معمل الحبشى للتحاليل الطبيه

06/04/2024

جرثومة المعدة بكتيريا وليست دوده او من فئه الديدان

🚫 بكتيريا صغيره الحجم لا يتم رؤيتها بالعين المجرده ولا تظهر الا بالميكروسكوب ... مثلها مثل اي نوع من البكتيريا الآخري التي تسبب التهاب في اللوز او الحلق او التهاب مجري البول

❌ ليست دوده تأكل جدار المعده حسب ما يظن البعض

⚠️ لكنها في بعض الحالات تسبب التهابات في جدار المعده وبعض آلام المعده

✅ لا تسبب مضاعفات الا في حالات نادرة جداااااااااااا

✅ 80 فالميه من الشعب المصرى مصاب بالجرثومه لكن اغلبها ( خامله) لا تسبب اي مشاكل في جدار المعده

معمل الحبشى للتحاليل الطبيه
اطمن على نفسك أولا بأول

19/06/2022

Dr. Edwar Riad Elhabashy

20/07/2019

تقريبا معظم الناس عندهم جرثومة المعده وميعرفوش
جرثومة المعده وكيفية علاجها والوقايه منها
س - إيه هى جرثومة المعدة ؟
- ج - دى عبارة عن بكتريا تدخل الجسم عن طريق الاكل والشرب وتفضل عايشة جوه القناة الهضمية بتاعتك . بيسموها الميكروب الحلزونى او جرثومة المعدة ( H.pylori ) ...
س - هل منتشرة بين الناس ولا محدودة فى ناس معينة ؟
ج - منتشرة جدا بينا كلنا .. تخيل مثلا لو عددنا ٩٠ مليون فى ٦٠ مليون معرضين للإصابة بيها ( حوالين تلتين السكان ) ..
س - طيب هل تعمل قرحة مع كل الناس ؟
ج - لا غالبا مش بتعمل مشاكل مع كل الناس لكن الناس اللى عندهم مشكلة فى المعدة زى التهاب هتعملهم قرحة ...
س - طيب بتدخل الجسم ازاى ؟
ج - بتدخل مع الأكل والشرب ..
- الأكل اللى مش نضيف او اللى مش مطبوخ كويس يعنى ني شوية ولذلك بتجي لمعظم الناس اللى بياكلوا من المطاعم خصوصا لو مطعم مش نضيف او الأكل مش مطبوخ كويس ...
- الشرب طبعا اللى مش نضيف وطبعا مصر المية بتاعتها ملانه بكتريا عشان نظام الصرف عندنا داخل مع الرى ومع الشرب ...
س - طيب دخلت خلاص ها وبعدين بتعمل ايه فى المعدة ؟
ج - ممكن تفضل سنين فى جسمك بدون مشاكل وطول الفترة دى واحدة واحدة تبدأ تهاجم بطانة المعدة والأمعاء وتعمل تآكل فيها زى جرح كده فلما المعدة بتاعتك تفرز حمض ال HCL اللى بيهضم الأكل يقوم يروح على المناطق المجروحة دى ويعمل قرحة معدة ...
س - طيب لو انا عندى قرحة نتيجة جرثومة معدة هحس بإيه ؟
ج - هتلاقى عندك ألم فى بطنك ومعدتك فاضية وانت جعان ولما تاكل الألم يخف شوية ويرجع يجى تانى بين الوجبات ..
- دايما عندك انتفاخات وغازات ..
- دايما عندك تكريع ...
- هتحس بغثيان وممكن ارتجاع ..
- وزنك هيقل فجأة بدون سبب ...
س - ايه العلامات اللى اخاف منها الخطيرة ؟
ج - لو فى دم فى الموضوع ..
- سواء دم فى البراز احمر او البراز لونه اسود ..
- او لو رجعت دم ..
- او لو الالم على طول مش بيروح او حاسس بتعب شديد وتوهان ..
س - طيب إزاى اتأكد ان عندى جرثومة المعدة ؟
ج - باالتحاليل اعمل تحليل H.pylori سواء فى الدم او البراز ..
او الطريقة التانية بالمنظار ..
س - طلعت موجوده عندى ايه العلاج ؟
س - غالبا العلاج بيكون ١٤ يوم
بتبدأ .. بالعلاج الثلاثى ..
اوميبرازول ٤٠ مجم حبة قبل الفطار وقبل العشاء
مترونيدازول ٥٠٠ مجم صباحا ومساءا بعد الاكل
كلارثرومايسين ٥٠٠ مجم صباحا ومساءا بعد الأكل
كمل ١٤ يوم بنفس الجرعات
بعد ١٤ يوم كمل على الاوميبرازول بس ..
💐🌸وفيه حبوب هيليكيور بردو لعلاج الجرثومه وممتازة
س - امتى اعمل تحليل اتأكد راحت ولا لأ ؟
ج - بعد شهر من العلاج ..
س - طيب هل فى ادوية بتأثر على نتيجة التحليل ؟
ج - ايوه المضاد الحيوى لو بتاخدوا وروحت عملت تحليل هيطلع سالب عشان كده قبل ماتروح لازم توقف المضاد الحيوى اسبوعين على الاقل قبل ماروح ...
س - إزاى احمى نفسى وولادى من جرثومة المعدة ؟
ج - النظافة ثم النظافة ثم النظافة ...
- لما تدخل الحمام اغسل ايدك كويس وانت خارج ..
- قبل ماتاكل اغسل ايدك كويس ...
- الاكل يستوى كويس بلاش أكل نى وبلاش اكل مطاعم ..
- بلاش تشربوا من مية الحنفية او اشترى فلتر فى بيتك ينقى الميه ..
- بلاش عصبية او ضغط عصبى او تدخين او خمرة ...
س - طب ايه الاكل اللى ياكله مريض جرثومة المعدة ؟
ج - الصبح حليب بالعسل او ميه بالعسل على الريق ..
- وجبتك يكون فيها خضروات وفواكة وحبوب كاملة ...
- بالليل عشاء خفيف فيه علبة زبادى ...
- بلاش تاكل كتير مرة واحدة وكل وجبات صغيرة اكتر من مرة ..
- بلاش فواكة حمضية زى الليمون واليوسفى والبرتقال ..
- بلاش مقليات بزيادة او اكل مسبك بزيادة وملان دهون ...
- بلاش بهارات او حراق بزيادة
- بلاش شاى او قهوة خصوصا علي معدة فاضية ...
- اعمل مشاركة للمنشور
# اتمنى اكون جاوبت على كل التساؤلات اللى بتدور فى ذهنكم ..
# متنسوش الرجوع لمختص قبل البدء بالعلاج
دمتم بصحة وعافية

