دكتور جمال فهمى. استشاري الباطنه والسكر والغدد

30/03/2025

🎀 نتقدم لحضراتكم بأرق التهاني، واسمى التبريكات لقدوم عيد الفطر المبارك، اهله الله علينا وعليكم وعلى الأمه الإسلاميه بالخيرات والبركات والمسرات،
وتقبل الله منا ومنكم صالح الأعمال🎀

🩺 دكتور جمال فهمى
استشارى الباطنه والسكر والغدد
هيئة المستشفيات التعليميه

🏛 فاقوس، موقف القرين، اعلى
صيدلية مصر 01150082200

21/01/2024

‼️ مريض السكر مجرد مايسمع قرار العلاج بالانسولين بينزعج، وبيكون في حالة رفض لفكرة الانسولين ❎

هل قلق من استعمال الابر ؟
هل عنده اعتقاد ان الانسولين بيسبب مضاعفات سيئه؟
هل عنده اعتقاد ان الانسولين مؤشر لمرحله خطيره؟

✍🏻 شاركونا رأيكم، هل متفقون مع هذه الاسباب؟ ام يوجد اسباب اخرى؟

⭕ الانسولين هو أساس علاج السكر في حالات كثيره، وهنفهم اكتر في السطور التاليه
👇🏻
السكر من اهم واشيع امراض الغدد الصماء،
ولما بنقول سكر نقصد ان مستوى السكر في الدم ارتفع وتخطي المستويات الطبيعيه الآمنه.
👇🏻
عندنا غده اسمها البنكرياس، مسئول عن انتاج وافراز هرمون مهمته التعامل مع السكر وظبط مستواه باستمرار في الحدود الطبيعيه.
👇🏻
الهرمون ده بيتم افرازه الى الدم بالقدر المطلوب وفي الوقت المطلوب حسب مستوى السكر في الدم وحسب الاكل اوالصيام، عشان يظبط مستوى السكر.
👇🏻
لو الهرمون ده انتاجه قل نسبيا او كليا، مستوى السكر هيخرج عن السيطره، والشخص يصاب بمرض السكر 👇🏻
الهرمون الجميل ده هو الانسولين 🤝🏻

✍🏻 وكما هو الحال في امراض الغدد الصماء لوكانت المشكله انخفاض في كمية الهرمون اللي الغده مسئوله تفرزه، بيكون العلاج بتعويض الجسم بنفس الهرمون.
👇🏻
وبما ان مريض السكر عنده نقص في هرمون الانسولين اللي مفروض البنكرياس يصنعه ويفرزه بالتالي مفروض العلاج اساسا بتعويض المريض بالانسولين🤝🏻

✍🏻 لكن السكر انواع، اشهرهم سكر النوع الاول وسكر النوع التاني،
🔹مريض ️سكر النوع الاول عنده نقص شبه كلي للأنسولين 👈🏻 وبالتالي لااااازم يتعوض بالانسولين.

🔹️اما مريض سكر النوع التاني عنده نقص نسبي وليس كلي للانسولين 👈🏻 وبالتالي يوجد مجال للعلاج بالأدويه لتحفيز البنكرياس لإنتاج كميه اكبر من الانسولين و تحسن مقاومة الانسولين.. الخ
ولكن هذا النوع يوما ما قد يصل الى مرحلة الإستنفاذ الكامل للإنسولين وعندها سيتطلب الامر الانتقال للعلاج بالانسولين مع او بدون ادويه مساعده.

🔹️ وبصرف النظر عن نوع السكر فهناك مواقف تستلزم الاتجاه للإنسولين مثل فترة الحمل، واثناء الحجز داخل المستشفي او العنايه لظروف مرضيه طارئه او حرجه وفي حال الخضوع لعمليات جراحيه وما شابه.

✅ اذا قرار وصف الانسولين، وقتما يفرض نفسه، يفرض نفسه على الدكتور قبل المريض، وهو العلاج الأساسي في وقته. والحمدلله علي نعمة الانسولين وتوفره كعلاج منقذ لكثير من مرضى السكر.

