What are the opening hours?

Monday 12pm - 4pm Tuesday 12pm - 4pm Wednesday 12pm - 4pm Thursday 11am - 3pm Saturday 12pm - 4pm Sunday 12pm - 4pm

https://www.facebook.com/104299228391225/

Dr. Samar Nageeb's Clinic عيادة د/ سمر نجيب أحمد, أخصائية النسا والتوليد, الفيوم/المسله/ش نبوي المهندس/العبودي/بجوار مستشفي الندي/أمام سيراميك الديب/برج سيد صادق, Faiyum (2025)

07/09/2025

حمدلله ع سلامتك يارانيا وسلامه تالين القمر ربنا يحفظها ويبارك فيها وعقبال المرات الجايه ان شاء الله 🥰🥰🥰🥰🥰🥰

31/08/2025

حمدلله ع سلامتكم وربنا يبارك فيكم ويسعدكم زي مافرحتوني بكلامكم الحلو ده وعقبال المرات الجايه ان شاء الله 🥰🥰🥰🥰

19/08/2025

قصي 🥰🥰🥰🥰
حمدلله ع سلامتك يا علياء وسلامه قصي القمر ودي تاني ولاده معايا الاولي كانت وتين ربنا يحميهم ويبارك فيهم وده طبعا لان علياء أشرف جبر
متستغناش عني ابداااااا 🤣🤣🤣
عقبال التالته والرابعه ان شاء الله😍😍😍😍

15/08/2025

مالك ،
طمن قلبك كدة وكفاية تفكير وقلق ، ربنا مش ناسِيك والله ولا حُزنك عليه هين وهتشوف بعينك ده في اللي جاي لك ، اللي راح مش خير لان الخير اصلا مش بيروح اطلاقا وبيتم ويكمل، ببشرك انك جايلك من ربنا تعويض جميل احسن من اللي فاتك واجمل مما تتخيل وعن قريب جدا هانت ، أبشر وطمن قلبك . ♥️

12/08/2025

Welcome Laila😍😍
حمدلله ع سلامتك يا دكتوره رنا وسلامه ليلي القمر ربنا يبارك فيها ويحفظها وعقبال المرات الجايه ان شاء الله 😍😍😍😍😍😍

09/08/2025

💝 حامل .. الف مبروك 💖 وشير للبوست لصحبتك الحامل
👈 بوست كل حامل تعمل له حفظ ، عشان ديه القواعد اللي هنتلزم بيها علي مدار الشهور الجايه، عارفه انه طويل، بس مهم جداً، وهيجاوب عن معظم استفساراتك

🔴متابعة الحمل مش رفاهيه، ديه اساسيات للحفاظ ، عليكي و ع البيبي ولاكتشاف اي خطر بالحمل قبل وقوعه

🟠الكشف بالسونار المهبلى غير ضار بالمره والسونار المهبلي ، هو وسيله الكشف الدقيقه اول شهور الحمل لمعرفه عمر الجنين بدقه، طول وقوه عنق الرحم، سماع نبض الجنين، استبعاد حمل خارج الرحم ، او مشكلات بالحوض مصاحبه، كما في اكياس المبيض... الخ

🟢، لو عندك ضغط او سكر او حصلتلك مشاكل الحمل اللي فات يبقي لازم تبلغي طبيبك بالتاريخ المرضي كاملاً ، لاحتماليه التكرار في الحمل الحالي، ولاحتياجنا لتدخلات اكبر من البدايه، وادويه مختلفه، وقد تكون متابعتك الضعف✌

🔵الفوليك أسيد أول 3 شهور ما تنسيش 💊💊 الفوليك أسيد بيحمي الجهاز العصبي للطفل، ويمنع التشوهات بالمخ والجهاز العصبي، ويقلل فرص الاطفال في الاصابه بالتوحد ومتلازمه فرط الحركه وانعدام التركيز. كما يحميكي من الانيميا

🟣الحمل بيحتاج أكل متوازن و متنوع 🍪🍫🍧🍳🍤🍗، وممنوع منعاً باتا اللحوم المصنعة و الفسيخ والرنجه والسوشي والسلمون المدخن، وكل اللحوم الغير مطبوخه، والصوصات والمايونيز المعد مسبقاً، وكل الجبن المطبوخه ممنوعه🍔

🟠 الكبده، ممنوع اول ثلاثه شهور منعاً باتا، وبعد كده ممكن ناخد كميه بسيطه جدا، مقدار سندويتش مرتين او ثلاثه شهريا، وتكون من مصدر موثوق، ومستويه كويس جداً، ولا تفضل كبده الفراخ والطيور عامه.

