mental coach Dr hossam mohamed

Home
Egypt
Monshat El Fayoum
mental coach Dr hossam mohamed

Contact information, map and directions, contact form, opening hours, services, ratings, photos, videos and announcements from mental coach Dr hossam mohamed, Monshat El Fayoum.

دكتور بكلية التربية الرياضية جامعة بني سويف
المعد النفسي الرياضي لمنتخبات مصر للملاكمة ضمن تشكيل الاجهزه الفنيه 🥊المعد النفسي الرياضي لمنتخب مصر للبوتشيا لأولمبياد باريس ٢٠٢٤
المعد النفسي الرياضي للمشروع القومي للموهبة والبطل الاولمبي
🧠🥇🏆🇪🇬

02/11/2025

البطلة فرح.. بطلة الكويت للتايكوندو 🇰🇼🔥
كل التهنئة والفخر للبطلة فرح على الأداء الأسطوري والروح القتالية اللي خلتها تتوج ببطولة الكويت للتايكوندو! 👊
بطلة عندها عزيمة من حديد، وإرادة ما بتتهزش، وقدرت تثبت إن النجاح مش صدفة، النجاح بييجي بالإصرار، بالتعب، وبالروح اللي عمرها ما بتستسلم 💥
شكر كبير جدًا لولي أمر البطلة على الدعم والمجهود الكبير اللي بيقدمه يوم ورا يوم 💫
الدعم ده هو سر الاستمرارية والتميّز، وهو اللي بيخلي البطلة تقدر تواجه وتكسب وتفضل دايمًا في المقدمة 🥇
فرح 👑
من بطولة لبطولة، ومن إنجاز لإنجاز، ولسه الجاي أقوى بإذن الله

01/11/2025

مريم… الأسطورة التي لا تُهزم 🔥
في اليوم الأول فقط من بطولة كأس العالم – أبوظبي 🇦🇪
💥 اقتنصت 3 ذهبيات تاريخية في
🏅 50م زعانف
🏅 50م مونو
🏅 50م غوص
اسم مريم اليوم مش مجرد بطلة…
دي رمز للقوة، للصلابة، وللإصرار اللي بيكسر المستحيل 💫
من أول لحظة نزلت الميه… كانت الرسالة واضحة:
"أنا هنا علشان أكتب التاريخ مش أقرأه."
💪 مبروك لأسطورتنا الذهبية مريم…
اللي رفعت اسم مصر عاليًا في سماء العالم 🌍
واللي كل سباق ليها بيأكد إن البطلات الحقيقيات مش بيتولدوا… بيتصنعوا بالعرق، بالألم، والإصرار

31/10/2025

لحظة الحسم… لحظة المصير.
في ثواني قليلة، بيتحدد فيها مجهود موسم كامل
اللحظة اللي فيها القلب بيدق بسرعة… النفس بيضيق… والأفكار كلها بتتكلم جوا دماغك.
⏱️ اللحظة اللي بيقف فيها البطل في منطقة الإعداد… في منطقة التسخين…
سواء كان سباح بيشم ريحة الكلور، أو لاعبة جمباز بتلمس الجهاز لأول مرة قبل الدخول…
اللحظة دي مش لحظة عادية.
دي أخطر لحظة في البطولة كلها.
💣 لأن في اللحظة دي ممكن اللاعب يخسر 90٪ من إمكانياته قبل ما يبدأ.
لو ساب عقله يصدق إن “الأجواء مش مناسبة” أو “النهارده مش يومي” أو “اللي قدامي أقوى”...
بيخسر قبل ما يدخل.
لكن البطل الحقيقي…
🔥 هو اللي بيتحوّل في اللحظة دي.
🔥 هو اللي بيسمع صوته الداخلي يقول:
“أنا جاهز. دي لحظتي. ودي اللحظة اللي اتولدت علشانها.”
التعامل النفسي في لحظة الحسم مش رفاهية…
ده فن.
ده اللي بيفصل بين بطل طالع للمنصة…
وبين بطل خرج وهو مش فاهم إيه اللي حصل.
كمدرب، أو ولي أمر، أو رياضي…
افهم إن التحكم في لحظة الحسم
هو اللي بيحسم التاريخ كله.
سيزون كامل ممكن يضيع أو يتولد من جديد… في لحظة واحدة.
د .حسام محمد
الاخصائي النفسي الرياضي للمنتخبات الوطنية

28/10/2025

الفترة دي مش بس امتحانات.وتقييمات .. دي فترة أبطال بيتبنوا!"