11/03/2019

1- تحليل فيرس C اللي بيتعمل حالياً في بداية حملة 100 مليون صحة لا يثبت الإصابة بالفيرس لكنه ينفيها 🤚
و يتم تأكيد الإصابة فى الخطوة التالية من فحوصات الحملة عند تحويلك لمراكز الفحص الأعلى لو ظهرت النتيجة الأولى إيجابية .

2- مفيش تحليل بيأكد وجود أي فيرس بيتعمل في الشارع وبنقطة دم وفي خلال تلت ساعة .. ولكن اللي بيحصل حاليا هي أسرع طريقة بما ان العدد المطلوب فحصه كبير .

3- التحليل اللي إنت بتعمله أو هتعمله أو عملته ده اسمه تحليل ( أجسام مضادة لفيرس سي ) .

4- الأجسام المضادة دي عبارة عن إستجابة من جهازك المناعي بسبب وجود أجسام مجهرية غريبة عليه وبيقاومها ، سواء كان الفيروس نشط أو لا .

5- أيوة بالظبط .. يعني لو عندك الأجسام المضادة لفيرس C التحليل هيطلع إيجابي
يعني من الآخر تحليل الأجسام المضادة اللي في الحملة ينفي الإصابة ولكن لا يثبتها

6- التحليل اللي بيثبت ويأكد وجود ال فيرس من عدمه ونوعه وكميته والطبيعة الجينية ليه اسمه PCR ودة اللي كان المفروض يتعمل من الأول بس طبعا بياخد وقت وتكلفة أكبر .

