صحة عيلة/ د. دميانة جرجس-أخصائي طب الأسرة للباطنة و الأطفال و تنظيم الأسرة

  • Home
  • Egypt
  • Faiyum
  • صحة عيلة/ د. دميانة جرجس-أخصائي طب الأسرة للباطنة و الأطفال و تنظيم الأسرة

صحة عيلة/ د. دميانة جرجس-أخصائي طب الأسرة للباطنة و الأطفال و تنظيم الأسرة نهتم بصحتك و صحة أسرتك
صحتكم مسئوليتنا

09/12/2023

♦️ هل الرضاعة الطبيعية كافية لمنع الحمل بعد الولادة ⁉️

كتير بنسمع جملة انا مش بستخدم أي وسيلة علشان برضع نضيف 🤔🤔

♦️ ازاى حملت تانى بسرعة كدة و أنا برضع 😭 ⁉️

♦️ الدورة مجاتش بعد الولادة و انا برضع هل ممكن احمل كدة ⁉️

كل الاسئلة دي هنجاوب عليها في الفيديو البسيط ده 👇
و هنعرفك ايه هي شروط استخدام الرضاعة الطبيعة كوسيلة لتنظيم الاسرة 💪

يسعدنى أن أكون متواجدة بعيادة النساء و تنظيم الأسرة في الأيام التالية: ✅ مجمع مارمرقس للخدمات الطبية بالفيوم:السبت من ١١...
28/11/2023

يسعدنى أن أكون متواجدة بعيادة النساء و تنظيم الأسرة في الأيام التالية:

✅ مجمع مارمرقس للخدمات الطبية بالفيوم:
السبت من ١١ صباحا وحتى ٢ ظهراً
الثلاثاء من ٥ مساءاً وحتى ٩ مساءاً

✅ المستوصف الإنجيلي الخيري بسنورس:
السبت من ٥ مساءا وحتى ٧ مساءاً
الاثنين و الأربعاء من ١٠ صباحاً وحتى ٢ ظهراً

♦️ الخدمات التي تقدمها العيادة:

◀️ تقديم المشورة الطبية حول كل ما يخص وسائل تنظيم الاسرة
◀️ تركيب وسائل تنظيم الاسرة المختلفة ( لولب نحاسي و هرموني و كبسولة)
◀️ علاج المشكلات الناتجة من استخدام وسائل تنظيم الأسرة
◀️ متابعة الحمل
◀️ علاج اضطرابات الدورة الشهرية
◀️ علاج تقرحات عنق الرحم
◀️ علاج أمراض النساء
◀️ علاج التهابات المهبل و الرحم و جفاف المهبل
◀️ التشخيص بالسونار

د. دميانة جرجس/ اخصائي طب الأسرة

بدء العمل بالمستوصف الإنجيلي بسنورسيوم الاثنين و الاربعاء من كل اسبوعمن ١٠ صباحا حتى ٢ ظهرا
11/10/2023

بدء العمل بالمستوصف الإنجيلي بسنورس
يوم الاثنين و الاربعاء من كل اسبوع
من ١٠ صباحا حتى ٢ ظهرا

الجمعية الخيرية الإنجيلية بسنورس
يتشرَّف المستوصف الخيري الإنجيلي بانضمام
الدكتورة دميانة جرجس أنور
أخصائي طب الأسرة
( أمراض النسا- متابعة الحمل- وسائل تنظيم الاسرة)

الشتاء خلاص على الأبواب و المدارس رجعت من تاني 🥺يبقى لازم نقرأ البوست ده 👇 لصحتنا و صحة أطفالنا 💪👈مصل الانفلوانزا 2023/2...
24/09/2023

الشتاء خلاص على الأبواب و المدارس رجعت من تاني 🥺
يبقى لازم نقرأ البوست ده 👇 لصحتنا و صحة أطفالنا 💪

👈مصل الانفلوانزا 2023/2024 . Influvac Tetra

تطعيم الأنفلونزا الموسمية
تُعَدُّ لقاحات الإنفلونزا الموسمية الطريقة الأكثر فعالية للوقاية من مرض الإنفلونزا. ومع تطور الإنفلونزا وتغيرها باستمرار مع مرور الوقت وتراجُع مناعتنا ضد الإنفلونزا، يُنصَح بالتطعيم السنوي للحماية من الإنفلونزا