🟤ابعدي عن المدخنين في فترة الحمل🚭🚭، ولو كنتي مدخنه، يجب الامتناع عن التدخين من قبل التفكير في الحمل بست اشهر علي الاقل ، حيث يوءثر التدخين علي تكوين مخ الجنين، وصغر حجم المشيمه والساءل الامنيوسي ووزن الجنين وتعرضك للولاده المبكره واضطرابات التدفق الدموي والدوبلر بالمشيمه.

🟡 السفر الطويل، وبدون داعي طواريء، ممنوع خاصه في الثلاث اشهر الاولي، والشهر الثامن والتاسع ، مفيش مخاطره بالسفر، والسفر بالوساءل المريحه هام ولاماكن قريبه ، مع استمرار حركه الساقين طول الفتره، وشرب السوايل بوفره، واخذ راي طبيبك لانه قد يمنع في بعض حالات الحمل الخطر .

🟢السكر الدايت و مشروبات الطاقة و اي لبان محلي بسكر مخلق دايت ممنوع ف الحمل، ومشروبات الصودا كلها ممنوعه، وكل ماهو مضاف اليه محفوظات والوان صناعيه ممنوع.

🟣 ممنوع تاخدي أي دوا من غير استشارة الطبيب ❌❌❌ واحتياجك لاي دواء لاي عرض مرضي مصاحب للحمل يتم وصفه بواسطه التخصص المناسب ، وعرض الروشته علي طبيبك المتابع للحمل قبل البدء فيها.

🟡 الشاي والقهوه مش ممنوعين في المطلق , ولكن بكميات بسيطه تعادل اثنين فنجان يوميا مناسبه، وممنوع الكريمر وكل المحسنات المضافه للشاي او القهوه او النسكافيه الشبيهه.

🔴ما تحاوليش تخسي في الحمل ، ومفيش دايت في الحمل ومفيش جيم ورياضه عنيفه لانقاص الوزن .. الطبيعي متوقع تزيدي في فترة حملك حوالي من عشره الي اثني عشر كيلو .
أول 3 شهور في الحمل وزنك ممكن ما يزيدش ، وده طبيعي، لان وزن البيبي مجرد جرامات صغيره، كما يصاحب الشهور الاولي اعراض الغثيان والقيء للبعض، مما يحد من الشهيه.

⚫الغثيان خاصه في الصباح عرض طبيعي جدا للحمل ، ولا يستحق التوتر، ويتم وصف العلاج المناسب من طبيبك حسب حالتك منعاً للتطور والوصول للقيء،، وعليه قسمي أكلك على وجبات صغيره، وزودي اول شهور اللبان والمثلجات والنواشف حتي توقف الغثيان.

🔴 مفيش حاجه اسمها بتاكلي لاثنين، وكلي كتير طول الوقت، احنا محتاجين اكل صحي متوازن، واكل خفيف ووجبات صغيره متعدده، والاحتياج للبروتين النباتي والحيواني بشكل اكبر في الثلاث شهور الاخيره فقط للحمل ، حيث زياده احتياجات الجنين وسرعه النمو.

🔵 كشف الاسنان مش ممنوع خااالص طول فتره الحمل، والحشو والخلع ومعالجه الاعصاب والتقويم، كله مسموح، وحتي اشعه الاسنان في الشهور الاخيره ممكن عملها ان استلزم الامر بدون ضرر، اكشفوا علي اسنانكم وبلغوا طبيب الاسنان ،فقط لوصف المسكن والمضاد الحيوي المناسب في الحمل .

🟠لازم تكوني عارفة فصيلة دمك من أول الحمل، وده لان السيدات من اصحاب الاراتش السلبي، عرضه للاحتياج لحقنه الاراتش مع نزول اي دم خلال الحمل ، بالاضافه لحقنه ما بعد الولاده.

🟢، لو حصلك نزف في اي وقت من الحمل استشيري طبيبك فورا، لان الوضع قد يتطور سريعاً في بعض الاحيان، مما يهدد استمراريه الحمل .