7- ال PCR من ضمن إستخداماته إنه يكشف أيضا عن وجود فيرس ب (HBV ) و الأيدز (HIV ) و غيرهم من الفيروسات و يكشف أيضا عن وجود أمراض مزمنة أو أورام سرطانية .

8- لو النتيجة طلعت إيجابيه في الحملة والمريض راح عمل PCR وطلع نتيجته سلبية دة معناه ايه ؟!!!!!

- دة اسمه الحامل الصحي للفيروس ومعناه إنه كان مصاب بالفيروس زمان وجهازه المناعي ساعتها قدر يقاومه
و الأجسام المضادة فضلت موجودة في جسمه لكن الفيروس غير نشط و غير معدي.

9- طب ممكن في الحالة دي الفيروس ينشط ؟ .

- للأسف الإجابة أيوة ممكن ، بس دة بعد سنين كتيييير لو جهازك المناعي قلت قدرته على المقاومة بسبب تقدم السن أو الإصابة بالسكري أو الإصابة بالسرطان أو أمراض الدم لا قدر الله.

10- طب المطلوب منك ايه في الحالة دي ؟

- المطلوب منك تتابع مع طبيب متخصص وتبعد عن كل مسببات ضعف المناعة وتهتم بأكلك وتركز جدا على مضادات الأكسدة سواء كانت أدوية أو مصادر طبيعية ، وحذاري تاخد أي علاج بدون ارشاد طبي لانه ممكن يسبب ضرر للكبد ، واخيرا لازم فحص شامل دقيق كل 6 شهور ، ويفضل انك متتبرعش بالدم خالص.

11 - طيب الناس اللي عملت التحليلين واتأكدت ان عندها الفيروس ؟؟!!
أولا شفاكم الله وعافاكم .. ثانيا تحليل ال PCR مش بيقيم الحالة الصحية ليك إطلاقا.
يعني مثلا لو انت مكتوب في التحليل بتاعك مليون واللي جنبك 15 ألف دة مش معناه ان حالتك الصحية وحالة الكبد عندك أسوأ منه أو العكس ( طبعا دة في حالة فيروس سي ) .. العدد كان بيفيد زمان أيام العلاج بالانترفيرون.

12- تقييم الحالة الصحية بيتم عن طريق حاجتين :
١- تحليل وظائف الكبد :
( PT - PTT - Albumin - Globulin - AST -ALT - LDH - GGT - ALP - Bilirubin )
و تحليل صورة دم كاملة (CBC)
٢- أشعة تليفيزيونية على البطن

13- مسار المرض بيتحدد بعوامل تانية زي النوع الجيني للفيروس و وجود إصابات تانية زي فيروس بي أو السكري أو السمنة المفرطة .

14 - على حسب حالتك الصحية ومسار المرض بيتم توجيهك للمكان المناسب اللي هتاخد منه العلاج وتخف إن شاء الله .

15 - المريض اللي خلاص بدأ ياخد جرعات سوفالدي هيعمل إيه بعد كدا ؟
- هيفضل متابع برضو بالأشعة التليفيزيونية والمقطعية وتحاليل وظائف الكبد كل 6 شهور علي الأقل

16 - نسبة الشفاء تقترب من 100% .. والعلاج مكلف علي النفقه الخاصه و توفيره علي نفقه الدوله خطوة ممتازة

26/08/2018

معلومات رائعة لكي لا تشعر بالجوع

1_النصيحة الاولى
اشرب الماء فبعد 10 دقائق من شرب كوب من الماء احساس الجوع سينقص تدريجيا .

2_النصيحة الثانية
كل الخضروات الخضراء لانها مشبعةو ضعيفه السعرارت و ملينة للبطن .

3_النصيحة الثالثة
اجعل التفاح بالقرب و مع احساسك بالجوع خارج الوجبات كله فهو يعطيك احساس رائع بالشبع.

4_النصيحة الرابعة
حبة موز كل يوم تعطيك طاقه لا تشعر بعد اكلها بالجوع لفتره طويله تقوي الاعصاب و العضلات .

