 👩‍⚕️ #تغذية

Address

Arkan Plaza Building 5 Floor 3
El Shikh Zaid
12588

Opening Hours

Tuesday 6:30pm - 8pm
8pm - 10:30pm
Wednesday 4pm - 7:30pm
Thursday 7pm - 8pm
8pm - 11pm
Sunday 7pm - 8:30pm

Telephone

+201111367993

Website

Alerts

Be the first to know and let us send you an email when Dr.Mai Nasser Nutrition Clinic - د. مي ناصر posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Mai Nasser Nutrition Clinic - د. مي ناصر:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category