عيادة الدكتور عاشور خلف عطية استشاري الحميات والباطنه والكبد والسكر

23/11/2025

❄️ دور البرد اللي ما بيخلصش… ليه بقى بالشكل ده؟!

اليومين دول كل الناس بتسأل نفس السؤال.🤔
"ليه دور البرد تقيل… ويقعد أسبوعين… ويرجع تاني؟!"
الإجابة: لأننا بنتعامل مع متحوّر كورونا الجديد… بس لابس قناع البرد العادي. 🥴
مش سخونة عالية زي زمان، ولا فقدان شم… لكن أعراض مرهقة وطويلة تخليك مش قادر ترجع لطبيعتك بسرعة. 😔

🧬 ليه المتحوّرات دي منتشرة اليومين دول؟
- الفيروس بقى أقدر على الانتشار.
- الأعراض بقت أخف عند ناس كتير… فبيتخلط البرد بالكورونا.
- دخول الشتاء ساعد في زيادة العدوى بشكل كبير.
- ناس كتير مبقتش تلتزم بإجراءات الوقاية.

أهم الأعراض المنتشرة حالياً: 🤧
⭕ حرارة متكررة أو طويلة شوية.
⭕ كحة جافة أو ببلغم.
⭕ احتقان شديد في الزور والأنف.
⭕ صداع وإجهاد وتكسير.
⭕ فقدان شهية.
⭕ دوخة أحيانًا.
⭕ التهابات صدرية عند أصحاب المناعة الضعيفة.

⚠️ علامات الخطورة وإمتى لازم تروح للطبيب فورًا؟
لو ظهر أي من التالي:👇
ـ حرارة أعلى من 38 مستمرة أكتر من 48 ساعة.
ـ كحة بتزيد يوم بعد يوم.
ـ كتمة نفس أو نهجان.
ـ ألم صدر.
ـ قيء متكرر أو دوخة شديدة.
ـ مريض سكر/قلب/كبد بدأ يحس بتدهور.

🎯 متستناش الأعراض تعدي لوحدها. المرحلة دي من المتحوّر محتاجة تشخيص مظبوط… عشان منع أي مضاعفات. 👌
ـــــــــــــــــــــــــــــــــــــــــــــــــــــــــــــــــــــــــــــ

✍️مع د. عاشور خلف عطية
🩺 استشاري الحميات ( كبار وأطفال)
استشاري الباطنة والجهاز الهضمي والكبد
📘استشاري السكر ( دبلومة السكر معهد السكر والغدد)
🏥 التأمين الصحي (لجنة السكر) م. الحميات (س)

📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844

**المواعيد يوميا من الواحده ظهرا إلي العاشرة مساء
الحجز باسبقية الحضور.


#الحميات #الباطنة #الكبد
#السكر

06/11/2025

⚪️ إزاي تعرف إن عندك بداية سكر؟ 🤔
مرض السكر بقى من أكتر الأمراض المنتشرة اليومين دول، ومشكلة كتير من الناس إنهم بيكتشفوه متأخر!
⬅️عشان كده لازم تبقى واخد بالك من شوية علامات لو ظهرت عليك، لازم تروح تكشف وتعمل تحليل بسيط.
🔷️ أهم الأعراض اللي ممكن تبقى بداية سكر:
1️⃣ عطش زيادة عن الطبيعي 🥤:
تحس إنك طول الوقت عطشان، تشرب ميه كتير وبرضو مش مرتاح.
2️⃣ تبوّل كتير بالليل:
تقوم من النوم كذا مرة عشان تدخل الحمّام.
3️⃣ جوع مستمر :
تاكل وتفضل جعان، كأن الأكل مش بيشبعك.
4️⃣ تعب وخمول على طول 😴:
حتى لو نمت كويس، تفضل حاسس إنك مرهق ومش قادر تعمل مجهود.
5️⃣ نَزْل الوزن من غير سبب واضح :
تاكل كويس وبرضو وزنك بينزل!
6️⃣ تشوش في الرؤية 👀:
تحس إن نظرك ساعات بيغيم أو مش شايف كويس.
7️⃣ جروحك بتاخد وقت عشان تلتئم 🩹:
⚠️لو لاحظت حاجه من دول، متتجاهلش الموضوع روح اعمل تحليل سكر صايم وفاطر، الموضوع بسيط بس مهم جدًا ❤️
🩺 وخليك فاكر:
الاكتشاف بدري = تحكم أحسن = حياة صحية أطول 🙌✍️