📢 العمر المناسب و عدد الجرعات ؟

👌 ينفع لكل الاعمار فوق ال ٦ شهور 👇

👈 يعطي مصل الانفلونزا الموسميه بداية من عمر 6️⃣ شهور

📌 لو الطفل اول مرة ياخد المصل وعمره بين ٦ شهور الي ٩ سنوات ◀️ هياخد جرعتين بينهم شهر

📌 لو الطفل عمره من ٩ سنوات فما فوقها ◀️ جرعه واحدة

📌 لجميع الاعمار الجرعه ثابته وهي ٢/١ مل ( الجرعه كامله )

📢 الوقت المناسب لأخذ المصل ؟

📌 أفضل وقت بيكون قبل دخول فصل الشتاء 👌👌
أي خلال شهر سبتمبر و بداية شهر أكتوبر

📢 الأعراض الجانبية لمصل الانفلونزا ؟

1️⃣ فى بعض الحالات وجع بسيط وإحمرار أو تورم مكان الحقنة
2️⃣ نادرا ما يسبب سخونة أو صداع وآلام بالجسم
3️⃣ وحالات نادرة جدا جدا يحدث حساسية أو طفح جلدى

📢 موانع تطعيم الانفلونزا الموسمية حسب المركز القومى للتطعيمات فاكسيرا....
1️⃣الحساسية المفرطة من أكل البيض
2️⃣الحساسية المفرطة جراء جرعة سابقة من نفس اللقاح أو أى لقاحر آخر
3️⃣فى حالة الإعياء الحاد، وارتفاع درجة الحرارة على أن يتم تأجيل التطعيم لحين التعافى

❌ لا يوجد اى تعارض بين تطعيم الانفلونزا الموسمى و اى تطعيمات بس لازم يكون بينهم فاصل زمني أسبوعين تقريبا 👌

❤️ دمتم بصحة و سلامة ❤️

إطلاق مبادرة رئيس الجمهورية للكشف المبكر وعلاج الأورام السرطانية 🟪 المبادرة تهدف إلى اكتشاف المرض في مراحله المبكرة 🟪 تس...
11/06/2023

إطلاق مبادرة رئيس الجمهورية للكشف المبكر وعلاج الأورام السرطانية

🟪 المبادرة تهدف إلى اكتشاف المرض في مراحله المبكرة
🟪 تستهدف المواطنين من سن ١٨ عام فيما فوق
وتضم الكشف عن ٤ أورام سرطانية وهي
سرطان عنق الرحم - سرطان البروستاتا - سرطان الرئة - سرطان القولون

الحصول على خدمات المبادرة، يبدأ بتوجه المواطن إلى الوحدة الصحية، وملىء استبيان إلكتروني، يتضمن عددًا من الأسئلة حول الأعراض المرضية لجميع الأورام التي تشملها المبادرة، ويتم من خلال نتيجة الاستبيان معرفة المرض المستهدف الكشف عنه لدى المواطن.

بعد معرفة المرض المستهدف الكشف عنه لدى المواطن يتم تحويله إلى المستشفيات التي تعمل ضمن المبادرة، لإجراء الأشعة والفحوصات المعملية اللازمة، وفي حالة سلبية الفحص، يتم إبلاغ المواطن بالمتابعة الدورية لحالته الصحية، حسب نوع الورم المستهدف الكشف عنه، أما في حالة إيجابية الفحوصات يتم إحالة المريض إلى المستشفيات لتلقي الرعاية الصحية اللازمة.

الكشف المبكر يحميك من مضاعفات الأمراض👌

🫗 شرب الماء أثناء الرضاعة 🫗يعتبر الماء علاج سحري لزيادة ادرار لبن الثدي✨ لو انتى ام مرضعة🤱 جسمك بيحتاج تشربي من ٨ ل ١٢ ك...
05/06/2023

🫗 شرب الماء أثناء الرضاعة 🫗
يعتبر الماء علاج سحري لزيادة ادرار لبن الثدي

✨ لو انتى ام مرضعة🤱 جسمك بيحتاج تشربي من ٨ ل ١٢ كوب ماء🫗 يوميا علشان تكتري من ادرار اللبن للطفل🍼

