Mahmoud Attia - Health care

Mahmoud Attia - Health care { Health care }
" محتوى طبي وخدمات طبية وتمريضية 🧑🏻‍⚕️ "

الفرق بين ادوية القلب المشهورة ( بلافيكس ، بريليك )----------------------------- دى ادوية Anti-platelet يعنى بتمنع تجمع...
27/05/2024

الفرق بين ادوية القلب المشهورة ( بلافيكس ، بريليك )
----------------------------
- دى ادوية Anti-platelet يعنى بتمنع تجمع الصفايح الدموية وبالتالى بتستخدم للوقاية من حدوث الجلطات

- الفرق بينهم :
1️⃣ البلافيكس
- بيتاخد مرة واحدة فى اليوم
- بيتفاعل مع دواء شهير للمعدة ( اوميبرازول ) ولو اتاخدوا مع بعض البلافيكس مش هيشتغل
- لو هتعمل عملية جراحية لازم توقفة قبلها ب ٣ او ٥ أيام حسب امر الطبيب
- بيشتغل بعد ساعتين من اخذة
- بيتم تحويلة للشكل الفعال فى الدم من خلال الكبد
- بيستخدم كمان بعد الاصابة بجلطة المخ

2️⃣ البريليك
- بيتم استخدامه فى الوقاية من جلطات القلب فقط حالياً ، ولسة الأبحاث شغاله على انه يستخدمه فى جلطة المخ
- الشكل الفعال فى الدم عالطول مش محتاج الكبد يحولة
- مش بيتفاعل مع الاميبرازول
- بيتاخد مرتين فى اليوم
- بيشتغل بعد نص ساعة من اخده
- لو هتعمل عملية فا بتوقفه قبلها بيومين حسب أمر الطبيب

🤍
✍️

18/02/2024

مرض ( ضمور العضلات الشوكي SMA ) spinal muscluer atrophy.

- ده مرض وراثي 👫 ، بينتقل من الأبوين للأبناء 👶
_ بيكون في خلل جيني او نقص في جين معين مسؤول عن انتاج نوع بروتين معين 🧬 فا بالتالي البروتين مبيتكونش 🥺
- البروتين ده بقي 🧬 بيكون مسؤول عن تكوين الخلايا العصبيه في الدماغ والحبل الشوكي المسؤوله عن حركة العضلات 💪🦵
- عدم تكون البروتين ده ... بتبدأ الخلايا العصبيه يحصلها تلف وتموت ... وتبدأ العضلات معانا متشتغلش فا يحصلها ضمور وحجمها يقل 💔

_ المرض ليه كذا نوع 🖐️
*1 اول نوع بيحصل ف الاطفال لحد سن ٦ شهور وده اخطر نوع ☠️
*2 تاني نوع من ٧ شهور لحد سنه ونص
*3 تالت نوع من سنه ونص لفوق
*4 رابع نوع بيحصل فى البالغين وبتكون خطورته اقل

- للأسف علاج المرض ده غالي جدا بيتكلف حوالي ٣ مليون دولا والعلاج ده موجود ف امريكا ، والعلاج : بيعمل علي تعديل الجينات المسؤولة عن انتاج البروتين وتخلي الخلايا العصبيه عندنا بخير وتمام وميحصلهاش تلف وبالتالي تشتغل معانا العضلات 🧬💪🦵
- زي مثلا علاج اسمه 💊 ( Nusinersen , Risdiplam )

- شفانا الله وعافنا🤲

🤍
✍️🧑🏻‍⚕️

الغيبوبه الكبديه (Hepatic encephalopathy or Hepatic coma)😵- الكبد عندنا يعتبر مصفاة الجسم من السموم والمواد الضاره ، عن ...
15/02/2024

الغيبوبه الكبديه (Hepatic encephalopathy or Hepatic coma)😵

- الكبد عندنا يعتبر مصفاة الجسم من السموم والمواد الضاره ، عن طريق ان الدم بييجي من الامعاء والطحال والمعده ، وبيروح من خلال الوريد البابي (Portal vain) الى الكبد لتنقيته من السموم وبعدين يروح يدخل الدوره الدمويه وهو نضيف🫀

- الغيبوبه الكبديه بتحصل بسبب تراكم مادة ودى مادة ضارة بتروح للمخ وتعمل Coma 😴 ... والكبد هو المسؤول عن تحويل مادة الامونيا الى #يوريا وخروجها عن طريق البول برا الجسم 💧
- والغيبوبه الكبديه ... تعتبر مرحلة متأخره من تليف او فشل الكبد
- وفى اسباب ممكن تساعد فى حدوث الغيبوبه عند مريض الكبد زى ⤵️
* الإمساك ، الجفاف والنزيف ، نقل الدم ، الثلاثيميا ، دوالى المرئ ، العدوى ، الاستخدام الكتير لل Diuretics
* الإكثار من تناول البروتينات وخاصة اللحوم🥩