د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- استشاري السكرمعتمد (دبلومة السكر المعهد القومي للسكر والغدد)
- مستشفى التأمين الصحي| لجنة السكر بالتأمين الصحي
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844
المواعيد يوميا من الواحده ظهرا إلي العاشرة مساء
🎯 هدفنا مش بس العلاج…
هدفنا تعيش بأمان في كل فصل، وتحمي نفسك من المضاعفات دكتور عاشور عطيه

30/10/2025

يادكتور انا مجهد بقالي فترة وقست الضغط لقيته عالي.. فجيت اطمن.. بس انا مابحبش الأدوية ولا بحبكم انتم كمان.. معلش يعني ماتزعلش مني يادكتور!

_ الاهتمام مابيطلبش يا استاذ .. مانت لو كنت مهتم كنت جيت تكشف لوحدك 😀

بعد قياس الضغط اكتر من مرة ظهر انه مريض ضغط مزمن بقاله فترة وماكنش حاسس بيه_ ودة السيناريو الطبيعي مع ارتفاع ضغط الدم _ فقولتله لازم هنمشي علي قرص ضغط علشان يتظبط ونحمي القلب والمخ والكلي والعين من اضرار ارتفاع الضغط!!!

فكانت الفاجعة..حسسني اني لما قولتله انه مريض ضغط ومحتاج علاج بالبرشام اني بقوله محتاج عملية قلب مفتوح!!!..

>>> لية يادكتور.. انا طول عمري كويس.. لاحول ولا قوة الا بالله.. طيب مافيش اي حل تاني.. يعني انا كدة خلاص مريض ضغط.. مابحبش اخد علاج يادكتور.. رغم اني بشرب كركدية بس ماعرفش مابينزلش ليه؟!!.. يمكن علشان بشربه لما يبرد؟!! .. ولا هو انا لازم اشربه سخن؟؟؟.. احط كام معلقة سكر؟ ؟.. اكل ايه؟؟.. والدوا دة أعراضه الجانبية بتموت؟!.. اعمل مجهود ولا...

_باااااااس.. استهدي بالله واسمعني.. وحد الله.. دة ضغط دم بيتظبط ببرشامة مش عملية جراحية !!!.. خلاص هدي نفسك.. مش هناخد علاج بس هتعمل اللي هقولك عليه دة بالحرف.. ركز معايا.. اعمل ايدك كدة 🙌

= كدة 🖐️

_ لا بإيدك الاتنين 🙌.. لو عملت ال 10 حاجات دول مش هناخد علاج ان شاء الله

1. كرشك..
= اشمعنا ؟!!
-ايوة اهو انت كدة مركز معايا وهتفهمني 😂.. عايزين نعمله بتر علشان دة مش هينفع معه التخسيس والعمليات الفافي دي 😀.. وكل 10 كيلو هنشيلهم هينزلوا 10 درجات من الضغط ان شاء الله.. يعني بحسبه بسيطة كدة محتاجين نشيل 40 كيلو علي الاقل

2. هتركن عربيتك في الجراج وتمارس رياضة لو مشي سريع نص ساعة يوميا لمدة 5 ايام في الأسبوع
= اه فعلا من ساعة ماجبت العربية ماتحركتش وطلعلي بظابيظ من كل حتة.

3.تشيل الملح اللي علي السفرة.. وتكسر بطرمان المخلل اللي فوق دولاب المطبخ...
=مش ممكن اكل مخلل واشرب بعده كركدية؟!!
لو سمحت عد علي صوابعك ومتقاطعنيش علشان مازعلكش😏

4.هتبدل طبق المخلل بطبق سلطة خضراء يوميا علشان يديك المعادن المهمة لجسمك زي البوتاسيوم والمغنسيوم بيساعد في خفض ضغط الدم