⚘اذا كانت مشكلة البعض في الابره، اصبحت اقلام الانسولين متاحه واسهل فى الاستعمال.
⚘اذا كان اعتقاد البعض في مضاعفات من الانسولين نفسه، بالعكس المضاعفات الفعليه ستحدث حتما اذا لم نتجه للانسولين لضبط السكر عند يلزم الامر.
⚘وطالما التزمنا بالتعليمات والجرعات والمتابعه المنتظمه ستكون الامور دائما افضل مايكون.

🎀دمتم بخير🎀

📩 اعمل متابعه الصفحه لتصلك منشوراتنا.

🩺 دكتور جمال فهمى
استشارى الباطنه والسكر والغدد
هيئة المستشفيات التعليميه،

🏛 فاقوس، موقف القرين،
اعلي صيدلية مصر، 01150082200

28/08/2022

🎀 امراض الغدد
🩸 اضطرابات الغده الدرقية
◇ خمول الغده الدرقية
◇ نشاط الغده الدرقية
◇ تضخم الغده الدرقية
◇ اورام الغده الدرقيه

🩸 علاج ومتابعة مرضى السكر
ومضاعفات السكر
حسب التحديثات العالميه

🩸 اضطرابات الغدد الجاردرقيه،
واختلال الكالسيوم وفيتامين د
🩸 اضطرابات الغدة النخامية
🩸 اضطرابات الغدة الكظرية
🩸 تقييم حالات الوزن الزائد
🩸 حالات قصر القامه وتأخر النمو
🩸 تقييم حالات الشعر الزائد لدى الإناث

🎀 كشف الباطنه بالأشعه التليفزيونيه
♡ متاح بالعياده رسم القلب

💧علاج ومتابعة ضغط الدم
💧اضطرابات المعده وارتجاع المرئ
💧اضطرابات القولون
💧التهابات المراره والبنكرياس
💧تشخيص وعلاج الآم البطن
الحاده والمزمنه
💧التهابات الكبد والفيروسات
💧 حالات الصداع المزمن
💧حالات فقر الدم، الانيميا

⭕ تقييم حالات النحافه وفقدان الوزن
⭕ تقييم حالات الارهاق والتعب المزمن
⭕ تقييم التهاب وتضخم الغدد/ العقد
الليمفاويه.
""""""""""""""""""""""""""""""""""'"""""
🩺 دكتور جمال فهمى
استشارى الباطنه والسكر والغدد
هيئة المستشفيات التعليميه،

🕒 يوميا من ٣ الى ٩، عدا الجمعه

🏛 فاقوس، موقف القرين، اعلي
صيدلية مصر 01150082200

30/06/2022

🎀 امراض الغده الدرقية،،
الخمول، والنشاط، والتضخم، والنتواءات والاورام.

🎀 علاج ومتابعة مرضى السكر
حسب التحديثات العالميه المتجدده
(سكر النوع الاول والثانى)

🎀 اضطرابات الغدد الجاردرقيه،
واختلال الكالسيوم وفيتامين د.

🎀 اضطرابات الغدة النخامية
واضطرابات الغدة الكظرية (فوق الكلويه)

🎀 تقييم حالات السمنة والوزن الزائد، والنحافه وفقدان الوزن.

🎀 تقييم حالات الشعر الزائد لدى الإناث

🎀 أمراض الباطنه
الكشف بالأشعه التليفزيونيه
متاح رسم القلب

🩺 دكتور جمال فهمى
استشارى الباطنه والسكر والغدد
هيئة المستشفيات التعليميه،
مستشفى الاحرار التعليمي

🏛 فاقوس، موقف القرين، اعلي صيدلية مصر 01150082200

18/05/2022

✅ سؤال مهم جداااا
وضرورى نفهم كويس لأن السكر مرض مزمن، يعني مكمل مع المريض، ف لازم نفهم الهدف الجوهري من العلاج، واهمية الالتزام بالعلاج والمتابعه.

♻️ والاجابه 👇
انت بتعالج السكر لأنك بتحمي نفسك من مضاعفات خطيره علي المدي القريب و البعيد.

⭕ بتعالج السكر لانك لو عالجته صح، بتحمي نفسك من خطوره شديده علي الكليتين، بتوصل للفشل الكلوى.

⭕ بتعالج السكر لانك لو عالجته صح، بتحمي نفسك من تلف وتصلب الشرايين، خاصة شرايين القلب، وشرايين المخ، وشرايين الكلى، وشرايين الاطراف.