✨ و علشان متنسيش تشربي المياة، خلي دايما جنبك كوباية مياة كبيرة او زجاجة مياة صغيرة خلصيها فى كل مرة ترضعي فيها طفلك
و لو خرجتي اهتمي دايما يكون معاكي زجاجة مياة في شنطتك

✨ مفيش حاجة اسمها كثرة المياة هتخلى لبن الام خفيف ◀️ لبن الأم بيتكون من حوالى ٨٧٪ مياة

✨ ممكن كمان نشرب سوايل زي العصاير الفريش 🍹 و الاعشاب الطبيعية🍵 لكن تجنبي المشروبات اللى فيها كافيين🫖 او صودا🍷

❤️ لأن صحتكم هي مسئوليتنا ❤️

الجو حر و رطوبة 🥵🥵و حمو النيل بدأ يفرهدنا و يفرهد اطفالنا  😔😔ايه حمو النيل ده 🤔ده التهاب بيظهر في الجسم مع الحر و الرطوب...
02/06/2023

الجو حر و رطوبة 🥵🥵
و حمو النيل بدأ يفرهدنا و يفرهد اطفالنا 😔😔

ايه حمو النيل ده 🤔
ده التهاب بيظهر في الجسم مع الحر و الرطوبة العالية
بيظهر في الكبار 👩 و الاطفال 👧 لكن بنشوفه في الاطفال الصغيرين أكتر 👶 علشان الغدد العرقية بتكون غير كاملة النمو و بالتالي بيسهل انسداد قنوات الغدد العرقية و تظهر الحبوب

الحبوب بتظهر أكتر في الرقبة و الصدر و الظهر و ثنايا الجلد 😰

بس متقلقيش تعالى اقولك على حلول سهلة و بسيطة نحمي بيها القطاقيط الصغيرين 👌👌

١- ممنوع التعرض المباشر لسخونة الشمس و خصوصا وقت الظهر 🌞❌
٢- دايما الطفل يقعد في جو بارد و نستخدم المراوح او التكييف بدرجة حرارة مناسبة ❄🌡
متخافيش مش هيكح ولا يعطس
٣- نستحمى بماء فاتر اقرب للبارد بلاش مياة سخنة 🛁
٤- نستخدم فوط قطن للتنشيف و نلبس ملابس قطنية خفيفة 🩳👕 و بلاش نسيب جسم الطفل مبلول لان ده هيزود الرطوبة و الالتهابات و خصوصا ثنايا الجسم لازم تتنشف كويس
٥- ممكن نحط فوطة قطن على السرير تحت الطفل و هو نايم علشان تمتص العرق 🛏
٦- ممكن نستخدم ماسة كالامينا علشان تقلل الالتهاب 🧴
٧- ممكن نستخدم ادوية حساسية زي الفنيستيل تحت اشراف الطبيب و لمدة معينة💊
٨- اخيرا و اهم حاجة نهتم بشرب المياة كويس جدا 🥤

امتى اروح بالطفل للدكتور 🥼🩺
لو الالتهاب مش بيخف مع الطرق اللى قولناها فوق 👆
لو الالتهاب امتد للجسم كله
لو الجسم ابتدى يكون دمامل
لو فى سخونة مصاحبة للالتهاب 🌡️

❤️ لأن صحتكم هي مسئوليتنا ❤️

الجو بدأ يبقى حر 🥵 و رطوبة 🌡️🌪️و بدأ « حمو النيل » يفرهد أطفالنا 😭 🤕أستنونا البوست القادم هنتكلم بشكل مبسط عن حمو النيل ...
01/06/2023

الجو بدأ يبقى حر 🥵 و رطوبة 🌡️🌪️
و بدأ « حمو النيل » يفرهد أطفالنا 😭 🤕

أستنونا البوست القادم هنتكلم بشكل مبسط عن حمو النيل و ازاى نحمي اطفالنا منه 💪💪

احموا اطفالكم من مرض السكري من النوع الثاني
29/05/2023

احموا اطفالكم من مرض السكري من النوع الثاني

🍕🍔

👈 لو طفلك بيعاني من السمنة او زيادة في الوزن لازم تعرفي السبب وتركزي مع الاكل اللي بياكله
طيب ايه الاسباب اللي ممكن تسبب سمنة لطفلك ⁉️
🔹 تناول اكلات بكميات كبيرة من الحلويات او المشروبات الغازية
🔹 تناول الاكلات السريعة المضره والمقليات واللتي تحتوي علي نسبة دهون 🌭مشبعة غير صحية
🔹 كسل والخمول وقلة الحركة وعدم ممارسة الرياضة 🥱
🔹سهر طفلك لساعات متأخرة في الليل وعدم تنظيم ساعات النوم