5. هتبعد عن الضغوط الحياتية.. بمعني لو شغلك بيمثل عبئ نفسي عليك حاول تقلل وقت العمل دة.. او سيبه خالص وروح شغل غيره انت مش شجرة 🌳.. قلل خناق شوية في البيت مع المدام والأو...
= اكتبلي البرشام خلاص يادكتور
_ ياجدع استني انا مش عايز أي اعراض جانبية.. انت مابتحبش البرشام!!!
=يادكتور اكتب اللي تكتبه يكش 10 برشامات.. انا شجرة يادكتور اناااا شجرة 🌳 🌳 .. اكتب يادكتور الله لا يسيئك!
_ يافندم اهدي انا خايف عليك وعايز مصلحتك.. كل واحد فينا جوة طاقة بتطلع في الوقت المناسب.. احنا هنطلعها دلوقتى اهو
=طيب كمل.. كمل يادكتور

6. هتبطل تدخين وتشرب بداله شاي بلبن....
=...
_ انت مابتعلقش ليه؟!
=كمل ياكتور خلينا نخلص!

7.لك فنجان قهوة في اليوم او اتنين بالكتير بشرط ماتكونش بترفع لك ضغطك.. لان في بعض الناس الأكثار منها بيكون سبب لرفع الضغط

8.التأمل meditation .. هتطور عندك حس ال ال اللي هو فاهمني؟!! خلي مشاعرك فياظة ومرهف الحس.. حب الخير.. حب الجمال والحق.. وقول الشيطان مهما غواك.. لأ

9.اشرب كركدية لما تحب تشرب كركدية.. سخن بقي ساقع وربنا ولا بتفرق ماتربطش الموضوع بضغطك.. وماتكلمنيش عن الكركدية تاني علشان الموضوع دة بيعصبني😈

10. ماتشربش خمرة كتير...
=لا انا مابشربش خمرة خالص الحمد لله
_مانا عارف بس انا كنت بطمن انك مانمتش مني ومركز 😂

_ الف سلامه عليك.. ان شاء الله هتبقي زي الفل من غير برشام
=اكتب يادكتور البرشام...
_طيب والاعراض الجانبية؟!!.. والكركدية؟!!
= أكتب لي علاج يادكتور الله يخليك.. دة البرشام دة اتوصف ليا مخصوص.. إن ماكنش انا اللي يجيلي الضغط هيجي لمين؟!! .. وربنا ال 9 نقط دول مافي حاجة منهم عندي صح.. لولاش انت بس رفعت روحي المعنوية في الاخر ولولا الخمرة حرام كنت شربتها علشان ابقي جبت 10/10 😂😂😂
_علاج الضغط مهم جدا جدا بالنسبة لك ولا غني عنه.. لما ربنا يعينك وتقدر تغير عاداتك السلبية ال10 ممكن ساعتها نفكر نتنازل عن البرشام.. لكن دلوقتي علاج الضغط = حياة.




نحن معكم في كل وقت
د. عاشور خلف عطية.🩺🧑‍⚕️
أستشاري الحميات الباطنة والكبد والسكر.
اخصائي ( معتمد) السكر ومضاعفاته المعهد القومي للسكر والغدد
مستشفى التأمين الصحي(لجنة السكر ) . مستشفى الحميات

🕒 مواعيد العيادة :👇
من الساعة الواحدة ظهرا إلي العاشرة مساء
📍العنوان :
الفيوم - المسلة - أمام مديرية الصحة _ أعلي مطعم وصاية

📞 للحجز والاستفسار:
01021892229 - 0842049509
📱 للطوارئ والواتس: 01003357844

زيارتكم تُسعدنا.💙

16/10/2025

ماذا تعرف عن خمول الغدة الدرقية ، الأسباب و الأعراض ، التشخيص ، و العلاج ؟

خمول الغدة الدرقية، المعروف أيضًا بقصور الغدة الدرقية، هو حالة طبية تحدث عندما لا تنتج الغدة الدرقية ما يكفي من الهرمونات الدرقية الضرورية لوظائف الجسم المختلفة. إليك بعض النقاط الرئيسية حول هذه الحالة:

🟣 الأسباب:

1. التهاب الغدة الدرقية الهاشيموتو:
هو مرض مناعي ذاتي حيث يهاجم الجهاز المناعي الغدة الدرقية، مما يؤدي إلى نقص في إنتاج الهرمونات.

2. علاج الغدة الدرقية المفرطة:
في بعض الأحيان، يمكن أن يؤدي العلاج الإشعاعي أو الجراحة لإزالة جزء من الغدة الدرقية إلى قصور في نشاطها.

3. نقص اليود:
اليود ضروري لإنتاج الهرمونات الدرقية، ونقصه يمكن أن يؤدي إلى خمول الغدة.