⭕ بتعالج السكر لانك لو عالجته صح، بتحمي نفسك من خطوره شديده على العين، زي مشاكل الشبكيه والمياه البيضاء وممكن توصل ل فقدان البصر.

⭕ بتعالج السكر لانك لو عالجته صح، بتحمي نفسك من خطوره ارتفاع دهون الدم وارتفاع ضغط الدم، وقصور الشرايين، والجلطات.

⭕ بتعالج السكر لانك لو عالجته صح، بتحمي نفسك من خطوره تلف الاعصاب، وتلف الشرايين فتتجنب فقدان القدره الجنسيه.

⭕ بتعالج السكر لانك لو عالجته صح،
بتحمي نفسك من خطر الاصابه بالقدم السكري واحتمالية البتر من الاطراف، ودا بسبب تلف الاعصاب والاوعيه الطرفيه.

⭕ بتعالج السكر لانك لو عالجته صح، بتحمي نفسك من ضعف المناعه و العرضه للتهابات والعدوى المتكرره في اماكن متفرقه زي الالتهابات الصدريه والتهابات الكلى والمسالك، والالتهابات الجلديه..الخ

⭕ بتعالج السكر لانك لو تركت مستوي السكر يرتفع بلا حدود، فانت عرضه لغيبوبة ارتفاع السكر وزيادة لزوجة الدم اللي هتتسبب في جلطات، دا غير اختلال حامضية و املاح الدم وهذا يترتب عليه اضطرابات في كهربية القلب وعضلة القلب، وقصه كبيره وخطيره.

♻️ السكر مش مجرد ارقام في تحاليل، السكر اخطار خلف الارقام.

♻️ السكر مرض سهل وبسيط لو تعاملنا معاه صح، وشرس وخطير لو اسأنا تقديره واهملناه.

🎀 دمتم بخير 🎀

🩺 دكتور جمال فهمى
استشارى الباطنه والسكر والغدد
هيئة المستشفيات التعليميه،

🕒 يوميا من ٣ الى ٩، عدا الجمعه

🏛 فاقوس، موقف القرين، اعلي
صيدلية مصر 01150082200

06/05/2022

🔮 ظاهرة شهر العسل 🔮
في مريض السكر النوع الاول

♨️ الاول هو ايه سكر النوع الاول؟
ببساطه ده السكر اللي لازم من البدايه يتعالج بالانسولين، لان البنكرياس شبه لا يفرز انسولين تماما،
وهو مرض مناعي، مناعة المريض نفسه بتدمر خلايا بيتا المسئوله عن انتاج الانسولين في البنكرياس.
ورحلة التدمير دي تدريجيه بتمتد سنوات الي ان يتم تدمير معظم الخلايا، فينخفض الانسولين الداخلي بشكل كبير جدا، ويبدأ السكر في الصعود.
وغالبا ده النوع اللي بنشوفه في الاطفال لكن ممكن نشوفه في البالغين.

♨️ طيب ايه حكاية شهر العسل دي!!
اللي بيحصل ان المريض بيتشخص سكر من النوع الاول، بالاعراض والتحاليل،
ويبدأ يتعالج بالانسولين، وبعد فتره اسابيع مثلا، يبدأ السكر ينخفض وربما يدخل المريض في هبوط سكر، ويبدأ الدكتور يقلل جرعات الانسولين لدرجة انه ممكن يحتاج لجرعات بسيطه جدا، او ربما يضطر لوقف الانسولين تماما، و السكر يرجع طبيعي بدون علاج.

🌀طيب هو ايه اللي حصل؟
اللي حصل حاجه من اتنين
(او الاتنين مع بعض)

الحاجه الاولى✅
كما ذكرنا ان المناعه بتدمر خلايا بيتا المسئوله عن افراز الانسولين، فلما معظم الخلايا تدمر ويقل انتاج الانسولين جدا، يبدأ السكر يرتفع و تبدأ اعراض السكر تظهر وبالتالي المريض يتم تشخيصه بالتحاليل ويبدأ العلاج بالانسولين الخارجي،
هنا البنكرياس بياخد فرصه يتعافي نسبيا ويجدد نسبه من الخلايا المتبقيه ووتبدأ الخلايا دي تنتج الانسولين بكميات معقوله تغني المريض عن الانسولين الخارجي اما جزئيا او كليا.