في الوقت اللي أولادنا فيه بينزلوا تمرين الصبح أو بعد المدرسة،
وفي الوقت اللي بيحاولوا يوازنوا بين جدول مذاكرة وضغط امتحانات ومواد صعبة جدًا،
وفي الوقت اللي إحنا كأولياء أمور يمكن نفسنا نلاقي صعوبة في حل المسائل أو تذكر المعلومات،
هم بيقدروا يعملوا كل ده في وقت واحد! 💪
أبطالنا الصغيرين دلوقتي مش بس بيمارسوا رياضة…
هم بيتعلموا معنى التحمّل، الالتزام، والمسؤولية.
بيتعلموا يعني إيه "أكمّل رغم التعب"،
ويعني إيه "أنجح في كذا اتجاه في نفس الوقت"! 🔥

بغض النظر عن النتيجة أو الميدالية…
إحنا لازم نكون فخورين جدًا جدًا بولادنا،
فخورين إن عندنا جيل بيواجه الضغط وما بيهربش،
جيل بيتحدى نفسه كل يوم،
جيل بيدرس وبيتمرن، وبيحاول يكون أفضل نسخة منه رغم كل التعب.
ده مش مجرد وقت امتحانات…
ده وقت تأسيس الشخصية اللي هتشيل المستقبل.
وإحنا كأولياء أمور، لازم نقف ونقول:
"أنا فخور جدًا بابني… مش عشان كسب أو خسر،
لكن عشان عنده روح البطل اللي بتكمل، وبتتعلم، وبتقاتل."
خلي الفخر ده يظهر،
خلي الدعم ده يوصل،
خلي ولادنا يحسّوا إن كل تعبهم متشاف ومقدّر.
د. حسام محمد
المعد النفسي الرياضي للمنتخبات الوطنية

27/10/2025

ليه أبطالنا بيكسبوا العالم.. وبيقعوا في الأولمبياد؟"
🏅 عندنا أبطال في الاسكواش، والسلاح، والتايكوندو ، والرمايه
بيكسبوا أبطال العالم، بيحصدوا ميداليات في البطولات الدولية،
وبيخلّوا اسم مصر دايمًا في القمة 🌍🇪🇬
لكن أول ما ندخل الأولمبياد…
الصورة بتتغير!
الأداء بينزل، والنتائج مش بتعكس قدراتهم الحقيقية،
وساعتها بنسمع السؤال المؤلم: هو إيه اللي حصل؟
الحقيقة إن اللي حصل مش فني بس…
اللي حصل إننا بندخل الأولمبياد تحت ضغط رهيب:
⚡ توقعات عالية، أهداف ضخمة، وأرقام محددة.
بندخل واحنا بنقول: “هنجيب 10 ميداليات على الأقل.”
لكن فجأة… نلاقي نفسنا مش قادرين نحقق حتى ربع الرقم ده.
النتائج تصدم، والشارع يتكلم،
والأبطال نفسهم يعيشوا صدمة نفسية تقيلة جدًا.
وهنا لازم نقول الحقيقة كما هي:
🎥 الإعلام سلاح ذو حدّين.
عدم اهتمامه ببطولات العالم، وعدم إذاعته للمباريات الكبيرة،
بيحرم اللاعب من “التطبيع النفسي” مع الضغط الجماهيري والإعلامي.
فاللاعب يدخل الأولمبياد لأول مرة وهو مش متعوّد إن كل مصر بتتفرج عليه.
لكن لو الإعلام كان متابع من البداية،
وكان بيغطي بطولات العالم بنفس الحماس،
كان اللاعب اتربى وسط المتابعة، واتعوّد على الكاميرا،
وكان هيعرف يتعامل بثقة لما يقف في نور الأولمبياد.
وده هو دور الإعداد النفسي الحقيقي.
الإعداد النفسي هو اللي بيخلّي اللاعب يشوف الكاميرا فيبتسم،
يسمع الجمهور فيزيد تركيزه مش خوفه،
ويحوّل الضغط لطاقة.
الإعلام مش مجرد ناقل،
الإعلام شريك في تكوين البطل… أو في إسقاطه.
وزي ما بنبني أجسام قوية، لازم نبني عقول أقوى.
🧠 د. حسام محمد
أخصائي نفسي رياضي للمنتخبات الوطنيه
“بنجهّز أبطال نفسياً.. قبل ما يجهّزوا فنياً.”