4. أسباب أخرى:
بعض الأدوية، مثل الليثيوم، يمكن أن تؤثر على وظيفة الغدة الدرقية، بالإضافة إلى بعض الأمراض التي قد تؤثر على الغدة النخامية أو الغدة الدرقية نفسها.

🟣 الأعراض:

🔸️التعب والإرهاق:
الشعور المستمر بالتعب وقلة الطاقة.
🔹️ زيادة الوزن:
يمكن أن يحدث زيادة في الوزن دون سبب واضح.
🔸️الحساسية للبرد:
الشعور بالبرد أكثر من المعتاد حتى في الأجواء الدافئة.
🔹️جفاف البشرة:
يمكن أن تصبح البشرة جافة وباهتة.
🔸️تساقط الشعر:
يمكن أن يصبح الشعر خفيفًا وهشًا.
🔹️الإمساك:
صعوبة في التبرز.
🔸️مشاكل في الذاكرة:
صعوبة في التركيز والذاكرة.

🟣 التشخيص:

- يتم التشخيص عادةً عن طريق فحص الدم لقياس مستويات هرمونات الغدة الدرقية (TSH، T3، T4).
- صورة المسح الذري Nuclear imaging في حال وجود عقد او أكياس ورمية بالغدة الدرقية.

🟣 العلاج:

- العلاج بالهرمونات البديلة:
يتمثل العلاج الرئيسي في تناول هرمون الثيروكسين (T4) بشكل يومي، والذي يعوض عن نقص الهرمونات الدرقية في الجسم. يحتاج المريض عادةً إلى تناول هذا الدواء مدى الحياة.
- اتباع نظام غذائي صحي منشط لزيادة افراز هرمونات الغدة الدرقية
من المهم استشارة الطبيب إذا كنت تشك في وجود مشكلة في الغدة الدرقية، حيث يمكن للعلاج المبكر أن يساعد في تحسين الأعراض وضمان صحة أفضل.

مع أطيب الأمنيات بدوام الصحة والعافية 💙
ـــــــــــــــــــــــــــــــــــــــــــــــــــــــــــــــــــــــــــــ

✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى حميات الفيوم | مستشفى التأمين الصحي/لجنة السكر بالتأمين الصحي
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844


#الحميات #الباطنة #الكبد
#السكر

08/10/2025

هل تشعر بالدوخة؟

كثيرون منا يشعرون بالدوخة بين الحين والآخر، وهذا الإحساس المزعج قد يؤثر على يومك بالكامل. لكن هل فكرت يوماً أن الأسباب قد تكون مرتبطة بنظامك الغذائي أو حتى بنمط حياتك؟
إليك بعض الأسباب الشائعة للدوخة، وكيف يمكن أن يؤثر عليها أسلوب حياتك الصحي:
* الجفاف (نقص شرب الماء): هذا هو السبب الأبسط والأكثر شيوعاً. عندما لا يحصل جسمك على كمية كافية من الماء، يمكن أن ينخفض ضغط الدم لديك، مما يؤدي إلى الشعور بالدوخة.
* الحل: احرص على شرب كميات كافية من الماء على مدار اليوم، خاصة قبل التمرين وبعده.
* انخفاض سكر الدم (Hypoglycemia): إذا مر وقت طويل على آخر وجبة تناولتها، قد ينخفض مستوى السكر في دمك، مما يسبب دوخة وضعفاً. هذا يحدث خصوصاً لمن يمارسون الرياضة على معدة فارغة.
* الحل: تناول وجبة خفيفة ومتوازنة قبل التمرين، وتجنب فترات الصيام الطويلة بين الوجبات.
* سوء التغذية: نقص بعض الفيتامينات والمعادن الأساسية مثل الحديد وفيتامين B12 يمكن أن يؤدي إلى فقر الدم، والذي بدوره يسبب الدوخة والتعب.
* الحل: تأكد من أن نظامك الغذائي غني بالخضروات الورقية، اللحوم الحمراء، والمكسرات، واستشر متخصص تغذية لوضع خطة غذائية مناسبة.
* التمرين الشديد: قد يشعر البعض بالدوخة بعد تمرين مكثف جداً، خاصة إذا كان الجسم غير معتاد على هذا النوع من الجهد. هذا قد يكون بسبب انخفاض مفاجئ في ضغط الدم.
* الحل: احرص على الإحماء قبل التمرين والتهدئة بعده. لا تنهِ تمرينك فجأة، وخذ وقتاً لتستعيد أنفاسك.
* الراحة والنوم: لا تقلل من أهمية النوم الكافي. قلة النوم يمكن أن تزيد من التوتر وتؤثر على توازن الجسم بشكل عام.
* الحل: امنح جسمك قسطاً كافياً من الراحة والنوم الجيد.
ملاحظة هامة: إذا كانت الدوخة مستمرة أو مصحوبة بأعراض أخرى مثل ألم في الصدر أو خفقان في القلب، يجب عليك استشارة طبيب على الفور. هذه المعلومات ليست بديلاً عن النصائح الطبية المتخصصة.
مع أطيب الأمنيات بدوام الصحة والعافية 💙
ـــــــــــــــــــــــــــــــــــــــــــــــــــــــــــــــــــــــــــــ

✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى حميات الفيوم | مستشفى التأمين الصحي/لجنة السكر بالتأمين الصحي
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844


#الحميات #الباطنة #الكبد
#السكر

02/10/2025

مش دايمًا الأكل هو السبب... اعرف ايه كمان بيرفع السكر!🤔

كتير من مرضى السكر بيتفاجئوا إن السكر بيعلى حتى لو ماكلوش حاجة أو ملتزمين بالأكل كويس. 😮
ساعتها بيبقوا محتارين: "إزاي السكر ارتفع وأنا ماكلتش؟!"
والإجابة ببساطة إن الأكل مش السبب الوحيد لارتفاع السكر.. فيه عوامل تانية خفية ومهمة جدًا لازم ناخد بالنا منها. 👌

🩺 الأسباب اللي ممكن ترفع السكر من غير أكل:
1️⃣ التوتر والضغط النفسي: الحالة النفسية ليها تأثير مباشر على هرمونات الجسم، وده ممكن يرفع السكر بشكل ملحوظ. 😓
2️⃣ قلة النوم أو لخبطة مواعيده: السهر المستمر أو النوم ساعات قليلة بيخلي الجسم في حالة إجهاد، وده بيرفع السكر. 🥱
3️⃣ الألم: سواء ألم أسنان، صداع، أو أي نوع من الألم ممكن يخلي الجسم يفرز هرمونات ترفع السكر. 😣
4️⃣ الجفاف وقلة شرب الميه: نقص السوائل بيأثر على توازن الجسم كله، ومن ضمنه السكر. 🥵
5️⃣ العدوى والالتهابات: أي التهاب أو عدوى حتى لو بسيطة زي دور برد ممكن ترفع السكر. 🤧
6️⃣ اضطراب الهرمونات: زي فترات البلوغ أو الدورة الشهرية عند السيدات، وده طبيعي يحصل.
7️⃣ نسيان أو تأخير جرعة الإنسولين: ودي من أكتر الأسباب الشائعة لارتفاع السكر. 💉

⚠️ يعني باختصار.. السكر مش بيتأثر بالأكل بس، لكنه بيتأثر بكل ظروف جسمك ونفسيتك ونظام حياتك. 👀 وعلشان كدا مهم جدًا تكون فاهم كل العوامل دي وتتابعها مع دكتورك.. 🩺✨
ــــــــــــــــــــــــــــــــــــــــــــــــــــــــــــــــــــــــــــــــ

✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى حميات الفيوم سابقًا | لجنة السكر بالتأمين الصحي.
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844

🎯 خليك فاكر: المتابعة المستمرة مش رفاهية.. دي سر التحكم في السكر وحمايتك من مضاعفاته.