0️⃣ بيكون المريض عنده شوية اضطرابات فى الذاكرة والانتباه غالباً مش بنلاحظه.
1️⃣ بيكون فى اضطرابات فى النوم والذاكره والوقت والمزاج غالباً برضو مش بنلاحظه
- الدرجة 0 , 1 ممكن تتعالج فى البيت🏫
2️⃣ بيكون تغير شديد فى المزاج والسلوك وإضطراب فى الذاكرة ومعرفة الوقت والاشخاص.
3️⃣ بيكون شبة غيبوبه والوعى بيقل جامد وتكلمه بيرد بصعوبه وتقوله ارفع ايدك تشوف ايده بيحصلها هزات او رعشه flopping tremors
4️⃣ المريض بيكون فى غيبوبه فعلاً ومبيستجبش للألم انه يفوق ✋
- لاااازم عناية مركزة 🏥

#الاعراض 😵
* اصفرار فى العين والجلد
* فقدان الشهيه وإضطراب المزاج والذاكره
* رائحة فم كريهة جدا
* الضعف العام
* التعرض للنزيف بكثرة ، لأن عوامل التجلط بتتصنع من خلال الكبد

🧪
* تحليل امونيا NH³ من خلال عينة دم من الشريان او الوريد (متربطش tourniquet لو هتسحب من الوريد)
* هنعمل رسم مخ EEG 🧠
* هنعمل CT على المخ لاستبعاد جلطه او نزيف بالمخ

#العلاج💊
* اهم حاجه Low protein diet لأن نواتج تكسير البروتينات هى الامونيا وخاصة البروتينات الحيوانيه الحمراء🥩 ، المفروض فى البداية نبدأ معاه ب 40 مجم بروتين فى اليوم وتزيد بالتدريج ومتعديش 60 مجم يومياً، ويفضل البروتينات النباتيه واللحوم البيضاء كالسمك والفراخ
وفى الحالات الشديدة والمتأخرة بنعمل protein restriction ☠️
* لاكتيلوز .. ده سيد العلاج سواء شرب او حقن شرجية لانه بيمنع الامساك ويخرج الأمونيا برا الجسم مع البراز ... وبيستخدم كوقاية لمرضي الكبد أنه يدخل فى غيبوبة
* حقن شرجيه لو هستخدها هتبقي ( 300 مل لاكتيلوز على لتر مل مياه دافيه ) واخلى العيان بعدها فى ال Trendelenburg position لمدة من 30: 60 دقيقة وبعدها يعمل defection 💩
- الهدف من الحقنة الشرجيه والاكتيلوز انى اخلى المريض يعمل defecation من ٢ : ٤ مرات فى اليوم 💩 !
* مضادات حيويه ... واشهرهم وافضلهم دواء Gastrobiotic او الRifaximin لأنه بيشتغل موضعى فى الجهاز الهضمى (بيقتل البكتيريا الى بتكون الامونيا)

* دواء اورنيتات او هيباميرز او لولاويست (بيحولوا الأمونيا الى يوريا ومنشط للكبد)
❌ ولاكن لا يستخدم لو وظائف الكلى مش كويسة او الكرياتينين أعلى من 3
- وبيتحط منه 2 امبول على جلوكوز 5% على مدار أقل حاجه ساعتين ، وممكن نزود عدد الامبولات حسب الحالة.
* الزنك والسيليمارين مهم جدا فى علاج مشاكل الكبد و الغيبوبه الكبديه.
* ‏ولو المريض مش عارف ينام وعنده insomnia ... ممكن نديله دواء Atarax او Hydroxyzine
* ‏كمان افضل مسكن لمريض الكبد هو (Hepamol) لأنه بيحتوى على الباراسيتمول + ميثونين الى بتتحول فى الكبد لمادة الجلوتاثيون وبالتالى بتمسك فى جزيئات ال NAPQI ودى ناتجة عن الmetabolism بتاع الباراسيتمول
وفى مريض الكبد الجسم مش بيقدر يصنع مادة الجلوتاثيون كويس او بكمية كفاية ، والNAPQI لو زادت فى الدم بتأثر على المخ وتزود الضرر عليه
- ولو هتديله باراسيتمول بس فا متزودش عن جرعة 1.5 جرام فى اليوم

" اتمنى اكون فيدتكم ودعوه حلوه من قلبك 🤍 "

📝
✍️

Address

Al-Faiyum
Faiyum

Telephone

+201021568934

Website

Alerts

Be the first to know and let us send you an email when Mahmoud Attia - Health care posts news and promotions. Your email address will not be used for any other purpose, and you can unsubscribe at any time.

Shortcuts

Share

Category