الحاجه الثانيه✅
في رحلة تدمير الخلايا ، المريض بيعدي علي مرحله بيكون فيها نسبه الخلايا اللي شغاله ونسبة الانسولين الداخلي كافيه لكن في الظروف العاديه فقط،
لكن لو المريض تعرض الي اي ظرف صحي طارئ بينكشف الحال والسكر يرتفع،
ظرف طارئ زي ايه؟ زي عمليه جراحيه او حاله مرضيه شديده، عدوى، او توتر نفسي شديد...الخ
هنا الانسولين المتاح بيكون غير كافي في هذه الظروف، فالسكر بيرتفع والمريض بيتشخص والدكتور يمشيه علي انسولين،
لكن بعد ما الظرف الطارئ ينتهي بيرجع الحال لقديمه ويصبح الانسولين الداخلي كافي، ويتحسن السكر ويحصل نفس السيناريو السابق.

🌀السؤال المهم
هو كدا يعتبر السكر شفي؟
للاسف لا، مجرد ماشخصنا السكر فالسكر هيكمل، وفترة شهر العسل دي فتره مؤقته، وعاجلا ام اجلا السكر هيستأنف رحلته.

🌀 طيب فترة شهر العسل دي اد ايه؟
شهر يعني من اسمه؟
لا مش شرط ممكن تتراوح من اسابيع الي شهور ، وربما سنوات..

🌀 طيب المريض يعمل ايه؟
ضرورى يتابع مع الدكتور، حسب ما الدكتور يقرر، لانها فتره مؤقته غير متوقع نهايتها، وفي اي لحظه السكر هيرتفع وغالبا بيكون ارتفع شديد.

🌀 طيب هو ممكن نطول الفتره دي؟
بعض الدراسات اثبتت ان دا ممكن بتنظيم الغذاء ، وبجرعه معززه من فيتامين د، وغذاء خالي من الجلوتين،
ويفضل ان الدكتور يمشي المريض علي جرعه بسيطه من الانسولين، بشرط المتابعه وحفظ مستويات السكر في الحدود المقبوله والمستهدفه،
وذلك يعطي فرصه للبنكرياس للتعافي وتجدد الخلايا، وبالتالي تطويل مدة فترة شهر العسل.

🎀 دمتم بخير 🎀

📩 تابعونا ليصلكم الجديد.
----------------

🩺 دكتور جمال فهمى
استشارى الباطنه والسكر والغدد
هيئة المستشفيات التعليميه،

🕒 يوميا من ٣ الى ٩، عدا الجمعه

🏛 فاقوس، موقف القرين، اعلي
صيدلية مصر 01150082200

02/05/2022

05/04/2022

🌙🌙⭐

بالنسبه للصائمين من مرضى السكر،
يجب قطع الصيام في الحالات الاتيه..

🎀 الشعور بالأعراض الاوليه لهبوط السكر، وهي..
الدوخه، رعشه في الجسم، تشوش الرؤيه، خفقان، صداع، تعرق، تشوش التركيز ..الخ،
✋ اذا تعرضت لهذه الاعراض لا بد من قطع الصيام فورا، ومراجعة الطبيب، لمراجعة العلاج وقرار الصيام.

🎀 بالطبع انت تتابع سكرك اثناء الصيام، خاصة عند اذان الظهر وبعد العصر، أي قياس سكر اثناء الصيام أقل من ٧٠ او اكثر من ٣٠٠، يستوجب قطع الصيام. ومراجعة الطبيب، لمراجعة علاجك وقرار الصيام.

🎀 التعرض لأمراض حاده مثل النزلات المعويه ونزلات البرد، يستوحب قطع الصيام وعلاج الحاله ومراجعة السكر.

🎀 اي ظروف صحيه اخرى طارئه حسب قرار الطبيب المعالج.

🎀 دمتم بخير 🎀

📩 دكتور جمال فهمى
➿ استشاري الباطنه والسكر والغدد
➿ هيئة المستشفيات التعليميه
➿ اشعه تليفزيونيه - رسم قلب
➿ فاقوس، موقف القرين،
اعلى صيدلية مصر 📲 01150082200

01/04/2022

🌙مبارك عليكم الشهر،
كل عام انتم بخير🌷

30/03/2022

🔮🌙⭐🌙🔮
توصيات هامه جدا
لمريض السكر مع الصيام

🎀 تعجيل الافطار، وتأخير السحور.
لا تؤخر الافطار وتعجل السحور فتطيل مدة الصيام وبالتالي التعرض للجفاف وهبوط السكر.