5_النصيحة الخامسه
كل ببطئ وهذه اشهر نصيحه يقدمها خبراء التغذيه لكي يتمكن الدماغ من ارسال تنبيه الشبع .

6_النصيحة السادسه
لا تهمل ابدا وجبه فطور الصباح لانها الاهم في كل وجبات اليوم

7_النصيحة السابعة
اختر الاكل الغني بالفيتامينات خصوصا فيتامين B6 و فيتامين C لانهما يزيدان في سرعة الحرق

20/08/2018

#الـنقـــــــــــــــــــــــــــــــــــــــرس
إن هناك نسبة كبيرة من الأشخاص يفضلون تناول اللحم الكندوز، دون العلم بأنها تحتوي علي نسبة عالي من الدهون، والتي تشكل خطراً كبيراً علي صحة الإنسان، وخاصة علي مريض النقرس.

اللحم الكندوز هي الذبيحة كبيرة السن، والتى تتتميز بأن لحمها ناشف بعض الشيء، كما أنها تحتوي علي نسبة عالية من الدهون المضرة علي صحة الإنسان، وينصح بإعداد اللحم المفروم بها، وليس بتناولها بالطبخ.

يجب على مريض النقرس والقلب وأصحاب الضغط المرتفع والسكر والكولسترول تجنب اللحم الكندوز، حتى لا تحدث مضاعفات صحية لهم، مثل حدوث الجلطات، وزيادة الشعور بالألم في القدمين .

وينصح لمرضى النقرس بتناول اللحم البتلو لأنها خفيفة وطرية علي الإنسان، وليس لها أى مضاعفات علي صحته.

20/08/2018

أطعمة لمريض النقرس
1:الابتعاد عن اللحوم الحمراء والبقوليات

2:الابتعاد عن المشروبات المسكرة وخصوصا العصائر والمشروبات الغازية السكرية.

3:الاكثار فى تناول الفواكه والخضروات وخصوصا الخضروات الورقية الخضراء .

4: من الممكن تناول البقوليات مثل فول الصويا والفاصوليا والعدس.

5: تناول جميع أنواع المكسرات.

6: تناول منتجات الالبان.

05/08/2018

ما هو تحليل الخصوبة AMH
😍😍😍😍😍
يعاني العديد من الأشخاص من مشكلات في الإنجاب ، وتتعرض السيدات للعديد من المشكلات الصحية التي تقف عائقآ أمام قدرتها على الحمل والإنجاب بشكل طبيعي ، وهو ما يعتبر مشكلة خطيرة يجب العمل على علاجها والتخلص منها ، وللتأكد من ما إذا كانت المرأة تعاني من مشكلة حقيقية تتعلق بالخصوبة وتستلزم علاج وتدخل طبي ، هنا يأتي دور التحاليل الطبية الخاصة بالخصوبة ، والتي بالإعتماد عليها يتحدد أسباب المرض ، ومدى خطورته ، وطرق العلاج المناسبة له ، ومن أهم تحاليل الخصوبة ، التي تعرفها النساء وتحتاجها في الكثير من المشكلات هو تحليل AMH .

ما هو تحليل AMH ؟
يعتبر تحليل AMH من أهم تحاليل الخصوبة التي يعتمد عليها الاطباء ويهتم بها الكثير من المرضى على مستوى العالم كله ، ويعتبر اسم هذا التحليل هو إختصار لكلمة ANTI MULLERIAN HORMONE ، وهو ” تحليل مخزون المبيض ” ، حيث يقوم هذا التحليل من خلال الكشف عن هذا الهرمون في الدم وعن نسبته معرفة المخزون الموجود في المبيض من البويضات ، فمن المعروف أنه مع التقدم في العمر يقل عدد البويضات التي تنتجها المبايض شهريآ ، وكلما قلل مخزون المبايض يقل هذا الهرمون في الدم ، والعكس صحيح .

متى يتم إجراء تحليل AMH : يلجأ الأطباء لعمل هذا التحليل للسيدات التي تأخر لديها الإنجاب دون سبب واضح ، كما يتم عمله للسيدات التي تنوي إجراء أطفال الأنابيب ، كما يتم عمله للسيدات اللاتي تعانين من تكيس النبايض ، وذلك لمعروفة مخزون البويضات داخل المبيض ، كما أنه يفيد في مساعدة السيدة المقبلة على الإنجاب في عمر متأخر نسبيآ ، لمعرفة ما إذا كان التبويض مازال مناسبآ أم لا .