#الحميات #الباطنة #الكبد
#السكر

04/09/2025

✨🕌 بمناسبة المولد النبوي الشريف ✨
كل سنة وحضراتكم بخير وصحة وسعادة. 🌸

وسط فرحة المولد النبوي.. حوار مع مريضه:
👩‍🦰 "يا دكتور.. من بعد القرص ده وسكري عالي جدًا
👨‍⚕️ "إزاي يعني؟! المفروض السكر يتظبط مش يعلى 🤔.. يمكن الأكل كان زيادة شوية؟"

"لأ خالص.. دا أنا عاملة حسابي ان فيه قرص بعد الأكل وخفّفت الأكل قبل ما آخده 🥺"
"طيب يمكن الجرعة مش هي اللي قلتلك عليها؟! الرقم اللي على العلبة كام؟"
"أكيد فاكرة! مكتوب عليها 999."
"999؟! مفيش دوا للسكر بالرقم دا 😮"
"لأ يا دكتور.. مش علبة الدوا!😀
أنا قصدي على علبة الحلاوة 🫣.. قرص الحمصية!"😂

الفرحة واجبة.. لكن خلّي بالك من صحتك، خاصة لو مريض سكر. استمتع بالمناسبة الجميلة، لكن باعتدال 🙏

🌙 كل عام وأنتم بخير بمناسبة المولد النبوي الشريف 🌙
نسأل الله أن يعيده عليكم بالخير واليمن والبركات 🌸
مع أطيب الأمنيات بدوام الصحة والعافية 💙
ـــــــــــــــــــــــــــــــــــــــــــــــــــــــــــــــــــــــــــــ

✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى حميات الفيوم | مستشفى التأمين الصحي/لجنة السكر بالتأمين الصحي
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844


#الحميات #الباطنة #الكبد
#السكر

28/08/2025

🩺 السكر مش أرقام.. السكر أسلوب حياة

كتير من مرضى السكر بيقيسوا السكر وخلاص، من غير ما يفكروا الرقم ده معناه إيه أو إزاي يستفيدوا منه.
الحقيقة إن القياس اليومي للسكر هو المفتاح الذهبي للتحكم في المرض.👌
ودا لأنه بيخليك تتابع جسمك وتعرف تأثير الأكل والرياضة والأدوية على صحتك.

🤔 طيب السؤال المهم:
إمتى تقيس السكر عشان النتايج تكون صح وتفيدك؟⚡

1️⃣ قبل الفطار الصبح (وأنت صايم):
ده بيوريك الأساس اللي جسمك بيبدأ بيه يومه.
2️⃣ قبل الوجبات الرئيسية وبعدها بساعتين:
– قبل الأكل هتعرف جسمك داخل على الوجبة بمستوى سكر عامل إزاي.
– بعد الأكل بساعتين هتشوف هل الأكل اللي كلته مناسب ولا رفع السكر بشكل خطر.
3️⃣ قبل النوم:
مهم جدًا، خصوصًا للناس اللي بتاخد إنسولين، عشان تمنع هبوط أو ارتفاع مفاجئ بالليل.
4️⃣ لما تحس بأعراض غريبة:
زي الدوخة، رعشة، عرق زيادة أو صداع.. ساعات بتكون علامة إن في هبوط أو ارتفاع لازم يتلحق بسرعة.

إزاي تضمن القياس يطلع صح؟
✅اغسل إيدك كويس قبل ما تستعمل الجهاز.
✅غيّر الإصبع كل مرة عشان جلدك ما يتأذّاش.
✅ دوّن كل قراءة في دفتر أو أبلكيشن على الموبايل.. عشان لما تروح لدكتورك يكون عندك متابعة واضحة.

💡متسيبش السكر يتحكم فيك..
ابدأ دلوقتي أول خطوة للمتابعة الصح مع دكتورك، وخلي جهاز القياس يبقى دليل أمانك مش مصدر قلقك.✨
ـــــــــــــــــــــــــــــــــــــــــــــــــــــــــــــــــــــــــــــ

✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى حميات الفيوم | مستشفى التأمين الصحي
عضو جميعة شمال الصعيد للسكر
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844

🎯 لأن صحتك مش أرقام.. صحتك أسلوب حياة، وإحنا معاك خطوة بخطوة.