🎀 الاهتمام جيدا بالسوائل ما بين الافطار والسحور.

🎀 تجنب الشاي والقهوه والمشروبات الغازيه خاصة في السحور لأنها مدره للبول.

🎀 الاهتمام في السحور بالاكلات التي تحتفظ بنسبة سوائل عاليه مثل الاكلات الخضراء والسلطات.

🎀 الاهتمام في السحور بالأكلات التي تحتوي علي النشويات المعقده التي تستغرق وقتا اطول في الهضم والامتصاص، وبالتالي تمد الجسم باحتياجاته فتره اطول، مثل الحبوب الكامله، والبقوليات كالفول والعدس والفاصوليا، والخضروات الورقيه، والبروكلي ومنتجات الالبان، الجبن والزبادي، والفواكه مثل الموز والتفاح.

🎀 تجنب بذل مجهود عضلي، او ممارسة الرياضه اثناء الصيام.

🎀 تجنب النوم في الساعات الاخيره من الصيام، من بعد العصر، هذا توقيت وارد فيه هبوط السكر.

🎀 اعرف العلامات الاوليه لهبوط السكر:
الدوخه، رعشه في الجسم، تشوش الرؤيه، خفقان، صداع، تعرق، تشوش التركيز ..الخ،

✋ لا سمح الله اذا تعرضت لهذه الاعراض لا بد من قطع الصيام فورا، ومراجعة الطبيب، لمراجعة علاجك وقرار الصيام.

🎀 ضرورة القيام بقياسات السكر الموضحه (خاصه في الايام الاولى.. وخاصة اذا كنت من الفئه عالية الخطوره، ولم تأخذ برخصة الافطار)
* ١٢ ظهرا
* خلال ساعه الى ساعتين قبل الافطار.
* بعد الافطار بساعتين
* قبل السحور
* بعد السحور بساعتين

✋ أي قياس اثناء الصيام أقل من ٧٠ او اكثر من ٣٠٠، يستوجب قطع الصيام.
ويستوجب مراجعة الطبيب، لمراجعة علاجك وقرار الصيام.

🎀 دمتم بخير 🎀

📩 دكتور جمال فهمى
➿ استشاري الباطنه والسكر والغدد
➿ هيئة المستشفيات التعليميه
➿ اشعه تليفزيونيه - رسم قلب
➿ فاقوس، موقف القرين،
اعلى صيدلية مصر 📲 01150082200

28/03/2022

لو حضرتك مريض سكر، وينطبق عليك حاجه من دول👇،، لا تصوم✋

💧 مريض يتعرض لهبوط سكر متكرر خاصه فى أخر ٣ شهور.
💧 مريض تعرض الي غيبوبة ارتفاع سكر في آخر ٣ شهور.
💧 مريض تعرض الى حموضه بالدم وارتفاع السكر فوق ٣٠٠، او التراكمى اكثر من ١٠ في اخر ٣ شهور
💧 مرضى السكر من النوع الأول.
💧 السيده الحامل ومعها سكر حمل علي انسولين.
💧 مريض سكر على غسيل كلوى.

لو حضرتك من هؤلاء👆
فأنت ضمن فئه عالية الخطوره جدااا مع الصيام،
واحتمالية حدوث مضاعفات اثناء الصيام كبيره جدا، ولا نقول فقط خذ برخصة الافطار بل نقول من منطلق طبي وديني 👇
🚫 لا تصوم 🚫
..............
⭕ والمضاعفات المحتمله على مريض السكر أثناء الصيام وضحناها في البوست ده 👇
https://www.facebook.com/156947368392418/posts/1149265979160547/

🎀دمتم بخير🎀

📩 دكتور جمال فهمى
➿ استشاري الباطنه والسكر والغدد
➿ هيئة المستشفيات التعليميه
➿ اشعه تليفزيونيه - رسم قلب
➿ فاقوس، موقف القرين،
اعلى صيدلية مصر 📲 01150082200