🔵حركة البيبي بتتحس في نص الخامس في اول حمل و قبل كده بحوالي اسبوعين لو سبق لكي الحمل . وبعد استقرار الاحساس بحركه البيبي، خاصه من الشهر السابع، فمتابعه
،، حركة البيبي تكون علي مدار اليوم كل يوم ومتقلش عن عشر حركات علي مدار اليوم،، و لو حركة البيبي قلت او اختفت استشيري طبيبك فوراً

🟣الحديد بيتاخد من الشهر الرابع حتى نهاية الحمل💊💊💊
الحديد يحمي من الأنيميا و مخاطر نقل الدم، ولو هنتعرض لانيميا نقص حديد شديده ، يجب تعليق الحديد فقط في مستشفي، تحت اشراف طبي، ومفيش حديد بيتعلق في البيت.

🟡فيتامين د، والكالسيوم مهمين جدا، والنوع والجرعه تختلف من حاله لاخري، حسب الاحتياج والنقص وطبيعه الحمل هل هو حمل منخفض او عالي الخطوره.

🟤، حقن الرئة بتتاخد فقط للحوامل المعرضة للولادة المبكرة 💉💉وبخاصه المتوقع ولادتهم قبل الاسبوع الرابع والثلاثين.

⚫ من علامات الخطر.. لو نزلت عليكي مية كتير لازم تروحي للطبيب🚩🚩 لو حسيتي بوجع أو تحجير في بطنك لازم تستشيري الطبيب💡💡

🟡 اللي بيحدد هتولدي طبيعي أو قيصري هو الدكتور ....مش صح أنك تجتهدي مع نفسك 😷، او نصايح الفيس بوك وجروبات الحوامل، محدش هينفعك حال وقوع ضرر علي طفلك المنتظر.

🔴لو حسيتي بصداع شديد غير مستجيب للراحه والمسكنات الموصوفه أو زغللة في العين فورا تقيسي الضغط، وتبلغي طبيبك ضغط الحمل و تسمم الحمل حالات خطيره ، والبنادول مش بيعالجهم ...خالص 😷😷

🔵 سكر الحمل ممكن يأثر عليكي و ع الجنين لازم تلتزمي بتظبيط سكرك والسكر التراكمي من قبل الحمل باشهر، والاستعانه بادويه تنظيم السكر او بالانسولين و النظام الغذائي، ليس رفاهيه، بل لمرور حملك بسلام، ومنع فرص تشوهات القلب والجهاز العصبي للجنين، فمفيش داعي للمخاطره💡💡

🟣التهاب مجرى البول شائع جدا في الحمل و ممكن يسبب ولادة مبكرة .،..خدي العلاج و ما تستهونيش، وطلب تحليل ومزرعه البول من طبيبك مش اختياري، لان بعض الالتهابات قد لا تكون باعراض واضحه مع ضغط الرحم علي المثانه في الحمل.

🟠،تجنبي التعامل مع القطط خاصة قطط وكلاب الشوارع ❎❎ لكن القطط المنزليه، اللي بتاخد تطعيمات ولا تاكل لحوم نيءه ولا تختلط بقطط الشوارع ممكن بقاءها بالبيت، وبرضه حضرتك لا تتعاملي مع صندوق الفضلات الخاص بيها.

🔴 مفيش ليزر في الحمل، بجد مفيش ليزر ازاله شعر ولا تاتو ولا غيره، ولم يثبت اي سلامه موءكده من استخدامه في الحمل.

⚫ مفيش بروتين وكفيار للشعر، كلهم فورمالين ومواد تمتص وتسري بالدم الي المشيمه، وتوءدي لخلل وظاءف كبد وكلي الجنين. الحنه الطبيعيه وفرد الشعر كافي في الحمل.

💟 وختاماً الحمل تجربه مميزه، تستلزم الحيطه والالتزام للوصول لبر الامان، وربنا يرزقكم جميعاً ذريه سليمه معافاه من كل شر، وتكون الولاده ووصول ولي العهد والاميره المنتظره احلي هديه، ودمتم سالمين🙏🙏

05/08/2025

Welcome Yazen 😍😍
حمدلله ع سلامتك يا شهد
وشهد ليها معايا قصه طويله🥲🥲🥲
شهد متابعه معايا من الاول بس جينا ع اخر الشهر السابع ولقينا الضغط بدأ يرفع وظهر نسبه زلال كبيره ف البول🥲🥲 تابعنا بالعلاج وجينا لنص التامن عدنا التحاليل النسبه بتزيد😪😪 عملنا دوبلر لقينا نسبه الاكسجين اللي واصله للطفل بتقل ادينا حقن السيوله وعدنا الاشعه بعدها ب٥ ايام الدنيا مش حلوه 😪😪😪😪😪😪ومفيش تحسن
كان القرار لازم ولاده حالا
🤲🤲💪💪جهزنا مستشفي الندي وكلمنا الحضانه وولدنا
والمفاجأه اللي فرحتني انا اكتر حد ان الطفل كويس جدا ومش 🤲🤲محتاج حضانه الحمدلله 😍😍🙏🙏