#الحميات #الباطنة #الكبد
#السكر

21/08/2025

مفاهيم يجب ان تصحح
🔷 مقاومة الأنسولين 🔷 🕵️
✍️ فى الفتره الاخيره لاحظت انتشار ثقافة عمل تحليل مقاومة الأنسولين بين الناس كانتشار النار فى الهشيم دون أدنى سبب طبى واحيانا بترشيح من فنيين المعامل كتحليل للاطمئنان على الصحه و ايضا فى حالات زيادة الوزن والسمنه وبيتم طلبه كثيرا من دكاترة السمنه و النحافه ...
🪵 لكن الصحيح طبيا وعلميا أن مقاومة الأنسولين هى شئ طبى مهم له علامات اكلينيكيه يختص بها طبيب الامراض الباطنيه بوجه عام وطبيب الغدد الصماء والسكر بوجه خاص .. والعلامات كالاتى 👇
✔️وجود تصبغات فى منطقة الرقبه وتحت الابط تشبة القطيفه
✔️وجود زوائد جلديه بكثره خصوصا فى منطقة البطن
✔️طبعا لابد أن تكون العلامات الجلديه دى مصاحبة بزيادة فى الوزن عن المعدل الطبيعى بحيث يزيد مؤشر كتلة الجسم BMI عن 25 مع تركز الدهون فى منطقة البطن ( الكرش ) وزيادة محيط الخصر كأصل لمشكلة مقاومة الأنسولين وده موجود فى الرجال والسيدات
✔️وجود سكر من النوع الثانى أو بوادر سكر ( مرحلة تسمى بما قبل السكر ) وهو ده الهدف الرئيسى من البحث عن علامات مقاومة الأنسولين بهدف تشخيص السكر وعلاجه
✔️احيانا بتكون مقاومة الأنسولين مصاحبه بوجود تكيسات على المبايض فى السيدات
💥 وبناءا عليه فإن تشخيص مقاومة الأنسولين هو تشخيص سريرى اكلينيكى يختص به طبيب الباطنه والغدد وليس معملى ولا يوجد قيمه حقيقيه لعمل تحليل مقاومة
الأنسولين .. وايضا فى حالة غياب السكر فليس هناك علاج اللهم إن كان المريض سيتابع سكره وسكره التراكمى كل فتره لان السكر ممكن يظهر بعد كده ......... انما علامات مقاومة الأنسولين نفسها بدون سكر ليس لها علاج غير ضبط الوزن للمساعدة فى ضبط السكر فى حالة أنه موجود او للوقايه من السكر فى حالة أنه مش موجود وهيحصل فى المستقبل . ولا داعى لعمل التحليل وتوفير تمنه ....
الخلاصه : ان التحليل مش هيضيف شئ لأن مقاومة الأنسولين اما انها بتتعرف بالعلامات اللى ذكرتها دى ،، او انها شئ ملازم للسكر من النوع التانى ،، وبالتالى مرضى السكر من النوع الثانى عندهم مقاومة انسولين !! يارب تكون الفكره وصلت

✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى التأمين الصحي| لجنة السكر بالتأمين الصحي
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844

🎯 هدفنا مش بس العلاج…
هدفنا تعيش بأمان في كل فصل، وتحمي نفسك من المضاعفات.

14/08/2025

🔆 الصيف ومريض السكر… 3 محاور لازم تتابعهم كويس.

الحر الشديد مش بس مرهق للجسم، لكن لمريض السكر بالتحديد ممكن يزود فرص الجفاف، مشاكل القدم، واضطراب السكر لو مفيش وعي.

لو أنت مريض سكر أو عندك حد عزيز عليك مريض…
البوست دا مهم جدًا ليك.👇

💧 أولاً: الجفاف
مع العرق وفقدان السوائل في الصيف، الجسم ممكن يدخل في جفاف من غير ما تحس، وده ممكن يؤدي لـ:
🔹 تركيز السكر في الدم.
🔹 هبوط أو ارتفاع مفاجئ.
🔹 تأثير على الكلى.

نصيحتنا:
✔️ اشرب مياه على مدار اليوم حتى لو مش عطشان.
✔️ قلل المشروبات المدرة للبول. (شاي – قهوة – مياه غازية)
✔️ راقب لون البول. (لو غامق = ناقصك مياه)

🦶 ثانيًا: القدم السكرية
في الصيف، زيادة التعرق والرطوبة بتزود خطر الالتهابات الفطرية والجروح في القدم.

نصيحتنا:
✔️ افحص قدمك يوميًا. (حتى لو مفيش وجع)
✔️ حافظ على جفاف القدم وبين الأصابع.
✔️ تجنّب المشي حافيًا أو بصنادل مكشوفة.
✔️ أي جرح صغير → لازم يتشاف فورًا.

🍽️ ثالثًا: التغذية في الحر.
الشهية ممكن تقل، أو يحصل لخبطة في مواعيد الأكل.