17/10/2025

في لاعبين بيخافوا من المنافس…
وفي لاعبين بيخافو من الخسارة …

لكن في نوع تالت — الأخطر —
اللي بيخاف من الأجواء نفسها 😮‍💨

بيخاف من صوت الجمهور… من اسم البطولة…
من صدى المكان اللي فيه أبطال كبار لعبوا قبله!
مثلا مجمع حمامات سباحة استاد القاهرة…
ويحس إن المية تقيلة، النفس ضيق، الجسم مش بتاعه!
بس الحقيقة؟
المكان مش اللي بيخوفك.
المكان بيكشفك.
بيكشف هل أنت بتلعب بالعقل اللي جوه المية…
ولا بالعقل اللي جوه دماغك! 🧠💪
الفرق بين اللاعب العادي والبطل الكبير،
إن العادي بيهرب من المكان اللي خوفه…
لكن البطل بيدخل نفس المكان
ويصنع منه تاريخه! 🏆🔥
👊 خُدها قاعدة:
المكان اللي بيرعبك، هو نفس المكان اللي هيصنع عظمتك!
بس لازم تتعلم تتمرّن جوه عقلك قبل ما تدخل المية.
عيش الأجواء قبلها…
تخيّل نفسك في نفس الحمام، نفس الصوت، نفس اللبس، نفس الضغط…
خلي كل ده يبقى عادي بالنسبالك.
ساعتها لما تدخل البطولة…
مش المكان هو اللي هيسيطر عليك،
إنت اللي هتسيطر على المكان. 👑
البطل الحقيقي مش بيستنى المكان يريّحه…
البطل هو اللي بيحوّل كل مكان يخوفه…
لمكان بيحكي تاريخه هو!
للتواصل
د.حسام محمد
010 92505345
المعد النفسي الرياضي للمنتخبات القومية

15/10/2025

اخطر لحظه في المنافسه …
قبل ما اللاعب ينزل الماتش بثواني.
قلبه بيدق، نفسه متلخبط، عينه فيها توتر.
اللحظة اللي فيها كل حاجة بتتفصل بين “هيدخل بطل” أو “هيقع قبل ما يبدأ”.
وهنا… ييجي دور المدرب الحقيقي.
👊 مدرب أول:
يشوف الخوف، بس ماينطقش بيه بيقول عكس ما هو شايف
يبصله في عينه ويقول له:
"إنت جاهز.
انت بابن عليك واثق انهارده شكلك بيقول كده حتى لو الي ظاهر العكس
إنت هتدخل تكتب اسمك النهارده."
🔥 ومدرب تاني:
يشوف نفس النظرة،
بس يختار يقول:
"مالك يا ابني؟ إيه التوتر دا؟ شد نفسك!"
وهنا الفرق كله.
مش في التدريب.
مش في التكتيك.
في الكلمة اللي بتتقال قبل البداية.
العقل في اللحظة دي بيبقى زي الإسفنجة…
بيصدق أول كلمة تتقال.
لو قلت له “إنت مرعوب” → صدّقها واتشلّ.
لو قلت له “إنت جاهز” → صدّقها وفجّر الملعب.
🏆 المدرب اللي فاهم عقل لاعبه بيزرع في اللحظة دي "نار"، مش "شك".
الكلمة قبل الماتش = السلاح الأول في الفوز.
اتكلم صح، تبني بطل.
اتكلم غلط، تهدّ كل اللي بنيته.
🔥 السؤال بقى:
إنت كمدرب…
بتكلم لاعبتك بالكلمة اللي ترفعهم؟
ولا الكلمة اللي توقعهم؟
د. حسام محمد
المعد النفسي الرياضي للمنتخبات الوطنية
للتواصل 010 92505345
الفيديو إعداد المبدع كابتن عمر راضي
بطل أفريقيا

