04/09/2023
الحقوني_اخدت_دوا_منتهى_الصلاحيه 😢😢😢
هو انت ممكن يحصلك حاجه لو اخدت دوا منتهى الصلاحيه !!!!!!
هتندهش لو قولتلك انه في معظم الأحيان هيجيب معاك نتيجه وتبقي زي الفل وان هو مش حيضرك نهائي بالعكس هيعطيك التاثير الدوائي المطلوب كماااان 😃😃😃😃😃
ازاي_يا_جدع
بص يا سيدي ، قبل كده مكانش فيه حاجه اسمها تاريخ صلاحيه والحوار ده ، أول مره الشركات تخترع القصه دي كانت في امريكا سنه 79 ، وعملوها بقصد تجاري بحت ، أنه عايزك ترمي القديم وتشتري الجديد عشان يبيع أكثر 😃
طب_ايه_الكلام_العلمي_اللي_يثبت_ده
كل العلماء والباحثين مجمعين أن تاريخ صلاحية الأدوية مش معبر عن انتهاء الصلاحية الفعلي للدواء، وأن معظم الأدوية يتفضل فعالة وآمنة بعد فترة من تاريخ انتهاء الصلاحية المكتوب، و الفترة دي بتختلف من دواء لآخر وأقلها بتزيد عن الست شهور😱😱😱😱😱😱
و أن تاريخ صلاحية الأدوية وضع لأسباب قانونية وتجارية ومش علمية.
طيب ايه الدراسات اللي بتدعم وجهة النظر دي ؟
العلماء عملوا دراسات على أدوية مضى على انقضاء تاريخ صلاحيتها فترة تمتد بين ستة أشهر إلى سنة ووجودوا أنها بنفس فاعليه كمان نفس الادويه المنتجه من أيام
الأدوية دي بتاع الدراسه كانت مختلفة كالأدوية القلبية والمسكنات والمضادات الحيوية و الفيتامينات وغيرها
كمان منظمة الغذاء والدواء الأمريكية عملت دراسه على الأدوية التي كان يستخدمها الجيش الأمريكي وأثبتت أن هناك 90 % من تلك الأدوية بقيت فعالة وآمنة لسنوات بعد تاريخ انتهاء صلاحيتها👌👌👌👌
وكمان عشان يتاكدوا من طرق التخزين وتأثيرها، عملوا دراسة مجموعة من الأدوية تم تخزينها في عدد من الصيدليات التي تتفاوت فيها بشكل كبير درجات الحرارة والرطوبة ووجدوا أن هذه الأدوية حافظت على فعاليتها المثلى لفترة ستة أشهر على الأقل.
طيب_لغاية_امتى_الدوا_بيفضل_فعال
أجريت دراسات أخرى على بعض الأدوية بعد مضي ثلاث سنوات على تاريخ انتهاء صلاحيتها واكتشف أنها مازالت تحافظ على 80 % على الأقل من الفعالية. ويقول العلماء أن معظم الأدوية تملك أكثر من 50 % من فعاليتها بعد 15 سنة من تاريخ انتهاء صلاحيتها💪💪💪💪💪💪💪
مشكلة الهدر في الأدوية واللي بتتجاوز في بعض البلدان 25 % من الأدوية المستهلكة، وتصل الخسائر نتيجة الهدر ده إلى مليارات الدولارات سنوياً رغم أنها تبقى فعالة وآمنة لسنوات بعد تاريخ انتهاء الصلاحيه😷😷😷😷😷😷
طيب_ايه_هي_الأدوية اللي ممنوع اخدها بعد انتهاء الصلاحيه !!!!!!
المواد التي تكون ضارة مع انتهاء الصلاحيه زي :
_التتراسيكلين بجميع أشكاله
_المواد سريعة التخرب وتكون بشكل سائل ونذكر منها :حقن الأنسولين وحقن الهرمونات الأخرى، المضادات الحيوية السائلة ( الحقن والشراب )
_النيتروجليسرين والادويه الموسعه للاوعيه
_قطرات العين بصفه عامه
طيب ايه اهميه البوست ده مع اني عارف ان مفيش حد هيستعمل لنفسه دوا اكسبير غير الصيادله نفسهم اللي دارسين وعارفين يعني ايه فتره عمر النصف ويعني ايه تاريخ صلاحيته !!!!
اللي عايزك تعرفه ان لو بالغلط اخدت دوا منتهى ما تخافش نهائي مش هيضرك👍👍👍
ولو دوا مهم ( بعيد عن الاستثناءات اللي ذكرتها )و ناقص في السوق ولقيت منه إكسبير ، خده على ضمانتي
وبلاش تقعد تبص على تاريخ الانتاج وتقول انا عايزه طازه هو مش طماطم سعادتك