01/08/2025

👇عزيزتي حامل من تسعه اشهر، مفيش ايتوها عنصر مفاجأه،، بس اقول بقي خلاص هنولد ،، تطلع مليون مهمه كانوا مستنيين اللحظه الحاسمه، اللي هيكتشفوا فيها في آخر زياره انهم هيولدوا خلاص😱، انتي حامل من زمان يا ست البنات والا مقولتلكيش🙈 اظن حصل وبيحصل وكل واحده عارفه نفسها🤣

01/08/2025

🤰حبيبتي الحامل اللي مش هتستحمل بهدله تاني في الحر🤰

😭 حوامل كتير مع الحر بيشتكوا من :-

👈نهجان بدون مجهود
👈هبوط مفاجئ
👈وش شاحب واصفرار
👈إحساس إن الجسم "فاضي" ومفيش طاقة

ودي مش دلع، ولا توتر، ولا "نفسيه تعبانه مع الحمل والخ😥😓
دي حالة حقيقية بتحصل فعلاً، وحوامل كتير بتعاني منها 😥😰
⁉️ ازاي تتصرفي في هذه الاحوال، وخصوصا لو انتي بره البيت لظروف العمل ⁉️

1✅✅لو حسيتي بالهبوط
اقعدي في مكان ظل فوراً
كلي حاجة مالحة (مخلل، بسكويت مملح، أو حتى لب)
اشربي مشروب فيه صوديوم زي مثلا سبرايت او سفن

2✅✅لو الحالة شديدة:
لو الاجهاد الحراري شديد، وصاحبه هبوط في الضغط او اغماء، يتم تعليق محاليل بالمستشفي ، كما في محلول الملح عن طريق
بيتحقن محلول ملحي (saline) الوريد
لتر أو نص لتر يساعد الجسم يتعافى بسرعة.طبعا تحت إشراف طبي وفى مستشفى بعد قياس الضغط

3✅✅نصيحة مهمة:
ماتمشيش في الشمس وأنتِ صايمة أو جعانة
لازم تفطري حاجة مالحة قبل النزول
اشربي كويس واهتمي بجسمك

❤️ صحتك مش محل استخفاف وانتي حامل نهاءياً

26/07/2025

عايزه اطمن الماميز اللي مركبين لولب.. اطمني
انت في أمان 😂😂😂

25/07/2025

المامي الفرفوشه رزززق 😂😂😂
لما تكون مولد حاله من شهر وتفاجئ بيها امبارح جايه مخصوص بعد شهر من الولاده تقولي انا اتأخرت علشان كنت بحضرلك مفاجأه وتكون جايبه حاجه قمر زيها
حمدلله ع سلامتك يا هاجر وسلامه خديجه القمر وربنا يحميها
وشكرا من قلبي ع كل كلمه حلوه ربنا يخليكوا ليا🥰🥰🥰🥰🥰

23/07/2025

ايلا😍😍😍😍😍
تسنيم واللي عملته فيا 😅😅😅ضغط عالي وعلاج للضغط 🥰🥰🥰وانيميا وتعب طول الحمل بس كل ده مش مهم 🤣🤣🤣😂
المهم نورت ايلا القمر بالسلامه وحمدلله ع سلامتك ياتسنيم وعقبال العوده ان شاء الله🥰🥰🥰🥰🥰

Dr. Samar Nageeb's Clinic عيادة د/ سمر نجيب أحمد, أخصائية النسا والتوليد

07/09/2025

31/08/2025

19/08/2025

15/08/2025

12/08/2025

09/08/2025

05/08/2025

01/08/2025

01/08/2025

26/07/2025

25/07/2025

23/07/2025

Address

Opening Hours

Website

Alerts

Shortcuts

Share

Category

Monday	12pm - 4pm
Tuesday	12pm - 4pm
Wednesday	12pm - 4pm
Thursday	11am - 3pm
Saturday	12pm - 4pm
Sunday	12pm - 4pm