25/10/2025
نصائح هامة جداً
عشان نعدي الفترة دي بسلام :
١- بلاش نتأخر يعني لو طفل بيكح
لازم نكشف عليه بلاش نجيب علاج ونجرب
او نكرر روشته أو رسائل الواتس الجميله
ابني بيكح اجيبله ايه ؟؟؟؟؟
٢- لو طفل بيكح نبعده عن اخواته
بلاش ننزله حضانه أو مدرسه عشان العدوي متزدش
وعشان ميعديش غيره ..
٣- حديثي الولادة والأطفال أقل من ٦ شهور اكثر عرضه
لعدوي الجهاز التنفسي فبلاش نتأخر عنهم
طفل مبيرضعش كحه بدأت تظهر لازم كشف علطول .
٤- لو طفل عنده حساسيه صدر أو حساسية انف لازم يكمل علي العلاج الوقائي ومينفعش نوقفه خالص الفترة دي .
٦- لازم نطول بالنا الفترة دي مزعجه حرارة عاليه بتطول ادوار الكحه بتتحسن خلال اسبوعين فنكمل علي العلاج ومنوقفش الا بعد استشارة الطبيب المعالج .
٧-خافض الحرارة ينفع سيتال أو بروفين في الطفل اللي عنده حساسيه صدر أو نزله شعبيه بلاش دولفين أو أمثاله .
٨- لما تكلمي طبيبك ويقولك لازم تكشفي ومتتاخريش
فيه مستشفيات طوارئ ومستشفيات مركزي وجامعه مفتوحه طول اليوم .
دكتور علي الوكيل
مدرس مساعد طب الأطفال وحديثي الولادة بكلية الطب ومستشفيات جامعة الأزهر
