07/05/2026
الكوليسترول🫀
تعالوا نعرف أيه هو الكوليسترول ؟ وازاي بيتكون ؟ وهل كله مضر لجسمنا؟ وازاي نقدر نقي أجسامنا من أضراره ؟
أيه هو الكوليسترول ؟ 🤔
الكوليسترول هو مادة شمعية دهنية يفرزها الكبد وهي ضرورية لبناء الخلايا وانتاج الهرمونات
طيب هل كله مضر ؟؟🤔
ينقسم الكوليسترول إلى :
1️⃣ كوليسترول مفيد HDL وده مهم جدا لبناء الخلايا وكمان عمل ليونة ومرونة في الأوعية الدموية
2️⃣كوليسترول ضار LDL و VLDL وده اللي بيترسب في الشرايين ويسبب انسدادها
طيب أيه أعراض ارتفاع نسبة الكوليسترول الضار ؟ 🤔
غالبا بيبقى صامت 🔇
بلا أعراض زيه زي الضغط والسكر
ولو حصل أعراض بتبقى بسبب النضاعفات وبتبقى :
1️⃣آلام في الصدر
2️⃣ضيق في التنفس
3️⃣غثيان وتعب
4️⃣دوار وإغماء
5️⃣نوبات قلبية
6️⃣تنميل او برودة في الأطراف
7️⃣كلاكيع كوليتسرول تحت الجلد
أيه أسباب ارتفاعه؟🤔
الكوليسترول مرض وراثي
1️⃣الأكل غير الصحي fast food والزيوت المهدرجة
2️⃣نمط الحياة غير الصحي متمثل في قلة النشاط
3️⃣السمنة
طيب ايه أفضل طرق للوقاية منه ؟🤔
1️⃣تناول أطعمة صحية
شوفان
زيت زيتون
أسماك غنية بأوميجا ٣
أفوكادو
الخضروات والفواكه
2️⃣ممارسة الرياضة يوميا
3️⃣تجنب الأغذية المشبعة بالدهون
4️⃣الامتناع عن التدخين
5️⃣الأدوية التي تساعد في انزال نسبة الكوليسترول الضار والمتابعة مع طبيب القلب