وقت إجراء تحليل AMH : يتم إجراء هذا التحليل في أي وقت من أوقات الشهر ، فهو لا يرتبط بيوم محدد من أيام الدورة الشهرية ، ولا يتم الصيام قبل إجراءه أو إتخاذ أي إجراءات استثنائية له ، كما أنه يتم من خلال سحب عينة بسيطة من الدم ، وتظهر النتيجة في خلال يوم على أقصى تقدير .

متى يزيد أو ينخفض مستوى AMH في الدم ؟
تنخفض قيمة هذا الهرمون الهام في الدم عند السيدات مع التقدم في العمر ، فمن المعروف أن مخزون المبايض ينخفض كلما تقدمت السيدة في العمر ، وهذه الحالة هي حالة طبيعية لا تستوجب أي علاج .

وتزيد قيمة هذا الهرمون أيضآ عن الحد الطبيعي إذا كان عدد الحويصلات الصغيرة أو البويضات الصغيرة والتي تكون أقل من 8 مم كبير ، وهذه الحالة تشير إلى وجود مشكلة تستوجب العلاج ، وتشير النتيجة المرتفعة إلى أن السيدات المرتفع الهرمون لديهم يمكنهم اللجوء لإجراء أطفال الأنابيب ، فمخزون البويضات لديهم كبير .

لكن في الوقت نفسه لا يجب أن نجزم بأن زيادة مخزون البويضات تعني أن هذه البويضات جيدة ، وتصلح للحمل الطبيعي ، فقد يكون المخزون كبير ، لكن جودة البويضات ليست بالشكل المطلوب .

نتائج تحليل هرمونAMH الطبيعية :
1 – يكون المستوى الطبيعي من (1.5 – 4.0 ) نانو غرام لكل واحد مليليتر .
2 – لو كان الهرمون في الدم أقلّ من المستوى الطبيعي يكون من (1.0 –1.5 ) نانو غرام لكل واحد مليليتر .
3 – في حال المستوى المنخفض يكون من (0.5 –1.0 ) نانو غرام لكل واحد مليليتر .
4 – وفي بعض الحالات يكون مستوى الهرمون منخفضآ جدآ ، فيصل إلى (أقل من0.5 ) نانو غرام لكل واحد مليليتر .

أهمية إجراء تحليل AMH :
1 – يعتمد الأطباء على هذا التحليل في حالة إقدام السيدة المتزوجة على عمل الحقن المجهري ، أو اطفال الانابيب .
2 – كما يفيد عمل التحليل في تشخيص المشكلة وتحديد العلاج المناسب لها .

3 – للتعرف على مدى استجابة المبيض لمنشطات التبويض ، فبعض المبايض لا تستجيب بسهولة للتنشيط ، كما أنه يحدث لدى بعض السيدات ما يسمى بفرط التنشيط والذي يستوجب الكشف عنه بهذا التحليل لتغيير خطة العلاج ، بما لا يضر السيدة .

4 – يتم الإعتماد عليه لمعرفة الجرعة المناسبة من منشط التبويض التي تمنح للمرأة .

23/07/2018

جلطات الدماغ هي حالة طارئة خطيرة ولتحمي نفسك منها اتبع النصائح التالية:
- اقلع عن التدخين.
- ابتعد عن الضغوط النفسية والتوتر.
- احرص على ممارسة الرياضة بانتظام.
- قلل من تناول الأطعمة الغنية بالأملاح.
- اهتم بتناول الأطعمة الصحية كالخضروات والفواكه.
- ابتعد عن تناول الأطعمة الدسمة والوجبات السريعة.
- تجنب تناول الأطعمة الغنية بالسكريات واحرص على ضبط نسبة السكر في الدم.
- قم بقياس ضغط الدم بانتظام للتأكد من عدم ارتفاعه.

07/07/2018

مطلوب كيميائيين للعمل

01/07/2018