طيب ايه الطرق اللي ممكن نعالج بيها مشكلة السمنة ⁉️
🔹شجعي طفلك علي ممارسة الرياضة وممارسة المشي 🏃
🔹 ركزي مع اكله واعتمدي الاكلات الصحية في الفطار والغداء والعشاء
🔹قدمي العصاير الفريش🍹 مش المعلبة واعملي كمية محدودة من الحلويات
🔹نظمي ساعات النوم لتوزيع الوجبات بشكل صحيح خلال اليوم 😴

☑️ طيب يلا مستنية ايه تعالي واحنا هنخليلك ابنك زي الاول واحسن مع

💯



#كافتيشن

🛕 العنوان : الفيوم شارع عدلي يكن ( شارع بن زمان ) أعلي مخبوزات كهرمانة
📞للحجز والاستعلام
☎️ 01066016684

29/05/2023

صحتك غالية أحميها وحافظ عليها 💪
وعلشان كدة هقولك علي ...
👈 10 نصائح ذهبية للوقاية من مرض السكري 🤩👌

1️⃣ إهتم بنظام أكلك وإتباع نظام غذائي صحي
2️⃣ مارس الرياضة الصحية يومياً بإنتظام
3️⃣ حافظ علي مستوي السكر في الدم مظبوط
4️⃣ عالج إرتفاع ضغط الدم وتابع قياسه بإنتظام
5️⃣ إتجنب فقدان الوزن بشكل مفاجئ وسريع
6️⃣ تناول الفواكه والخضروات الطازجة بكثرة ودة لأنها تحتوي علي الألياف الغذائية المهمة
7️⃣ عدم إهمال جروح القدمين وعالج في أسرع وقت لتجنب الإصابة بالقدم السكري
8️⃣ التوقف عن التدخين نهائياً
9️⃣ الإنتظام في مواعيد الأدوية
🔟الكشف الدوري بإنتظام مع الدكتور المختص

📌 مهم جدا جدا تتابع حالتك بشكل دوري ومستمر مع الدكتور لإتباع طريقة العلاج المناسبة للحالة وتجنب حدوث مضاعفات أو أعراض أكثر خطورة
فخلوا بالكم وربنا يحفظ الجميع 🙏

مع 🤍
🔹 أخصائي الباطنة و أمراض الكبد ومناظير الجهاز الهضمي بمستشفى الهرم التخصصي والتأمين الصحي في الفيوم
🔹 ماجيستير الجهاز الهضمى والكبد بجامعة عين شمس

👈⛔ أي مرض تقدر تسيطر عليه بالتشخيص المبكر والعلاج السليم ✌
ومع تمنياتي للجميع بدوام الصحة والعافية ولكل المرضى بالشفاء العاجل 🤲❤
🩺____🩺
🔍 لحجز كشف أو الاستفسار ...
👈 عيادة الفيوم
🌏 العنوان :
تقاطع شارع مصطفى كامل مع عدلي يكن - أمام الكنيسة الانجيلية - أعلى مخبوزات كهرمانة
☎️ للحجز والاستعلام :
📞 01140675620
📞 0842142439
👈 عيادة طامية
🌏 العنوان :
شارع المستشفى- أعلى مركز الرجاء للعلاج الطبيعي
☎️ للحجز والاستعلام :
📞 01507795598

أرجوكم أرجوكم 🤦🏻‍♀️ليه نوصل جلد الرضيع للشكل ده 😭😭و السبب هو ان الطفل الرضيع بيقعد شهر أو اكتر بعد الولادة مش بيستحمى 😱😱...
26/05/2023