12/10/2025

في الفترة الأخيرة، الإقبال على جلسات الإعداد النفسي زاد بشكل كبير جدًا،
وده شرف ومسؤولية بنقدّرها، لكن في نفس الوقت محتاجين نحافظ على جودة كل جلسة وتأثيرها الحقيقي.

علشان كده، هيتوقف استقبال الحجز للجلسات الجديدة لمدة أسبوع واحد فقط .

🎯 هدفنا مش نشتغل أكتر… هدفنا نشتغل "أصدق".
🙏 شكرًا لكل من وثق، وبعت، وحجز .

11/10/2025

🏆 البطلة لوجي.. مثال للقوة والإصرار 🇪🇬🔥
لوجي قدرت تتخطى بطولة السفير الكوري المقامة في مصر بأداء قوي جدًا 💪
كسرت خوفها، وتغلبت على التحديات النفسية اللي كانت بتواجهها 👊
أظهرت عزيمة وإرادة حديدية ومستوى تنافسي فوق الممتاز.
💫 بطلة كبيرة بيستناها المنتخب إن شاء الله في المرحلة الجاية.
فخور بيكي يا لوجي.. دي مجرد بداية ✨
شكرا للمدربين الكبار
شكرا ولي الأمر على كامل الدعم

#تايكوندو
#إرادة #قوة

07/10/2025

🎾 ديناره .. بطلة استثنائية من صعيد مصر 🇪🇬
من أسيوط إلى منصات البطولات.. 💫
رحلة كلها تعب وسفر ومشاكل، لكنها اختارت الطريق الصعب واختارت تثبت لنفسها قبل أي حد إنها بطلة حقيقية.
بطلة كسرت كل الحواجز وقدرت تكون من أفضل لاعبات التنس في مصر، بتصنيف قوي جدًا وبنسبة فوز تخليها من المرشحات الأولى لأي بطولة تدخلها 🏆🔥
دينارة مش مجرد اسم في الملاعب…
دي قصة تحدي وإصرار وشغف.
دي اللاعبة اللي بتتمرن رغم التعب، وبتسافر رغم الظروف، وبتثبت كل يوم إن الحلم الكبير يستحق التعب الكبير.
القادم أعظم يا بطلتنا 💪
منتظرين نشوفك من أبطال العالم للتنس قريب جدًا 🇪🇬🎾
كل الشكر للمدربين الكبار
كل الشكر لولي الأمر على الدعم الكامل وتحمل مشقة السفر

05/10/2025

اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا

02/10/2025

✨ هل جربت قبل كده تسافر بخيالك ؟
الحياة مش بس تمارين ومجهود بدني… ومش بس كتب ومذاكرة وضغط امتحانات.
العقل زي الجسم بالظبط، محتاج أوقات يرتاح فيها ويفصل عن كل الضغوط.
هنا بييجي دور الاسترخاء التخيلي 🧘‍♂️✨
إنك تقفل عينيك، وتسيب خيالك ياخدك لمكان بتحبه… شاطئ هادي 🌊، جبل عالي 🏔️، أو حتى ذكرى دافية خلتك تبتسم.
المكان اللي يخلي ضربات قلبك تهدا… والمخ يصفّي… والجسم يسترجع طاقته.
سواء كنت رياضي مضغوط من التمرين 💪 أو طالب متلخبط من المذاكرة 📚… دقيقة واحدة من الاسترخاء التخيلي كفيلة تغيّر مزاجك وتخليك ترجع أقوى.
للتواصل 010 92505345
د. حسام محمد
المعد النفسي الرياضي للمنتخبات القومية

Address

Monshat El Fayoum

Telephone

+201092505345

Website

http://www.hossammohamed.com/

Alerts

Be the first to know and let us send you an email when mental coach Dr hossam mohamed posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Monshat El Fayoum?