نصيحتنا:
✔️ خليك على وجبات خفيفة وموزعة.
✔️ ركّز على الخضار والفاكهة قليلة السكر. (زي التفاح والخوخ)
✔️ قلل الدهون والنشويات الثقيلة.
✔️ خليك دايمًا معاك وجبة خفيفة للطوارئ. (لو السكر نزل)
ـــــــــــــــــــــــــــــــــــــــــــــــــــــــــــــــــــــــــــــ

✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى التأمين الصحي| لجنة السكر بالتأمين الصحي
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844

🎯 هدفنا مش بس العلاج…
هدفنا تعيش بأمان في كل فصل، وتحمي نفسك من المضاعفات.

08/07/2025

خلي بالك من ضربة الشمس والإجهاد الحراري.. صحتك بالدنيا! 🌞🔥

ممكن يحصل إجهاد حراري
درجة الحرارة الايام دي صعبة جداً، ومع الحركة الكتير والخروج في الشمس، كتير من الناس بييجوا العيادة وهم عندهم أعراض خطيرة من الحر ومش واخدين بالهم.🙄 عشان كده لازم نعرف الفرق بين ضربة الشمس والإجهاد الحراري، وازاي نحمي نفسنا.👌

في البداية تعال نعرف يعني إيه ضربة شمس؟
ضربة الشمس بتحصل لما الجسم يسخن زيادة عن اللزوم وميفضلش قادر يبرد نفسه، ودي حالة خطيرة جدًا وممكن تهدد حياتك لو متلحقتش بسرعة.🤯

👈 أعراض ضربة الشمس:
🔹 حرارة الجسم عالية جدًا (ممكن توصل 40 درجة أو أكتر)
🔹 صداع رهيب.
🔹 دوخة وفقدان تركيز.
🔹 ممكن يحصل إغماء.
🔹 نبض سريع وجفاف شديد في الجلد والفم.

طيب والإجهاد الحراري ؟
ده بيحصل بسبب التعرض للشمس أو الحر لفترة طويلة، أو لو انت في أماكن حر المغلقه، ساعتها الجسم بيفقد سوائل وأملاح كتير.

👈 أعراض الإجهاد الحراري:
🔹 عرق غزير جدًا.
🔹 تعب وإرهاق شديد.
🔹 دوخة وصداع.
🔹 تقلصات في العضلات.
🔹 غثيان أو قئ.

🚨 لو حسيت بأي أعراض من اللي فوق:
- ابعد فورًا عن الشمس.
- اشرب مياه كتير أو عصير.
- بلل جسمك بمياه ساقعة.
- اقعد في مكان فيه تهوية وتكييف لو متاح.
- ولو الحرارة فضلِت عالية أو حصل إغماء، لازم تزور طبيب فورا.

💧 إزاي تحمي نفسك وأهلك؟
✅ اشرب مياه كل شوية حتى لو مش عطشان.
✅ قلل الخروج في عز الظهر من 12 لـ4 العصر.
✅ لو مضطر تخرج، البس طاقية أو شمسية ونضارة شمس.
✅ خلي لبسك قطن خفيف ولونه فاتح.
✅ متسيبش أطفال أو كبار السن في العربية مقفولة أبدًا.
✅ خليك دايمًا في مكان فيه تهوية كويسة.

📢 ضربة الشمس مش هزار، ومش لازم تستنى تحس إنك خلاص هتقع عشان تتحرك، الوقاية خير من العلاج، وخطوة بسيطة زي شرب المية وإنك تظلل على دماغك ممكن تحميك من مشكلة كبيرة.👌✨

صحتك مش مجال للتجربة.. احجز استشارتك دلوقتي! 🏥❤️
ـــــــــــــــــــــــــــــــــــــــــــــــــــــــــــــــــــــــــــــ
✍️ د. عاشور خلف عطية.🩺🧑‍⚕️
- استشاري الحميات، الباطنة، الكبد، والسكر.
- أخصائي معتمد السكر ومضاعافته المعهد القومي للسكر والغدد
- مستشفى حميات الفيوم | مستشفى التأمين الصحي
📍 العنوان: الفيوم - المسله - أمام باب مديرية الصحة - برج الاطباء - الدور الاول علوي (أعلي مطعم وصاية)
للحجز والاستفسار:
📲 01021892229 - 0842049509
📱 للطوارئ والواتس: 01003357844

30/06/2025