أرجوكم أرجوكم 🤦🏻‍♀️
ليه نوصل جلد الرضيع للشكل ده 😭😭

و السبب هو ان الطفل الرضيع بيقعد شهر أو اكتر بعد الولادة مش بيستحمى 😱😱😱

مفيش حاجة اسمها أن الاستحمام للمولود هيجيبله برد 🤦🏻‍♀️
مفيش حاجة اسمها الاستحمام هيسببله التهاب رئوي 🤦🏻‍♀️
مفيش حاجة اسمها ان الطفل يتساب لحد ما يتم شهرين من عمره بدون استحمام علشان ميعياش 🤦🏻‍♀️

بالعكس عدم استحمام الرضيع هيسببله مشاكل كتير جدا منها 😭
◀️ انتشار البكتريا و الفطريات على الجلد
◀️ التهابات الحفاضة المتكررة
◀️ اكزيما
◀️ تجعد جلد الطفل

⛔ الطفل الرضيع بيتسحمى من أول يوم 🙈🙈

و لكن ببعض الاحتياطات البسيطة زي مثلا 🔻
1️⃣ جهزي مكان و ادوات الاستحمام الخاصه بطفلك🛀 قبل ما تبدأي
و يفضل يكون مكان دافئ او غرفة مغلقة
2️⃣ استخدمى حوض بلاستيك صغير للمياة 🛀
3️⃣ أستخدمى المنتجات الخاصة بالاطفال الرضع زي الشامبو او الشاور
و متستخدميش اى مواد تحتوى على مواد كيميائية او مطهرات❌❌
4️⃣ لو السرة لسة منزلتش ممكن تستخدمى اسفنجة مبلولة و معصورة كويس و تمسحي بيها جسم طفلك
5️⃣ اخر حاجة اختصري في وقت الاستحمام بحيث لا يتعدى العشر دقايق🕚

🚫 ممنوع نهائي استخدام المناديل المبللة على جلد الطفل الرضيع ❌❌❌❌
لانها بتحتوى على كحول و مواد مطهرة بتسبب التهاب شديد للجلد

⛔ الاستحمام مش بس هيحمي جلد الطفل من التهابات الفطرية و البكتيرية و هيحميه من العدوى المتكررة
لا ده كمان ليه فوايد تانية كتير زي مثلا
✅ تنشيط الدورة الدموية للطفل
✅ تقوية الجهاز العصبي للطفل
✅ دعم الصحة النفسية للطفل و يزود رغبته فى اللعب و المرح بعد الاستحمام
✅ بيساعد فى تهدئة الطفل و استرخائه
و الاستحمام ليلا يساعده على النوم بشكل افضل

🔵 احرصي على استحمام طفلك من مرتين لثلاثة أسبوعياً
و يمكن ان يستحم يوميا فى الجو الحار و الرطب

❤️ لأن صحتكم هي مسئوليتنا ❤️

المبادرة الرئاسية لفحص المقبلين علي الزواج 👰🤵 تشمل المبادرة الكشف عن الأمراض غير السارية (السكر، ارتفاع ضغط الدم، السمنة...
24/05/2023

المبادرة الرئاسية لفحص المقبلين علي الزواج 👰🤵

تشمل المبادرة الكشف عن الأمراض غير السارية (السكر، ارتفاع ضغط الدم، السمنة)، وكذلك الكشف عن الأمراض المعدية (فيروس بي، فيروس سي، فيروس نقص المناعة البشري)، بالإضافة إلى إجراء تحاليل (فصيلة الدم، Rh ،هيموجلوبين)، وفحوصات الأمراض الوراثية مثل مرض البحر الأبيض المتوسط "الثلاثيميا"، وفقر الدم المنجلي، للمقبلين على الزواج.

كما تشمل المبادرة تقديم خدمات المشورة والتثقيف الصحي للمقبلين على الزواج، والتي تتسم بالخصوصية والسرية التامة بين مقدم الخدمة وطالب المشورة.

تأكد من إجراء التحاليل قبل عقد القران بوقت كافٍ.

الخطوات التفصيلية موضحة في الصور بالأسفل 🔻

Address

Faiyum

Alerts

Be the first to know and let us send you an email when صحة عيلة/ د. دميانة جرجس-أخصائي طب الأسرة للباطنة و الأطفال و تنظيم الأسرة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to صحة عيلة/ د. دميانة جرجس-أخصائي طب الأسرة للباطنة و الأطفال و تنظيم الأسرة:

Share